დღე: თებერვალი 20, 2022

ევროპული საბჭოს პრეზიდენტმა შარლ მიშელმა მიუნხენის უსაფრთხოების კონფერენციაზე გამოსვლისას განაცხადა, რომ ევროკავშირი რუსეთთან დიალოგისკენ ისწრაფვის, მაგრამ არ შეუძლია დაუსრულებლად შესთავაზოს ეს მაშინ, როდესაც მეორე მხარეს არ სურს პოზიციების დაახლოება. “ჩვენ არ შეგვიძლია მუდმივად გავუწოდოთ ზეთისხილის რტო, როდესაც რუსეთი ატარებს სარაკეტო ცდებს და ახდენს ჯარების მობილიზებას.  ევროკავშირი ყოველმხრივ უჭერს უკრაინას მხარს – მის სუვერენიტეტს, დამოუკიდებლობას, ტერიტორიულ მთლიანობას და დემოკრატიას. რაც უფრო მეტად შეეცდება რუსეთი დასავლეთის შესუსტებას, მით მეტი იქნება უკრაინისადმი მხარდაჭერა. კრემლი აქ შეცდა. ჩვენ, ევროპელები, სრულად ვარ შეკრულები და ერთად ვდგავართ ტრანსატლანტიკურ მოკავშირეებთან და სტრატეგიულ პარტნიორებთან ერთად”, – განაცხადა შარლ…

“ქართული ოცნების” თავმჯდომარის ირაკლი კობახიძის თქმით,  საქართველოს ხელისუფლების წურვილია უკრაინაში ომის არდაშვება, თუმცა ტენდენცია ძალიან ცუდია. “საქართველო არის ერთ-ერთი იშვიათი გამონაკლისი, რომელმაც საპარლამენტო რეზოლუციის დონეზე მხარდაჭერა და სოლიდარობა გამოხატა ჩვენი მეგობარი უკრაინელი ხალხის მიმართ. ჩვენი პოზიცია ამ თვალსაზრისით არის, რა თქმა უნდა, მკაფიო. სოლიდარობა უკრაინელი ხალხის მიმართ არის ძალიან მკაფიო და ჩვენი სურვილი ისევ და ისევ არის, პირველ რიგში, უკრაინაში ომის არ დაშვება, თუმცა ტენდენცია არის ძალიან ცუდი, ძალიან სამწუხაროდ და შეიძლება მივიღოთ შეუქცევადი ნეგატიური პროცესები. ჩვენ, რა თქმა უნდა, დავაკვირდებით მოვლენების განვითარებას და ამის მიხედვით გვექნება ჩვენი პოლიტიკური რეაქცია, სხვადასხვა განვითარების…

Reuters-ის ინფორმაციით, ბელარუსის თავდაცვის სამინისტროს განცხადებით, რუსეთი და ბელარუსი ათდღიან წვრთნებს, რომელიც დღეს უნდა დასრულებულიყო ახანგრძლივებენ. გადაწყვეტილება რუსეთისა და ბელარუსის გარე საზღვრებთან სამხედრო აქტივობის ზრდისა და აღმოსავლეთ უკრაინის დონბასის რეგიონში მზარდი დაძაბულობის გამო მიიღეს. ნატოს იფნფორამციით, რუსეთს ბელარუსში 30 000-მდე ჯარისკაცი ჰყავს და შეუძლია გამოიყენოს ისინი, როგორც დამატებითი ძალა, უკრაინაზე თავდასხმისას.

რუსულ სახელმწიფო ტელევიზიასთან საუბარში ვლადიმერ პუტინის პრესმდივანმა დიმიტრი პესკოვმა განაცხადა, რომ რუსეთი თავს პირველი არავის არასდროს ესხმის და უკვე იმდენი კონფლიქტი გადაიტანა ქვეყანამ, რომ მათ სიტყვა ომის ხსენებაც კი აღარ სურთ. “რუსეთი მთელი თავისი ისტორიის მანძილზე, პირველი არავის თავს არ დასხმია და რუსეთი, რომელმაც ამდენი ომი გადაიტანა, უკანასკნელი ქვეყანაა, რომელსაც სურს ომის წამოწყება. რა აზრი აქვს რუსეთისთვის, ვინმეს თავს დაესხას? მოგიწოდებთ, გაიხსენოთ ისტორია. თუმცა, ასე ვთქვათ, მათთან, დასავლეთში, როგორც ჩვენ ცოტა ხნის წინ დავრწმუნდით, ისტორიაში არც თუ კარგად აქვთ საქმე, მაგრამ შევახსენებთ, რომ რუსეთი, მთელი თავისი ისტორიის მანძილზე, არასოდეს არავის…

