დღე: ივნისი 29, 2022

,,ჩვენ ვფიქრობთ, რომ ნატო-ს კარი ღია უნდა დარჩეს ყველასთვის, ვისაც ნატო-ში გაწევრიანება სურს, ვერ ვხედავ ვერანაირ გონივრულ საფუძველს, საქართველოსა და სხვა ქვეყნებს, რომლებსაც ნატო-ში გაწევრიანება სურთ, რატომ უნდა შეუშალონ ხელი ამის გაკეთებაში,”- ამის შესახებ ჩრდილოეთ მაკედონიის პრეზიდენტმა, სტევო პენდაროვსკიმ ნატო-ს მადრიდის სამიტის დაწყებამდე განაცხადა. მისი თქმით, ყველა ქვეყნის სუვერენული უფლება უნდა იყოს, თავად აირჩიოს საკუთარი საგარეო პოლიტიკა და უსაფრთხოების არქიტექტურა „ჩვენ ღიად ვუჭერთ მხარს ქართველების ნატო-ში გაწევრიანების მისწრაფებას, ისევე, როგორც სხვა მოკავშირეებთან ერთად, სრულად ვუჭერთ მხარს ევროკავშირის ე.წ. აღმოსავლეთ პარტნიორობის სხვა ქვეყნების წევრობის მისწრაფებებს. ჩვენ ვფიქრობთ, რომ ნატო-ს კარი ღია…

,,ჩვენ ყველამ ვიცით, რომ საქართველოს მთავრობას შეუძლია კანონების სწრაფად მიღება, როდესაც ამის სურვილი აქვს,”- ამის შესახებ საქართველოში აშშ-ის ელჩმა, კელი დეგნანმა განაცხადა. მისი თქმით, ყველამ უნდა გაცნობიეროს, რომ მომდევნო ექვსი თვე არის მნიშვნელოვანი შესაძლებლობა და დასაკარგი დრო არ არის. ,,ჩვენ ეს ვნახეთ დეკემბერში, როდესაც პარლამენტმა დაჩქარებული წესით გააუქმა სახელმწიფო ინსპექტორის სამსახური. ეს ნიშნავს, რომ ევროპული საბჭოს რეკომენდაციების განხორციელებაც ანალოგიურად სწრაფად არის შესაძლებელი. ქართველ ხალხს აქვს ამ ცვლილებების სურვილი და საზოგადოებაში ამის მზაობა არის. ამერიკის შეერთებული შტატები მზად არის, რომ დაეხმაროს საქართველოს ნებისმიერი კუთხით ამ რეფორმების განხორციელებაში. ყველამ უნდა გაცნობიეროს, რომ…

საქართველოში ამერიკის შეერთებული შტატების საელჩო განცხადებას ავრცელებს და ლგბტქი+ თემს მიმართავს. საელჩოს განცხადებით, შეერთებული შტატები დგას მსოფლიოში ლგბტქი+ ადამიანების გვერდით მათ მიმდინარე ბრძოლაში დისკრიმინაციისა წინააღმდეგ. „ამ თვეში ჩვენ შევახსენებთ ლგბტქი+ საზოგადოებას, რომ ისინი უყვართ და მათ აფასებენ. შეერთებული შტატები გიღებთ ისეთებს, როგორიც ხართ – ღირსების, პატივისცემისა და მხარდაჭერის ღირსი. დღეს და ყოველდღე შეერთებული შტატები დგას მსოფლიოში ლგბტქი+ ადამიანების გვერდით მათ მიმდინარე ბრძოლაში შეუწყნარებლობის, დისკრიმინაციისა და უსამართლობის წინააღმდეგ“, – ნათქვამია საელჩოს განცხადებაში, რომელიც საელჩოს ,,ფეისბუქ”გვერდზე გამოქვეყნდა.

