დღე: სექტემბერი 3, 2021

თბილისის ინფექციური საავადმყოფოს კლინიკური დირექტორი მარინა ეზუგბაია აცხადებს, რომ პაციენტის ჰოსპიტალიზება უნდა განხორციელდეს მისი მდგომარეობის სწორი შეფასების საფუძველზე. ეზუგბაიას თქმით, დაავადების პროგრესირებასთან არის დაკავშირებული პაციენტის სიმძიმის განსაზღვრა, რაც ყოველთვის ვერ ხერხდება, ზოგჯერ კი არაგამიზნულად ხდება. მისივე თქმით, დაგვიანებული ჰოსპიტალიზაციის ერთეული შემთხვევები ყოველთვის იქნება, მაგრამ ეს სრულ სურათს არ ასახავს. „დაავადებულების 80 % მსუბუქი და საშუალო სიმძიმის პაციენტები არიან, მაგრამ აი ამ 80 %-ში არის ასეთი კანონზომიერება, რომ აქედან უხეშად რომ ვთქვათ, 20-25 პროცენტში შეიძლება იყოს დაავადების პროგრესირება, რაც სწორად უნდა შეფასდეს. ვიდრე პაციენტი დამძიმდება, პროგრესირების პროცესში სასურველია, მისი კლინიკაში მოთავსება. უმეტეს ნაწილში არ არის…

საქართველოს ჯანდაცვის მინისტრის, ეკატერინე ტიკარაძის განცხადებით, ვირუსის გავრცელების კუთხით ქვეყანაში მცირედი სტაბილიზაცია შეინიშნება. მისივე თქმით, მიუხედავად ამისა, იმატებს გარდაცვალების მაჩვენებელი, რადგან გარდაცვალების პიკი 2-3 კვირით ჩამორჩება ახალი შემთხვევების პიკს. „გვიხარია ყველას, რომ სტაბილიზაცია ნამდვილად შეიმჩნევა. დღეის მდგომარეობით გვყავს 3 034 ინფიცირებული, აქტიური შემთხვევა ჯერ კიდევ მაღალია, მაგრამ დამეთანხმებით, რომ 22 000-ს აქტიურ შემთხვევასთან შედარებით, 45 782 შემთხვევა უკვე არის მნიშვნელოვანი კლება, რაც ბოლო სამი კვირის განმავლობაში აქტიურად შეიმჩნევა. ასევე გამოჯანმრთელებულების რიცხვი, რომელიც პროპორციულად იმატებს, ძალიან გვახარებს. ლეტალობის მაჩვენებლები კი ჯერჯერობით იმატებს და ვიცით, რომ ამ ინფექციისთვის ეს დამახასიათებელია. ლეტალობის მაჩვენებლის…

ჯანდაცვის მინისტრი კოვიდპაციენტების მკურნალობის პროტოკოლის ცვლილებას არ გამორიცხავს. ეკატერინე ტიკარაძის განცხადებით, საჭიროების შემთხვევაში კრიტიკული პაციენტების მართვისა და მკურნალობის გადახედვა მოხდება საქართველოს ჯანდაცვის მინისტრმა კლინიკური ჯგუფის წარმომადგენლებთან საუბრისას ასევე აღნიშნა, რომ ქვეყანაში სტაბილიზაცია ნამდვილად შეიმჩნევა. “დღეს გვაქვს ინფიცირების 3034 შემთხვევა, რაც კვლავ მაღალია, მაგრამ ბოლო 3 კვირის განმავლობაში არის მნიშვნელოვანი კლება. პროპორციულად მატულობს გამოჯანმრთელებულების რიცხვი, თუმცა ლეტალობის მაჩვენებლის მატება 2-3 კვირის დინამიკაში მიჰყვება აქტიურ შემთხვევებს და ამ დაგვიანებით გვექნება ლეტალობის მაჩვენებლის ყველაზე მაღალი რიცხვი. დღეს გვყავს 86 დაღუპული, მინდა მწუხარება გამოვხატო და მივუსამძიმრო მათ ოჯახებს, ეს თითოეული ჩვენი მოქალაქისთვის და ექიმებისთვის, ვინც ამ ადამიანების სიცოცხლისთვის იბრძოდნენ, ძალიან ტრაგიკული…

ჩვენი სახელმწიფო პროტოკოლი მსოფლიო ჯანდაცვის ორგანიზაციაზე დაფუძნებულ პროტოკოლს წარმოადგენს. როგორც კი იცვლება მათი პროტოკოლი, ცვლილება ხდება ჩვენს პროტოკოლშიც, – ამის შესახებ პირველი საუნივერსიტეტო კლინიკის ხელმძღვანელმა ლევან რატიანმა ჟურნალისტებს განუცხადა. ამასთან, ლევან რატიანმა აღნიშნა, რომ ბევრი დაუმსახურებელი კრიტიკა მიუღია. „ძალიან ბევრი დაუმსახურებელი კრიტიკა მიმიღია, ჩემდა სამწუხაროდ და მათ საბედნიეროდ, მაგრამ ამას მნიშვნელობა არ აქვს. იცით, რომ ეს დაავადება სულ ორი წელია, რაც არის. აღნიშნულიდან გამომდინარე, ამ დაავადების მიმდინარეობის შესახებ არც მე ვიცი და არც წამყვანმა მეცნიერებმა, ვინც დღე და ღამე სწავლობენ მას. ასევე ადამიანებს მინდა ვუთხრა, რომ სიბოროტეს სიკეთე სჯობია. თუ…

