დღე: აპრილი 27, 2022

,,მე, როგორც მთავრობის მეთაურს მაქვს ძალიან ბევრი ინფორმაცია, ბევრი რამ ითქმის საჯაროდ და უფრო მეტი არ ითქმის საჯაროდ,” – ამის შესახებ საქართველოს პრემიერ-მინისტრმა ირაკლი ღარიბაშვილმა ჟურნალისტებთან საუბრისას განაცხადა. პრემიერის თქმით,  არსებობდა კონკრეტული ინფორმაციები, რომ ომი  უკრაინაში ნოემბერში ან დეკემბერში უნდა დაწყებულიყო. ირაკლი ღარიბაშვილის განცხადებით, სწორედ ამ მიზნით ჩამოვიდა სააკაშვილი, რომ აქედან ყოფილიყო მზაობა მეორე ფრონტის გახსნის. „მე რაც ვუთხარი ჩვენს ხალხს და თქვენ, ამაზე ვარ პასუხისმგებელი, რომ იყო განზრახვა მეორე ფრონტის გახსნის. ჯერ კიდევ არსებობდა კონკრეტული ინფორმაციები, რომ ომი უნდა დაწყებულიყო უკრაინაში ნოემბერში ან დეკემბერში , სწორედ ამ მიზნით ჩამოვიდა…

ირაკლი ღარიბაშვილმა  ჟურნალისტებთან რუსეთის მხრიდან მოსალოდნელ  ომის საშიშროებაზე ისაუბრა. „მე ვიცი, რომ იმედები გავუწბილე ყველა ვითომ მეგობარს, რომლებსაც სურდათ ომი ჩემს ქვეყანაში, თქვენს ქვეყანაში და ჩვენი ხალხის მოკვლა, გაუბედურება და განადგურება ქვეყნის. მე ვპირდებით მათ, რომ ყოველთვის გავუწბილებ იმედებს. არანაირი მეორე ფრონტი, არანაირი მეორე ომი საქართველოში არ იქნება. ეს არის ჩვენი პრინციპული გადაწყვეტილება“ , – განაცხადა ირაკლი ღარიბაშვილმა.

საქართველოს პრემიერ-მინისტრმა, ირაკლი ღარიბაშვილმა ჟურნალისტების კითხვას, პარლამენტში მისვლასთან დაკავშირებით, ასე უპასუხა : ,,კონსტიტუციის და კანონმდებლობის მიხედვით როცა მომიწევს პარლამენტში მისვლა, რა თქმა უნდა, მივალ.”  აღნიშნული განცხადება ირაკლი ღარიბაშვილმა, გრუშევსკის სახელობის სკოლაში გააკეთა, სადაც უკრაინულენოვანი სექტორის მოსწავლეებს შეხვდა.

,,მე არაერთხელ მითქვამს საჯაროდ, რომ პატიმრებზე საჯაროდ ჩვენს ხალხს არ ვესაუბრები,” – ასე უპასუხა საქართველოს პრემიერ-მინისტრმა ირაკლი ღარიბაშვილმა ჟურნალისტების კითხვას, მიხეილ სააკაშვილის სამკურნალოდ საზღვარგარეთ გადაყვანასთან დაკავშირებით. მთავრობის მეთაურმა აღნიშნა, რომ პატიმრებთან დაკავშირებულ კითხვებზე საპასუხოდ პენიტენციურ დაწესებულებას უნდა მიმართონ. „მე არაერთხელ მითქვამს საჯაროდ, რომ პატიმრებზე საჯაროდ ჩვენს ხალხს არ ვესაუბრები. არსებობს შესაბამისი უწყება, პენიტენციური დაწესებულება, რომელსაც, შეგიძლიათ, ნებისმიერი კითხვით მიმართოთ“, – აღნიშნა პრემიერმა. „ადამიანი კარგავს კუნთს“ – კონსილიუმის დასკვნა მიხეილ სააკაშვილზე

,,ჩვენ არც ერთ იურიდიულ, თუ ფიზიკურ პირს არ მივცემთ უფლებას, რომ გამოიყენოს ჩვენი ტერიტორია სანქციების გვერდის  ავლისთვის, ეს არის ჩვენი პრინციპული პოზიცია, რომელიც არ გადაიხედება” –  ამის შესახებ საქართველოს პრემიერ-მინისტრმა ირაკლი ღარიბაშვილმა ჟურნალისტებს განუცხადა. მისი განცხადებით, ეს არის საქართველოს ხელისუფლების პრინციპული პოზიცია. „მინდა, ცალსახად და ერთმნიშვნელოვნად განვაცხადო ჩვენი მთავრობის, ჩვენი ხელისუფლების პრინციპული პოზიცია – საქართველოს ხელისუფლება არ დაუშვებს არც ერთი სანქცირებული იურიდიული თუ ფიზიკური პირის არალეგალურ, უკანონო საქმიანობას საქართველოს ტერიტორიაზე,“- აღნიშნა ირაკლი ღარიბაშვილმა.