მიუნხენის უსაფრთხოების კონფერენციაზე, ევროპული საბჭოს პრეზიდენტმა შარლ მიშელმა განაცხადა, რომ ევროკავშირში მზად არიან, ვითარების ნებისმიერი განვითარებისთვის უკრაინის გარშემო, მაგრამ კვლავაც იმედს ამყარებენ დიპლომატიაზე. “გვინდა და ვართ კიდეც ყველა მოსალოდნელი სცენარისათვის. ჩვენი მთავარი მიზანი მოვლენების დიპლომატიურად მოგვარებაა, თუნდაც ამის შანსი მეტად მცირე იყოს. ჩვენ რეაგირება გვექნება და მივიღებთ გადაწყვეტილებას სანქციებთან დაკავშირებით. წინასწარ კი, სანქციების მომზადებული პაკეტი არ გამოცხადდება”, – განაცხადა შარლ მიშელმა.

საქართველოს თავდაცვის მინისტრმა, ჯუანშერ ბურჭულაძემ მიუნხენის უსაფრთხოების კონფერენციაში მონაწილეობის შეფასებისას განაცხადა, რომ პრემიერს მიუნხენის კონფერენციის ფარგლებში ჰქონდა შეხვედრები როგორც სახელმწიფოს მეთაურებთან, ასევე კერძო სექტორთან, რაც შედეგს აუცილებლად გამოიღებს. ” პრემიერს ჰქონდა შეხვედრები როგორც სახელმწიფოს მეთაურებთან, ასევე კერძო სექტორთან. ეს აუცილებლად გამოიღებს შედეგს, როგორც საერთშორისო საზოგადოების წინაშე ჩვენი როლის კიდევ ერთხელ ხაზგასმის კუთხით, ასევე, ის ბიზნეს პოტენციალი, რაც საქართველოს გააჩნია, ჩვენი ხელისუფლების პირობებში, აუცილებლად მაქსიმალურად იქნება გამოყენებული”, – განაცხადა მინისტრმა. მისი თქმით, შეხვედრებზე მთავარი განსახილველი საკითხი რეგიონში არსებული გამოწვევები იყო. “მთავარი საკითხი, ძირითადად, რის გარშემოც ტრიალებდა თემები, ეს იყო რეგიონში არსებული…

“ნატო ხედავს იმის ნიშნებს, რომ რუსეთმა შესაძლოა, განახორციელოს სრულმასშტაბიანი თავდასხმა უკრაინაზე”, – განაცხადა იენს სტოლტენბერგმა ტელეკომპანია ARD-ის ეთერში. მისი თქმით, რუსული ჯარი უკრაინის საზღვრიდან არ გადის, როგორც ამას თავად რუსეთი ამბობს, არამედ, პირიქით, მისი ახალი ძალები ემატება. გენ.მდივანმა განაცხადა, რომ ნატო ხედავს იმის ნიშნებს, რომ რუსეთი ემზადება თავდასხმის საბაბის შესაქმნელად. მისივე თქმით, მიუხედავად ამისა, ალიანსი კვლავინდებურად ემხრობა საკითხის პოლიტიკური გზით გადაწყვეტას.

