დღე: აპრილი 26, 2022

ახალქალაქის, კუმურდოსა და კარის მიტროპოლიტი, მეუფე ნიკოლოზი, ბოლო პერიოდში,  მიხეილ სააკაშვილს  საპატიმრო დაწესებულებაში ხშირად სტუმრობს. მეუფე არც იმას უარყოფს, რომ მიხეილ სააკაშვილის შეწყალებას უჭერს მხარს და ამ თემაზე პრეზიდენტ ზურაბიშვილსაც კი ესაუბრა. „მქონდა პრეზიდენტთანაც საუბარი შეწყალებაზე. მისი აზრი მაინტერესებდა. იმისათვის, რომ ეს მოხდეს შრომა და მუშაობაა საჭირო საზოგადოებასთან. საზოგადოებაშიც განსხვავებული აზრია შეწყალებასთან დაკავშირებით. პრეზიდენტმა მითხრა, რომ ის გამოხატავს ხალხის ნებას, არ შეუძლია  მიიღოს ისეთი გადაწყვეტილება, რომელიც რაღაც ნაწილს საზოგადოებისას მოეწონება და რაღაც ნაწილისთვის კატეგორიულად მიუღებელი იქნება. მე მიმაჩნია, რომ ასეთი რანგის ადამიანის მდგომარეობა განსაკუთრებულად უნდა იყოს განხილული, როგორც ჩვეულებრივი პატიმარი…

როგორც გაერო-ს მონიტორინგის მისიის ხელმძღვანელი მატილდა ბოგნერი „სიენენთან“ აცხადებს, უკვე დაიწყო გამოძიება უკრაინაში მშვიდობიანი მოსახლეობის ამოხოცვის ფაქტზე. ამ ეტაპზე, საუბარია  300 კონკრეტული შემთხვევის გამოძიებაზე. გაეროს მისიამ 300-ზე ფაქტზე დოკუმენტების შეგროვებაც შეძლო, რაც უტყუარი მტკიცებულებაა. როგორც გაეროს მისიაში აცხადებენ, უკრაინაში მშვიდობიანი მოსახლეობის მიზანმიმართული მკვლელობის ფაქტი 5 000-ზე მეტია. ამას ემატება ადამიანთა წამება, გაუპატიურება და გატაცება.

რუსული მხარე თურქეთის პრეზიდენტთან შეხვედრის შესახებ ინფორმაციას ავრცელებს. როგორც კრემლში განმარტავენ, პრეზიდენტმა პუტინმა პრეზიდენტ ერდოღანთან მარიუპოლიდან მოსახლეობის ევაკუაციაზე ისაუბრა და საკუთარი პირობაც წამოაყენა. როგორც კრემლში განმარტავენ, პუტინის თქმით, კიევმა „აზოვსტალის“ ქარხნის ტერიტორიაზე მყოფ სამხედროებს იარაღის დაყრის ბრძანება უნდა მისცეს. „საუბარია უკრაინელ სამხედროებსა და ნაციონალისტური ბატალიონების “ბოევიკებზე”, რომლებიც ბლოკირებულნი არიან „აზოვსტალის“ ქარხნის ტერიტორიაზე. კიევის ხელისუფლებამ უნდა აიღოს პოლიტიკური პასუხისმგებლობა, იხელმძღვანელოს ჰუმანური მოსაზრებებით და უბრძანოს, დაყარონ იარაღი“, – აღნიშნულია ინფორმაციაში, რომელსაც რუსული მხარე ავრცელებს. ერდოღანმა და პუტინმა უკრაინის ომზე ისაუბრეს

მოსკოვში მყოფი  გაეროს გენერალური მდივანი აცხადებს, რომ მზადაა, მარიუპოლიდან მშვიდობიანი მოსახლეობის ევაკუაცია უზრუნველყოს. ამისთვის კი რუსეთის თანხმობას ელოდება. როგორც ანტონიო გუტერეშმა მოსკოვში გამართულ პრესკონფერენციაზე განაცხადა, გაერო მზადაა, გამოიყენოს მის ხელთ არსებული ყველა რესურსი მშვიდობიანი მოსახლეობის გადასარჩენად. „გამოვდივარ ინიციატივით, შეიქმნას ჰუმანიტარულ საკითხებზე მომუშავე საკონტაქტო ჯგუფი, რომელშიც შევა გაერო, წითელი ჯვარი, რუსული და უკრაინული მხარე, რომლიც იმუშავებს უსაფრთხო დერეფნის მოწყობის გზების ძიებაზე, რაც მოიაზრებს ადგილზე ცეცხლის შეწყვეტას, რომ გარანტირებული იყოს ამ დერეფნების ეფექტურობა“, – განაცხადა გუტერეშმა მოსკოვში. მისივე თქმით, „აზოვსტალის“ ქარხნის დატოვების შესაძლებლობა ყველამ უნდა ჰქონდეს და ამავდროულად, მათ უნდა გადაწყვიტონ სად…

