„ზურაბ ჭიაბერაშვილმა პირდაპირ მოგვიწოდა საგანგებო მდგომარეობის გამოცხადებისკენ“ – ირაკლი კობახიძე

  •  

„ზურაბ ჭიაბერაშვილმა პირდაპირ მოგვიწოდა ჩვენ საგანგებო მდგომარეობის გამოცხადებისკენ. ასეთი მოწოდებები ჩვენ გვესმოდა ორი თვის წინაც, ივნისში, როდესაც მისაღები იყო საკონსტიტუციო ცვლილებები, იქ ჩანდა, რომ ამ საბაბით მათ სურდათ საკონსტიტუციო ცვლილებების ჩაგდება და ახლაც მოგვიწოდებენ საგანგებო მდგომარეობის გამოცხადებისკენ, იმისთვის, რომ საქართველოში არ შედგეს არჩევნები“,- ამის შესახებ საქართველოს პარლამენტის წევრმა, ირაკლი კობახიძემ პლენარულ სხდომაზე  განაცხადა, სადაც საზოგადოებრივი ჯანმრთელობის შესახებ კანონპროექტზე მსჯელობენ.  მისი შეფასებით, აქ კარგად ჩანს, „ის თუ რის ეშინია ყველაზე მეტად რადიკალურ ოპოზიციას, – ეს არის კარს მომდგარი არჩევნები“. პარლამენტის წევრის თქმით, ოპოზიციამ იცის საკუთარი რეიტინგის შესახებ და არჩევნების მიმართ შიში აქვს.

„მათ იციან საკუთარი რეიტინგი, სამპროცენტიანი რეიტინგი და ბუნებრივია, სამპროცენტიან პარტიას აქვს შიში არჩევნების მიმართ, მაგრამ ამ შიშიდან გამომდინარე, ჩვენ საგანგებო მდგომარეობას ვერ გამოვაცხადებთ. მით უმეტეს, რომ ამის საფუძველი დღეს არ არის“,- განაცხადა დეპუტატმა.

მან საზოგადოებას შეახსენა, რომ საგანგებო მდგომარეობა ყველანაირი ეპიდემიის დროს არ ცხადდება და ის საჭიროა მხოლოდ მაშინ, როდესაც ეს ეპიდემიასთან გამკლავებისთვისაა აუცილებელი. ირაკლი კობახიძის თქმით, ამ შემთხვევაში, საქართველოში ასეთი ვითარება არ არის და პანდემიასთან ჩვეულებრივი კანონითა და მაქსიმალურად რბილი ზომებით შესაძლებელია ბრძოლა.

„ეს კანონი არის აბსოლუტურად რაციონალური, ატარებს მაქსიმალურად რბილ ზომებს, იმისთვის, რომ მინიმალური შეზღუდვებით საბოლოოდ დავამარცხოთ პანდემია, შესაბამისად, მე, პირადად, კიდევ ერთხელ მოგიწოდებთ ამ კანონის მხარდაჭერისკენ“,- განაცხადა ირაკლი კობახიძემ

მსგავსი თემები

10 Thoughts to “„ზურაბ ჭიაბერაშვილმა პირდაპირ მოგვიწოდა საგანგებო მდგომარეობის გამოცხადებისკენ“ – ირაკლი კობახიძე”

  1. your blog in 3 completely different browsers and I must say this blog loads a lot quicker then most

  2. Like!! Thank you for publishing this awesome article.

  3. These are actually great ideas in concerning blogging.

  4. These are actually great ideas in concerning blogging.

  5. I always spent my half an hour to read this web site’s articles or reviews daily along with a mug of coffee.

  6. SMS

    Very good article! We are linking to this particularly great content on our site. Keep up the great writing.