“დროას” ლიდერი, ელენე ხოშტარია სამი მაღალჩინოსანის – სუს-ის უფროსის, გრიგოლ ლილუაშვილის, შსს-ის მინისტრის, ვახტანგ გომელაურის და ოპერატიულ ტექნიკური დეპარტამენტის თანამშრომელი, კობა კობაიძის დასანქცირებას ითხოვს.
“ჩვენ მივაწვდით ჩვენ პარტნიორებს ინფორმაციას გრიგოლ ლილუაშვილის, სუს-ის ხელმძღვანელის შესახებ, რომელიც არის ბიძინა ივანიშვილის პირადი გარემოცვიდან, “ქართუ-ს” სისტემიდან, როგორც ბევრი ამ მთავრობაში მყოფი ადამიანი, ის იყო ძალიან მნიშვნელოვანი პირადი ფიგურა ბიძინა ივანიშვილის ბიზნეს საქმეებში. ის უსაფრთხოების სამსახური, რომელსაც ის ხელმძღვანელობს, დღეს არის არა ქვეყნის, არამედ ბიძინა ივანიშვილის ოლიგარქიული მმართველობის უსაფრთხოების სამსახური”, – განაცხადა ხოშტარიამ.
ხოშტარიას თქმით, სუს-ი სანქცირებული ტვრითით შემოსული გემის საქმეში ფიგურირებდა.
“სუს-დან ჩვენ გამოვყავით კობა კობიძე, ეს არის უშუალოდ ადამიანი, ე.წ ოტოს ხელმძღვანელი, რომელიც უშუალოდ ჩართულია მიყურადებაში, შანტაჟში და ა.შ. […] და ვახტანგ გომელაური, ასევე, პირადი გარემოცვა ბიძინა ივანიშვილის, რომელიც დაინიშნა ქვეყნის შინაგან საქმეთა სამინისტროს ხელმძღვანელად და ნაცვლად იმისა, რომ ემსახურებოდეს ქვეყანას, ემსახურება კონკრეტულად ბიძინა ივანიშვილის ინტერესებს”, – აღნიშნა ხოშტარიამ.
