დღე: სექტემბერი 29, 2021

„ქართული ოცნება – დემოკრატიული საქართველოს“ სოციოლოგიური ჯგუფის მიერ თბილისში ჩატარებული მორიგი კვლევის შედეგებით, კითხვაზე, „ხვალ რომ თბილისის საკრებულოს არჩევნები ტარდებოდეს, რომელ პოლიტიკურ პარტიას მისცემდით ხმას“, კვლევის შედეგებით „ქართული ოცნებას“ ამომრჩეველთა 51,4% აძლევს ხმას, „ნაციონალური მოძრაობას“ -25,9%, პარტია „საქართველოსთვის“ -5,6%. რაც შეეხება სხვა პარტიებს, მონაცემები შემდეგნაირად გადანაწილდა: „ლელო“ 3,4%, „გირჩი – მეტი თავისუფლება“ 3,3%, „პატრიოტთა ალიანსი“ 2,6%, „მოქალაქეები“ 2,1%, „მესამე ძალა“ 1,7%, „ლეიბორისტული პარტია“ 1,1%, „ევროპული საქართველო“ 0,8%, „გირჩი“ 0,3%, სხვა პარტიები 1,8%. კითხვაზე, „ხვალ რომ თბილისის მერის არჩევნები ტარდებოდეს, რომელ კანდიდატს მისცემდით ხმას“, ხმათა უმრავლესობა 56,9%-ით „ქართული ოცნების“ კანდიდატ კახა კალაძეს აქვს, „ნაციონალური…

პრეზიდენტი სააკაშვილი საქართველოში ჩამოვა იმისთვის, რომ გახდეს პოლიტიკური პროცესის ნაწილი და ამას ვერ გადაწყვეტს ვერც ერთი ოლიგარქი, – ამის შესახებ „ნაციონალური მოძრაობის“ წევრმა, თინა ბოკუჩავამ განაცხადა. მისივე თქმით, სალომე ზურაბიშვილი ცდილობს, გაემიჯნოს წაგების პირას მყოფ „ქართულ ოცნებას“, რადგან „სურს, საერთაშორისო პარტნიორების თვალში ადეკვატური გამოჩნდეს“. „პრეზიდენტი სააკაშვილი საქართველოში ჩამოვა იმისთვის, რომ გახდეს პოლიტიკური პროცესის ნაწილი და ამას ვერ გადაწყვეტს ვერც ერთი ოლიგარქი, მით უმეტეს ივანიშვილი, რომელიც დამარცხდება ორ დღეში, რეფერენდუმის მნიშვნელობის არჩევნებზე. ქალბატონი ზურაბიშვილი ფაქტია, რომ ცდილობს, გაემიჯნოს წაგების პირას მყოფ „ქართულ ოცნებას“. მას სურს, გამოჩნდეს მათ შორის ასე თუ ისე ადეკვატური…

სააკაშვილის საქართველოში ჩამოსვლა, ეს ფეიკ რაღაცა არის „ოცნების“ მიერ მოგონილი ზღაპარი, – განაცხადა თემის კომენტირებისას პარტია „საქართველოსთვის“ ლიდერმა, გიორგი გახარიამ. „ოცნება“ ამას აგორებს იმისთვის, რომ თავისი მომხრეების მობილიზება მოახდინოს. ამის იქით აქ არაფერი არ არის. თუ სააკაშვილი საერთოდ გაბედავს საქართველოში ჩამოსვლას, ეს იქნება შეთანხმებული „ოცნებასთან“. ნებისმიერ შემთხვევაში, ისევე როგორც მელია, ეს ხალხი უნდა იყოს ციხეში. არანაირი მნიშვნელობა არა აქვს, ესენი დღეს რას ამბობენ. უბრალოდ, „ოცნებას“ დღეს დასჭირდა მაშველი რგოლი, რომ ადამიანები შეაშინოს. ახლა აშინებენ ამით. რა მნიშვნელობა აქვს ამას ჩემთვის. არანაირი მნიშვნელობა არ აქვს, რადგანაც ეს ორი ძალა ერთმანეთს ასაზრდოებს.…

