დღე: სექტემბერი 1, 2021

ბრალდების მხარის მიერ წარდგენილი მტკიცებულებების საფუძველზე, ძმის განზრახ მკვლელობის მცდელობის ფაქტზე ბრალდებულს 13 წლით თავისუფლების აღკვეთა მიესაჯა. ინფორმაციას საქართველოს პროკურატურა ავრცელებს. საქმე ეხება დანაშაულს, რომელიც 30 ივნისს მოხდა.  “თბილისის საქალაქო სასამართლომ, სრულად გაიზიარა ბრალდების მხარის მიერ წარდგენილი მტკიცებულებები და ძმის განზრახ მკვლელობის მცდელობის ფაქტზე ბრალდებული ჯ.ქ. დამნაშავედ ცნო. შინაგან საქმეთა სამინისტროს მიერ ჩატარებული გამოძიების შედეგად, ბრალდების მხარის მიერ სასამართლო პროცესზე წარდგენილი მტკიცებულებებით დადასტურდა, რომ 30 ივნისს, ჯ.ქ.-მ, ოჯახური კონფლიქტის დროს წარმოშობილი შელაპარაკების ნიადაგზე, შურისძიების მოტივით, განზრახ მოკვლის მიზნით, ძმას ჯ.ქ.-ს, დანით მრავლობითი ჭრილობები მიაყენა. დროულად აღმოჩენილი სამედიცინო დახმარების შედეგად დაზარალებულის გადარჩენა მოხერხდა.…

„სკოლების ნაცვლად, რესტორნებია ღია,“ – ასე ეხმაურება პარტია „გამარჯვებული საქართველოს“ ლიდერი, ირაკლი ოქრუაშვილი სასწავლო პროცესის შეფერხებას, ირაკლი ოქრუაშვილი ონლაინ სწავლებაზეც ამხვილებს ყურადღებას: „ბავშვობაში ხომ ვერ ვიტანდი 1 სექტემბერს და ახლა უარესად შემძულდა. ორ საათიანი სხვაობის გამო დილის 6 საათზე ბავშვების გაღვიძება, უხარისხო ონლაინ სწავლა, სამ ოთახში სამი ცალკე კომპიუტერით და ამ უაზრობაში კიდევ “ორი ვაგონი” ფული რომ უნდა ვიხადო. სამაგიეროდ სკოლების ნაცვლად რესტორნებია ღია,“ – წერს ირაკლი ოქრუაშვილი სოციალურ ქსელში.

 რამდენიმე საათის წინ განმუხურში ბიზნესმენი ვლადიმერ ვახანია მოკლეს. არსებული ინფორმაციით, გარდაცვლილს სასიკვდილო ჭრილობები დანით აქვს მიყენებული. ბიზნესმენი განმუხურში საკუთარ სახლში იმყოფებოდა, რა დროსაც მას ახლობელი მამაკაცი ცივი იარაღით დაესხა თავს. მკვლელობაში სავარაუდო ბრალდებული უკვე ინდეტიფიცირებულია. ამ წუთებში, ზუგდიდში საგამოძიებო მოქმედებები და ინტენსიური დაკითხვები მიმდინარეობს.  ვლადიმერ ვახანია ბიზნესსაქმიანობას, ძირითადად, რუსეთში ეწეოდა. ის 2009 წელს ჟურნალისტურ საქმიანობაში ხელის შეშლის ფაქტზე დააკავეს. ვახანია წარსულში ზუგდიდის მერის არჩევნებშიც მონაწილეობდა.

ბიჭვინთაში რუსმა ტურისტმა ცივი იარაღით სასტუმროს მფლობელი დაჭრა – ამის შესახებ ინფორმაციას აფხაზური მედია ავრცელებს. შემთხვევა ოკუპირებულ აფხაზეთში,ბიჭვინთაში, სასტუმრო “სერ რემბოში” მოხდა. ტურისტმა სამარიდან, რომელიც არაფხიზელ მდგომარეობაში იმყოფებოდა, სასტუმროს 53 წლის მფლობელს მრავლობითი ჭრილობა მიაყენა. ამას გარდა, რუსმა ტურისტმა ჭრილობები ერთ-ერთ დამსვენებელსაც მიაყენა და ადგილიდან მიიმალა. სამართალდამცავებმა ის მალევე დააკავეს.

შვილმოკლული მამა, ზაზა სარალიძე, რომლის მოსყიდვის ბრალდებით გუშინ, 30 აგვისტოს “ექსკლუზივნიუსის” რედაქტორმა ვიდეომასალა გაავრცელა, ჩანაწერებს მისი გაშავების მცდელობად აღიქვამს. ვიდეოკადრებში, რომლის გადაღების თარიღი უცნობია, ჩანს, როგორ გადასცემს ფურცელს გიორგი გახარიას გუნდის წევრი, ალექსანდრე ხოჯევანიშვილი ზაზა სარალიძეს. ვიდეოჩანაწერი რამდენიმეწამიანია, არ ისმის ხმა, არ ხდება შეხვედრის ადგილისა და დროის იდენტიფიცირება. “ექსკლუზივნიუსის” ინფორმაციით, სარალიძე მოისყიდეს. გამოცემის რედაქტორი ირწმუნებოდა, რომ მან სარალიძის მოსყიდვის სხვადასხვა მაკომპრომეტირებელი ინფორმაცია მიიღო, მათ შორის, ვიდეომასალა. მისი მტკიცებით, ეს ვიდეო რამდენიმე დღის წინ არის ჩაწერილი. “2017 წლის 1 დეკემბრიდან მოყოლებული ჯერ ქოცაქტივმა გადაუარა ჩემი მოკლული შვილის სახელს და საფლავს, შემდეგ…

