თვე: თებერვალი 2022

ამერიკის შეერთებულმა შტატებმა რუსეთის პრეზიდენტსა და საგარეო საქმეთა მინისტრის წინააღმდეგ პერსონალურ სანქციები დააწესა. „ეს გადაწყვეტილება მიღებულია  ბოლო 24 საათის განმავლობაში, ჩვენს ევროპელ კოლეგებთან პარტნიორობით” – აღნიშნა  თეთრი სახლის პრესმდივანმა ჯენ პსაკიმ სპეციალურ ბრიფინგზე მედიასთან. სანქციების დეტალები ჯერ არ გაჟღერებულა როგორც პრესმდივანმა აღნიშნა, ეს მოგვიანებით დაზუსტდება. შეგახსენებთ, რომ პუტინი უკან არ იხევს და ამჯერად ყველა მიმართულებიდან კიევს უტევს.

​​უკრაინა-რუსეთს შორის მიმდინარე საომარი მოქმედებების შედეგად, უკრაინელებმა 3 500-მდე რუსი ჯარისკაცი გაანადგურა. აღნიშნულ ინფორმაციას უკრაინის თავდაცვის სამინისტრო ავრცელებს. უწყების ცნობით, ტყვედ აიყვანეს 200-ზე მეტი რუსი ჯარისკაცი. რაც შეეხება რუსულ მხარეს, ისინი დანაკარგის შესახებ ინფორმაციას არ ავრცელებენ.  

ამერიკის შეერთებულმა შტატებმა, რუსეთის მხრიდან კიევზე აქტიური იერიშია და არსებული საფრთხის გამო, უკრაინის პრეზიდენტს ეაკუაცია შესთავაზა, თუმცა, უარი მიიღო. ვოლოდიმირ ზელენსკი უარს ამბობს აშშ-ს შეთავაზებაზე მისი კიევიდან ევაკუაციის შესახებ. ინფორმაციას Washington Post ავრცელებს. აშშ-ის და უკრაინის ოფიციალური პირების თქმით, აშშ-ის მთავრობა მზად არის დაეხმაროს უკრაინის პრეზიდენტს ვოლოდიმირ ზელენსკის კიევის დატოვებაში, რათა თავიდან აიცილოს მისი ტყვედ ჩავარდნა ან მოკვლა, თუმცა პეზიდენტი ზელენსკი ჯერჯერობით უარს ამბობს ქვეყნის დატოვებაზე. იმის დასტურად, რომ პრეზიდენტი კიევში რჩება, ზელენსკიმ მორიგი ვიდეომიმართვაც გაავრცელა. “ქართველ ხალხს ესმის, რომ მეგობარს მხარი უნდა დაუჭირონ”, – ვოლოდიმერ ზელენსკი

უკრაინაში საომარი მოქმედებები მიმდინარეობს, აქტიური იერიშია კიევთან. რუსის ჯაერბი კიევს ყველა მიმართულებით უტევენ.  მოსახლეობა მეტროს სადგურებს აფარებს თავს. კიევის ერთ-ერთ მეტროსადგურში, გამთენიისას გოგონა დაიბადა.

ცოტა ხნის წინ დასრულდა ნატოს სამიტი. როგორც ნატოს გენ.მდივანმა ჟურნალისტებთან განაცხადა, რუსეთისთვის პასუხი უნდა იყოს შემდეგი – მეტი გაძლიერება საქართველოს, უკრაინას, მოლდოვას. „ჩვენ გავაკეთებთ ყველაფერს, რათა დავიცვათ ყოველი მოკავშირე და ნატოს ტერიტორიის ყველა მტკაველი. ლიდერებმა დღეს დააფიქსირეს საკუთარი პოზიცია იმასთან დაკავშირებით, რომ აუცილებელია მხარი დავუჭიროთ უკრაინას. კრემლი ცდილობს რომ შეასუსტოს ნატო-ს ​ პოზიციები მსოფლიოში. შესაბამისად, ჩვენი კოლექტიური რეაგირება და პასუხი უნდა იყოს უფრო მეტი მხარდაჭერა ისეთი ქვეყნების მიმართ, როგორიც არის საქართველო, მოლდოვა და უკრაინა, რომ  დავეხმაროთ მათ, წარმატებით განახორციელონ დემოკრატიული რეფორმები და მიჰყვნენ იმ მომავალს, რომელიც თავად აარჩიეს. დღეს უფრო…

