დღე: სექტემბერი 22, 2022

დიდი ბრიტანეთის დაზვერვის ინფორმაციით, რუსეთი “ნაწილობრივი მობილიზაციის” გამოცხადებით პოლიტიკურ რისკზე წავიდა. დაზვერვის ცნობით, აღნიშნული ნაბიჯი ფაქტობრივად იმის აღიარებაა, რომ რუსეთმა ამოწურა უკრაინაში საბრძოლველად მსურველი მოხალისეების მიწოდება. ,,ეს ნაწილობრივი მობილიზაცია კი, სავარაუდოდ, ძალზე არაპოპულარული იქნება რუსეთის მოსახლეობის ნაწილისთვის. პუტინი იღებს მნიშვნელოვან პოლიტიკურ რისკს იმ იმედით, რომ გამოიმუშავებს საჭირო საბრძოლო ძალას”, – წერს ბრიტანეთის დაზვერვა. მათივე ინფორმაციით, რუსეთი სავარაუდოდ, ებრძვის ლოჯისტიკურ და ადმინისტრაციულ გამოწვევებს.

რუსეთში “ნაწილობრივი მობილიზაციის” საწინააღმდეგო  გამოსვლებში მონაწილეობისთვის 1 300-ზე მეტი ადამიანი დააკავეს. ვრცელდება ინფორმაცია იმის შესახებ, რომ ზოგიერთი დაკავებული სამხედროში სამსახურში გაიწვიეს. პოლიციამ დემონსტრანტები რუსეთის 38 ქალაქში დაარბია და დააკავა. მთავრობამ განაცხადა, რომ კანონპროექტზე უარის თქმისთვის სასჯელი 15 წლით თავისუფლების აღკვეთას ითვალისწინებს. შეგახსენებეთ, ნაწილობრივი მობილიზაციის შესახებ ვლადიმერ პუტინმა გუშინ გამოაცხადა. მან შესაბამის განკარგულებას ხელი უკვე მოაწერა.  მობილიზაცია დღეიდან დაიწყება. თავდაცვის მინისტრის, სერგეი შოიგუს განცხადებით, სამხედრო სამსახურში 300 000 რეზერვისტს გამოიძახებენ.

რუსეთის საგარეო საქმეთა სამინისტროს პრესსპიკერმარია ზახაროვას  აშშ-ის პრეზიდენტის, ჯო ბაიდენის გაერო-ს გენერალურ ასამბლეაზე გამოსვლა „უხამსად“ მიაჩნია. ზახაროვას განცხადებით, ბაიდენმა ვლადიმერ პუტინის სიტყვების არასწორი ციტირება მოახდინა. „რაც შეეხება შეერთებული შტატების პრეზიდენტის გამოსვლას, აბსოლუტურად უხამსად მიმაჩნია, რითაც ის დაიწყო. საქმე იმაშია, რომ მან დაიწყო ვითომ რუსეთის პრეზიდენტის ციტირებით და რუსეთის პრეზიდენტს მიაწერა სიტყვები, რომ ჩვენი ქვეყანა მსოფლიოს ბირთვული იარაღით ემუქრება“, – განაცხადა ზახაროვამ. ,,ბირთვული ომი არ შეიძლება მოიგონ“ – ჯო ბაიდენი გაეროს სესიაზე – (mcm.ge)

უკრაინის შეიარაღებული ძალების გენერალური შტაბის ინფორმაციით, რუსეთმა ომის დაწყებიდან დღემდე, დაახლოებით 55 510 ჯარისკაცი დაკარგა. გენშტაბის ცნობით, ოკუპანტების სამხედრო დანაკარგი ასეთია:​ ჯარისკაცი – დაახლოებით 55 510; ​ტანკი – 2 236; ჯავშანტექნიკა – ​4 776; საარტილერიო სისტემა – 1 341; სარაკეტო სისტემა – 318; საზენიტო საბრძოლო სისტემა – 168; თვითმფრინავები – 252; ვერტმფრენი – 218; ოპერატიულ-ტაქტიკური უპილოტო საფრენი აპარატი – 941; საკრუიზო რაკეტები – 240; საავტომობილო ტექნიკა და საწვავის ავზები – 3 630; გემი/ნავი/კატარღა – 15; სპეციალური აღჭურვილობა – 125.

