დღე: ივნისი 26, 2020

საქართველოს იუსტიციის მინისტრი თეა წულუკიანი, „ნაცმოძრაობის“ წევრ სალომე სამადაშვილს გამოეხმაურა, რომელმაც ის გიორგი რურუას, ჟორიკად მოხსენიების გამო გააკრიტიკა. „შენიშვნა მომცეს, რატომ მოვიხსენიებ ჟორიკა რურუას ოპოზიციის ლიდერად და რატომ ვუწოდებ მას სახელს ჟორიკას, სალომე სამადაშვილმა მისაყვედურა. ერთადერთი, ნახევრად სერიოზულად იმავ ვიტყვი, რომ შემიძლია, უბრალოდ, ამ ბატონს არ დავუძახო ჟორიკა, როგორც მას მთელი დედაქალაქი ეძახის და დავუძახო ჟორიკ ან სხვა რაიმე ზედმეტსახელი. მაგრამ სატირალი ის არის, რომ ამ ოპოზიციის პოლიტიკური ლიდერი არის სწორედ ჟორიკა რურუა“, – განაცხადა წულუკიანმა. მისი თქმით, ამას ის კი არ ამბობს, არამედ საქარველოს მეგობრები. „მათ შირის სხვადასხვა უცხოურ…

“პრემიერ-მინისტრმა ერთი თვის განმავლობაში მესამე მასტერკლასი ჩაატარა”,- ასე შეაფასა საპარლამენტო უმრავლესობის წევრმა ირაკლი კობახიძემ პარლამენტში საქართველოს პრემიერ-მინისტრ გიორგი გახარიას გამოსვლა. „როგორც მოგეხსენებათ, გარდა 8 მარტის შეთანხმებისა, ასევე ხელი მოვაწერეთ ერთობლივ განცხადებას, სადაც საუბარია მარტივ რამეზე, ვციტირებ – „აუცილებელია რეაგირება ქმედებებზე, რომლებიც შესაძლოა, აღქმული იყოს როგორც სასამართლო და საარჩევნო პროცესების არასათანადო პოლიტიზაცია და მომავალში მსგავსი ქმედებები თავიდან უნდა იყოს აცილებული“. ტექსტი არის ძალიან მკაფიო, ძალიან მარტივი და ამის ინტერპრეტაციაც ბუნებრივია ძალიან მარტივია. თუმცა, ერთობლივი განცხადების ხელმოწერისთანავე, ოპოზიციის მხრიდან ამ ყველაფერს მოჰყვა სპეკულაციების მთელი კასკადი და საერთო ჯამში, ისევ ჩვენს საერთაშორისო პარტნიორებს…

“მინდა ვკითხო პრემიერს, თუ ეუბნება რამეს ეს ფრაზები – დენი 5 თეთრი, გაზი 15 თეთრი, 5 მილიონი თითო სოფელს, 100 ქარხანა? ტრიბუნასთან რომ იდექით, ოპოზიციისკენ გაიშვირეთ ხელი და თქვით, რომ ჩვენ ხალხს არარეალურ რამეს ვპირდებით. თუ გახსოვთ ასეთი რამე „ქართული ოცნების“ წინასაარჩევნო პროგრამიდან?”, – ამის შესახებ პარლამენტში სიტყვით გამოსვლისას „ევროპული საქართველოს“ წევრმა, ზურაბ ჭიაბერაშვილმა განაცხადა. „მინდა ვკითხო პრემიერს, თუ ეუბნება რამეს ეს ფრაზები – დენი 5 თეთრი, გაზი 15 თეთრი, 5 მილიონი თითო სოფელს, 100 ქარხანა? ტრიბუნასთან რომ იდექით, ოპოზიციისკენ გაიშვირეთ ხელი და თქვით, რომ ჩვენ ხალხს არარეალურ რამეს ვპირდებით.…