“გირჩი – მეტი თავისუფლების” ლიდერის, ზურაბ ჯაფარიძის განცხადებით, ის “ქართულ ოცნებასთან” და ყოფილ პრემიერმინისტრთან, გიორგი გახარიასთან თანამშრომლობას გამორიცხავს. “მე ვუშვებ თანამშრომლობას ნებისმიერ პოლიტიკოსთან, ნებისმიერ პოლიტიკურ ძალასთან, რომელიც არ მატყუებს და არ იტყუება, ზოგადად. ამის გამო ვარ ამ ადამიანებთან ერთად, ამის გამო მაქვს ურთიერთობა არამხოლოდ ნიკასთან და ელენესთან ერთად, არამედ სხვა პოლიტიკურ პარტიებთანაც, ეს იქნება “ევროპული საქართველო” თუ “ლელო”. ჩემთვის კრიტერიუმი ეს არის, თანამშრომლობის შინაარსი არის ის, რაღაცაზე რომ ვთანხმდებით, ეს უნდა შესრულდეს, ერთმანეთს არ უნდა ვატყუებდეთ, ამის გარეშე თანამშრომლობა არ მესმის. “ქართულ ოცნებასთან” თანამშრომლობა არის გამორიცხული, ისე, როგორც, ჩემი აზრით, გახარიასთანაც,” – განაცხადა ზურაბ ჯაფარიძემ.

პარლამენტის საგარეო ურთიერთობათა და ევროპასთან ინტეგრაციის კომიტეტების გაერთიანებულ სხდომაზე, „ნაციონალური მოძრაობის“ წევრ თინა ბოკუჩავასა და უმრავლესობის წარმომადგენლებს შორის დღის წესრიგთან დაკავშირებით კამათის შედეგ, „გირჩის“ წევრმა იაგო ხვიჩიამ განაცხადა, რომ თანდათან უფრო უმყარდება ეჭვი, რომ „ქართული ოცნება“ და „ნაციონალური მოძრაობა“ შეთანხმებით მოქმედებენ. ხვიჩიას თქმით, საკუთარი აზრის დაფიქისრებას დიდი ხნის განმავლობაში ითხოვდა. „უფრო და უფრო მიმყარდება ეჭვი, რომ თქვენ შეთანხმებით მოქმედებთ, რადგან ერთი საათია, აქ ვზივარ და ამდენი ხანია, ვითხოვ, ვერ ვთქვი ვერაფერი. შეთანხმება მეტი რა რის, მთელი მედია ყურადღება თქვენკენ არის. ჩემი ზრით, ეს რაღაცნაირად უნდა მორჩეს“, – აღნიშნა იაგო ხვიჩიამ.…

რატომ ავალებს „ქართული ოცნება“ რამდენიმე პროკურორს, რომ ნიადაგი მოამზადონ ახალი ბრალისთვის მიხეილ სააკაშვილის წინააღმდეგ, ეს თავად „ოცნებას“ უნდა ჰკითხოთ, მაგრამ პასუხის გასაცემად მათ დროც აღარ ექნებათ, სულ რამდენიმე დღე დარჩათ, – ამის შესახებ „ნაციონალური მოძრაობის“ თავმჯდომარემ, თბილისის მერობის კანდიდატმა, ნიკა მელიამ გაერთიანებული ოპოზიციის შემაჯამებელ პრესკონფერენციაზე განაცხადა. მისი თქმით, ეს მიუთითებს „ქართული ოცნების“ პანიკურ გამოხტომაზე. „სალომე ზურაბიშვილთან მიმართებაში, როგორც ჩანს, ნდობა აღარ აქვთ და თეორიულად უშვებენ იმ შესაძლებლობას, რომ ზურაბიშვილმა, შესაძლოა, სააკაშვილი ერთი ხელმოწერით შეიწყალოს და ამით ყველა ბრალი, რომელიც არის ძალაში შესული, გაქარწყლდეს. დაზღვევის მიზნით, აქვთ მოფიქრებული ის, რაზეც ამ წუთას ვსაუბრობთ. „ქართული ოცნების“ წარმომადგენლები ღელავენ…

