დღე: მაისი 30, 2024

“მალე გავარკვევთ მათ ვინეობას“- ასე ეხმიანება ელისო ბოლქვაძე პარიზის აეროპორტში მომხდარ ინციდენტს, როცა მას უცნობმა ადამიანებმა “მონა” ეძახეს და ურჩიეს, “აგენტ” პარიზის ნაცვლად მოსკოვში წავიდეს. უმრავლესობოს დეპუტატი ელისო ბოლქვაძე საფრანგეთში მომხდარ ინციდენტს საკუთარ ფეისბუკ გვერდზე გამოეხმურა. ბოლქვაძის განცხადებით, ქალი, რომელმავ მას აეროპორტში „მონა“ ეძახა, არ იცნობს, თუმცა მის ვინაობას გაარკვევს. „ამ ქალს არ ვიცნობ, არ ვიცი ვინ არის! დღეს ჩემს დანახვაზე პარიზის აეროპორტში კივილი და შეძახილები ატეხა! კიდე იყვნენ მასთან ერთად სხვებიც და მალე გავარკვევთ მათ ვინაობასც! გეტყვით რომ: უსახურები და საცოდავები ხართ! მონები და უსამშობლოები! გამოგაჭენებთ მალე სამაგალითოდ!“- წერს…

„სამწუხაროა, საქართველოს პრემიერ-მინისტრის პოლიტიკური განცხადებების თანმიმდევრული და მუდმივი დეგრადაციის ყურება, რომლის გარჩევა ბოლო დროს რთული გახდა რუსეთის ხელისუფლების განცხადებებისგან“-  ამის შესახებ უკრაინის საგარეო საქმეთა სამინისტროს პრესსამსახურის მიერ გავრცელებულ განცხადებაშია ნათქვამი. უწყებაში ამბობენ, რომ ისინი გმობენ საქართველოს პრემიერ-მინისტრის ირაკლი კობახიძის „არამეგობრულ“ განცხადებას. ასევე, აღნიშნავენ, რომ კობახიძე  უკრაინაში მიმდინარე მოვლენებს ამახინჯებს. „უკრაინისთვის, საქართველოს მთავრობის მეთაურის ჩვენს სახელმწიფოსთან, ღირსების რევოლუციასთან, გმირობასთან და უკრაინელი ხალხის თავისუფლებისთვისა და დამოუკიდებლობისთვის ბრძოლასთან დაკავშირებით განცხადებები მიუღებელი და აღმაშფოთებელია. არა უკრაინა, რომელიც თავს იცავს, არამედ მხოლოდ რუსეთია, რომელიც მოღალატურად თავს დაესხა ჩვენს მიწას, პასუხისმგებელი ათასობით დაკარგულ სიცოცხლეზე, უკრაინული ქალაქებისა და…

საქართველოს პარლამენტის წევრ ელისო ბოლქვაძეს პარიზის აეროპორტში ქართველები დახვდნენ და “მონა” ეძახეს. დეპუტატი იმდენად გაბრაზდა, პოლიციის გამოძხება დააპირა.

ჯანდაცვის მინისტრის მიხეილ სარჯველაძის განცხადებით,  ბავშვთა და შშმ პირთა უფლებებზე განსაკუთრებული ზრუნვა სახელმწიფოს უმთავრესი პრიორიტეტია. როგორც მინისტრმა აღნიშნა, ასევე პრიორიოტეტული საკითხია შშმ პირთა დასაქმება. „შშმ პირთა უფლებებზე მუშაობა გაგრძელდება იმ საუკეთესო სტანდარტების გამოყენებით,რაც შეზღუდული შესაძლებლობების მქონე პირთა უფლებების შესახებ საქართველოს ახალმა კანონმა დაადგინა. მთავარ სამომავლო გეგმად უნდა გამოვყოთ მუშაობის აქტიურად გაგრძელება ე.წ. ბიო-ფსიქო-სოციალურ მოდელზე გადასვლასთან დაკავშირებით მოსამზადებლად.  ამ მიმართულებით ასევე პრიორიტეტი იქნება სერვისების ხარისხი და იმ დეფიციტების აღმოფხვრა, რაც დაკავშირებულია შშმ პირთა დასაქმებასთან“,-განაცხადა მიხეილ სარჯველაძემ. სარჯველაძე ამბობს, რომ ცალკეული ადამიანების მხრიდან, ისტერიკის და პანიკის დათესვის მცდელობაა, ონკოლოგიური დიაგნოზის მქონე ბავშვების…

