დღე: თებერვალი 21, 2022

პატიმრობაში მყოფი მიხეილ სააკაშვილი უვადო შიმშილობას იწყებს. როგორც მან სასამართლო პროცესზე განაცხადა, აღნიშული გადაწყვეტილების მიზეზი რეჟიმის მხრიდან მის მიმართ არსებული მიდგომაა. „ვაცხადებ დღეიდან უვადო შიმშილობას, სრულს და ეს არის შიმშილობა არის რეაქცია იმაზე, როგორც გვეპყრობა რეჟიმი მე და ჩვენს ხალხს“, – განაცხადა სააკაშვილმა სასამართლო პროცესზე. „ის, რაც ჩემს მიმართ ხდება, არის დაგეგმილი ინვალიდიზაციის მცდელობა“ – მიხეილ სააკაშვილი

მიხეილ სააკაშვილი, ამ წუთებში სასამართლოს სხდომაზე სიტყვით გამოდის. ის საკუთარ ჯანმრთელობის მდგომარეობაზე საუბრობს და აცხადებს, რომ მას ინვალიდობისთვის იმეტებენ. „პენიტეციური დაწესებულების შიგნით ამ დაავადებების მკურნალობა არის შეუძლებელი. ისინი მე მიმიყვანენ ინვალიდიზაციამდე და რას ნიშნავს ივალიდიზაცია? ინვალიდიზაცია ჩემს შემთხვევაში ნიშნავს მახსოვრობის წართმევას, გადაადგილების საშუალების შეზღუდვას და ერთი სიტყვით, ინვალიდიზაცია ნიშნავს ინვალიდის ეტლში მიღებულ ადამიანს, რომელსაც არ შეუძლია ადგომა“ – აცხადებს ბრალდებული პრეზიდენტი. მან ციხეში ჰოლანდიელი და ამერიკელი ექიმების შეშვება მოითხოვა. შეგახსენებთ, რომ საქალაქო სასამართლო დღეს 7 ნოემბრის საქმეს იხილავს.  

ამ წუთებში, თბილისი საქალაქო სასამართლოში მიხეილ სააკაშვილის სასამართლო პროცესი მიმდინარეობს. როგორც ყოფილი პრეზიდენტი აღნიშნავს, დაგეგმილია მისი ინვალიდიზაცია და მკვლელობა. „ჩვენს წინაშეა არჩევანი სამშობლოს დაკარგვასა და არა შიმშილით სიკვდილს შორის. ჩვენს მოქალაქეებს აქვთ ბევრი არჩევანი. ჩემთვის ეს არის არჩევენი სამშობლოს დაკარგვასა და შიმშილით სიკვდილს შორის. ჩვენც გვაქვს არჩევანი კომფორტში ცხოვრების, მაგრამ მე მივატოვე ყველაფერი და ჩამოვედი აქ.  ჩვენ ხალხს აქვს არჩევანი მოქმედებასა და უმოქმედობას შორის. პოლიტიკოსებს აქვთ არჩევანი პირად ამბიციებსა და ერთიანობას შორის იმ ქვეყანაში, სადაც ყოველი მესამე ითხოვს სოციალურ შემწეობას. რაც შეეხება ჩემს ჯანმრთელობას, ის არც ხდება ჩემს მიმართ ეს…

მიხეილ სააკაშილი თბილისის საქალაქო სასამართლოში უკვე მიიყვანეს. სასამართლო სხდომის პარალელურად, სასამართლოს ეზოში მისი მხარდამჭერები არიან შეკრებილები, რომლებიც საპროტესტო აქციას მართავენ. სასამართლოს პერიმეტრზე გაფენილია სხვადასხვა ბანერები და სააკაშვილის მხარდამჭერი ლოზუნგები. ადგილზე მობილიზებულია საპატრული პოლიცია. „ჯარისკაცის მინიმალური ხელფასი 3 000 ლარი“;  „250 00 სამუშაო ადგილი“ – ეს და სხვა ბანერები მხარდამჭერებმა სასამართლოს ეზოში გამოფინეს და ის სააკაშვილის მიერ შემუშავებული ეკონომიკური ხედვის დოკუმენტიდანაა ამოღებული. მხარდამჭერების თქმით, მათი ბრძოლა უწყვეტი იქნება. სასამართლო პროცესი კი ჯერ არ დაწყებულა.  