,,მე არ ვთვლი, რომ პრემიერ-მინისტრმა უნდა გააკეთოს კომენტარი რაღაც გაუგებარ ჩანაწერებზე. რა თქმა უნდა, აბსოლუტურად გაუგებარია, არის ავთენტური საუბარი, არ არის ავთენტური,” –  ამის შესახებ საქართველოს პრემიერ-მინისტრმა ირაკლი ღარიბაშვილმა ჟურნალისტებთან საუბრისას განაცხადა.   პრემიერ-მინისტრის განცხადებით, მისთვის წარმოუდგენელია  ასეთ საუბრებსა და ჩანაწერებზე სპეკულირება და მითუმეტეს სერიოზული კომენტარის გაკეთება.   „ჩვენ კარგად გვესმის, რომ ამ ფარული, ფალსიფიცირებული საუბრების გამავრცელებლების მთავარი მიზანი და იდეა მდგომარეობს და მათი ამოცანა იყო და არის ჯერ კიდევ საქართველოში ომის დაწყება. არიან რა, ისინი გამწარებულები და სასოწარკვეთილები, მსგავსი რაღაც სიყალბით ცდილობენ საზოგადოების, ჩვენი საერთაშორისო პარტნიორების შეცდომაში შეყვანას. მე,…

,,ბიზნესმენმა დავით ხიდაშელმა, კარგად მოგეხსენებათ, გუშინ გაავრცელა ვრცელი კომენტარი და მე არ ვაპირებ მისი ერთხელ გავრცელებულის კომენტირება დავიწყო და ხელახლა აგიხსნათ, თუ რას გულისხმობდა, ”- ამის შესახებ საქართველოს პრემიერ-მინისტრმა ირაკლი ღარიბაშვილმა ჟურნალისტებს განუცხადა კითხვაზე, შეხვდა თუ არა რუს ბიზნესმენ უზდენოვს. ირაკლი ღარიბაშვილის განცხადებით, იგი რუს ბიზნესმენს არ შეხვედრია და ამ ამბის ირგვლივ ატეხილი აჟიოტაჟი უსაფუძვლოა. „მე მართლაც მომმართა დავით ხიდაშელმა, რომ არსებობდა გარკვეული ბიზნესშემოთავაზებები და ძალიან მარტივად ვუთხარი, რომ მე ვერ შევხვდებოდი, არ ვიყავი ქალაქში და გადავამისამართე ბიზნესსექტორთან. როგორც თავადაც დაადასტურა, აღნიშნული რუსი ბიზნესმენი ჩამოსული იყო საქართველოში დავით ხიდაშელის მოწვევით…

სახალხო დამცველის ეგიდით შექმნილმა ექიმთა კონსილიუმმა მიხეილ სააკაშვილის ჯანმრთელობის მდგომარეობასთან დაკავშირებით დასკვნა წარმოადგინა. კონსილიუმის წევრები ჟურნალისტებს ამ წუთებში ხვდებიან და ყოფილი პრეზიდენტის ჯანმრთელობის შესახებ ინფორმაციას აწვდიან. როგორც კონსილიუმის ერთ-ერთმა წევრმა,  თენგიზ წულაძემ განაცხადა, სახეზეა ცილოვანი შიმშილი. მის ჯანმრთელობაზე კი პასუხისმგებელია სახელმწიფო. კონსილიუმის დასკვნით, მიხეილ სააკაშვილის ჯანმრთელობის მდგომარეობა უარესდება. „პაციენტი ინელებს საკუთარ თავს. ის ცილები, რომელიც მას არ მიეწოდება გარედან და ვერ იღებს ამ ცილებს, კუნთოვანი მასა საგრძნობლად მცირდება ამ დროს. ამიტომაა მდგომარეობა გაუარესებული. ჩემი აზრით, ამ მდგომარეობის მიზეზი შეიძლება იყოს რეზისტენტული პოსტ ტრამვული სტრესული აშლილობა, დეპრესია, რომელმაც საბოლოოდ მოგვცა ანორექსია.…

“ქართულ ოცნებაში” ივანიშვილის მონაწილეობით აუდიოჩანაწერის ავთენტურობასთან დაკავშირებით ეჭვები აქვთ. მმართველი გუნდის დეპუტატი, ნიკოლოზ სამხარაძე  მიიჩნევს, რომ აუცილებელია, ჩანაწერის წარმომავლობის დადგენა. ,,თუ ოპოზიცია გამოიყენებს რეგლამენტით მისთვის მინიჭებულ უფლებას და ინტერპელაციით დაიბარებს პრემიერ-მინისტრს, საკანონმდებლო პროცედურა როგორც არის ისე განხორციელდება ყველაფერი. ჩანაწერთან დაკავშირებით მე საერთოდ ისეთი პოზიცია მაქვს, საჭიროა გაცხადდეს მართალია ეს ჩანაწერი თუ არა და საიდან იქნა ის მოპოვებული”, – აცხადებს ნიკოლოზ სამხარაძე. რუსი ოლიგარქი ადასტურებს, რომ თბილისში პრემიერ-მინისტრს შეხვდა