რამდენიმე წუთის უკან, უკრაინის პრეზიდენტმა კიევის ქუჩიდან  ვიდეომიმართვა გაავრცელა სადაც მთავრობის წარმომადგენლებიც მასთან ერთად არიან. „საღამო მშვიდობის. ფრაქციის ლიდერი აქ არის, პრეზიდენტის ოფისის ხელმძღვანელი აქ არის, პრეზიდენტის ოფისის ხელმძღვანელის მრჩეველი პოდოლიაკი აქ არის, პრემიერ-მინისტრი შმიგალი აქ არის, პრეზიდენტი აქ არის. ჩვენი ჯარები აქ არიან, მოქალაქეები აქ არიან, ყველა აქ ვართ. ვიცავთ დამოუკიდებლობას, ჩვენს სახელმწიფოს და ასე იქნება მომავალშიც. დიდებს ჩვენს დამცველებს,“- აცხადებს პრეზიდენტი ზელენსკი ვიდეომიმართვაში.

ნატოს სამიტი დასრულდა, ამ წუთებში, ნატოს გენერალური მდივანი იენს სტოლტენბერგი სპეციალურ განცხადებას აკეთებს ის რუსეთს მოუწოდებს, გაიყვანოს ჯარები უკრაინიდან და დაუბრუნდეს დიალოგს „ვნახეთ არნახული საფრთხე. რუსეთმა შეარყია მშვიდობა ევროპაში. უკრაინელი ხალხი იბრძვის თავისუფლებისთვის. სიკვდილი, ადამიანების ტანჯვა და ნგრევა სახეზეა. მოვუწოდებთ რუსეთს, შეწყვიტოს ეს უაზრო ომი და გამოიყვანოს ჯარები უკრაინიდან და დაბრუნდეს დიალოგის გზაზე. კრემლის ამოცანა არ არის შეზღუდოს მხოლოდ უკრაინა. რუსეთს სურს კანონით გამტკიცებული სწრაფვით შეაჩეროს ნატოს გაფართოება და დააბრუნოს ყველფერი 1997 წლის პერიოდში. რუსეთი უქმნის საფრთხეს ევროპულ მშვიდობას. მსოფლიო ფიქრობს, რუსეთი მოეგება გონს და პასუხს აგებს. ეს არის საზარელი სტრატეგიული…

საკმაო რთული ვითარებაა ჩერნობილში, რომელიც რუსმა სამხედროებმა დაიკავეს და იქ მომუშავეები დაატყვევეს. უკრაინის ოფიციალური წყაროების ინფორმაციით, ატომური სადგურიდან გაჟონა რადიაციამ და მისა დონემ ისეთ ნიშნულს მიაღწია, როგორიც 1986 წლის შემდეგ არ ყოფილა. ის, რომ ჩერნობილი რუსის ჯარებმა დაიკავეს, რუსეთის თავდაცვამაც დაადასტურა, თუმცა, მათ განცხადებით რადიაციის დონე სტაბილური და ჯარისკაცები ატომურ სადგურს იცავენ.  

