უკრაინის დახმარების ახალი პაკეტის შესახებ, ვაშინგტონში დისკუსიები გაიმართება. თეთრი სახლის პრეს სპიკერი ჯენ ფსაკი აცხადებს, რომ უკრაინას დამატებითი სამხედრო დახმარება სჭირდება. უკრაინის მხარდამჭერ ახალ პაკეტთან დაკავშირებით, ზუსტი დეტალები ამ დროისთვის უცნობია.
“ჩვენ ვცდილობთ თავიდან ავიცილოთ რუსეთის ძალისხმევის გაფართოება.
ეჭვგარეშეა, რომ უკრაინას დამატებითი სამხედრო დახმარება სჭირდება. თავდაცვის მდივანი ოსტინი დღეს გერმანიაში იმყოფებოდა შეხვედრაზე, რათა განეხილა შემდგომი ნაბიჯები, რა არის უკრაინელების საჭიროებები, რადგან ომი გრძელდება. მათ ასევე ექნებათ მნიშვნელოვანი ჰუმანიტარული და ეკონომიკური საჭიროებებიც. ამაზე დისკუსიები მიმდინარეობს.
ჩვენ ვეცადეთ უკრაინისთვის სამხედრო დახმარება დაგვეჩქარებინა ბოლო ორი კვირის განმავლობაში. რაც შეეხება თუ როგორი იქნება შემდეგი პაკეტი, ამის შესახებ დისკუსიები იქნება და რეკომენდაციებს პრეზიდენტი თავისი სამხედრო ლიდერებისგან მიიღებს. ეს დისკუსიები გვექნება კონგრესთან,”- აღნიშნავს ჯენ ფსაკი.
