ესტონეთის საგარეო უწყების ინფორმაციით, რუსული ვერტმფრენი “მი-8” ესტონეთის საჰაერო სივრცეში ნებართვის გარეშე შევიდა. ესტონეთის საჰაერო სივრცე სამხრეთ-აღმოსავლეთ ნაწილში დაირღვა.
„ესტონეთის თვალთახედვით, ეს ძალიან სერიოზული და სამწუხარო შემთხვევაა, რომელიც აბსოლუტურად მიუღებელია“,- აცხადებენ საგარეო უწყებაში.
მომხდართან დაკავშირებით რუსეთის ელჩი პროტესტის გამოხატვის მიზნით ესტონეთის საგარეო საქმეთა სამინისტროში დაიბარეს.