რუსული მხარე ირწმუნება, რომ ის, რაც დღეს უკრაინაში ხდება, ნატოს გაფართოების წყურვილის შედეგია. როგორც რუსეთის საგარეო საქმეთა მინისტრი სერგეი ლავროვი განმარტავს, პრობლემას ამერიკული მხარეც ართულებს. „უკრაინაში არსებული სიტუაცია ნატო-ს უსაზღვრო გაფართოების შედეგია.  ჩვენ ყურადღება გავამახვილეთ ევროპის კონტინენტზე არსებულ ვითარებაზე იმ კონტექსტში, რაც დღეს უკრაინაში ხდება, დონეცკის სახალხო რესპუბლიკასა და ლუგანსკის სახალხო რესპუბლიკაში. ეს ვითარება ეტაპობრივად  გროვდებოდა. გადამწყვეტ კონტექსტში კი ეს მოხდა ჩვენი ამერიკელი კოლეგებისა და მათი მოკავშირეების ნატო-ს გაფართოების შეუზღუდავი კურსის შედეგად, ერთპოლუსიანი სამყაროს დამტკიცებით“, – აღნიშნა სერგეი  ლავროვმა გაერო-ს გენერალურ მდივანთან ანტონიო გუტერეშთან გამართულ ერთობლივ პრესკონფერენციაზე. შეგახსენებთ, რომ ანტონიო…

უკრაინის მხარის ინფორმაციით, რუსულმა ძალებმა ოდესასაც შეუტიეს. კერძოდ, რაკეტები ისროლეს, რომელიც მდინარე დნესტრის შესართავთან ჩამოვარდა. მსხვერპლი არ არის, თუმცა, დაზიანდა ხიდი, რის გამოც ის ჩაიკეტა და მოძრაობა აკრძალულია. ოდესის სამხედრო ადმინისტრაციის ინფორმაციით, დაკეტილია ბელგოროდ-დნესტროვსკის ოლქიდან ოდესის მიმართულებით  მიმავალი ხიდი.  

თურქეთის პრეზიდენტის ადმინისტრაცია ადასტურებს ინფორმაციას, რომ ორ პრეზიდენტს შორის სატელეფონო საუბარი შედგა. როგორც  რეჯეფ თაიფ ერდოღანის ადმინისტრაციაში აცხადებენ, ორი ქვეყნის სამშვიდობო მოლაპარაკება უნდა გაგრძელდეს. საურისას რეჯეფ თაიფ ერდოღანმა აღნიშნა, რომ პოზიტიური იმპულსი, რომელიც თურქეთში, მხარეებს შორის დაიძრა, უნდა შენარჩუნდეს. „პრეზიდენტმა ერდოღანმა ისაუბრა ცეცხლის შეწყვეტის, ჰუმანიტარული დერეფნების ეფექტური მუშაობისა და უსაფრთხო ევაკუაციის განხორციელების მნიშვნელობაზე. მან აღნიშნა, რომ თურქეთი გააგრძელებს ქმედებებს, რომ შეაჩეროს მოვლენების ისეთი მიმდინარეობა, რომელიც აზიანებს ყველას და უზრუნველყოს ხანგრძლივი მშვიდობა“, – აცხადებენ თურქეთის პრეზიდენტის ადმინისტრაციაში. კრემლის ინფორმაციით კი პრეზიდენტებმა უკრაინის საკითხზე ისაუბრეს. დამატებითი განცხადება კი მოგვიანებით გაკეთდება.  