აშშ-ის სახელმწიფო მდივნის, ენტონი ბლინკენი პუტინის მიერ ნაწილობრივი მობილიზაციის გამოცხადებას ეხმიანება და აცხადებს, რომ  რუსეთის პრეზიდენტი მოქმედებს სისუსტის და არა ძალის პოზიციიდან. „პრეზიდენტ პუტინის მოწოდება, უკრაინაში დამატებითი რუსული სამხედრო ძალების შესახებ, ასახავს ბრძოლის ველზე რუსეთის ბრძოლას და იმ ფაქტს, რომ პრეზიდენტი პუტინი მოქმედებს სისუსტის და არა ძალის პოზიციიდან“, – წერს ბლინკენი.

პუტინის გადაწყვეტილების შემდეგ, რომელიც ნაწილობრივ მობილიზაციას ეხება, რუსეთიდან მამაკაცები გარბიან. გარბის ყველა, ვისაც სადმე წასვლა შეუძლია, ვისაც არ შეუძლია, პროტესტს ქუჩაში გამოხატავს და აკავებენ კიდეც. ბალტიის ქვეყნები აცხადებენ, რომ არ მიიღებენ რუსეთიდან გამოქცეულებს, რომლებიც რომლებიც სამხედრო მობილიზაციას ემალებიან. ლატვია, ლიეტუვა და ესტონეთი, რუსეთის მოქალაქეებს არ მიიღებენ, რომლებმაც ქვეყანა სამხედრო მობილიზაციის გამოცხადების შემდეგ დატოვეს. ერთ-ერთი ქვეყანა, სადაც რუსეთიდან წამოსულები დიდი რაოდენობით შემოდიან, საქართველოდ. ვინც ბილეთების ყიდვა მოახერხა, თვითმფრინავით შემოდის, ვინც არა, სახმელეთო გზით.

​რუსეთ-უკრაინას შორის ტყვეების გაცვლა რომ პუტინის ნათლიმამას მედვედჩუკსაც შეეხო, ოფიციალურად დასტურდება პარალელურად, ვრცელდება იმ მეთაურების ფოტოებიც, რომელებიც რუსეთის ტყვეობაში იმყოფებოდნენ. გათავისუფლებულთა შორისაა “აზოვის” პოლკის მეთაური დენის პროკოპენკო; სვიატოსლავ პალამარი (კალინა) და საზღვაო ქვეითთა ბრიგადის მეთაური სერგეი ვოლინსკი (ვოლინა). დადასტურებულია, რომ რუსულ მხარეს გადაეცა ვიქტორ მედვედჩუკი. „მოგვიწია მედვედჩუკის გადაცემა.რაში გვჭირდებოდა? ასე გავუშვით. მამლების ჯარის სარდალი იქნება”, – აცხადებს  სახალხო დეპუტატი გონჩარენკო.  

215 ტყვე, რომელთა შორის „აზოვის“ პოლკის 5 მეთაურია, თავისუფალია. როგორც პრეზიდენტი ზელენსკი აცხადებს, ტყვეობიდან გათავისუფლებული მეთაურები რეაბილიტაციას თურქეთში გაივლიან და ისინი პრეზიდენტ ერდოღანის პირადი პროტექტორტის ქვეშ იქნებიან. „215 კარგი ამბავი გვაქვს. ეს არის გამარჯვება ჩვენი ერისთვის. 215 ოჯახი დღეს გაიხარებს, რადგან შესაძლებლობა ექნებათ, რომ საკუთარი საყვარელი ადამიანები ნახონ. გათავისუფლებულებიდან 108 “აზოვის” მებრძოლია. რუსეთის ტყვეობიდან გათავისუფლებული “აზოვის” პოლკის 5 მეთაური დენის პროკოპენკო და მისი მოადგილე სვიატოსლავ პალამარი, ომის დასრულებამდე თურქეთში დარჩებიან. უკრაინელი სამხედრო მეთაურები თურქეთის პრეზიდენტ რეჯეფ თაიფ ერდოღანის პირადი პროტექტორატის ქვეშ იქნებიან, კომფორტულ გარემოში და პირადი შეხვედრების გამართვის უფლება ექნებათ,” – აღნიშნა პრეზიდენტმა ზელენსკიმ.…

