დღე: სექტემბერი 14, 2021

საპატრიარქოს საზოგადოებასთან ურთიერთობის სამსახურის ხელმძღვანელი დეკანოზი ანდრია ჯაღმაიძე გავრცელებულ ფარულ ჩანაწერებთან დაკავშირებით მორიგ განცხადებას აკეთებს და ტელევიზიებს სთხოვს, ფაილები მიაწოდოს.    „სულ უფრო მკაფიო შთაბეჭდილება რჩება, რომ ძალები, რომლებიც, სავარაუდო, ფარული მიყურადების დეტალების გასაჯაროვებაში არიან ჩართული, ეკლესიის ფაქტორით არჩევნებში მანიპულიაციას ცდილობენ. სავარაუდო უკანონო მოსმენების, უკანონო გატანის და შემდეგ სავარაუდო უკანონო გასაჯაროვების დეტალები, გამოძიებულ უნდა იქნას და როდესაც მეტნაკლები სიცხადე გამოიკვეთება ამ საკითხში, შემდგომ იქნება შესაძლებელი, რაიმე დასკვნების, ან კომენტარების გაკეთება, მანამდე ბევრი რამ ბუნდოვანია და ერთმანეთში აზელილია ტყუილ-მართალი. საპატრიარქოს ხელი არ მიუწვდება მასალაზე, რომლის შესახებაც არის საუბარი, მივმართავთ ტელევიზიებს, ვისაც…

მეტი...

უკრაინული სასამართლოს გადაწყვეტილებით ძალაში რჩება  იუსტიციის სამინისტროს ბრძანება საქართველოს სამხედრო პოლიციის ყოფილი მაღალჩინოსნის, მეგის ქარდავას საქართველოში ექსტრადირების შესახებ. დაკავებულის საექსტრადიციო პროცედურები უკვე დაწყებულია და მას ქართულ მხარეს რამდენიმე დღეში გადასცემენ. შეგახსენებთ, რომ საქართველოს პროკურატურა მეგის ქარდავას ექსტრადირებას მის წინააღმდეგ არსებული სისხლის სამართლის 11 საქმეზე ითხოვს. ის, რამდენიმე დღეა კიევში დააკავეს.  

მეტი...

აგრარულ საკითხთა კომიტეტმა დღევანდელ სხდომაზე საქართველოს მთავრობის საკანონმდებლო ინიციატივები – კანონპროექტები: „ვაზისა და ღვინის შესახებ“ საქართველოს კანონში ცვლილების შეტანის თაობაზე“ და „საქართველოს ადმინისტრაციულ სამართალდარღვევათა კოდექსში ცვლილების შეტანის შესახებ“  პირველი მოსმენით განიხილა, რომლის მიხედვით, 2023 წლიდან ადგილობრივ ბაზარზეც იქნება შემოღებული ალკოჰოლიანი სასმელების სავალდებულო სერტიფიცირება. ღვინის ეროვნული სააგენტოს თავმჯდომარე ლევან მეხუზლას განცხადებით, რომელმაც კანონპროექტების ზოგად პრინციპებზე ისაუბრა, „ვაზისა და ღვინის შესახებ“ კანონში ოთხი მნიშვნელოვანი ცვლილება შედის. „ღვინის კატეგორიებს ემატება ახალი – „დეალკოჰოლიზებული ღვინო“, რომლის წარმოებისთვისაც დაშვებული იქნება შესაბამისი ტექნიკა, აღიარებული ვაზისა და ღვინის საერთაშორისო ორგანიზაციის მიერ.  შემდეგი ცვლილება ეხება რეგულირების ახალი ობიექტის დამატებას, რაცაა ღვინისეული სასმელი,…

მეტი...

