დღე: ოქტომბერი 25, 2019

“ბიძინა ივანიშვილი თავისი პროკურორებიანად წავა დასასვენებლად და ამას მე შევასრულებ მეგობრებთან ერთად”, – ამის შესახებ საზოგადოებრივი მოძრაობა „ლელოს” დამფუძნებელმა, მამუკა ხაზარაძემ განაცხადა. მისი თქმით, სახელმწიფო ბრალდების წარმომადგენლებმა ვერ ახსნეს, რა გზით მოხდა ფულის გათეთრება. „ვერანაირად ახსნეს, სად მოხდა ფულის გათეთრება. როცა საბანკო ოპერაციები ხორციელდება, მაშინ პასუხისმგებლობით ვამბობ, რასაც ისინი ამტკიცებენ, ეს ნიშნავს, რომ საქართველოში გადარიცხვა, კონვერტაცია, საკრედიტო ხელშეკრულებები უნდა აიკრძალოს და დაიხუროს საფინანსო ოპერაციები. რასაც ამტკიცებენ აბსურდის ტოლფასია. სამწუხაროა, რომ ასეთ სისტემაში ვართ. დაგპირდით ყველას, რომ ამ სისტემას აუცილებლად შევცვლი ერთ წელიწადში, ბიძინა ივანიშვილი თავისი პროკურორებიანად წავა დასასვენებლად და ამას მე შევასრულებ მეგობრებთან ერთად”,- განაცხადა მამუკა ხაზარაძემ. ამასთან, ხაზარაძის თქმით,…

“ჩემ ბუღალტრად ვინ დანიშნა პროკურატურა, ჩემი ფული მე ვერ დამითვლია” – ამის შესახებ უკანონო შემოსავლის ლეგალიზაციაში დახმარების ფაქტზე ბრალდებულმა, ავთანდილ წერეთელმა დღევანდელ სასამართლო სხდომაზე განაცხადა. ავთანდილ წერეთლის თქმით, ბრალდების მხარე ამბობს, რომ მან ფული გათეთრების მიზნით მისცა მამუკა ხაზარაძეს, რაც სიმართლეს არ შეესაბამება. „მე კრედიტი იმისთვის კი არ ამიღია, რომ ამათთვის ფული მიმეცა. ბადრი ჯაფარიძეს და მამუკა ხაზარაძეს ჩემი ფული მივეცი. ის კრედიტი ჩემი საჭიროების გამო ავიღე და გამოვიყენე. ბანკს უნდა დავესაჯე. დამსაჯა? ესე იგი არ ჩამიდენია დანაშაული. ჩემ ბუღალტრად ვინ დანიშნა პროკურატურა, რომ ჩემ ფულს ითვლის. ჩემი ფული მე ვერ დამითვლია, თქვენ რა…

თბილისის საქალაქო სასამართლოს მოსამართლე ნატო ხუჯაძემ მამუკა ხაზარაძისა და ბადრი ჯაფარიძის ადვოკატების შუამდგომლობა დააკმაყოფილა და „თიბისი ბანკის“ საქმეზე გენერალური პროკურატურის მიერ მოწვეული ექსპერტების დასკვნა საქმეს მტკიცებულებად არ დაურთო.  რაც შეეხება პროკურატურის შუამდგომლობას, რომელიც ხაზარაძე-ჯაფარიძის ადვოკატების თხოვნით მომზადებული დასკვნის დაუშვებლად ცნობას ეხებოდა, მოსამართლემ ის არ გაითვალისწინა.  “სასამართლომ ე.წ. უცხოელი ექსპერტების დასკვნა მტკიცებულებათა ნუსხიდან ამორიცხა, რადგან ეს ადამიანები არიან უბრალოდ კონსულტანტები და სხვა სამართლებრივი დატვირთვა მათ ანგარიშს არ გააჩნია”, – ასე შეაფასა „თიბისი ბანკის” დამფუძნებელის, მამუკა ხაზარაძის ადვოკატმა, ზვიად კორძაძემ მიღებული გადაწყვეტილება. ადვოკატის თქმით, დაცვის მხარის მიერ წარმოდგენილი მტკიცებულებები ადასტურებს, რომ ფულის გათეთრების განზრახვა არ ყოფილა. „ჩვენ…

“ესაა ჩემი პოლიტიკური დევნა, სისტემაზე მებრძოლი ხმის წინააღმდეგ” – ასე შეაფასა იუსტიციის საბჭოს არამოსამართლე წევრმა ანა დოლიძემ, საბჭოს წევრების მიმართვა საქართველოს პრეზიდენტისთვის, უფლებამოსილების შეჩერებასთან დაკავშირებით.  ანა დილიძის განცხადებით,  საქართველოს პრეზიდენტის გადაწყვეტილება იქნება “ლაკმუსის ტესტი”. “ქართული ოცნება” და მათი ინტერესების გამტარებელი იუსტიციის საბჭოს წევრები, შეწუხებულნი  არიან კრიტიკული ხმების აქტიურობით. იმდენად შეწუხდნენ, რომ მიიღეს სრულიად უკანონო გადაწყვეტილება. იუსტიციის საბჭოს ზოგიერთ წევრს, არ აქვს სურვილი ან უნარი, გაარჩიოს საზოგადოებრივი და პოლიტიკური საქმიანობა. ვფიქრობ, სალომე ზურაბიშვილის  შესაძლო გადაწყვეტილება იქნება “ლაკმუსის ტესტი”, თუ რამდენად გახდება პოლიტიკური დევნის ნაწილი, ან რამდენად იქნება სისტემის მანკიერების წინააღდეგ კრიტიკული ხმების მხარეს. მე…

