სწორია, რომ ამერიკის ელჩმა ოპოზიციას მოუწოდა, აუცილებელია, რომ ოპოზიცია პარლამენტში შემოვიდეს, – ამის შესახებ ფინანსთა მინისტრის მოვალეობის შემსრულებელმა, ივანე მაჭავარიანმა განაცხადა.
მისივე თქმით, მართალია, კელი დეგნანმა გუშინდელ განცხადებებში არჩევნებზე დაფიქსირებულ დარღვევებზე ისაუბრა, მაგრამ როოგორც მაჭავარიანი ამბობს, ყველამ აღნიშნა, რომ ამ დარღვევებს არჩევნებზე მნიშვნელოვანი გავლენა არ მოუხდენია.
„დარღვევებზე იყო საუბარი, მაგრამ ყველამ აღნიშნა, რომ ამ დარღვევებს მატერიალური, მნიშვნელოვანი ზეგავლენა არჩევნებზე არ მოუხდენია, იმდაგვარი ზეგავლენა, რომ არჩევნების ლეგიტიმაციას შექმნოდა პრობლემა. შესაბამისად, არაფერი ისეთი არ თქმულა, რაც მანამდე არ იყო ნათქვამი“, – განაცხადა ივანე მაჭავარიანმა.