სახელმწიფო უსაფრთხოების სამსახური გავრცელებულ ფარული მიყურადებისა და ადამიანების „გაფუჭების“ 60 000 ფაილთან დაკავშირებით განცხადებას ავრცელებს და ამბობს, რომ პროკურატურასთან ითანამშრომლებს. „მაღალი საზოგადოებრივი ინტერესიდან გამომდინარე, გვსურს გამოვეხმაუროთ ბოლო დღეებში მედიასაშუალებების მიერ გავრცელებულ ინფორმაციას. როგორც მოგეხსენებათ, საქართველოს პროკურატურამ კერძო კომუნიკაციის საიდუმლოების დარღვევის ფაქტზე, საქართველოს სისხლის სამართლის კოდექსის 158-ე მუხლის 1-ლი და მე-2 ნაწილებით დაიწყო გამოძიება. საქართველოს სახელმწიფო უსაფრთხოების სამსახური მზად არის გამოძიების ყველა ეტაპზე მჭიდროდ ითანამშრომლოს საქართველოს პროკურატურასთან. უწყების ობიექტურ ინტერესს წარმოადგენს ჩატარდეს კომპლექსური და სრულყოფილი გამოძიება, რათა პასუხი გაეცეს ყველა კითხვას. ამასთან, სახელმწიფო უსაფრთხოების სამსახური მოუწოდებს მედიასა და პოლიტიკურად დაინტერესებულ პირებს,…

მეტი...

„გუშინ გავრცელდა მორიგი ცილისწამება და სიცრუეზე დაფუძნებული  გარკვეული მასალები, დოკუმენტაცია, რომლითაც, მათი მიზანი და  ამოცანაა, რომ რაღაც გარკვეული უთანხმოება ჩამოვარდეს მთავრობასა და ეკლესიას შორის“, – აცხადებს პრემიერ-მინისტრი ირაკლი ღარიბაშვილი. მთავრობის მეთაურის თქმით, არ ყოფილა ასეთი ერთობა, როგორიც არის დღეს  მთავრობასა და  ეკლესიას შორის. „ყველამ კარგად იცის, რომ არ ყოფილა ასეთი ერთობა, როგორიც არის დღეს  მთავრობასა და  ეკლესიას შორის და რატომ? ჩვენ არ ვიძახით, უნაკლონი ვართ, რა თქმა უნდა, ჩვენ შეცდომები მოგვსვლია  და კიდევ  მოგვივა, მაგრამ ყველაფერი შედარებითია, ჩვენ ჩვენი საქმით დავამტკიცეთ, რომ ვართ ყველაზე ჰუმანური ხელისუფლება, ჩვენი გამოწვევებით, ჩვენი შეცდომებით,…

მეტი...

ხორბალი გაძვირდა, ფქვილი გაძვირდა, საფუარი, წყალი და სხვა მასალებიც გაძვირდა, რაც ფქვილთან ერთად პურის შემადგენლობაშია. შესაბამისად, მეპურეები დაახლოებით ერთ თვეში პურზე ფასების მატებაზე საუბრობენ. აღნიშნულთან დაკავშირებით, “საქართველოს პურის მცხობელთა ასოციაციის” თავმჯდომარე მალხაზ დოლიძემ „მედიაცენტრ მთავარში“ ისაუბრა. დოლიძის შეფასებით, ამ ეტაპზე, მწარმოებლები ფასებს ნაკლები მოგების ხარჯზე ინარჩუნებენ, თუმცა, ისიც უნდა ითქვას, რომ ვერც ერთი მწარმოებელი წაგებაზე ვერ იმუშავებს.   „პურის ფქვილზე სუბსიდირების მოხსნის შემდეგ, პურის ფასი 10 თეთრით გაიზარდა. მეზობელ ქვეყნებთან შედარებით საქართველოში პურის ფასი შედარებით დაბალია. პურის ფასი ბევრი კომპონენტისაგან შედგება, მათ შორის ფქვილის, საფუარის, ტრანსპორტირების და მუშახელის ხელფასის ღირებულებისგან.…

მეტი...