საკითხი არის ძალიან მარტივად, სააკაშვილი მოდის და მიდის ციხეში – მისი პოლიტიკური პატიმრობა მოკლე ხნიანი­ იქნება,- ამის შესახებ ჟურნალისტებთან “ნაციონალური მოძრაობის” დეპუტატმა რომან გოცირიძემ განაცხადა. მისი თქმით, მას არც ამომრჩეველი და არც საერთაშორისო პარტნიორები საქართველოში არსებული პოლიტიკურად მოტივირებული მართლმსაჯულების გამო ციხეში დიდი ხნით არ დატოვებენ. გოცირიძე ასევე ეხმიანება გავრცელებულ ინფორმაციას, რომ შესაძლოა, თვითმფრინავი სხვაგან დასვან და აღნიშნავს, რომ ხელისუფლებისგან ყველაფერია მოსალოდნელი. “მკითხაობის დონეზე არსებული უამრავი შეფასება მოვისმინეთ, რომ თურმე არ ჩამოვა თვითმფრინავით და სადღაც საზღვრიდან შემოვა, გაჟღერდა ისიც, რომ ხელისუფლება თურმე აპირებს თვითმფრინავი სხვაგან დასვას, ამათ ჭკუა მართლა არ მოეკითხებათ, მაგრამ ეს არის…

ვფიქრობ, ამ ქვეყანაში ყველა საღად მოაზროვნე ადამიანი არის ცვლილებების მოლოდინში, მათ შორის საზოგადოებრივი მაუწყებლის თანამშრომლების აბსოლუტური უმრავლესობა, დარწმუნებული ვარ, 2 ოქტომბერს მივლენ და ხმას მისცემენ ოპოზიციას, ოპოზიციურ სხვადასხვა პარტიებს, რადგანაც დაუოკებელი სურვილი არის ამ ქვეყანაში, – ასე უპასუხა არჩევნებთან დაკავშირებით საქართველოს პირველი არხის ჟურნალისტის შეკითხვას „ნაციონალური მოძრაობის“ ლიდერმა, ნიკა მელიამ ელენე ხოშტარიასთან და ზურაბ ჯაფარიძესთან ერთად გამართულ პრესკონფერენციაზე. „შარშანდელ არჩევნებს შეეხეთ თქვენ, დიახაც, შარშანდელი არჩევნებისთვის განსხვავებით, ოპოზიციამ ძალიან ბევრი რამ გაითვალისწინა და ერთი მხრივ, სამწუხაროა, მეორე მხრივ, სასიხარულოა, რომ წელს ჩვენ მოვახერხეთ თანამშრომლობა უკლებლივ ყველა ძირითადმა პარტიამ სხვადასხვა ფორმატში, სხვადასხვა…

არ მგონია, რომელიმე ჩვენს საერთაშორისო პარტნიორს მკვლელობისა და ცემის საქმეში მსჯავრდებული ადამიანის საპატიმროდან დახსნაში ჩარევის სურვილი ჰქონდეს, – ამის შესახებ „ქართული ოცნების“ ერთ-ერთმა ლიდერმა შალვა პაპუაშვილმა მიხეილ სააკაშვილთან დაკავშირებით განაცხადა. კითხვაზე, რამდენად მოსალოდნელია პრეზიდენტ სალომე ზურაბიშვილის მიერ სააკაშვილის შეწყალება, პაპუაშვილმა აღნიშნა, რომ ამის არანაირი მოლოდინი არ არსებობს. „საქართველოს სამი ინსტანციის სასამართლომ მიხეილ სააკაშვილის წინააღმდეგ ორ საქმეზე განაჩენი გამოიტანა. სანდრო გირგვლიანის მკვლელობის საქმეზე მას სამი წელი აქვს მისჯილი. ვალერი გელაშვილის ცემის საქმეზე მისჯილი აქვს ექვსი წელი. გარდა ამისა, სასამართლო განხილვის პროცესშია 8 მილიონის გაფლანგვისა და „იმედის” საქმე. იმედი მაქვს, რომ ამ ქვეყანაში არ არსებობს ადამიანების ჯგუფი, ვისაც ექნება კითხვის…

თბილისის მერი, კახა კალაძე ამბობს, რომ მიხეილ სააკაშვილის საქართველოში ჩამოსვლას სახელმწიფოს მხრიდან შესაბამისი რეაგირება მოჰყვება.  “მიხეილ სააკაშვილის ჩამოსვლა პროვოკაციასთან არანაირ კავშირში არ არის. ჩამოვა და მას მოჰყვება შესაბამისი რეაგირება შესაბამისი სამსახურების მხრიდან. ის იქნება დაკავებული და იქნება პასუხისგებაში მიცემული, ძალიან მარტივად,“ – ამბობს კახა კალაძე.