საქართველოს პარლამენტის თავმჯდომარე შალვა პაპუაშვილი კავკასიასა და ცენტრალურ აზიაში ჩრდილოატლანტიკური ალიანსის სპეციალურ წარმომადგენელს, ხავიერ კოლომინას  შეხვდა. შეხვედრაზე საქართველოსა და ნატოს შორის არსებული წარმატებული თანამშრომლობა განიხილეს. შალვა პაპუაშვილმა მადლიერება გამოხატა ნატოს მიერ საქართველოს ტერიტორიული მთლიანობის მხარდაჭერისთვის. მხარეებმა, აგრეთვე, მიმოიხილეს რუსეთის აგრესია უკრაინაში და მისი მძიმე შედეგები რეგიონისთვის. ახალი გეოპოლიტიკური რეალობის გათვალისწინებით, შალვა პაპუაშვილმა ისაუბრა საქართველოს ნატოში გაწევრიანების განსაკუთრებულ მნიშვნელობაზე და იმედი გამოთქვა, რომ ნატოს მადრიდის სამიტზე აღიარებული იქნება საქართველოს პროგრესი. ალიანსის სპეციალურმა წარმომადგენელმა ხაზი გაუსვა სამხრეთ კავკასიის რეგიონის სტრატეგიულ მნიშვნელობას ჩრდილოატლანტიკური უსაფრთხოებისთვის და აღნიშნა, რომ საქართველო ნატოს ღირებული პარტნიორია. მისი თქმით, ნატო…

სპეციალური პენიტენციური სამსახური მიხეილ სააკაშვილთან დაკავშირებით განცხადებას ავრცელებს. მასში ნათქვამია, რომ ბოლო პერიოდში გავრცელებული ცილისმწამებლური ინფორმაცია,  ყოფილი პრეზიდენტის შესაძლო მოწამვლის შესახებ, სიმართლეს არ შეესაბამება. “ბოლო პერიოდში, გარკვეული საინფორმაციო საშუალებების მიერ ვრცელდება მიზანმიმართული, ცილისმწამებლური ინფორმაცია ბრალდებულ/მსჯავრდებულ მ. სააკაშვილის შესაძლო მოწამვლისა ან პრეპარატებით ინტოქსიკაციის შესახებ, რაც სპეციალური პენიტენციური სამსახურის თანამშრომელთა დემორალიზებას, მათი პროფესიული საქმიანობის დისკრედიტაციასა და საზოგადოებაში უწყების იმიჯის შელახვას ემსახურება. სპეციალური პენიტენციური სამსახური პასუხისმგებელია თითოეული ბრალდებულის/მსჯავრდებულის უსაფრთხოებაზე. მ. სააკაშვილს, ამანათი მხოლოდ ერთი დღით არ მიუღია. ბრალდებული/მსჯავრდებული მ. სააკაშვილი, მისივე თანხმობით, ამანათის მიღებას შეძლებს, ამანათის შეგზავნაზე პასუხისმგებელი პირების მეშვეობით. ინფორმაციისთვის, პენიტენციურ სისტემაში ყოფნის პერიოდში, მ. სააკაშვილს მრავალჯერ აქვს მიღებული ამანათი. საზოგადოების…

“ნაციონალურ მოძრაობაში” აცხადებენ, რომ გავრცელებული ინფორმაცია, გიორგი მარგველაშვილის პარტიის თავმჯდომარის პოსტზე შესაძლო დანიშვნის შესახებ, სრული აბსურდია და ეს უკვე დადასტურდა. პარტიაში განმარტავენ, რომ თემა “ქართულმა ოცნებამ” ბიძინა ივანიშვილთან დაკავშირებით გავრცელებული ფარული ჩანაწერების გადასაფარად გამოიყენა. “ბიძინა ივანიშვილისა და ოლიგარქის საუბრის გადაფარვა უნდოდათ, რაღაც თემები შემოაგდეს და ეგონათ, ამას აიტაცებდა მთელი მსოფლიო. არ არის ეს სერიოზული საკითხი – მარგველაშვილსაც არ უნდა და არც “ნაციონალურ მოძრაობას” აქვს სურვილი, გარედან მოვიწვიოთ თავმჯდომარე. ჰყავს პარტიას მშვენიერი თავმჯდომარე,”-აცხადებს რომან გოცირიძე.