„სამწუხაროდ, ბევრი ვერ აცნობიერებს, რომ რუსეთთან დაპირისპირებამ ცუდის მეტი არაფერი მოგვიტანა და ეს დაპირისპირება დამღუპველია საქართველოსთვის. ახლა დაპირისპირებაზე კი არა,- ნორმალიზებაზე უნდა ვიზრუნოთ, ახლა დიპლომატია და ბრძნული სიტყვაა საჭირო, თუ გვინდა გადავრჩეთ“ – აცხადებს „პატრიოტთა ალიანსის“ ერთ-ერთი ლიდერი ირმა ინაშვილი და მმართველ გუნდს მიმართავს. „ვფიქრობ, გასული ორი კვირა ძალზედ დამაფიქრებელია: ჯერ გერმანიის კანცლერი, შემდეგ კი, საფრანგეთის პრეზიდენტი ესტუმრნენ მოსკოვს. უნგრეთის პრემიერმინისტრიც მოსკოვში გახლდათ. აშშ-სა და რუსეთის პრეზიდენტებს შორის ვიდეოსაუბარი შედგა, შემდეგ კი, აშშ-ს პრეზიდენტმა საჯაროდ მიმართა რუს ხალხს და რამდენიმე საგანგებო განცხადებაც გააკეთა. აღარაფერს ვამბობ ნატოს მოქმედი და ყოფილი გენერალური…

​​ევრკავშირის ელჩი კარლ ჰარცელი მის განცხადებასთან დაკავშირებით საპარლამენტო უმრავლესობის უკმაყოფილებას ვერ ხსნის. როგორც ევროპელი დიპლომატი განმარტავს, მან სწორედ ის თქვა, რაც რეალობაა. „ორი კომენტარი გავაკეთე, ერთი სახელმწიფო ინსპექტორის სამსახურის გაუქმებას ეხებოდა და მეორე ოპოზიციის წარმომადგენლებისთვის მანდატების ვადაზე ადრე შეწყვეტას. არ მესმის, რა იყო არასამართლიანი ამ განცხადებებში და ამიტომ ამ კომენტარებზე კომენტარის გაკეთება გამიჭირდება. ეტყვით  მხოლოდ იმას, რომ მარტივი მათემატიკური ფაქტია –  რაც უფრო ნაკლები მანდატია პარლამენტში, მით უფრო ნაკლებია პლურალიზმი პარლამენტში. ევროკავშირი ძალიან ბევრს მუშაობს იმისთვის რომ, პარლამენტი იყოს რაც შეიძლება ინკლუზიური, რაც გათვალისწინებული იყო 19 აპრილის შეთანხმებით“ – აცხადებს…

„ეუთო/ოდირის შეფასებით, საერთაშორისო სტანდარტების საწინააღმდეგოდ, სახელმწიფო ინსპექტორის სამსახურის გაუქმება პარლამენტში იყო ნაჩქარევი და არ სდევდა არანაირი წინასწარი კონსულტაციები“ – საქართველოს სახალხო დამცველმა დასკვნა გაასაჯაროვა რომელიც ეუთ/ოდირმა ინსპექტორის სამსახურის გაუქმებასთან დაკავშირებით წარმოადგინა. ნინო ლომჯარიას შეფასებით, კრიტიკულად არის შეფასებული განხორციელებული ცვლილებები. „2022 წლის 2 თებერვალს საქართველოს სახალხო დამცველმა სახელმწიფო ინსპექტორის სამსახურის გაუქმების თაობაზე კანონის შეფასების თხოვნით მიმართა ეუთო-ს დემოკრატიული ინსტიტუტებისა და ადამიანის უფლებების ოფისს (ეუთო/ოდირს). გამომდინარე იქიდან, რომ საკითხი საკონსტიტუციო სასამართლოში გვაქვს გასაჩივრებული, სამართლებრივი დასკვნის დაჩქარებული პროცედურის ფარგლებში წარმოდგენა ვითხოვეთ. 2022 წლის 18 თებერვალს ეუთო/ოდირმა სამართლებრივი მოსაზრება წარმოადგინა, სადაც კრიტიკულად არის შეფასებული…

თბილისის საქალაქო სასამართლოსთან დღეს ისევ ხმაური იქნება. ამჯერად, სასამართლო, ყოფილ პრეზიდენტის მიმართ 7 ნოემბრის საქმეზე არსებულ  ბრალდებებს განიხილავს. სხდომას ტავად ბრალდებული პრეზიდენტიც დაესწრება. თბილისის საქალაქო სასამართლოში სხდომა 14:00 საათზეა ჩანიშნული. პარალელურად, სასამართლოს ეზოში ბრალდებული პრეზიდენტის მხარდამჭერები საპროტესტო აქციას გამართავენ. მიხეილ სააკაშვილს ბრალი საქართველოს სს კოდექსის 333-ე მუხლის მესამე ნაწილით აქვს წარდგენილი. ბრალი  5-დან 8 წლამდე ვადით თავისუფლების აღკვეთას ითვალისწინებს.