უკრაინა ისევ რუსეთის შემოტევას იგერიებს. საომარი მოქმედებები აქტიურად გრძელდება. უკრაინელი დივერსიულ ჯგუფებს ანადგურებენ, თუმცა, ახალ-ახალი ჯგუფები ისევ ჩნდება. დაბომბილია საავადმყოფოები, საბავშვო ბაღები და სხვადასხვა სამოქალაქო ობიექტი. არის მსხვერპლი. უკრაინის მერია მაღალსართულიან კორპუსებში მაცხოვრებლებს აფრთხილებს, შეძლებისდაგვარად შეამოწმონ მათი საცხოვრებლის სახურავი, ხომ არ არის რაიმე მონიშვნა დატოვებული, რომელსაც დივერსიული ჯგუფები აკეთებდნენ, რომ შემდეგ ეს მონიშნული ადგილი დარტყმის ობიექტი გამხდარიყო. კიევი რუსეთის ალყაშია და აქტიურად უტევენ. სამოქალაქო პირებში 18 000-მდე იარაღი დარიგდა. იბრძვის ყველა და სამშობლოს იცავს ყველა, ვისაც იარაღის გამოყენება შეუძლია, მათ შორის ქალები. ადგილობრივები “მოლოტოვის კოქტეილებსაც” იმარაგებენ.  

ევროპის საბჭოს მინისტრთა კომიტეტმა რუსეთს ორგანიზაციაში წარმომადგენლობითი უფლება შეუჩერა. აღნიშნული გადაწყვეტილება საბჭომ რუსი სამხედროების უკრაინაში შეჭრისა და საომარი მოქმედებების გამო მიიღო. „ევროპის საბჭოს სტატუსის შესაბამისად, მინისტრთა კომიტეტმა დღეს გადაწყვიტა, შეუჩეროს რუსეთის ფედერაციას მინისტრთა კომიტეტსა და საპარლამენტო ასამბლეაში წარმომადგენლობითი უფლება“, – ვკითხულობთ განცხადებაში რომელიც ოფიციალურ გვერდზე გამოქვეყნდა. წარმომადგენლობის უფლების შეჩერება არის დროებითი ზომები და ევროპის საბჭო ღიას ტოვებს კომუნიკაციის არხებს.  

„უკრაინა განიხილავს მოსკოვის წინადადებას მოლაპარაკების მინსკში გამართვასთან დაკავშირებით“, –აცხადებს ვოლოდიმირ ზელენსკის ს მრჩეველ ოლექსი არესტოვიჩი. დეტალები, თუ როდის შედგენა შეხვედრა და პარალელურად გაგრძელდება თუ არა საომარი მოქმედებები, ამ ეტაპზე უცნობია. რუსეთის ინფორმაციით, ისინი უკრაინის თანხმობას ელოდებიან. ერთ-ერთი ინფორმაციით, პუტინის სალაპარაკო თემა უკრაინის მხრიდან ნატოზე უარის თქმა იქნება. მოსკოვი უკრაინას მოლაპარაკებას მინსკში სთავაზობს

რუსეთი თანახმაა, უკრაინას მოელაპარაკოს. აღნიშნული გზავნილი კრემლიდან ოფიციალურად გაჟღერდა. ვლადიმირ პუტინი  ვოლოდიმირ ზელენსკის მოსალაპარაკებლად მინსკს სთავაზობს. პუტინის პრეს სპიკერის დიმიტრი პესკოვის ინფორმაციით, ამ კონტექსტში პუტინი ზელენსკის მინკსში იწვევს. „როგორც ცნობილია, დღეს უკრაინის პრეზიდენტმა ზელენსკიმ უკრაინის ნეიტრალიტეტთან დაკავშირებით დიალოგის მზადყოფნის შესახებ ისაუბრა. თავის დროზე  რუსეთის ფედერაციის პრეზიდენტი ვლადიმერ პუტინი ამბობდა, რომ ოპერაციის მიზანი დამოუკიდებელი რესპუბლიკების  დონეცკის და ლუგანსკის დახმარება იყო ,მათ შორის, უკრაინის დემილიტარიზაციის და დენაციფიკაციის გზით. ეს კი წარმოადგენს ნეიტრალური სტატუსის განუყოფელ კომპონენტს“ , – განაცხადა პესკოვმა.

ევროკავშირის გადაწყვეტილებით, რუსეთის პრეზიდენტის – ვლადიმერ პუტინისთვის და საგარეო საქმეთა მინისტრ სერგეი ლავროვისთვის ევროკავშირის ტერიტორიაზე არსებული აქტივების გაყინვის გადაწყვეტილება მიიღო. რა აქტივებზეა საუბარი, ამ ეტაპისთვის ცნობილი არ არის თუმცა, საუბარია რომ გაყინვა საკმაოდ დიდ მოცულობას ეხება.