ჯანდაცვის მინისტრის ეკატერინე ტიკარაძის განცხადებით, კლინიკები პრეპარატ „ტოცილიზუმაბის“ მარაგების შესახებ ინფორმირებულები არიან და მათ პრეპარატის შესაძენად არა პაციენტის ახლობლებს უნდა მიმართონ, არამედ შიდა მედიაციით მოიძიონ პრეპარატის თავისუფალი დოზები. მინისტრი კლინიკების ხელმძღვანელებს სთხოვს ექიმებს მიაწოდონ სათანადოდ ინფორმაცია, რათა მათ პაციენტების ახლობლები „ტოცილიზუმაბის“ 4-ჯერ ძვირად შესაძენად ე.წ. „შავ ბაზარზე“ არ გაუშვან. „თქვენ იცით, რომ სახელმწიფო პრეპარატ „ტოცილიზუმაბის“გამოყენების ხარჯებს ანაზღაურებს და ასევე, ისიც, რომ პრეპარატის შემსყიდვებელი ხართ თქვენ, კლინიკების ხელმძღვანელები. ძალიან ვწუხვარ, როცა სოციალურ ქსელში და სხვადასხვა საინფორმაციო საშუალებით ჩვენ გვესმის, თუ როგორ მიმართავენ ამა თუ ინ კლინიკის ექიმები პაციენტებს „შავ ბაზარზე“ ამ მედიკამენტის 4-ჯერ უფრო…

ჯანდაცვის მინისტრის მოადგილე აცრის, როგორც კოვიდთან ბრძოლის მთავარ იარაღზე კიდევ ერთხელ ამახვილებს ყურადღებას და აღნიშნავს, რომ გარდაცვლილ პირთა და ჰოსპიტალში მოხვედრილი პაციენტების უდიდესი ნაწილი არავაქცირებული იყო. “ჰოსპიტალში მოხვედრილი პაციენტების უდიდესი ნაწილი და გარდაცვლილი პაციენტების უმეტესობა არავაქცირებული იყო. გარდაცვალების შემთხვევები დომინანტური ისევ მაღალ ასაკობრივ ჯგუფში რჩება, 70 წლის ზემოთ ასაკში. სხვა ასაკობრივ ჯგუფებში კი, გარდაცვალების შემთხვევები ერთეულია,”- განაცხადა თამარ გაბუნიამ.

კორონავირუსის ახალი შემთხვევებიდან თბილისში გამოვლინდა 1 202, იმერეთში – 375, კახეთში – 289, – ამის შესახებ მთავრობის პრესსამსახურის მიერ გავრცელებულ ინფორმაციაშია ნათქვამი. „Stopcov.ge-ზე გამოქვეყნებული ინფორმაციის თანახმად, ინტენსიური ტესტირების ფარგლებში, ბოლო 24 საათში ქვეყნის მასშტაბით ჩატარდა 36 400 კვლევა ტესტით, მათ შორის 21 132 კვლევა ანტიგენის ტესტით და 15 268 PCR ტესტით. ჩატარებული ტესტირების შედეგად, ბოლო 24 საათში გამოვლინდა ვირუსით ინფიცირების 3 034 ახალი დადასტურებული შემთხვევა. ქვეყანაში კოვიდ-19-ის პანდემიის გავრცელებიდან დღემდე გამოვლენილი დადასტურებული შემთხვევების საერთო რაოდენობა 559 943-ს შეადგენს. რაც შეეხება დადებითობის მაჩვენებელს, 2 სექტემბრის მდგომარეობით, დადებითობის დღიური მაჩვენებელი არის 8.34%, ბოლო…

საქართველოს პრემიერ-მინისტრმა ირაკლი ღარიბაშვილმა და იუსტიციის მინისტრმა რატი ბრეგაძემ ქუთაისის იუსტიციის სახლში კოვიდბარათები აიღეს. მთავრობის მეთაური კოვიდბარათების გაცემის პროცესით დაინტერესდა. აღნიშნული სერვისის დანერგვის დღიდან ამ დრომდე, მხოლოდ იუსტიციის სახლებისა და საზოგადოებრივი ცენტრების მიერ 25 000 კოვიდბარათია გაცემული. იუსტიციის სახლებსა და საზოგადოებრივ ცენტრებში კოვიდბარათების გაცემა 17 აგვისტოდან დაიწყო. ბარათის აღება მოქალაქეებისთვის უფასოა. დოკუმენტის მიღება საქართველოს მასშტაბით ყველა ფილიალშია შესაძლებელი. ბარათზე პირისთვის ჩატარებული სრული ან ნაწილობრივი ვაქცინაციისა და ბოლო PCR-კვლევის შესახებ ინფორმაცია, ასევე, აცრის უნიკალური QR კოდი და პირადი მონაცემებია დატანილი და იუსტიციის სახლის შტამპითაა დამოწმებული. კოვიდბარათი პირადობის დამადასტურებელი მოწმობის საფუძველზე, განცხადების წარდგენისთანავე გაიცემა, მომსახურების მიღება კი, ვიზიტის წინასწარი დაჯავშნის გარეშეა შესაძლებელი. ქუთაისის იუსტიციის სახლში…

