კორონავირუსის ახალი შემთხვევებიდან 484 თბილისში, 81 აჭარაში, 185 კი იმერეთში გამოვლინდა

  •  

საქართველოში ბოლო 24 საათში გამოვლენილი კორონავირუსით ინფიცირების 1 097 ახალი შემთხვევიდან, თბილისში დადასტურდა 484 შემთხვევა, აჭარაში – 81, იმერეთში – 185.

დანარჩენი შემთხვევები სხვა რეგიონებზე ნაწილდება.

კერძოდ, მთავრობის ადმინისტრაციის პრესსამსახურის მიერ გავრცელებული ინფორმაციის თანახმად, ქვემო ქართლში გამოვლიბდა 84 ახალი შემთხვევფა, შიდა ქართლში – 63, გურიაში – 26, სამეგრელო – ზემო სვანეთში – 61, კახეთში – 61, მცხეთა-მთიანეთში – 30, სამცხე-ჯავახეთში – 17, რაჭა-ლეჩხუმსა და ქვემო სვანეთში – 5.

„ამ ეტაპზე ინფიცირების მიმდინარე აქტიური შემთხვევა არის 15 655, საიდანაც, 5 677 ადამიანი მკურნალობს საავადმყოფოში, მათ შორის, თბილისის საავადმყოფოებში – 2 613, აჭარაში – 541, იმერეთში – 1 108. ამ ეტაპზე მძიმე პაციენტია 1 009 პირი, მათ შორის, თბილისში – 505, აჭარაში – 106, იმერეთში – 214. მძიმე პაციენტებიდან ხელოვნური სუნთქვის აპარატზე იმყოფება 441 პირი, მათგან თბილისში – 200, აჭარაში – 84, იმერეთში – 67. 1 393 ადამიანი მოთავსებულია კლინიკურ-სასტუმროებში, მათ შორის 523 – თბილისში, 620 – აჭარაში, 100 – იმერეთში. 8 585 პირი ვირუსის მკურნალობის კურსს გადის საცხოვრებელ ბინაზე.

საკარანტინე სივრცეებში მოთავსებულია 420 ადამიანი, მათ შორის, თბილისში – 187, აჭარაში – 135, ხოლო იმერეთში – 13. სულ 6 ოქტომბრიდან – 26 დეკემბრის პერიოდში, სახელმწიფო საზღვრიდან საკარანტინე სივრცეებში გადაყვანილია – 20 974 პირი. ამ ეტაპისთვის თვითიზოლაციაში იმყოფება 35 896 ადამიანი, მათ შორის თბილისში – 18 713 პირი, აჭარაში – 3 451, იმერეთში – 4 858“, – ნათქვამია ინფორმაციაში.

მსგავსი თემები