პრემიერ-მინისტრმა გიორგი გახარიამ პარლამენტში წლიური ანგარიშის წარდგენისას 20 ივნისს განვითარებული მოვლენების შესახებ ისაუბრა და განაცხადა, რომ იმ ღამეს პარლამენტში შეჭრა იგეგმებოდა. პრემიერმა ოპოზიციონერ დეპუტატებს “კურდღლები” უწოდა.  “განსაკუთრებულ დავალებათა დეპარტამენტის ხელმძღვანელი იმ დღეს იყო პარლამენტის დაცვის წინა ხაზზე, ეს იყო ჩემი ქვემდგომი. მე ხომ შენობაში არ ვიყავი, ქალბატონი სამადაშვილი მემუქრებოდა, ახლა გაიქეცი აქედან თორემ ის ხალხი, გარეთ რომ არის შემოვარდებაო და გაგაგდებენ აქედანო. სადღაც 9 საათზე, თქვენი ეს ფრთა პარლამენტისთვის საერთოდ უცხო ადამიანებით იყო სავსე. კითხვას ერთმანეთს რატომ არ უსვამთ, ეს ხალხი აქ როგორ შემოვიდა? მაგრები კი არა კურდღლები ხართ, რატომ იცით? ამისთვის რომ ემზადებოდით,” – მიმართა გიორგი…

“საქართველოს მტერს ჩვენ საკადრის პასუხს გავცემთ ყოველთვის”, – ასე უპასუხა საქართველოს პრემიერ-მინისტრმა, გიორგი გახარიამ ოპოზიციის კითხვას, შემოუშვებდა თუ არა გავრილოვს საქართველოში. როგორც გიორგი გახარიამ აღნიშნა, როდესაც ოპოზიცია წლების განმავლობაში გავრილოვის თემით სპეკულირებს, ეს არის პრობლემა. „კიდევ ერთხელ გიმეორებთ, მე, როგორც საქართველოს მთავრობის ხელმძღვანელი, ვიმოქმედებ კანონის შესაბამისად. ვთქვი და კიდევ ერთხელ ვიმეორებ, რომ გავრილოვი ამ სავარძელში იყო პოლიტიკური დანაშაული, რომელზეც საქართველოს მთავრობამ და ხელისუფლებამ თავისი პოლიტიკური ფასი გადაიხადა. ვუმეორებ ქალბატონ სალომე სამადაშვილს, რომელმაც პოლიტიკურ და სისხლის სამართლის დანაშაულს შორის სხვაობა, როგორც ჩანს, არ იცის. სისხლის სამართლის დანაშაული ჩაიდინეს ბატონებმა, რომლებიც სისხლის სამართლის წინაშე პასუხს…

“ნოტარიუსები ახორციელებენ სახელმწიფოებრივ უფლებამოსილებებს, ამ უფლებამოსილებების განხორციელებისას კი აკრძალულია რაიმე ტიპის ჩარევა პოლიტიკურ საქმიანობაში”, – ამის შესახებ საქართველოს იუსტიციის მინისტრმა, თეა წულუკიანმა განაცხადა, რითაც ია კერზაიას შვილის, ბაჩანა შენგელიას შესახებ დასმულ კითხვას უპასუხა. „დავიწყოთ იქიდან, რომ მე ძალიან მიყვარს ადამიანები. უფრო მეტიც, არამც თუ ადამიანები მიყვარს, თქვენც კი მიყვარხართ. აქედან გამომდინარე, მინდა შეგახსენოთ რამდენიმე ფუძემდებლური პრინციპი, რომელიც კანონმდებლობაშია გაწერილი, მათ შორის იუსტიციის სამინისტროს თანამშრომლებს ეხება. უბრალოდ არ ვიცი, რამდენად აქვს აზრი თქვენთან კანონებზე საუბარს, ვინაიდან თქვენს პოლიტიკურ ლიდერად არის ცნობილი ბატონი რურუა, რომელსაც დღეს რატომღაც მორიდებით ახსენებთ. არსებობს კანონი ნოტარიატის…