„ის იძულებული იქნება, ომი დაასრულოს“ – აცხადებს უკრაინის პრეზიდენტი რუსეთის ფედერაციის პრეზიდენტთან დაკავშირებით. როგორც ვოლოდიმირ ზელენსკი განმარტავს, რუსეთის ქმედებები ნათლად ასახავს მის სურვილებს. „საუბრობენ მოლაპარაკებებზე, მაგრამ სამხედრო მობილიზაციას აცხადებენ. საუბრობენ მოლაპარაკებებზე, მაგრამ უკრაინის ოკუპირებულ ტერიტორიებზე ფსევდო რეფერენდუმს აცხადებენ. რა არის მაშინ სიმართლე? რუსეთში სამხედრო მობილიზაციის გამოცხადება სიმართლეა. „რეფერენდუმებიც“ სიმართლეა. რუსეთს ომი უნდა. თუმცა, კაცობრიობა და საერთაშორისო სამართალი ერთ ტერორისტულ სახელმწიფოზე ძლიერია. რუსეთი იძულებული იქნება დაასრულოს ეს ომი“ – აღნიშნა პრეზიდენტმა ზელენსკიმ გაერო-ს გენერალური ასამბლეის 77-ე სესიაზე ვირტუალური გამოსვლისას. „დასჯა აგრესიის გამო“ – ზელენსკიმ გაეროს უკრაინის „მშვიდობის ფორმულის“ 5 პუნქტი წარუდგინა  

ნიუ იორკში, სადაც გაეროს გენერალური ასამბლეის 77-ზე სესია იმართება, არაერთი მნიშვნელოვანი გზავნილი გაჟღერდა და არაერთი შეთანხმება შედგა. მათ შორის ერთ-ერთი ნაწილი რუსეთს და უკრაინაში პუტინის ომს ეხება. ევროკავშირის საგარეო საქმეთა მინისტრები შეთანხმდნენ, რომ  რუსეთის წინააღმდეგ სანქციების ახალი პაკეტს დააწესებენ.  საუბარია მერვე პაკეტზე, რომელიც ამოქმედებასაც უკრაინის პრეზიდენტი ითხოვდა. მერვე პაკეტი ასევე ითვალისწინებს უკრაინისთვის იარაღის მიწოდების გაზრდას. როგორც ჯოზეფ ბორელმა სესიაზე განაცხადა, ცხადია, რომ პუტინი უკრაინის განადგურებას ცდილობს. ევროკავშირის საგარეო მინისტრები ოქტომბერში შეიკრიბებიან, სადაც ახალი სანქციების დეტალებს განიხილავენ.  

გაეროს ასამბლეაზე გამომსვლელების ერთ-ერთი მთავარი თემა უკრაინა, რუსეთი და უკრაინაში მიმდინარე ომი იყო. როგორც ბრიტანეთის ახალმა პრემიერ-მინისტრმა ლიზ ტრასმა აღნიშნა, ეს არის თავისუფლების წინააღმდეგ ბრძოლის ისტორია. „2022 წელი შეიძლებოდა ყოფილიყო ავტორიტარული სახელმწიფოს ისტორია, რომელმაც თავისი ტანკები მიაყენა მშვიდობიანი მეზობლის საზღვართან და დაიმორჩილა საკუთარი ხალხი. ამის ნაცვლად, ეს არის თავისუფლების წინააღმდეგ ბრძოლის ისტორია. მზარდი აგრესიის ფონზე, ჩვენ ვაჩვენეთ, რომ გვაქვს მოქმედების ძალა და სიმტკიცე მივიყვანოთ საქმე ბოლომდე. პირობას ვდებ, რომ ჩვენ გავაგრძელებთ ან გავზრდით უკრაინისთვის სამხედრო მხარდაჭერას იმდენ ხანს, რამდენიც დასჭირდება.ჩვენ არ დავისვენებთ, სანამ უკრაინა არ გაიმარჯვებს“, – აღნიშნა ტრასმა. მისივე…