რუსეთის თავდაცვა აცხადებს, რომ რუსეთს დანაკარგი არ აქვს, რაც შეეხება უკრაინელებს, 200-ზე მეტი ჯარისკაცი გაანადგურეს. რუსეთის ა თავდაცვაში აცხადებენ, რომ ისინი წარმატებით იკავებენ ტერიტორიებს და სამოქალაქო პირებს არ ერჩიან. აღნიშნული განცხადება ცოტა ხნის წინ რუსეთის თავდაცვის სამინისტროში გააკეთა. „ამჟამად, რუსი სამხედროების მხრიდან დასრულდა ჩერნიგოვოს ბლოკირება. რუსმა სამხედროებმა მიიღეს ყველა ზომა, რომ მშვიდობიან მოსახლეობაში არ მოხდეს რაიმე მსხვერპლი. რუსეთის ჯარებმა ჩაატარეს წარმატებული ოპერაცია დესანტის გადასხმის თვალსაზრისით კიევის შემოგარენში. ეს ოპერაცია მოიცავდა რუსეთის 200-ზე მეტ შოუმფრენს. დაშვების რაიონში მოხდა მოწინააღმდეგის სრული იზოლირება. ამ ტერიტორიაზე მოხდა 200-მდე სამხედრო პირის  გადანდგურება. რუსეთს არ აქვს…

უკრაინის თავდაცვის სამინისტრო ადასტურებს ინფორმაციას, რომ  ოდესის ოლქის ტერიტორიაზე, შავ ზღვაში, რუსულმა გემმა რუმინეთის დროშის ქვეშ მცურავი  გემი დაბომბა. მსხვერპლის ესახებ ინფორმაცია არ ვრცელდება.

კიევის მერი ადასტურებს ინფორმაციას, რომ დივერსიული ჯგუფები კიევში შევიდნენ. მისი ინფორმაციით, კიევი გადავიდა თავდაცვაზე და ყველას სთხოვენ, ბრძოლას.  

რამდენიმე წუთის უკან გავრცელებული ინფორმაციით, რუსეთის პრეზიდენტი მზადაა, უკრაინის პრეზიდენტთან მოლაპარაკება დაიწყოს. აღნიშნულ ინფორმაციას ჩინეთის ცენტრალური ტელევიზია ავრცელებს. ინფორმაციის მიხედვით, ვლადიმირ პუტინი ჩინეთის პრეზიდენტს უდასტურებს, რომ მზადაა ზელენსკისთან „უმაღლესი დონეზე“ მოლაპარაკებისთვის, რათა მსხვერპლი შეჩერდეს. როგორც ჩინეთის ტელევიზია გადმოსცემს, სი ძინპინმა რუს კოლეგას განუცხადა, რომ უკრაინაში კონფლიქტის მოლაპარაკების გზით დარეგულირებას მხარს დაუჭერს. პუტინმა კი მოლაპარაკების მზაობა დაადასტურა. რუსეთი უკრაინას იარაღის დაყრისკენ მოუწოდებს

რუსეთის საგარეო მინისტრის სერგეი ლავროვის განცხადებით უკრაინასთან მოლაპარაკება მხოლოდ იმ შემთხვევაში დაიწყება, თუ უკრაინელი ჯარისკაცები იარაღს დაყრიან. „კონტაქტი შესაძლებელია თუ უკრაინის შეიარაღებული ძალები იარაღს დაყრიან. არავინ აპირებს უკრაინის ოკუპირებას. პრეზიდენტ ზელენსკის ხელიდან გაშვებული შესაძლებლობები კარგად არის ცნობილი. ჩვენ უკრაინის მილიტარიზმისა და ნეონაციზმისგან განთავისუფლების მომხრე ვართ, რათა ამ ქვეყანაში მცხოვრებ ხალხს შესაძლებლობა მივცეთ საკუთარი მომავალი ყოველგვარი ზეწოლის გარეშე განსაზღვროს“, – განაცხადა ლავროვმა. მან უკრაინელ სამხედროებს მოუწოდა, არ შეასრულონ კრიმინალური ბრძანებები, დადონ იარაღი და წავიდნენ სახლში.  