ფრანგული მედიის ინფორმაციით, საფრანგეთის პრეზიდენტი ემანუელ მაკრონი მზად არის კვლავაც მიმართოს საკუთარი ძალისხმევა იმისთვის, რომ უკრაინის ირგვლივ არსებული ვითარების დეესკალაციას მიაღწიოს. “რესპუბლიკის პრეზიდენტი წავა ნებისმიერ რისკზე იმისთვის, რომ შეინარჩუნოს სტაბილურობა და მშვიდობა ევროპაში. თუკი ამ მიზნის მისაღწევად საჭირო იქნება ახალი საზღვარგარეთული ვიზიტი, ის ამ ვიზიტს განახორციელებს”, – განაცხადეს პრეზიდენტის კანცელარიაში. შაბათს ემანუელ მაკრონმა უკრაინის პრეზიდენტთან ვლადიმერ ზელენსკისთან მოლაპარაკება გამართა, დღეს კი რუსეთის პრეზიდენტთან, ვლადიმერ პუტინტან სატელეფონო საუბარს გეგმავს.

The Guardian-ის ინფორმაციით, დიდი ბრიტანეთის საგარეო საქმეთა მდივნის ლიზ ტრასის განცხადებით, მას სჯერა, რომ პუტინი უკრაინაში შეჭრით არ შეჩერდება. მისი აზრით, პუტინს საბჭოთა კავშირის დაბრუნება სურს. “ეს არის ყველაზე საშიში მომენტი ევროპის უსაფრთხოებისთვის 1940-იანი წლების შემდეგ. ჩვენ უნდა მოვემზადოთ ყველაზე უარესი სცენარისთვის. აშკარაა, რომ რუსეთს დიპლომატია არ აინტერესებს. პუტინი ბალტიისპირეთის ქვეყნებისკენაც გაიწევს, ასევე სერბეთსა და ალბანეთსაც შეუტევს”, – განაცხადა ლიზ ტრასმა.  

უკრაინის პრეზიდენტ ვლადიმერ ზელენსკის განცხადებით, თუნდაც ერთმა დაბომბვამ ან საარტილერიო გასროლამ შეიძლება გამოიწვიოს სრულმასშტაბიანი ომი რუსეთთან. მისი თქმით, ყირიმსა და დონბასში დროებით ოკუპირებულ ტერიტორიებზე 30 000-დან 35 000-მდე რუსი ჯარისკაცია. “პროვოკაციები მართლაც ძალიან საშიშია, თუ ამდენი ჯარი იქნება. ერთმა დაბომბვამ, ერთმა საარტილერიო გასროლამ შეიძლება გამოიწვიოს ომი. “ჩვენ ვიცით საბჭოთა კავშირის ისტორია და მათ ესმით, რა რისკები გვაქვს. პოლონეთი, ბალტიისპირეთის ქვეყნები, ლიეტუვა და ესტონეთი, ლატვია, მოლდოვა – მათ იციან, რა შეიძლება გამოიწვიოს ამან. ამიტომ ჩვენ ძალიან ფრთხილად უნდა ვიყოთ”, – განაცხადა ზელენსკიმ.

ბრიტანეთის პრემიერ-მინისტრის, ბორის ჯონსონის თქმით, მტკიცებულებები მიუთითებს იმაზე, რომ რუსეთი გეგმავს ყველაზე დიდ ომს ევროპაში 1945 წლის შემდეგ. ჯონსონის ინფორმაციით, დაზვერვა ვარაუდობს, რომ რუსეთი აპირებს შეჭრას, უკრაინის დედაქალაქ კიევის ალყაში მოქცევით. ჯონსონმა ასევე აღნიშნა, რომ გაერთიანებული სამეფო რუსეთის წინააღმდეგ კიდევ უფრო შორს მიმავალ სანქციებს შემოიტანს, ვიდრე ადრე იყო შემოთავაზებული. ჯონსონის შეფასებით, ეს ნაბიჯი ძალიან ძლიერ დარტყმას მოახდენს თავისი გავლენით.  

