“სირიიდან გასული აშშ-ის ჯარი ახალქალაქში, ყოფილ რუსულ სამხედრო ბაზაზე განთავსდეს” – კოფის ინიციატივა

  •  

„ჰერითიჯის ფონდის“ მკვლევარი, ლუკ კოფი წინადადებით გამოდის, რომ სირიიდან გასული ამერიკული კონტინგენტი საქართველოში, ახალქალაქში ყოფილ რუსულ სამხედრო ბაზაზე განთავსდეს.

როგორც კოფი “ტვიტერზე” წერს, საქართველო ახლა უფრო საიმედოა ვიდრე ერაყი.

„წინადადება: აშშ-ის ჯარისკაცები, რომლებიც სირიას ტოვებენ, შეიძლება, საქართველოში გაიგზავნოს. ის გახდება „ჰორიზონტს გადაღმა“ ძალა, რომელსაც შეეძლება „ისლამურ სახელმწიფოს“ სწრაფად უპასუხოს, ძალის ხელახლა მოკრების შემთხვევაში. აშშ-ს შეუძლია, გამოიყენოს ძველი რუსული ბაზა ახალქალაქში, რომელიც მხოლოდ 740 კმ-ით არის დაშორებული რაყას. ახლა საქართველო უფრო საიმედოა, ვიდრე ერაყი“, – წერს კოფი.

როიტერის ცნობით, აშშ სირიიდან გაყვანილ ჯარისკაცებს, სავარაუდოდ, დასავლეთ ერაყში გაგზავნის.

მსგავსი თემები