ადამიანი, რომელსაც უკრაინაში  რუსულმა ქვეითმა საბრძოლო მანქანამ გადაუარა, გადარჩა. ვიდეოკადრებში, რომელიც გავრცელდა, კარგად ჩანს გზაზე მიმავალი მანქანა, რომელსაც რუსული ტანკი მიზანმიმართულად, საპირისპირო მიმართულებით გადაუჭრის გზას და გადაუვლის. მანქანა გაჭყლეტილია. რაც შეეხება ასაკოვან მამაკაცს, რომელიც საჭეს მართავდა, ადგილობრივებმა დიდი ხნის წვალების შემდეგ ამოიყვანეს. რუსულმა ტანკმა მანქანას გადაუარა და მძღოლიანად გაჭყლიტა

რუსეთის თავდაცვის სამინისტრომ დაადასტურა ინფორმაცია, რომ  ჩერნობილის ატომურ ელექტროსადგურს რუსი ჯარისკაცები აკონტროლებენ. რუსეთის თავდაცვის სამინისტროს წარმომადგენლია, იგორ კონაშენკოვის განცხადებით, ჩერნობილის ატომური სადგურის ტერიტორია რუსეთის საჰაერო-სადესანტო ძალების დანაყოფებმა 24 თებერვალს დაიკავეს. „რადიოაქტიური ფონი ბირთვული ელექტროსადგურის რაიონში ნორმაშია“, – აღნიშნა მან. ჩერნობიშლი გამოსხივების დონის მატება შეინიშნება

უკრაინის რადას ინფორმაციით, ჩერნობილის ატომური ელექტროსადგურის რაიონში გამა-გამოსხივების საკონტროლო დონის მატება შეინიშნება. რადას ინფორმაციით, საბრძოლო მოქმედებების გამო, შეუძლებელია იმის დადგენა, რამ გამოიწვია რადიაციული ფონის მაჩვენებლების ცვლილება. შეგახსენებთ, რომ რუსის ჯარებმა  ჩერნობილის დახურულ ატომურ ელექტროსადგურზე კონტროლი 24 თებერვალს დაკარგეს და დასაქმებულები დაატყვევეს. უკრაინაში არ გამორიცხავენ, რუსეთმა ატომური ელექტროსადგური , პროვოკაციისთვის გამოიყენოს. თეთრი სახლი რუსეთს მიმართავს, გაათავისუფლოს ადამიანები გაათავისუფლოს.  

​ბოდბელმა მთავარეპისკოპოსმა, მეუფე იაკობმა ქადაგების დროს უკრაინაში მიმდინარე საომარ მოქმედებებზე ისაუბრა და აღნიშნა, რომ ჩვენ მოგვიწევს იმ მხარეს დადგომა სადაც თავისუფლება და თავისუფლების მოყვარული ხალხი დგას. „როგორც კი ომი დაიწყო, ჩემთვის იქ დამთავრდა ერთ-ერთი მხარის სიმართლეზე ლაპარაკი, რადგან არ შეიძლება ბოლომდე შეიარაღებულებმა ბოლომდე დაჩაგრონ ვიღაც იმის გამო, რომ იარაღით ვერ ერევა მას. მე თუ თავისუფალი ვარ და დამოუკიდებელი, მე ჩემი არჩევანი უნდა მქონდეს. აქ არც ნატოზეა ლაპარაკი, არც ევროკავშირზე, უბრალოდ არ მოსწონთ ის, რომ ვიღაცის მონა არ ხარ. მონობაში სიცოცხლეს სჯობს თავისუფლებისთვის ბრძოლაში სიკვდილი, მე პირადად ასე მირჩევნია. დღეს საქართველო…