3 სექტემბრის მონაცემებით, საქართველოში ჯამში 1 259 391 აცრა ჩატარდა, – ამის შესახებ ინფორმაციას დაავადებათა კონტროლის ეროვნული ცენტრი ავრცელებს. ამასთან, ოფიციალური მონაცემებით, 2 სექტემბერს აიცრა 23 518 პირი. ამასთან, ერთი დოზით აცრილია 822 297 ადამიანი,  რაც მოზრდილი მოსახლეობის 28.8 პროცენტია, ხოლო სრულად ვაქცინირებულია 437 094, რაც მოზრდილი მოსახლეობის 15.3 პროცენტია. რაც შეეხება ვირუსით ინფიცირების ახალ შემთხვევებს, საქართველოში კორონავირუსის 3 034 ახალი შემთხვევა გამოვლინდა, გამოჯანმრთელდა 3 952 პაციენტი. გარდაიცვალა 86 ინფიცირებული.

კორონავირუსის გამოვლენის დადებითობის მაჩვენებელი ბოლო შვიდი დღის განმავლობაში 8,98 პროცენტს შეადგენს. ამის შესახებ მონაცემები მთავრობის სპეციალურ ვებგვერდ stopcov.ge-ზე გამოქვეყნდა. დადებითობის დღევანდელი მაჩვენებელი არის 8,34 პროცენტი, ხოლო ბოლო 14 დღის – 9,72 პროცენტი. დღეს „კოვიდ-19“ 3 034 პირს დაუდასტურდა, 3 952 პაციენტი გამოჯანმრთელდა. გუშინ, ორ სექტემბერს საქართველოში კორონავირუსის 3 212 შემთხვევა გამოვლინდა, 5 017 პაციენტი გამოჯანმრთელდა, 81 კი გარდაიცვალა.

საქართველოში კორონავირუსის 3034 ახალი შემთხვევა გამოვლინდა. ამის შესახებ ინფორმაცია დაავადებათა კონტროლის ეროვნული ცენტრის გვერდზე განთავსდა. ქვეყანაში ბოლო 24 საათში 3 952 ადამიანი გამოჯანმრთელდა. ბოლო დღე-ღამეშიორონავირუსით გარდაიცვალა 86 პაციენტი. ბოლო 24 საათში ქვეყანაში ჩატარდა 36 400 ტესტი. გუშინ, 2 სექტემბერს საქართველოში კორონავირუსის 3 212 შემთხვევა გამოვლინდა, 5 017პაციენტი გამოჯანმრთელდა, 81 კი გარდაიცვალა.

საქართველოში ბოლო 24 საათში კორონავირუსით 86 პაციენტი გარდაიცვალა. ამის შესახებ ინფორმაციას დაავადებათა კონტროლის ეროვნული ცენტრის ავრცელებს. ბოლო 24 საათში „კოვიდ-19“ 3 034 პირს დაუდასტურდა, 3 952 პაციენტი გამოჯანმრთელდა.

ალერგოლოგ-იმუნოლოგი ბიძინა კულუმბეგოვი სინოფარმი/სინოვაკით აცრილებისთვის მნიშვნელოვან სიახლეს ჟურნალ „ლანცეტზე“ დაყრდნობით ავრცელებს. „ჟურნალ ლანცეტის პრეპრინტში გამოჩნდა ჩინური მონაცემები სინოფარმი/სინოვაკის კლინიკური ეფექტურობის შესახებ ჩინეთში მიმდინარე დელტა ვარიანტით (B.1.617.2) გამოწვეული აფეთქების (მაისი-ივნისი, გუანდონგი) დროს. 10 ათას ადამიანზე არსებული დაკვირვებაა, სინოვაკი/სინოფარმის გამოყენების პროპორცია იყო 60/30-ზე. აქედან მხოლოდ 19 ადამიანს (ყველა აუცრელს) განუვითარდა მძიმე/კრიტიკული დაავადება. 100% ეფექტურობა მძიმე/კრიტიკულ დაავადების განვითარებაზე! 70% ეფექტურობა საშუალო სიმძიმის დაავადების განვითარებაზე! 59% სიმპტომური დაავადებისგან დაცვა!“, – წერს ექიმი სოციალურ ქსელში.