დღე: მაისი 25, 2024

საკანონმდებლო ორგანოსთან „ უცხოური გავლენის გამჭვირვალობის შესახებ“ კანონის საწინააღმდეგო აქცია დასრულდა. შეკრებილები აცხადებენ, რომ დანებებას არ აპირებენ და ხვალ სხვადასხვა სახის აქციებს გამართავენ. მომიტინგეებმა  დღეს პარლამენტთან ერთგვარი პერფორმანსი გამართეს, კერძოდ, მათ ფერადი სანათები ჰქონდათ მოტანილი და სკანდირებდნენ “საქართველო, საქართველო“. გარადა ამისა, აქციის მონაწილეებმა  შეასრულეს საქართველოს ჰიმნი და იცეკვეს ხორუმი.

საქართველოს პარლამენტთან „უცხოური გავლენის გამჭვირვალობის შესახებ“ კანონის საწინააღმდეგო აქცია დაიწყო.  აქციას მსვლელობით თბილისის ივანე ჯავახიშვილის სახელობის სახელმწიფო უნივერსიტეტის პროფესორ-მასწავლებლების ნაწილი შეუერთდა. ამ დროისთვის, უცნობია რა გეგმები აქვთ აქციის მონაწილეებს. რუსთაველის გამზირზე და პარლამენტის მიმდებარე ტერიტორიაზე აქციის პარალელურად 26 მაისის ღონისძიებისთვის მზადება მიმდინარეობს. შესაბამისად, აღნიშნულ ტერიტორიაზე საავტომობილო მოძრაობა გადაკეტილია. „ავტორიტარულ რეჟიმებს არ უყვარს ჭკვიანი ხალხი“-პროფესორ-მასწავლებლებლების აქცია თსუ-სთან

ცოლად მოყვანის მიზნით თავისუფლების უკანონო აღკვეთის ფაქტზე, შინაგან საქმეთა სამინისტროს სასაზღვრო პოლიციის ორი თანამშრომელი დააკავეს. ინფორმაციას, სპეციალური საგამოძიებო სამსახური ავრელებს. დანაშაული 7-დან 10 წლამდე თავისუფლების აღკვეთას ითვალისწინებს. „გამოძიებით დადგინდა, რომ მოქალაქე მ.კ.-მ ცოლად მოყვანის მიზნით 23 წლის გოგოს მოტაცება განიზრახა. 2024 წლის 25 მაისს, დაბა მესტიაში, თამარ მეფის ქუჩაზე, მან სასაზღვრო პოლიციის სამმართველოს 2 ინსპექტორის დახმარებით, დაზარალებული ქალი იძულებით ა/მანქანაში ჩასვა და გაიტაცა. სპეციალურმა საგამოძიებო სამსახურმა, შეტყობინების შემოსვლის შემდეგ გადაუდებელი საგამოძიებო მოქმედებები ჩაატარა“- აღნიშნულია განცხადებაში. ამავე ცნობით, მოპოვებულ იქნა ფაქტის ამსახველი ვიდეომსალები. „გამოიკითხნენ მოწმეები, დათვალიერდა შემთხვევის ადგილი, მოპოვებული იქნა გატაცების…

პროფესორ – მასწავლებლები მსვლელიბით თბილისის სახელმწიფო უნივერსიტეტის პირველ კორპუსთან მივიდნენ. მათ ხელში სხვადასხვა შინაარსის ბანერები უჭირავთ. მთავარი სათქმელო კი არის: „განათლება საფრთხეშია“ . როგორც ისინი აცხადებენ, „უცხოური გავლენის გამჭვირვალობის შესახებ“ კანონი საფრთეს უქმნის განათლებას, რადგან მათივე განმარტებით, ავტორიტარულ რეჟიმს ჭკვიანი ხალხი არ უყვარს. „განათლებას ემუქრება დიდი საფრთხე, რადგანაც მოგეხსენებათ, რომ ავტორიტარულ რეჟიმებს არ უყვართ ჭკვიანი და განათლებული ადამიანები. სხვათაშორის ირაკლი კობახიძემ ისაუბრა, რომ არასწორი კონკურსის შედეგად მოხდა პროფესორ-მასწავლებლების არჩევა საქართველოში. ჩვენ ჩავატარებთ რეფორმასო, რა რეფორმის ჩამტარებლები არიან კარგად იცით. შემდგეში თუ, რომელიმე კვლევა განხორციელდება უცხოური ორგანიზაციის დაფინანსებით, ბუნებრივია პროფესორ-მასწავლებელი,მკვლევარი შეიძლება…