საქართველოს გენერალურმა პროკურატურამ, ფარული ჩანაწერების 60 000 ფაილთან დაკავშირებით, რომელიც საინფორმაციო საშუალებებით გავრცელდა, გამოძიება დაიწყო. აღნიშნულის შესახებ „მედიაცენტრ მთავარს“ პროკურატურიდან აცნობეს.   “საქართველოს პროკურატურაში მედიასაშუალებების მიერ ფარულ ჩანაწერებთან დაკავშირებით გავრცელებულ ინფორმაციაზე გამოძიება დაიწყო კერძო კომუნიკაციის საიდუმლოების დარღვევის ფაქტზე, საქართველოს სისხლის სამართლის კოდექსის 158-ე მუხლის 1-ლი და მე-2 ნაწილებით გათვალისწინებული დანაშაულის ნიშნებით. საქმეზე მიმდინარე გამოძიების ფარგლებში, ჩატარდება ყველა საჭირო საგამოძიებო და საპროცესო მოქმედება. მოვუწოდებთ ყველას, ვისთანაც შესაძლოა ინახებოდეს უკანონო ჩანაწერები და მასალები, გამოძიებასთან თანამშრომლობისკენ. ამასთან, იმ მედიასაშუალებებს, რომლებსაც გააჩნიათ აღნიშნული მასალა, მოვუწოდებთ ამჯერად მაინც ითანამშრომლონ გამოძიებასთან და მოგვაწოდონ მათ ხელთ არსებული…

მეტი...

მეორე დღეა, ქვეყანაში ერთ-ერთი განხილვის თემა 60 000-მდე ფარული მიყურადების ფაილია, რომელმაც, გავრცელებული ინფორმაციით სახელმწიფო უსაფრთხოების სამსახურიდან გამოჟონა. საუბარია თვალთვალის, მიყურადების თუ „შეკერილ“ მასალებზე, რომელიც ჟურნალისტებს, მედია ორგანიზაციებს, სასულიერო პირებს, პოლიტიკოსებს, ბიზნესმენებს, მასწავლებლებსა თუ სხვადასხვა მიმართულების ადამიანებს ეხებათ.    როგორც დავით ჭიჭინაძე აცხადებს, უნდა შეიქმნას საგამოძიებო კომისია, ხოლო ფაილები საჯარო არ უნდა გახდეს, რადგანაც, ეს სამოქალაქო დაპირისპირებამდე მიგვიყვანს.     „დღეს ქვეყანაში აღარც რეფერენდუმის დროა, არც „ქართული ოცნების“ ნდობის დამტკიცება არდამტკიცების! ვადამდელი საპარლამენტო არჩევნები უნდა დაინიშნოს და „ოცნების „ ხელისუფლებას განაჩენი გამოვუტანოთ! რადგან მათი ხელისუფლება არა თუ გვიცავს, ღმერთმა დაგვიფაროს ეს…

მეტი...

„არ შემიძლია არ გამოვეხმაურო იმ ძალიან მძიმე პროვოკაციას, რომელიც ჩვენ გუშინ ვიხილეთ. ეს არის მორიგი, ბოდიშს ვიხდი მოსახლეობასთან, ბინძური პროვოკაცია ჩვენი სახელმწიფოს წინააღმდეგ, ჩვენი ეკლესიის წინააღმდეგ, მამების, მღვდელმთავრების მათ წინააღმდეგ, მთლიანად ეკლესიის, როგორც ყველაზე ავტორიტეტული ინსტიტუციის წინააღმდეგ და ჩვენი მთავარი, რაც არის ქართველების საფუძველთა საფუძველი – ჩვენი სარწმუნოების და ჩვენი ეკლესიის წინააღმდეგ, – აცხადებს ირაკლი ღარიბაშვილი გავრცელებულ ფარული მიყურადების ფაილებთან დაკავშირებით. მთავრობის მეთაურის შეფასებით, ხალხმა ძალიან კარგად იცის, როგორ ანტიეროვნულ და ანტიეკლესიურ, ანტისახელმწიფოებრივ ძალასთან აქვს საქმე „ნაციონალური მოძრაობის“ სახით. „ჩვენ ვნახეთ, როგორი შეტევა განახორციელეს თუნდაც ერთ-ერთი მთავარი, მნიშვნელოვანი სახელმწიფო უწყების…

მეტი...