რიკოთზე ახალი მაგისტრალის სამშენებლო სამუშაოები აქტიურ ფაზაშია. პროცესს პრემიერ-მინისტრი, ირაკლი ღარიბაშვილი რეგიონული განვითარების და ინფრასტრუქტურის მინისტრთან, ირაკლი ქარსელაძესთან ერთად გაეცნო. პრემიერმა მაგისტრალის მშენებლობას საუკუნის პროექტი უწოდა. “ეს არის მართლაც საუკუნის პროექტი. ასეთი პროექტი არ განხორციელებულა ჩვენ ქვეყანაში და შეიძლება ითქვას, რომ მთელს ევროპაში გამოირჩევა. ჩვენ მოქალაქეებს შეეძლებათ თბილისიდან ბათუმში დაახლოებით 3 საათში ჩასვლა ამ პროექტის დასრულების შემდეგ,” – განაცხადა ირაკლი ღარიბაშვილმა.

პენიტენციურ დაწესებულებებში კორონავირუსის გავრცელებასთან დაკავშირებით სახალხო დამცველი განცხადებას ავრცელებს. მათივე ინფორმაციით, დღეისათვის N2, N8, N14 დაწესებულებებიდან ინფიცირებული პატიმრები სპეციალურად მოწყობილ საკარანტინე სივრცეში არიან გადაყვანილი. „სპეციალური პენიტენციური სამსახურის ინფორმაციით (https://bit.ly/3DyFRJl), პენიტენციურ დაწესებულებებში კორონავირუსი ასზე მეტ პატიმარს დაუდასტურდა. აღნიშნული ვითარების მონიტორინგისა და პატიმართა სხვა უფლებების დაცვის მიზნით, სახალხო დამცველი, კონსტიტუციური მანდატისა და ვალდებულებების გათვალისწინებით, დღემდე შეუზღუდავად აგრძელებს პრევენციული და ინდივიდუალური ვიზიტების განხორციელებას ყველა პენიტენციურ დაწესებულებაში. ვიზიტები ხორციელდება კოვიდ ტესტის ჩატარების შემდგომ, შესაბამისი ეკიპირებითა და უსაფრთხოების წესების დაცვით. პენიტენციურ დაწესებულებებში კორონავირუსის გავრცელებასთან დაკავშირებით სახალხო დამცველის აპარატმა ინფორმაცია მოიპოვა პატიმრებისგან და კონკრეტული პენიტენციური დაწესებულებების…

იუსტიციის სამინისტრო სრულად ვაქცინირებული პირებისთვის შეღავათებს აწესებს. უწყების ინფორმაციით, კოვიდვაქცინის ორი დოზით აცრილი პირები იუსტიციის სამინისტროს სერვისების ნაწილს უფასოდ მიიღებენ, ნაწილს კი – ნახევარ ფასად. სრულად ვაქცინირებულები უსასყიდლოდ იუსტიციის სამინისტროს შემდეგი სერვისებით ისარგებლებენ: ინდივიდუალური მეწარმის რეგისტრაცია, რეგისტრირებულ მონაცემებში ცვლილება და შეწყვეტა; უძრავ ქონებაზე ამონაწერის განახლება. კოვიდვაქცინის ორივე დოზით აცრილ პირებზე 50%-იანი ფასდაკლება იმოქმედებს შემდეგ სერვისებზე: ქორწინების დამაბრკოლებელი გარემოებების შესახებ ცნობა; ID ბარათზე სერტიფიკატის განახლება. იუსტიციის სამინისტროს მიერ დაწესებული შეღავათების მიღება ორჯერადად ვაქცინირებულთათვის იუსტიციის სახლებსა და საზოგადოებრივ ცენტრებში წინასწარი ჯავშნის გარეშე იქნება შესაძლებელი.

დღეიდან ერთი თვის განმავლობაში, პირადობის დამადასტურებელი მოწმობების აღება უფასოდ არის შესაძლებელი. აქციის მიზანი არჩევნებისთვის ხელშეწყობაა. მოწმობის უფასოდ მიღებას შეძლებენ კონკრეტული კატეგორიის მოქალაქეები – მათ შორის ისინი, ვისაც პირადობის არც ერთი დოკუმენტი აქამდე არ ჰქონიათ. ასევე, არასრულწლოვანი მოქალაქეები, რომელთაც 1 ოქტომბრამდე უსრულდებათ 18 წელი. კატეგორიათა დეტალური ჩამონათვალის ნახვა იუსტიციის სახლის ვებ-გვერდზეა შესაძლებელი.