გავრცელებულ ფარულ ჩანაწერთან დაკავშირებით, რომელიც სოციალურ ქსელში გავრცელდა და  ბიძინა ივანიშვილისა და რუსი ოლიგარქის, Sistemas-ს დამფუძნებლის, ვლადიმერ ევტუშენკოვის საუბარს ეხება, რუსული მხარე კომენტარს აკეთებს. როგორც  რუსი ოლიგარქი, Sistemas-ს დამფუძნებელი, ვლადიმერ ევტუშენკოვი „ფორმულასთან“ საუბრისას აცხადებს, კომპანიის ვიცე-პრეზიდენტი ალი უზდენოვი თბილისში პრემიერ-მინისტრ ირაკლი ღარიბაშვილს შეხვდა. „ბოლოს, ბიძინა ივანიშვილს მხოლოდ დაბადების დღე მივულოცე. ჩანაწერი მილიონი გავრცელებულა, არ ვიცი, ბევრი მაგ ჩანაწერებიდან „ფეიკია“. საქართველოში იყო ალი უზდენოვი, პრემიერსაც შეხვდა. არ მახსოვს როდის, მგონი, მარტში. მიზანი არაფერი პოლიტიკური არ იყო, მგონი, დასვენებასთან დაკავშირებით ისაუბრეს. სჯობს, მას ჰკითხოთ, ნებისმიერ შემთხვევაში ეს იყო რიგითი ვიზიტი. ივანიშვილთან საქმიანი არა, მხოლოდ მეგობრული ურთიერთობა მაკავშირებს.…

აშშ-ის ყოფილი პრეზიდენტი, დონალდ ტრამპი მიიჩნევს, რომ ჯო ბაიდენმა ვლადიმერ პუტინის ბირთვულ მუქარას მკაცრი პასუხი უნდა გასცეს. „პუტინი ყოველთვის იყენებს სიტყვა ბირთვულს, მაგრამ ეს არ მუშაობს, უბრალოდ არ მუშაობს. თუმცა, ის იყენებს ამ სიტყვას ყოველდღიურად“, – განაცხადა აშშ-ს ყოფილმა პრეზიდენტმა. დონალდ ტრამპის განცხადებით, პუტინი ბირთვული ომის მიმართ შიშს იყენებს და ამიტომ, უფრო ხშირად იყენებს ბირთვულ მუქარას. „ბაიდენმა მას უნდა უპასუხოს, რომ ჩვენ გვაქვს საუკეთესო იარაღი და ისტორიაში საუკეთესო წყალქვეშა ძალა. მე რომ პრეზიდენტი ვიყო, ვიტყოდი, რომ ჩვენ რუსეთზე ბევრად ძლიერები ვართ. ამიტომ აღარასოდეს უნდა გამოიყენონ სიტყვა „ბირთვული იარაღი“. და თუ ამას გააკეთებენ,…

უკრაინის პრეზიდენტის ოფისის ხელმძღვანელის მრჩევლის, ალექსეი არესტოვიჩის განცხადებაში, რომლის მიხედვითაც მოლდოვისა და საქართველოს ხელმძღვანელობა არ არიან ომის ადამიანები, დეპუტატი ალეკო ელისაშვილი განსაკუთრებულს ვერაფერს ხედავს. „ამ განცხადებაში განსაკუთრებულს ვერაფერს ვხედავ, რადგან ქვეყანას, რომელიც ომშია, დილიდან-საღამომდე იბომბება და დედამიწაზე ერთ-ერთ ყველაზე საშიშ ძალას იგერიებს, ლოგიკური სურვილი აქვს, რომ სიმძიმის ცენტრი სხვაგან გადავიდეს. ბუნებრივია, რომ დღე და ღამე ბრძოლაში რომ ხარ ჩართული, გინდა, ვინმე შეგეხიდოს, ბრძოლა გადანაწილდეს. ერთია, რა ლოგიკური სურვილები აქვს უკრაინის ხელისუფლებას და მეორეა, რა სურვილები გვაქვს ჩვენ. მათ ეს რომ უნდათ, გასაგებია, რადგან ჩვეულებრივ ვითარებაში არ არიან, მაგრამ გასაგებია, რომ ჩვენ ომში…

უკრაინის პრეზიდენტმა, ვოლოდიმირ ზელენსკიმ რუსეთის წინააღმდეგ მებრძოლი ქართველი ცოლ-ქმარი, გელა ბეგლარაშვილი და რუსუდან ივანეიშვილი დააჯილდოვა. აღნიშნულ ინფორმაციას, უკრაინის შეიარაღებული ძალების გენერალური შტაბი ავრცელებს. უწყების ინფორმაციით, ზელენსკიმ უკრაინის სახელმწიფო სუვერენიტეტისა და ტერიტორიული მთლიანობის დასაცავად გამოჩენილი პირადი გამბედაობისა და უანგარო ქმედებებისთვის,  სამხედრო ფიცის ერთგულებისთვის ათობით სამხედრო  დააჯილდოვა.