„მოვუწოდებ გენერალურ პროკურატურას, დაუყოვნებლივ გაასაჯაროოს მიხეილ კალანდიას საქმის მიმდინარეობა“ – აცხადებს ხორავას ქუჩაზე მოკლული დავით სარალიძის მკვლელობის საქმისთვის ბრალდებულ მიხეილ კალანდიას ადვოკატი „მედიაცენტრ მთავართან“. ის თანახმაა, სასამართლო სხდომა დაიხუროს ნაწილობრივ.კერძოდ, მხოლოდ დარჩენილი შვიდი არასრულწლოვანი მოწმის დაკითხვის პროცესში.    ადვოკატი მიხეილ კალანდიას საქმის დახურულ რეჟიმში წარმართვას ეჭვქვეშ აყენებს და აღნიშნულში პროკურატურის ინტერესსაც არ გამორიცხავს. „ამ კატეგორიების საქმეების დახურვა სრულ წინააღმდეგობაში ამერიკული და ევროპული სასამართლო სისტემის სტანდარტებთან და შესაბამისობაშია მხოლოდ რუსულ მართლმსაჯულებასთან.   სხდომების დახურვის შესახებ გადაწყვეტილების მიღებისას სრულადაა იგნორირებული ამ საქმეზე აშშ ილინოისის შტატის მოსამართლის (NDA -ის რეკომენდაციით საქმეზე სპეციალურად მოწვეული) რეკომენდაციები…

იუსტიციის უმაღლესი საბჭოს მოსამართლე წევრი, დიმიტრი გვრიტიშვილი, საქართველოს პრეზიდენტს, სალომე ზურაბიშვილს მიმართავს, იუსტიციის უმაღლესი საბჭოს არამოსამართლე წევრს, ანა დოლიძეს საბჭოში უფლებამოსილება შეუწყვიტოს. დიმიტრი გვრიტიშვილის განცხადებით, პრეზიდენტისადმი ამ მიმართვის საფუძველი ანა დოლიძის პოლიტიკური საქმიანობაა, რაც, იუსტიციის უმაღლესი საბჭოს წევრის სტატუსთან შეუთავსებელია.​ მისი თქმით, დოლიძემ არაერთხელ გააკეთა პოლიტიკური განცხადებები და მოწოდებები, მათ შორის მოითხოვა პრემიერ-მინისტრის, გიორგი გახარიას გადადგომაც. „ამ მომართვის მიზანია უფლებამოსილება შეუწყდეს ანა დოლიძეს, რადგან იგი უკვე არსებითად ახორციელებს პოლიტიკურ საქმიანობას, რაც აბსოლუტურად შეუთავსებელია იუსტიციის საბჭოს წევრობის სტატუსთან. ასევე იგი სისტემატიურად არღვევს საჯარო მოსამსახურის ეთიკას. მისი ქმედებები არამხოლოდ სასამართლო ხელისუფლების დისკრედიტაციისკენაა მიმართული, არამედ ზიანს აყენებს მის თანამდებობაზე დამნიშვნელ მნიშვნელოვან სახელმწიფო…

მოძრაობა „ლელოს“ დამფუძნებლის, მამუკა ხაზარაძის განცხადებით, პოლიტიკური პარტია „ლელო“ 12 დეკემბერს დაფუძნდება და მისი ოფისი „თბილისი ცენტრალში“ იქნება. მამუკა ხაზარაძემ, საზოგადოებრივი მოძრაობა „ლელოს“ 12 წევრის წარდგენისას განაცხადა, რომ პარტიაში გაწევრიანების საშუალება ყველას შეეძლება და პროცესი გაუმჭვირვალე იქნება.  „პარტია „ლელო“ დაფუძნდება დეკემბრის 12-ში. ეს იქნება დამფუძნებელი ყრილობა და ვაცხადებთ, რომ მიუხედავად იმისა, რომ უკვე რამდენიმე ათასი ადამიანი შემოგვიერთდა, პარტიაში გაწევრიანება არის ღია. მე პირადად ვიქნები ის ადამიანი, რომელიც შეხვდება პარტიის მომავალ წევრებს ხელის ჩამორთმევით, თვალებში ჩახედვით, იმისათვის, რომ ჩვენ ერთად გამოვიდეთ დამარცხებული მდგომარეობიდან და გადავიყვანთ ქვეყანას გამარჯვებისკენ. პარტიის ოფისი წლის ბოლოს „თბილისი ცენტრალში“ გაიხსნება, სადაც ყველა…

ირაკლი ოქრუაშვილის პარტიის „გამარჯვებული საქართველოს“ ერთ-ერთი ლიდერი გუბაზ სანიკიძე ქვეყნის გადარჩენისთვის პოლიტიკურ გააქტიურებას გეგმავს. მისი  ერთ-ერთი უახლოესი სტრატეგია, საქართველოს ყოფილ პრეზიდენტს მიხეილ სააკაშვილთან შეკავშირება და სტრატეგიის დაგეგმარებაა. აღნიშნული მიზნისთვის, ის წლის ბოლომდე კიევში ჩასვლას გეგმავს.     „უახლოეს პერიოდში,  ახალ წლამდე, ყველა ვარიანტში, ვაპირებ, ჩავიდე კიევში, შევხვდე მიხეილს სააკაშვილს და ვისაუბროთ ჩვენი ქვეყნის სვე–ბედზე. მარტო მიშა ვერაფერს იზამს თუმცა არც მის გარეშე გამოვა რამე“ – ფიქრობს “გამარჯვებული საქართველოს” ერთ-ერთი დამფუძნებელი გუბაზ სანიკიძე.