უკრაინის პრეზიდენტი ვოლოდიმირ ზელენსკი გაერო-ს გენერალური ასამბლეის 77-ე სესიაზე  სიტყვით გამოვიდა. როგორც ვირტუალურ ჩართვაში პრეზიდენტმა აღნიშნა,  მას მომზადებული აქვს „მშვიდობის ფორმულის“ ხუთი პუნქტი, კონფლიქტის დასრულებას ხელს შეუწყობს. „ეს არის ფორმულა, რომელიც მოიცავს დასჯას დანაშაულის ჩადენისთვის, მოიცავს სიცოცხლის დაცვას, უსაფრთხოების, ტერიტორიული მთლიანობის აღდგენას, ახდენს უსაფრთხოების გარანტიას და მოიცავს სიმტკიცეს. უკრაინას სურს მშვიდობა, ევროპას სურს მშვიდობა, მსოფლიოს სურს მშვიდობა და ყველამ იცის, ვინ არის ის ერთადერთი, რომელსაც სურს ომი. ჩვენ არ დავუშვებთ ამ სახელმწიფოს გაბატონებას, მიუხედავად იმისა, რომ ეს ყველაზე დიდი სახელმწიფოა“ – განაცხადა ზელენსკიმ. როგორც პრეზიდენტმა აღნიშნა, უკრაინამ ომამდე გამართა მოლაპარაკებების…

​რუსეთ-უკრაინას შორის ტყვეების გაცვლა მოხდა. ამჯერად ტყვეები შედარებით „მაღლ დონეს“ წარმოადგენენ, ვიდრე რიგითი მოქალაქეები ან მებრძოლები. უკრაინულ მხარეს 215 ტყვე დაუბრუნეს, რომელთა შორის „აზოვის“ პოლკის მეთაურებიც არიან. რაც შეეხება რუსულ მხარეს, დეტალები არ ხმაურდება, თუმცა, როგორც ინფორმაცია ვრცელდება, რუსულმა მხარემ ვიქტორ მედვედჩუკი მიიღო. შეგახსენებთ, რომ სტეფანჩუკი დაკავების დღიდან მიმართავდა პუტინს და სთხოვდა მის ტყვეებში გაცვლას. ტყვეობიდან გათავისუფლებული„აზოვის“ მეთაურები ომის დასრულებამდე თურქეთში დარჩებიან

უკრაინის პრეზიდენტის ოფისი ადასტურებს 215 უკრაინელი სამხედროს გათავისუფლება. მათგან 108 „აზოვის“ პოლკის წევრია, ნაწილი კი პოლკის მეთაური. ისინი ტყვეთა გაცვლის პროგრამაში მოხვდნენ. პრეზიდენტ ზელენსკის ინფორმაციით, გათავისუფლებული „აზოვის” პოლკის მეთაურები ომის დასრულებამდე თურქეთში დარჩებიან. ხუთი გათავისუფლებული სამხედრო მეთაური, მათ შორის „აზოვის“ პოლკის მეთაური დენის პროკოპენკო და მისი მოადგილე სვიატოსლავ პალამარი, ომის დასრულებამდე თურქეთში დარჩებიან. ზელენსკის თქმით, ასეთი იყო ტყვეთა გაცვლის პირობები. ზელენსკის ინფორმაციით, უკრაინელი სამხედრო მეთაურები თურქეთის პრეზიდენტ რეჯეფ თაიფ ერდოღანის პირადი პროტექტორატის ქვეშ იქნებიან. გათავისუფლებულებს შორისაა უკრაინის მხარეს მებრძოლი უცხო ქვეყნების 10 მოქალაქე.

რუსეთის ქალაქებში დაკავებულთა რიცხვი ისევ გაიზარდა, ყველა ვინც გაბედავს და პუტინის გადაწყვეტილებას გააპროტესტებს, ციხეში ხვდება. ამ ეტაპზე, არასრული ინფორმაციით, დაკავებულია 1500-მდე ადამიანი. ყველა მათგანი ვლადიმერ პუტინის გადაწყვეტილებას აპროტესტებდა, რაც ქვეყანაში ნაწილობრივ ნობილიზაციასა და უკრაინაში საომრად გაგზავნას გულისხმობს. დაკავებები რუსეთის 40-მდე ქალაქში მოხდა.