,,ევროკავშირის ყველა წევრი სახელმწიფო თანხმდება, რომ ერთ დღეს საქართველო ევროკავშირის წევრი გახდება,”- ამის შესახებ საქართველოში ევროკავშირის ელჩმა კარლ ჰარცელმა განაცხადა. ელჩის თქმით, ახლა საჭიროა შეთანხმებული მოქმედებები, რათა საქართველოსთვის მიცემული შესაძლებლობები, არ იქნას ხელიდან გაშვებული. ,,რამდენიმე დღის წინ საქართველომ მიიღო ევროპული პერსპექტივა, რაც იმას ნიშნავს, რომ ევროკავშირის ყველა წევრი სახელმწიფო თანხმდება, რომ ერთ დღეს საქართველო ევროკავშირის წევრი გახდება. ეს მართლაც ისტორიული მომენტია. ამავდროულად, საქართველოსთან მიმართებით მიღებული გადაწყვეტილება უკრაინასა და მოლდოვასთან შედარებით, ნაკლებად ხელსაყრელია, რაც ხაზს უსვამს იმ ფაქტს, რომ ახლა შეთანხმებული მოქმედებების დროა იმისთვის, რომ ის შესაძლებლობები რომლებიც თქვენი ქვეყნისთვის გაიხსნა,…

ნიკოლაევის სამხედრო ადმინისტრაციის ხელმძღვანელის, ვიტალი კიმის ინფორმაციით, ოკუპანტებმა სარაკეტო იერიში ნიკოლაევის ერთ-ერთ დასახლებულ პუნქტზე განახორციელეს.   სარაკეტო თავდასხმის შედეგად სამი ადამიანი დაიღუპა, ხუთი კი მძიმედ დაშავდა. ,,დილით ნიკოლაევში ძლიერი აფეთქებები გაისმა. მაშველები და ექიმები უკვე გაემართნენ ადგილებზე. ამ დროისთვის არსებული ინფორმაციით, არის 3 დაჭრილი, 2 გარდაცვლილი. დაშავებულია საგანგებო სიტუაციების სახელმწიფო სამსახურის თანამშრომელიც“,- განაცხადა ვიტალი კიმმა.

,,გაიღვიძეთ ბიჭებო, ეს ახლა ხდება. თქვენ იქნებით შემდეგი, ეს თქვენს კარზე თვალის დახამხამებაში დააკაკუნებს”,- ამის შესახებ, კიევის მერმა ვიტალი კლიჩკომ განაცხადა. მისი თქმით, თუ რუსეთს უკრაინაში არ შეაჩერებენ, თავისუფალი სამყარო დაზარალდება. ,,თუ უკრაინა მარცხს განიცდის, თქვენ იქნებით შემდეგი. მოლდოვა იქნება შემდეგი. სასურსათო კრიზისი? ეს მხოლოდ დასაწყისია. თუ ის ახლა არ შეჩერდება, ყველა ჩვენგანი დავზარალდებით. თავისუფალი სამყარო დაზარალდება. ნატო-მ და მსოფლიო საზოგადოებამ უნდა ისწავლოს სწრაფად მოქმედება,“- განაცხადა კლიჩკომ.

,,პრეზიდენტი პუტინი წინააღმდეგი იყო ნატოს შემდგომი გაფართოების, მას სურდა ნაკლები ნატო, ახლა ის მიიღებს მეტ ნატოს თავის საზღვრებთან,” – ამის შესახებ ნატო-ს გენერალურმა მდივანმა, იენს სტოლტენბერგმა პრესკონფერენციაზე განაცხადა. სტოლტენბერგის თქმით, ფინეთისა და შვედეთის ნატო-ში გაწევრიანება არის გზავნილი ვლადიმერ პუტინისთვის, რომ  ნატოს კარი ღიაა „ფინეთისა და შვედეთის ნატო-ში მოსალოდნელი მიღება უგზავნის ძალიან მკაფიო გზავნილს პრეზიდენტ პუტინს, რომ ნატოს კარი ღიაა. უნდა გვახსოვდეს, რომ გასული წლის დეკემბერში პრეზიდენტმა პუტინმა წარადგინა ე.წ. უსაფრთხოების შეთანხმებები და ერთ-ერთი ყველაზე მნიშვნელოვანი გზავნილები პრეზიდენტ პუტინისგან იყო, რომ ის წინააღმდეგი იყო ნატოს შემდგომი გაფართოების, მას სურდა ნაკლები ნატო,…