დიდი ბრიტანეთის სამხედრო დაზვერვის ინფორმაციით, უკრაინაში მიმდინარე ომის გამო მარცვლეულის მოსავლის 20%-ით შემცირებაა მოსალოდნელი. აღნიშნული ინფორმაციას ბრიტანეთის თავდაცვის უწყება ავრცელებს. ბრიტანეთის დაზვერვის ცნობით, უკრაინაში მოსავლის შემცირება საფრთხეს უქმნის გლობალურ სასურსათო უსაფრთხოებას, განსაკუთრებით კი, ეკონომიკურად ყველაზე ნაკლებად განვითარებულ ქვეყნებში. უკრაინა მსოფლიოში სასოფლო სამეურნეო პროდუქციის სიდიდით მეოთხე უმსხვილესი მწარმოებელი და ექსპორტიორია.

ხარკოვის რეგიონულმა პროკურატურამ გამოძიება დაიწყო მას შემდეგ, რაც  რუსების მიერ ქალაქ ვოვჩანსკში „საკონცენტრაციო ბანაკის“ მოწყობის შესახებ გახდა ცნობილი. პროკურატურამ განაცხადა, რომ მშვიდობიან მოსახლეობას აწამებენ და ძალადობენ, როგორც ფიზიკური ისე ფსიქოლოგიური გზით. გავრცელებული ინფორმაციით, ბანაკი ქარხნის შენობაში არის განთავსებული. ხარკოვის რეგიონალური ადმინისტრაციის გუბერნატორმა ოლეჰ სინიეჰუბოვმა ასევე განაცხადა, რომ ოკუპანტებმა გაძარცვეს ქარხანა და მოპარული ინვენტარი რუსეთში წაიღეს. სანიეჰუბოვის განცხადებით, რუსებმა შექმნეს ნამდვილი საკონცენტრაციო ბანაკი, სადაც ადამიანებს აწამებენ და აიძულებენ , შეუერთდნენ რუსეთის ფედერაციის შეიარაღებულ ძალებს.

უკრაინის პრეზიდენტის ოფისის ხელმძღვანელის მრჩეველმა, ალექსეი არესტოვიჩმა განაცხადა, რომ მოლდოვისა და საქართველოს ხელმძღვანელობა არ არიან ომის ადამიანები, სააკაშვილს შეეძლო ამის გაკეთება, თუმცა არა ამჟამინდელ ხელმძღვანელობას. “ჩემი შეფასებით, ეს რომ დაწყებულიყო, დაიწყებოდა მოგვიანებით. არც მოლდოვისა და არც, მით უმეტეს, საქართველოს ხელმძღვანელობა, როგორც მე მეჩვენება, არ არის ჯერ მზად ასეთი გადაწყვეტილებებისთვის. რადგან მათთვის ომი ხომ არარეალურია. მათთვის, ეს სადღაც მართალია, საზღვრის გარეთ, ახლოს არის, თუმცა ეს არის საშინელება, რომლის წინაშეც პირისპირ აღმოჩენა მათ არ სურთ. ისინი არ არიან ამისთვის მზად არც პოლიტიკურად, არც სტატუციონარულად, ანუ ის გუნდი არაა; პრინციპში, ისინი არ არიან ომის ადამიანები. ამ…

გაეროს ინფორმაციით, ომის დაწყებიდან ორი თვის შემდეგ, უკრაინა 5 200 000-ზე მეტმა მოქალაქემ დატოვა. ლტოლვილთა სააგენტოს ცნობით, გასული დღე-ღამის განმავლობაში უკრაინა კიდევ 45 ათასზე მეტმა ადამიანმა დატოვა. უკრაინიდან წასულთა 90%-ს ქალები და ბავშვები შეადგენენ. ყველაზე მეტი, 2.9 მილიონი უკრაინელი პოლონეთში წავიდა. გარდა ამისა, მიგრაციის საერთაშორისო ორგანიზაციის შეფასებით, 7 700 000-ზე მეტი ადამიანი იძულებით გადაადგილებულია უკრაინის შიდა ტერიტორიაზე.

