ბაღდადში, ამერიკის შეერთებული შტატების საელჩოს მიმართულებით 3 რაკეტა ისროლეს. ერთ-ერთი მათგანი საელჩოს კაფეტერიას მოხვდა. დაშავდა 3 პირი. მომხდარზე პასუხისმგებლობა ამ დრომდე არცერთ მხარეს არ აუღია.
ერაყის პრემიერმა საელჩო თავდასხმა დაგმო. შტატების სახელმწიფო დეპარტამენტი ოფიციალურ ბაღდადს დიპლომატიური დაწესებულებების დაცვისკენ მოუწოდებს.
პარალელურად, ერაყის დედაქალაქში ანტისამთავრობო გამოსვლები გრძელდება. პოლიციასთან შეტაკებებს ემსხვერპლა ერთი ადამიანი. ახლო აღმოსავლეთში ვითარება მას შემდეგ დაიძაბა, რაც 3 იანვარს ბაღდადის აეროპორტში ამერიკულ ავიაიერიშს ირანელი გენერალი ემსხვერპლა.