“20 ივნისს ქართველმა პოლიციამ პარლამენტის შენობაში შტურმით შეჭრა არ დაუშვა, ეს იყო მისი მოვალეობა, მისი ფუნქცია”, – ამის შესახებ საქართველოს პრემიერ-მინისტრმა, გიორგი გახარიამ პარლამენტის სხდომაზე განაცხადა. როგორც გიორგი გახარიამ აღნიშნა უკიდურესად სამწუხაროა, რომ 20 ივნისს ადამიანები დაშავდნენ. „სამწუხაროა, რომ ადამიანები დაშავდნენ. უკიდურესად სამწუხაროა და არავინ ისე ამაზე არ წუხს, თქვენ გგონიათ, რომ უფრო მეტად წუხხართ. თქვენ რატომ არ წუხხართ უფრო მეტად იცით? რადგან თქვენ იმდენად ამორალურად იქცევით, რომ ამ ადამიანების ტრაგედიას პოლიტიკურად იყენებთ და მე არ ვიყენებ. მაკო გომურს თქვენ დღეში ასჯერ ახსენებთ, მე მის სახელს ასე არ ვიყენებ, ეს არის მორალური სხვაობა თქვენსა…

საქართველოს პრემიერ-მინისტრი გიორგი გახარია აცხადებს, რომ სამწუხაროდ, ოპოზიციის წარმომადგენლების მხრიდან რაიმე შინაარსობრივი შეკითხვა არ ახსენდება. პრემიერის განცხადებით, წინ არჩევნებია და ყველამ ერთად პარლამენტს მეტი შინაარსი უნდა შესძინონ. „არატრადიციულად, ბოლო შეკითხვიდან დავიწყებ -ბოლო შეკითხვა იყო, რომ ხომ არ გახსოვთ ოპოზიციის ერთი შინაარსობრივი შეკითხვა მაინცო, სამწუხაროდ, არა და ახლა გვარების მიხედვით გავყვები ყველა კითხვას, როგორც ოპოზიციის, ასევე ყველა დეპუტატის და ამის შეფასებას მივანდობ ჩვენს მოქალაქეებს, ჩვენს მაყურებელებს ერთადერთი თხოვნით, რომ ქვეყანაში სულ მალე საპარლამენტო არჩევნები იქნება,  დღევანდელმა მოსმენამაც დაადასტურა, რომ ბევრი ადამიანი უკვე, ფაქტობრივად, შესულია საარჩევნო პროცესში და ჩვენ ყველამ ერთად, ჩვენს მოქალაქეებთან…

„ეს ის ხალხია, რომელიც გავრილოვის შემოყვანაზე კი არ უნდა ლაპარაკობდეს, არამედ იმაზე,  რომ 2008 წელს,  რვა აგვისტოს რუსეთის არმია რომ იყო შემოსული საქართველოში, ახლა რუსული ბაზები რომ არის წამოჭიმული,  რომელიც გაყვანილი იყო 1999 წლის ეუთოს სამიტის საფუძველზე და ახლა რუსებს იმ ბაზების რეანიმაცია რომ გააკეთებინეთ, უფრო ძლიერი, რაკეტული სისტემები დააყენებინეთ იქ რუსებს და მთელ რეგიონს საფრთხე რომ შეუქმენით“,- ასე მიმართა საქართველოს პარლამენტის წევრმა, გიორგი გაჩეჩილაძემ ოპოზიციის წარმომადგენლებს პლენარულ სხდომაზე, სადაც პრემიერ-მინისტრის ყოველწლიურ ანგარიშს მოუსმინეს. დეპუტატი ოპონენტების განცხადებებს გამოეხმაურა. მისივე თქმით, ოპოზიციამ გავრილოვის პროვოკაციაზე წინასწარ შეთანხმებული აქციები მოაწყო და შეთანხმებულად მოქმედებდა.…