„უკრაინის ყველა ქალაქსა და თემში რუსეთმა აჩვენა, რეალურად, რისი მოტანა სურს და რა შეუძლია ევროპაში – რა შეუძლია მოუტანოს კიშინიოვს, თბილისს, ჰელსინკს, ვილნიუსს, ვარშავას, პრაღას, ყველა იმ ქალაქსა და ქვეყანას, რომლებსაც რუსი სახელმწიფო პროპაგანდისტები დიდი ხანია ღიად ასახელებენ მოსკოვის სავარაუდო მტრებად“, – განაცხადა უკრაინის პრეზიდენტმა მიმართვაში. ვოლოდიმირ ზელენსკის განცხადებით, რუსეთმა უკრაინის წინააღმდეგ შეტევა მრავალი მიმართულებით განახორციელა. „სარაკეტო დარტყმები, საჰაერო თავდასხმები, არტილერია, ტანკები – ყველაფერი! რუსეთის ჯარებმა არაფერი დაიშურეს, რომ დაგვხოცონ, უკრაინელები დახოცონ და ჩვენი მიწა გაანადგურონ. ორ თვეში მათ ჩვენ წინააღმდეგ 1100-ზე მეტი რაკეტა გამოიყენეს. უთვალავი ბომბი და არტილერია. აწამეს, ძარცვავდნენ, სიკვდილით სჯიდნენ.…

პოლონური მხარე ადასტურებს ინფორმაციას, რომ უკრაინას ტანკები გაუგზავნეს. როგორც პოლონეთის პრემიერ-მინისტრი მატეუშ მორავიეცკი აცხადებს, უკრაინას სამხედრო ტექნიკა უკვე გადაეცა. პოლონური მხარე, უსაფრთხოების ზომებიდან და ტაქტიკიდან გამომდინარე, არ აკონკრეტებს რამდენ ერთეულ ტანკსა და სხვა შეიარაღებაზეა საუბარი. უკრაინა დასავლეთს ისევ სამხედრო შეიარაღებას სთხოვს. „იარაღი იარაღი და იარაღი“ – ეს სამი თხოვნა აქვს ომში მყოფ ქვეყანას.

უკრაინაში დაღუპულ არკადი კასრაძესა და ზაზა ბიწაძეს დღეს დაკრძალავენ, ალიკა ცაავას კი – შაბათს. სამივე ქართველი, 16 აპრილს, ლუგანსკის ოლქში მიმდინარე ბრძოლისას დაიღუპა. ცაავა და ბიწაძე, ოკუპანტებმა იმ დროს მოკლეს, როდესაც ისინი ბრძოლის ველიდან არკადი კასრაძის გამოყვანას ცდილობდნენ. რუსმა ოკუპანტებმა ქართველი მებრძოლების მანქანა ააფეთქეს.  

რუსეთის საგარეო საქმეთა მინისტრი სერგეი ლავროვი რუსეთ-უკრაინის მოლაპარაკების პროცესის ჩაშლაში უკრაინულ მხარეს ადანაშაულებს და აცხადებს, რომ ზელენსკი მოლაპარაკებას არასერიოზულად ექცევა. „რეალურად, უკრაინელ მომლაპარაკებლებს, ჩვენ, შეთანხმების განახლებული ვერსია გადავეცით  და ველოდებით მათ შემდგომ კომენტარს. ერთი კვირაა მათ ველოდებით. დაახლოებით 5 დღის უკან კი, ზელენსკიმ პრესკონფერენციაზე განაცხადა, რომ არაფერი მიგვიღია, ეს ყველაფერი სიმართლეს არ შეესაბამებაო. ეს კიდევ ერთხელ გვიჩვენებს, როგორ ექცევა ის მოლაპარაკებებს. თუმცა, ყოველთვის აცხადებს, რომ მშვიდობას ანიჭებს უპირატესობას. ნებისმიერ მოლაპარაკებაში, საბოლოოდ, ყველაფერი შეთანხმებით სრულდება, თუმცა, პარამეტრები განისაზღვრება სამხედრო მოქმედებების იმ სტადიით, რომელზეც ეს შეთანხმება რეალობად იქცევა“ – აცხადებს ლავროვი.