ჩეხეთის საგარეო საქმეთა მინისტრმა იან ლიპავსკიმ უარყოფითად შეაფასა საქართველოში “უცხოეთის გავლენების მატარებელთა შესახებ” კანონის მიღება. მინისტრის განცხადებით, საქართველომ ვალდებულება აიღო, რომ გააგრძელებდა ევროპულ გზას. ამის შესახებ მან, 30 მაისს პრაღაში, ნატოს წევრი ქვეყნების საგარეო საქმეთა მინისტრების არაფორმალური სამიტის ფარგლებში გამართულ პრესკონფერენციაზე, ისაუბრა. “ჩვენ მართლაც უკმაყოფილონი ვართ ახალი კანონით. საქართველომ ვალდებულება აიღო, რომ გააგრძელებდა ევროპულ გზას, რაც ასევე გულისხმობს ევროპული ფასეულობების ერთიან გაგებას“- განაცხადა მინისტრმა.  

აჭარის ფინანსთა და ეკონომიკის მინისტრის მოადგილემ, სულხან ღლონტმა თანამდებობა დატოვა. ინფორმაცია, რომელიც ცოტა ხნის წინ მედიით გავრცელდა ეკონომიკის სამინისტროში დაადასტურეს.  უწყებაში ამბობენ, რომ ღლონტმა თანამდებობა პირადი განცხადების საფუძველზე დატოვა. სულხან ღლონტი აჭარის ფინანსთა და ეკონომიკის მინისტრის მოადგილის პოზიციაზე 2019 წლიდან მუშაობდა.

პარლამენტის თავმჯდომარის შალვა პაპუაშვილის განცხადებით, ოპოზიციური პარტიების ბოიკოტის გამო, ხვალ, ეკონომიკისა და მდგრადი განვითარების მინისტრის, ლევან დავითაშვილის პარლამენტში ინტერპელაციით წესით მოსმენა აღარ შედგება. მან ამის შესახებ ბიუროს სხდომაზე განაცხადა. მისი განმარტებით, ეს კიდევ ერთხელ აჩვენებს ოპოზიციის დამოკიდებულებას საპარლამენტო მუშაობასთან.  როგორც პაპუაშვილმა აღნიშნა, 26 ოქტომბერს ოპოზიცია საქართველოს მოქალაქეებისგან სასტიკ პასუხს მიიღებს. „საქართველოს პარლამენტის რეგლამენტის თანახმად, ბოიკოტი მოქმედებს და შეიძლება გამოცხადდეს საკითხის განხილვასთან დაკავშირებით. საპარლამენტო საქმიანობისთვის, პლენარული სხდომისთვის ბოიკოტის გამოცხადება, ეს ოპოზიციის გარკვეული ტრადიციაა და ახლა საერთოდ ახალ მწვერვალს მიაღწიეს – საკუთარ საკითხს, ინტერპელაციას გამოუცხადეს ბოიკოტი. მათ მიერ დაყენებულ საკითხს, რომ მინისტრი მოსულიყო და „კრიტიკის ქარცეცხლში“…