უკრაინული მედია გაერთიანებული ძალების ოპერაციის შტაბის მონაცემებზე დაყრდნობით ავრცელებს ინფორმაციას, რომლის მიხედვითაც 19 თებერვლის დღის განმავლობაში დონბასში რუსეთის ჯარებმა უკრაინულ მხარეს ცეცხლი 136-ჯერ გაუხსნეს, მიმდინარე დღის დასაწყისიდან ცეცხლის შეწყვეტის 8 დარღვევა დაფიქსირდა. “19 თებერვალს, დაფიქსირდა 136 დარღვევა რუსეთის ფედერაციის შეიარაღებული ფორმირებების მიერ, მათგან 116 იყო მინსკის შეთანხმებებით აკრძალული იარაღის გამოყენებით”, – აცხადებენ უწყებაში. დაბომბვის შედეგად ორმა უკრაინელმა სამხედრომ სიცოცხლესთან შეუთავსებელი ჭრილობები მიიღო. ოთხმა სამხედრომ სხვადასხვა სიმძიმის დაზიანებები მიიღო და საავადმყოფოებში არიან გადაყვანილი. საბრძოლო დაზიანება მიიღო ერთმა ჯარისკაცმა.

ევროკავშირმა რუსეთს უკრაინის საზღვრიდან სამხედრო ძალების გაყვანით დეესკალაციისკენ მოუწოდა და ხაზი გაუსვა ბოლო დღეებში აღმოსავლეთ უკრაინაში „ცეცხლის შეწყვეტის კუთხით დარღვევებს. “ევროკავშირი გმობს მძიმე შეიარაღების გამოყენებას და სამოქალაქო ტერიტორიების განურჩევლად დაბომბვას, რაც წარმოადგენს მინსკის შეთანხმებების და საერთაშორისო ჰუმანიტარული სამართლის აშკარა დარღვევას. მოვუწოდებთ რუსეთს ჩაერთოს მნიშვნელოვან დიალოგში, დიპლომატიაში, აჩვენოს თავშეკავება და დეესკალაცია”, – ნათქვამია ევროკავშირის უმაღლესი წარმომადგენლის განცხადებაში. შეგახსენებთ, 18 თებერვალს ლეონიდ პასეჩნიკმა და დენის პუშილინმა ე.წ. დონეცკისა და ლუგანსკის სახალხო რესპუბლიკებში მოსახლეობის ევაკუაცია გამოაცხადეს.  

CNN თეთრი სახლის განცხადებაზე დაყრდნობით ავრცელებს ინფორმაციას, რომ აშშ-ის პრეზიდენტი ჯო ბაიდენი ეროვნული უშიშროების საბჭოს მოიწვევს. ჯო ბაიდენს ეროვნული უსაფრთხოების გუნდი თეთრ სახლში “რეგულარულად” აცნობს უკრაინაში არსებულ ვითარებას. თეთრი სახლის პრესმდივნის ჯენ ფსაკის თქმით, შაბათს შუადღისას ბაიდენმა მიიღო ინფორმაცია ვიცე-პრეზიდენტ კამალა ჰარისის შეხვედრების შესახებ მიუნხენის უსაფრთხოების კონფერენციაზე. კვირას კი ბაიდენი ეროვნულ უშიშროების საბჭოს მოიწვევს უკრაინაში განვითარებულ მოვლენების განსახილველად. “პრეზიდენტი ბაიდენი რეგულარულად ეცნობა უკრაინაში განვითარებულ მოვლენებს. უკრაინის ეროვნულმა უსაფრთოხების გუნდმა დაადასტურა, რომ რუსეთს შეუძლია უკრაინაზე შეტევა ნებისმიერ დროს განახორციელოს”, – ნათქვამია ფსაკის წერილობით განცხადებაში.  

მიუნხენის უსაფრთხოების კონფერენციაზე უკრაინის პრეზიდენტმა ვლადიმერ ზელენსკიმ განაცხადა, რომ რუსეთის პრეზიდენტთან, ვლადიმერ პუტინთან სურს შეხვედრა. მისი თქმით, სურს გაიგოს ზუსტად რა სურს რუსეთის პრეზიდენტს. “მე არ ვიცი რა სურს რუსეთის ფედერაციის პრეზიდენტს, ამიტომ ვთავაზობ მას შეხვედრას. ახლა აქ ვარ, თუმცა დღეს უკრაინაში ვისაუზმე და უკრაინაში ვივახშმებ. ქვეყანას დიდი ხნით არ ვტოვებ”, – განაცხადა ზელენსკიმ.