შანტაჟი და ტერორი პირადი ცხოვრების კადრებით. დაზარალებულია ქალი, რომელიც ორ მამაკაცს მის მიმართ სექსუალურ ძალადობაში ადანაშაულებს.
ირკვევა, რომ ქალზე ჯერ იძალადეს, კადრები გადაიღეს, შემდეგ კი მოძალადეებიდან ერთ-ერთმა ქალს პირადი ცხოვრების ამსახველი კადრები გაუვრცელა. მანამდე კი ახალგაზრდა ქალს ემუქრებოდნენ და ფულს სძალავდნენ.
სწორედ ამ მუქარის შემდეგ მიმართა ქალმა პოლიციას. შემთხვევა ხულოს ერთ-ერთ სოფელში მოხდა.
სპეციალურმა საგამოძიებო სამსახურმა მომხდარზე ორი პირი დააკავა. სასამართლომ მათ წინასწარი პატიმრობა უკვე შეუფარდა.
სექსუალური კავშირის იძულება, პირადი ცხოვრების ამსახველი ინფორმაციის ან პერსონალური მონაცემების ხელყოფა და გამოძალვა-ეს არის მუხლები, რომლებსაც გამოძიება დაკავებულ კაცებს ედავება.