“ანაკლიის პორტის მშენებლობის პროცესში მონაწილე ჩინურ-სინგაპურული კონსორციუმი სანქცირებული კომპანიების სიაში არ ირიცხება”- აცხადებენ ეკონომიკისა და მდგრადი განვითარების სამინისტროში. როგორც ეკონომიკის სამინისტროს მიერ გავრცელებულ განცხადებაშია ნათქვამი, აღნიშნული კამპანია სრულად პოლიტიზირებულია და მიზნად ისახავს ანაკლიის პორტის პროექტის განხორციელებისთვის მიზანმიმართულ ხელის შეშლას. „გვსურს გამოვეხმაუროთ მედიასაშუალებებში და ოპოზიციური პოლიტიკური პარტიების მიერ გავრცელებულ ინფორმაციას ანაკლიის პორტის პროექტში მონაწილე ჩინურ-სინგაპურულ სახელმწიფო კონსორციუმთან დაკავშირებით. უპირველესად, გვსურს განვმარტოთ, რომ ჩინურ-სინგაპურული კონსორციუმის მიმართ არც საერთაშორისო და არც აშშ-ს სანქციები არ ვრცელდება. აღნიშნული კამპანია სრულად პოლიტიზებულია და მიზნად ისახავს ანაკლიის პორტის პროექტის განხორციელებისთვის მიზანმიმართულ ხელის შეშლას. China Communications Construction Company Limited…

„ოფშორის შესახებ კანონის“ მიღება წარმოადგენს სახიფათო ცვლილებას საქართველოს საკანონმდებლო ლანდშაფტში, რაც მნიშვნელოვნად ზრდის იმის რისკს, რომ ქვეყანა გახდეს ფულის გათეთრების, განსაკუთრებით სანქცირებული რუსი ოლიგარქების გამტარი – აშშ-ს ხაზინის პოტენციური პასუხი შეიძლება იყოს მკაცრი, მათ შორის სანქციები და ჯარიმები ქართული ფინანსური ინსტიტუტების მიმართ, რომლებიც აღიქმებიან უკანონო ფინანსური ნაკადების ხელშემწყობებად“- აღნიშნულია საერთაშორისო სავაჭრო პალატის განცხადებაში. სავაჭრო პალატაში აღნიშნავენ, რომ  ე.წ „რუსული კანონის“  მიღებით პარლამენტმა ქვეყანაში „მნიშვნელოვნად გაზარდა საერთაშორისო იზოლაციისა და ეკონომიკური არასტაბილურობის რისკი“. „საქართველოს პარლამენტის მიერ „ოფშორის შესახებ კანონის“ მიღება წარმოადგენს სახიფათო ცვლილებას საქართველოს საკანონმდებლო ლანდშაფტში, რაც მნიშვნელოვნად ზრდის იმის რისკს, რომ ქვეყანა…

დიდი ბრიტანეთის საგარეო საქმეთა მინისტრი, დევიდ კამერონი საქართველოს პარლამენტის მიერ პრეზიდენტის ვეტოს დაძლევას ეხმიანება. როგორც კამერონიო სოციალურ ქსელსი წერს, საქართველოს მოსახელობას ევროატლანტიკური ოჯახში სურს, ხოლო „უცხოური გავლენის შესახებ გამჭვირვალობის კანონის“ მიღებით, ხელისუფლებამ ამ გზას გადაუხვია. „საქართველოს მოსახლეობის სურვილი ნათელია: მათი მომავალი ევრო-ატლანტიკურ ოჯახშია.  პრეზიდენტ @Zourabichvili_S ვეტო-ს დაძლევით და უცხოური გავლენის შესახებ გამჭვირვალობის კანონის მიღებით, საქართველოს ხელისუფლებამ ამ გზიდან გადაუხვია. ბრიტანეთი განაგრძობს ქართველი ხალხის გვერდში დგომას,” – წერს კამერონი.