„შვედეთი და ფინეთი თუ ნატო-ს წევრები უნდა გახდნენ, მათ უნდა გაითვალისწინონ თურქეთის შეშფოთების მიზეზები, ქვეყნის, რომელიც 70 წელია, ნატო-ს წევრია“, – ამის შესახებ თურქეთის პრეზიდენტმა რეჯეფ თაიფ ერდოღანმა განაცხადა. თურქეთმა ხელი  მოაწერა სამმხრივ მემორანდუმს ფინეთთან და შვედეთთან, რომელიც მხარს უჭერს მათ ნატოში გაწევრიანებას, თუმცა გარკვეული პირობების სანაცვლოდ. ერთ-ერთი პირობის თანახმად,შვედეთი და ფინეთი ვალდებული იქნებიან, წინააღმდეგობა გაუწიონ „ქურთების მუშათა პარტიას“, რომელიც თურქეთისა და ევროკავშირის მიერ ტერორისტულ ორგანიზაციადაა აღიარებული. სამივე ქვეყანა ვალდებულნი არიან შექმნან დაზვერვის ინფორმაციის გაზიარების მექანიზმი კონტრტერორისტული ოპერაციების გასაფართოებლად და ორგანიზებულ დანაშაულთან საბრძოლველად. ამასთან ქვეყნები შეთანხმდნენ, რომ ფინეთი და შვედეთი…

უკრაინის პრეზიდენტი, ვოლოდიმირ ზელენსკი  გაერო-ს მიმართავს და მოუწოდებს რუსეთის მიერ კრემენჩუკზე განხორციელებული თავდასხმა ტერორისტულ აქტად შეაფასოს და დასაჯოს აგრესორი ქვეყანა. ზელენსკის თქმით, რუსეთი არღვევს საერთაშორისო სამართლებრივ წესრიგს და  პასუხი უნდა აგოს საერთაშორისო დონეზე/ „სამწუხაროდ, დღეს გაერო-ს არ აქვს ტერორისტი სახელმწიფოს იურიდიული განსაზღვრება, მაგრამ ასე თუ ისე საჭიროა ამ სტატუსის უზრუნველყოფა იურიდიულად, რათა დაისაჯოს ტერორისტი სახელმწიფო. გთავაზობთ, რომ გაკეთდეს განცხადება და მიღებული იქნას გადაწყვეტილება, რომ ეს ტერორისტული აქტი იყო. გაერო-ს წესდება მოიცავს ვალდებულებას, რომელიც გულისხმობს მშვიდობის მხარდაჭერას. პირდაპირ არის ნათქვამი, რომ წევრი სახელმწიფო, რომელიც ამ პრინციპს არღვევს, შესაძლოა, გენერალური ასამბლეიდან და უშიშროების…

დიდი ბრიტანეთის პრემიერ-მინისტრი აცხადებს, რომ „დიდი შვიდეულის“ შეხვედრა მნიშვნელოვანი შეთანხმებებით დასრულდა. ბორის ჯონსონის შეფასებით, G7ის წევრები ერთიანები არიან უკრაინის დახმარების საკითხზე. „პუტინი რომ ქალი ყოფილიყო, არ მგონია, მას ეს მაჩო ომი დაეწყო. თუ გსურთ ტოქსიკური მასკულინობის კარგი მაგალითი, ის ზუსტად ასეთი ადამიანია“ – ასე შეაფასა ბრიტანეთის პრემიერმა რუსეთის პრეზიდენტი უკრაინაში ომის დაწყების გამო.