24 თებერვალს, უკრაინაში რუსული ომის დაწყების დღეს, უკრაინა გერმანიასა და ბალტიის ქვეყნებში რუსულ ნადავლ ტანკებს გამოფენს. ინფორმაციას ქვეყნის თავდაცვის მინისტრი ოლექსი რეზნიკოვი ავრცელებს.
„დღეს ღამით 4 რუსული ტანკი ევროკავშირსა და ნატოში “შეიჭრა”. თუმცა უკრაინული არმიის წყალობით არის ნიუანსი. 24 თებერვალს 4 ქვეყნის მოქალაქეები – გერმანიის, ლიეტუვის, ლატვიისა და ესტონეთის, ერთდროულად ნახავენ, რომ რუსულ ტანკებს უკრაინის გავლით ევროპაში მოხვედრა მხოლოდ როგორც სამუზეუმო ექსპონატებს და ნადავლს შეუძლიათ” – აცხადებს მინისტრი რეზნიკოვი.