 „ქართული არასამთავრობო ორგანიზაციები ვაგრძელებთ სამართლებრივ ბრძოლას რუსული კანონის წინააღმდეგ. ჩვენ ვაცხადებთ, რომ რუსული კანონის წესებით არ ვიცხოვრებთ და გამოვიყენებთ ყველა შიდა და საერთაშორისო მექანიზმს მისი მოქმედების შესაფერხებლად კანონის უპირობო გაუქმებამდე“- აცხადებენ არასამთავრობო ორგანიზაციები. სამოქალქო სექტორის წაერმომადგენლები ამბობენ, რომ ე.წ „რუსულ კანონს“ საკონსტიტუციო სასამართლოში გაასაჩივრებენ. მათ ერთობლივი განცხადება გააკეთეს და აღნიშნეს, რომ დავა გაგრძელდება  არა მხოლოდ საკონსტიტუციო სასამართლოში, არამედ ევროსასამართლოშიც.  „ამისთვის ვამზადებთ სარჩელს საკონსტიტუციო სასამართლოში წარსადგენად და უახლოეს პერიოდში მივმართავთ მას. საკონსტიტუციო სასამართლოს შეუძლია იმოქმედოს კონსტიტუციით მინიჭებული უფლებამოსილებით და შეაჩეროს კანონის შესაბამისი მუხლების მოქმედება. თუმცა საკონსტიტუციო სასამართლოს არ მივიჩნევთ ბრძოლის ერთადერთ გზად. ჩვენი სამართლებრივი…

„ლიეტუვის საგარეო საქმეთა სამინისტრომ საქართველოს ელჩი სალომე შაფაქიძე უწყებაში დაიბარა მას შემდეგ, რაც საქართველოს პარლამენტმა მხარი დაუჭირა პრეზიდენტ სალომე ზურაბიშვილის ვეტოს დაძლევას ე.წ. “უცხოური გავლენის შესახებ“ კანონზე“-ნათქვამია ლიეტუვის საგარეო საქმეთა სამინისტროს განცხადებაში. ლიტუვის საგარეო საქმეთა სამინისტრო მწუხარებას გამოთქვამს საქართველოს მთავრობის კიერ გადადგმული ნაბიჯების გამო. მათი განმარტებით, „უცხოური გავლენის“ შესახებ კანონპროექტის მიღება მიმართულია ქვეყანაში სამოქალაქო საზოგადოების საქმიანობის დაშინებისა და შეზღუდვისკენ. „ეს ქმედებები ძირეულად ეწინააღმდეგება ქვეყნის კონსტიტუციით დაფიქსირებულ მისწრაფებებს ევროკავშირსა და ნატოში ინტეგრაციასთან დაკავშირებით. ევროკავშირმა საქართველოს კანდიდატის სტატუსი 2023 წლის დეკემბერში მიანიჭა, იმ პირობით, რომ შეასრულებდა ევროკომისიის ცხრა რეკომენდაციას. როდესაც საქართველოს პარლამენტმა „უცხოური გავლენის“…

„ოპოზიციამ ვერც ერთხელ ვერ გაბედა ინტერპელაციით პრემიერ-მინისტრ ირაკლი კობახიძისთვის მიემართა. ესეც აჩვენებს თუ როგორი უნარები აქვთ და საერთოდ რამდენად შემძლე არიან შინაარსობრივ დისკუსიებში შესვლაზე“- განაცხადა პარლამენტის თავმჯდომარე შალვა პაპუაშვილმა ბიუროს სხდომაზე, სადაც ოპოზიციონერი დეპუტატების მიერ პლენარული სხდომებისთვის ბოიკოტის გამოცხადების საკითხს გამოეხმაურა. როგორც შალვა პაპუაშვილმა განმარტა, საგაზაფხულო სესიის განმავლობაში, ოპოზიციას შეეძლო პრემიერ-მინისტრისთვის ინტერპელაციით მიემართა, მაგრამ დისკუსიასა და დებატებში შესვლა ვერ გაბედეს. „ესეც აჩვენებს, რომ მყვირალა ფრაზების უკან სინამდვილეში რადიკალური დღის წესრიგის მქონე რამდენიმე ადამიანის ჯგუფი დგას, რომელიც თავს პოლიტიკოსს უწოდებს“ – განაცხადა შალვა პაპუაშვილმა.  