„მე მახსოვს 20 ივნისი. მიმაჩნია, რომ ჩვენი ქვეყნის თანამედროვე ისტორიაში ეს არის ძალიან მძიმე დღე. ვწუხვარ იმიტომ, რომ ჩვენმა თანამოქალაქეებმა მათ შორის, პოლიციელებმა მძიმე ფიზიკური დაზიანება მიიღეს და ძალიან ვწუხვარ, მაგრამ ასევე, ძალიან ვწუხვარ, რომ ამ ქვეყანაში არსებობენ თქვენნაირი პოლიტიკოსები, რომლებიც ფიქრობენ, რომ ამ ქვეყანაში დასაშვებია 3 საათის განმავლობაში პოლიციელს რკინებს ურტყამდე, რიგებიდან გამოგყავდეს, ბრბოში ცემდე და თქვენნაირი პოლიტიკოსებისთვის დასაშვებია თურმე, რომ შტურმით შემოხვიდე პარლამენტში და ამ ქვეყანაში პოლიტიკური გარემო შეცვალო“, – ამის შესახებ თავდაცვისა და უშიშროების კომიტეტის თავმჯდომარემ, ირაკლი სესიაშვილმა პარლამენტის პლენარულ სხდომაზე განაცხადა, სადაც პრემიერ-მინისტრ გიორგი გახარიას უსმენდნენ.…

„20 ივნისი დაგავიწყდათ თუ კალენდრიდანაც ამოშალეთ,“ – ამ რეპლიკით მიმართა „ევროპული საქართველოს“ წევრმა ოთო კახიძემ გიორგი გახარიას. ოთო კახიძემ პრემიერს კიდევ ერთხელ შეახსენა 20 ივნისი: „ყურადღებით გისმენდით ანგარიშის პრეზენტაციის დროს და არ გიხსენებიათ არც ერთხელ 20 ივნისი, ეს როგორაა დაგავიწყდათ თუ კალენდრიდანაც ამოშალეთ, თუ ის დაგავიწყდათ ამ თანამდებობაზე, როგორ აღმოჩნდით, მე შეგახსენებთ, რომ ოკუპაციის კანონის დარღვევით შემოუშვით გავრილოვი, შემდეგ ძალის გამოყენებას, რომ აპირებდით გაფრთხილება მიეცით მოქალაქეებს ჩვენი ხელწერა არაა რეზინის ტყვიებიო და ამის შემდეგ დაიწყეთ რეზინის ტყვიების გამოყენება, ამის შემდეგ გააჩაღეთ ნადირობა მომიტინგეებზე, ყოველივე ამის შემდეგ, აქ რა უფლებით დგახართ…

საქართველოს პრემიერის, გიორგი გახარიას გამოსვლა საქართველოს პარლამეტში ამ წუთებში მიმდინარეობს. პრემიერი ქვეყნის მთავარ გამოწვევებზე საუბრობს, და აცხადებს, რომ ეს არის რუსული ოკუპაცია. ანგარიშს საპარლამენტო ოპოზიციაც ესწრება: „დღეს საქართველოს ფუნდამენტურ გამოწვევას წარმოადგენს ოკუპაციაც. რუსული ოკუპაცია კვლავაც რჩება ეროვნული უსაფრთხოების უმთავრეს გამოწვევად და დღეს, ჩვენ, ყველას კარგად უნდა გვესმოდეს, რომ როდესაც ჩვენ ვსაუბრობთ ჩვენი ქვეყნის ოკუპირებულ 20 პროცენტზე, ჩვენ უნდა გვესმოდეს, რომ ეს არის ის შეზღუდვა, რომელიც რეალური ფაქტორია ქვეყნის შემდგომი განვითარებისთვის. ეს არ არის მხოლოდ და მხოლოდ 20 პროცენტი ჩვენი ქვეყნის მიწის ან ტერიტორიის შეზღუდვა, ეს არის ყველა სფეროს, პირველ რიგში,…