საქართველოს მართლმადიდებელი ეკლესია ღვთისმშობლის მიძინებას, მარიამობის დღესასწაულს აღნიშნავს. ქვეყანაშ მოქმედ ეკლესია-მონასტერში საზეიმო ღვთისმსახურება 10:00 საათზე დაიწყო.
სიონის საკათედრო ტაძარში ბრძანდება საქართველოს პატრიარქი, რომელიც საღმრთო ლიტურგიას მღვდელმთავრებთან და სამღვდელოებასთან ერთად აღავლენს.
ქრისტიანულ სამყაროში ყოვლადწმინდა სამების შემდეგ, ღვთისმშობელი მარიამი იდიდება. უდიდეს თორმეტ დღესასწაულთაგან სამი – ღვთისმშობლის შობა, მიძინება და ყოვლადწმინდა მარიამის ტაძრად მიყვანება უშუალოდ ღვთისმშობლისადმია მიძღვნილი.
“მედიაცენტრი მთავარი” გილოცავთ მარიმობის დღესასწაულს.