„უამრავი სპეკულაცია მოვისმინეთ ჩინურ კომპანიასთან დაკავშირებით. ამ დროს, ეს არის ერთ-ერთი უმსხვილესი ჩინური სახელმწიფო კომპანია, რომელსაც აქვს უდიდესი გამოცდილება, მათ შორის, ამ ტიპის პროექტების განხორციელების ძალიან დიდი გამოცდილება, შემოიტანეს ძალიან კარგი განაცხადი ამ პროექტის განვითარებასთან დაკავშირებით“- ამის შესახებ პრემიერ-მინისტრმა ირაკლი კობახიძემ განაცხადა. მისი განმარტებით, ანაკლიის გარშემო პროცესებში ჩართულ პოლიტიკურ ოპონენტებს, სახელმწიფომ არაერთხელ გადაუვადა შესაძლებლობა, რომ ინვესტორი მიეზიდათ, თუმცა ვერ შეძლეს და ახლა პასუხისმგებლობის სხვაზე გადატანას ცდილობენ. როგორც მან აღნიშნა, ჩინური კომპანიის მონაწილეობით ამ პროექტის განხორციელება არის განსაკუთრებით მნიშვნელოვანი გამომდინარე იქიდან, რომ ჩინურ ტვირთებს ენიჭება განსაკუთრებული მნიშვნელობა ამ პორტის მაქსიმალურად ეფექტიანი…

„ის, რომ საგარეო საქმეთა მინისტრი პრემიერის თანხმობის გარეშე მონაწილეობს საქართველოში ოპოზიციურ აქციაში, ეს მეტყველებს არასერიოზულობაზე, რომელიც კონკრეტულ სტრუქტურაში იკვეთება. ძალიან სამწუხაროა ეს ყველაფერი, თუმცა ეს არის მათი საქმე“-ამის შესახებ ირაკლი კობახიძემ ჟურნალისტის კითხვის პასუხად განაცხადა, რომელიც ესტონეთის პრემიერ-მინისტრის განცხადებას შეეხებოდა. მთავრობის მეთაურის განმარტებით, რაც შეეხება პარალელებს მაიდანსა და საქართველოში მიმდინარე პროცესებს შორის, „მაიდანს“ ვერავინ ეღირსება საქართველოში. „რაც შეეხება პარალელებს მაიდანსა და საქართველოში მიმდინარე პროცესებს შორის ყველას მინდა ვუთხრა, რომ „მაიდანს“ ვერავინ ეღირსება საქართველოში. მინდა, შეგახსენოთ, თუ რა იყო უკრაინისთვის „მაიდნის“ შედეგები. მაშინ, რეალურად, გარედან დანიშნეს უკრაინის ხელისუფლება, ჯერ ერთხელ, შემდეგ მეორედ და საბოლოოდ, ვინც გარედან დანიშნა ხელისუფლება, იმას პასუხისმგებლობა აღარ აუღია მოვლენებზე, რომელიც შემდეგომ განვითარდა უკრაინაში“- აღნიშნა პრემიერმა.

„სალომე ზურაბიშვილმა  დაიწყო უცხოური აგენტების რეესტრის შექმნა, რომელშიც შესაბამისი პარტიები იყრიან თავს,  ხდება  „კოლექტიურ ნაცმოძრაობის“ სიის ფორმალიზება. ის ინიციატივა, რაც გაახმოვანა სალომე ზურაბიშვილმა სინამდვილეში არის უცხოური აგენტების რეესტრის შექმნის პირველი მცდელობა“ -განაცხადა ირაკლი კობახიძემ. როგორც საქართველოს პრემიერ-მინისტრმა აღნიშნა, რეალურად, სალომე ზურაბიშვილმა უკვე დაიწყო უცხოური აგენტების რეესტრის შექმნა, რომელშიც შესაბამისი პარტიები იყრიან თავს. „მადლობა სალომე ზურაბიშვილს ამისთვის. რეალურად, ჩვენ მანამდეც ვამბობდით, რომ სინამდვილეში ეს ყველა ადამიანი არის ერთი პოლიტიკური ძალა, რომელსაც ჩვენ ვუწოდებთ „კოლექტიურ ნაცმოძრაობას“ და ახლა ხდება ამ „კოლექტიურ ნაცმოძრაობის“ სიის ფორმალიზება, უცხოური აგენტების სიის ფორმალიზება, ამისთვის განსაკუთრებული მადლობა სალომე…