დამოუკიდებლობის დღისადმი მიძღვნილი ღონისძიებები 10:00 საათზე, თავისუფლების მოედნიდან დაიწყება, სადაც ტრადიციულად, ახალწვეულები ფიცს დადებენ. ფიცის დადების საზეიმო ცერემონია საქართველოს სხვადასხვა კუთხეში გაიმართება. თბილისში, რუსთაველის გამზირზე მოეწყობა ღვინის სივრცე, სადაც მეღვინეების პროდუქციის გამოფენა-გაყიდვა გაიმართება. სტუმრებს ასევე დახვდებათ სპორტული, კულინარიული და საბავშვო კუთხეები. 17:10 საათზე, საქართველოს დამოუკიდებლობის გამოცხადების ისტორიული დრო საზეიმოდ აღინიშნება. საქართველოს სახელმწიფო ჰიმნს შეასრულებს 300 ბავშვი, რომელთა შორის  იქნებიან საზღვარგარეთ მოქმედი ქართული სათვისტომო სკოლების მოსწავლეები. 26 მაისის საზეიმო ღონისძიებებს დამოუკიდებლობის დღისადმი მიძღვნილი გალა კონცერტი დაასრულებს, რომლის მთავარი თემაა – ამბავი საქართველოზე. გალა კონცერტის წლევანდელი პროგრამა სრულად ფოლკლორს ეთმობა და მასში საქართველოს ყველა კუთხის ფოლკლორული ანსამბლების 1000-მდე წარმომადგენელი მონაწილეობს. მთავრობის ადმინისტრაციის ორგანიზებით,…

ქართველი ემიგრანტები ე.წ „რუსული კანონის “ საწინააღმდეგო აქციას მართავენ ლონდონში. ემიგრანტებმა ქალაქში მსვლელობა მოაწყვეს. ისმის შეძახილები „გაუმარჯოს საქრთველოს“. „უცხოური გავლენის  გამჭვირვალობის შესახებ“ კანონს რამდენიმე კვირაა თბილისსა და სხვა ქალაქებში აპროტესტებენ. თბილისში ამ წუთებშიც მიმდინარეობს მსვლელობა.    

ვაკის პარკიდან აქციის მონაწილე პროფესორ-მასწავლებლები, მეცნიერები და აკადემიური წრეების სხვა წარმომადგენლები მსვლელობით თსუ-სთან მივლენ. მათი მოთხოვნაა, მთავრობამ აღნიშნული კანონპროექტი გაიწვიოს. „ჩვენ, საქართველოში არსებული უნივერსიტეტების პროფესორ-მასწავლებლები, მეცნიერები, მკვლევრები, აკადემიური და ადმინისტრაციული პერსონალი ვუერთდებით “უცხოური გავლენის გამჭვირვალობის შესახებ კანონის“ საწინააღმდეგო სამართლიან და დემოკრატიულ სამოქალაქო პროტესტს, რომლის ჩახშობა საქართველოს ხელისუფლებამ არაერთხელ სცადა. გარდა პირდაპირი ძალადობისა, საუნივერსიტეტო საზოგადოების – სტუდენტების და პროფესორ-მასწავლებლების სამართლიანი პროტესტის ჩასახშობად და გასაჩუმებლად, ხელისუფლება ცდილობს შელახოს საქართველოს უნივერსიტეტების ავტონომია“- ნათქვამია ერთიან მიმართვაში, რომელსაც აქციაში მონაწილე აკადემიური წრის წარმომადგენლები ავრცელებენ. აღნიშნული პირები 19:00 საათზე, პარლამენტთან დაგეგმილ აქციას შეუერთდებიან.    