თქვენზე დიდი რადიკალები, თქვენზე უბინძურესი ადამიანები ამ ქვეყანაში არ არსებობენ. თქვენ ხართ თავი და თავი სიძულვილის, ბოროტების, თუ რაიმე ცუდი შეიძლება, გაიფიქროს ადამიანმა, თქვენ ხართ ამის სახე, – ასე მიმართა თბილისის მერმა კახა კალაძემ „მთავარი არხის“ ჟურნალისტს, რომელმაც „მედიის დისკრედიტაციასა და ზოგადად შავ კამპანიასთან დაკავშირებით“ დაუსვა კითხვა. კალაძის თქმით, შეურაცხმყოფელია „მთავარი არხის“ ეთერში ის გადაცემები, რომლებიც მას და მის ოჯახს ეძღვნება. „თქვენზე დიდი რადიკალები, თქვენზე უბინძურესი ადამიანები ამ ქვეყანაში არ არსებობენ. თქვენ ხართ თავი და თავი სიძულვილის, ბოროტების, თუ რაიმე ცუდი შეიძლება, გაიფიქროს ადამიანმა, თქვენ ხართ ამის სახე. რა გინდათ…

“ქართული ოცნების” ერთ-ერთი ლიდერი, შალვა პაპუაშვილი – GORBI-ის მიერ საზოგადოებრივი აზრის კვლევას გამოეხმაურა. “გუშინ ტელეკომპანია “იმედმა” გამოაქვეყანა საერთაშორისო კვლევითი ორგანიზაცია – GORBI-ის მიერ შესრულებული საზოგადოებრივი აზრის კვლევა. ამ კვლევამ კიდევ ერთხელ დაადასტურა ის პროგნოზები, რაც პარტიის სოციოლოგიური ჯგუფის მიერ ჩატარებული კვლევებით იკვეთებოდა. ფაქტია, რომ “ქართული ოცნება” საქართველოს მასშტაბით თითქმის ყველა საარჩევნო ოლქში პირველივე ტურში იმარჯვებს და ასევე, ძალიან დამაჯერებლად იმარჯვებს კახა კალაძე. ამ კვლევამ კიდევ ერთხელ დაგვანახა ის განწყობა, რომელიც საზოგადოებაში არსებობს. კერძოდ, ის, რომ გასული 4 წლის განმავლობაში “ქართული ოცნების” გუნდმა ყველა მუნიციპალიტეტში შეძლო ხელშესახები წინსვლის მიღწევა. ჩვენი მოსახლეობა სწორად ხვდება, რომ “ქართული ოცნება” არის ერთადერთი…

პარტია „ქართული ოცნება – დემოკრატიული საქართველოს“ გენერალური მდივნის, კახა კალაძის განცხადებით, კოალიციური იქნება თუ არა მთავრობა, ამას არც სალომე ზურაბიშვილი წყვეტს და არც კახა კალაძე. როგორც კალაძემ ჟურნალისტებს დასმული კითხვის საპასუხოდ განუცხადა, მთავრობის ფორმირების საკითხზე გადაწყვეტილებას ქართველი ხალხი 2024 წელს მიიღებს. „ეს არც ქალბატონი პრეზიდენტის გადასაწყვეტია, არც ჩემი გადასაწყვეტი. ამას წყვეტს ხალხი – ვინ უნდა იყოს ხელისუფლებაში, როგორ უნდა იყოს წარმოდგენილი, კოალიციური უნდა იყოს თუ არა მთავრობა. 2024 წელს ამას გადაწყვეტს ჩვენი ქვეყნის მოსახლეობა და არა კახა კალაძე, არა სალომე ზურაბიშვილი“, – განაცხადა კალაძემ. ცნობისთვის, საქართველოს პრეზიდენტმა სალომე ზურაბიშვილმა ფრანგული გამომცემლობა „კვირის ჟურნალისთვის“ მიცემულ ინტერვიუში განაცხადა, რომ კოალიციური მთავრობა აუცილებელია. როგორც ზურაბიშვილი…