მიწისქვეშა ბიძგები დაახლოებით 14:30 საათზე დაფიქსირდა.  მისი  სიმძლავრე 3.9 მაგნიტუდა იყო. ინფორმაციას დედამიწის შემსწავლელ მეცნიერებათა ინსტიტუტი და სეისმური მონიტორინგის ეროვნული ცენტრი ავრცელებს. მათივე ცნობით, მიწისქვეშა ბიძგების ეპიცენტრი დედოფლისწყაროდან 41 კილომეტრში, სოფელი ზემო ხალაწანი იყო.

რუსეთის სახელმწიფო სათათბიროს თავმჯდომარე ვიაჩესლავ ვოლოდინი პრემიერ-მინისტრის ირაკლი კობახიძის განცხადებას ეხმაურება, ერთ-ერთი ევროკამისარის მიერ მუქარის შესახებ. როგორც მან აღნიშნა მუქარა, შანტაჟი და ძალადობა ვაშინგტონისა და ბრიუსელის პოლიტიკის საფუძველი გახდა. „როგორც საქართველოს პრემიერმა თქვა, ერთ-ერთმა ევროკომისარმა საუბრის დროს დააშინა რიგი ზომებით, რომელთა მიღებაც დასავლელ პოლიტიკოსებს შეუძლიათ, თუ უცხოელ აგენტებზე ვეტოს დაძლევენ და მაგალითად მოიყვანა ბოლო მცდელობა, სლოვაკეთის პრემიერ-მინისტრი: ხედავ ფიცოს რა დაემართა და ძალიან ფრთხილად უნდა იყო. მუქარა, შანტაჟი და ძალადობა ვაშინგტონისა და ბრიუსელის პოლიტიკის საფუძველი გახდა. ეს მსუბუქად არ უნდა მივიღოთ და არ უნდა შემოვიფარგლოთ მხოლოდ განცხადებებით. ყოველი ფაქტი უნდა…

საქართველოს პროკურატურამ  ოჯახის წევრის მიმართ დამამძიმებელ გარემოებებში, განსაკუთრებული სისასტიკით  ჩადენილი განზრახ მკვლელობის ფაქტზე ერთ პირს ბრალდება წარუდგინა. შინაგან საქმეთა სამინისტროს მიერ ჩატარებული გამოძიებით დადგინდა, რომ 23 მაისს, ზუგდიდში ბრალდებულმა გენდერული დისკრიმინაციის მოტივით, მეუღლეს  ჩაქუჩით თავის და სხეულის სხვადასხვა არეში დაზიანებები მიაყენა. მიღებული დაზიანებების შედეგად დაზარალებული საავადმყოფოში გარდაიცვალა. სამართალდამცველებმა ბრალდებული 24 მაისს დააკავეს. მას ბრალდება საქართველოს სისხლის სამართლის კოდექსის 11 პრიმა 109-ე მუხლის „თ“, „კ“ და „მ“ ქვეპუნქტებით (ოჯახის წევრის მიერ ოჯახის მეორე წევრის განზრახ მკვლელობა, გენდერის ნიშნით, განსაკუთრებული სისასტიკით) წარედგინა, რაც სასჯელის სახედ და ზომად 16-დან 20 წლამდე ან უვადო თავისუფლების აღკვეთას ითვალისწინებს.…

სომხეთის პრემიერის ვერტმფრენი ავარიულად დაეშავ. როგორც აცხადებენ, ავარიულად დაშვების მიზეზი უამინდობა გახდა. პრემიერ-მინისტრი ტაშირში მიფრინავდა, თუმცა, ვერტმფრენს   ვანაძორის სტადიონზე ავარიული დაშვება მოუწია. პრემირს მგზავრობის გაგრძელება ავტომანქანით მოუწია. „ყველაფერი კარგადაა. უამინდობის გამო, ჩვენმა ვერტმფრენმა ვანაძორში დაუგეგმავი დაშვება განახორციელა. ჩვენ ახლა გზას ავტომობილით ვაგრძელებთ, ყველას კარგ დღეს ვუსურვებ“, – განაცხადა ფაშინიანმა.

საქართველოს საგარეო საქმეთა სამინისტროს ცნობით, კანადაში უკვე მეოთხედ, 26 მაისისადმი მიძღვნილი ღონისძიებების ფარგლებში, ნიაგარას ჩანჩქერი განათდება საქართველოს დროშის ფერებით. ამასთან, ქ. ოტავას მერიის წინ გაიმართება საქართველოს დროშის აღმართვის ცერემონია.  საქართველოს საგარეო საქმეთა სამინისტროს და საზღვარგარეთ საქართველოს დიპლომატიური წარმომადგენლობების ჩართულობით,  საქართველოს დამოუკიდებლობის დღე – 26 მაისი, მსოფლიოს 70 -ზე მეტ ქალაქში, მაისი-ივნისის პერიოდში, სხვადასხვა სახის ღონისძიებებით აღინიშნება. დამოუკიდებლობის დღესთან დაკავშირებით, ტრადიციულად, საქართველოს დროშის ფერებში განათდება მსოფლიოს სხვადასხვა ღირსშესანიშნაობა.   საქართველოს დამოუკიდებლობის დღეს მსოფლიოში სხვადასხვა ღონისძიებებით აღნიშნავაენ

საქართველოს პრემიერ-მინისტრმა ირაკლი კობახიძემ უნივერსიტეის ტერიტორია ხმაურის და შეძახილების ფონზე დატოვა. პრემიერის წასვლიდან რამდენიმე წუთში, უნივერსიტეტთან ფიზიკური დაპირისპირება მოხდა. ერთმანეთს „ქართული ოცნების“ ახალგაზრდული ორგანიზაციის წევრები და პროტესტში მონაწილე პირები დაუპირისპირდნენ. ადგილზე კვლავ მობილიზებულები არიან საპატრულო პოლიციის თანამშრომლები.   „კობახიძე ლექციაზე შეაპარეს“- სტუდენტი

“უცხოური გამჭვირვალობის გავლენის შესახებ” კანონის წინააღმდეგ  პროტესტს  თუმანიშვილის თეატრის დასის მსახიობებიც შეუერთდნენ.  დასისი წევრებმა მარჯანიშვილის თეატრში, სპექტაკლი „მეფე ლირის” დასრულების შემდეგ ბანერები გაშალეს წარწერით:”არა რუსულ კანონს, არა რეპრესიებს”. სცენაზე იდგნენ მამა-შვილი ზურა და გიორგი ყიფშიძეები.

სტუდენტების ინფორმაციით, პრემიერ-მინისტრი თსუ -ში ლექციის ჩასატარებლად ჩუმად შეაპარეს.  მათივე თქმით,  ირაკლი კობახიძესათან ლექციაზე “ქართული ოცნების” ახალგაზრდული ორგანიზაციის წევრები შეუშვეს და იმიჯი შექმნეს, რომ პრემიერის ლექციას სტუდენტები ესწრებიან. “რაღაც გვირაბებით შევიდა უნივერსიტეტში, რაც კომიკურია. რაღაც სია ჰქონდათ, რომლითაც ისეთი ხალხი შეუშვეს ლექციაზე დასასწრებად, რომლებიც ვერავინ ვერ ამოიცნო, რომ მისი სტუდენტები არიან. სავარაუდოდ ,”ქართული ოცნების” ახალგაზრდული ფრთის წევრები იყვნენ”, – განაცხადა პროტესტის მონაწილე ნიკო მანაგაძემ. თსუ-ს შენობასთან გაფიცული სტუდენტები დილიდან შეიკრიბნენ. ისინი უნივერსიტეტთან ირაკლი კობახიძეს ელოდებოდნენ. ადგილზე, კვლავ მობილიზებულია საპატრულო პოლიციის ეკიპაჟები.   თსუ-ს მე-2 კორპუსთან სტუდენტები კობახიძეს საპროტესტო აქციით ხვდებიან