რუსეთის ბრიანსკის ოლქში, რკინიგზის ლიანდაგზე ასაფეთქებელი მოწყობილობა აფეთქდა. ამის შესახებ ინფორმაციას რუსული მედია გუბერნატორზე დაყრდნობით ავრცელებს.
,,უნეჩას რაიონში, ბრაიანსკ-უნეჩას რკინიგზის 136-ე კილომეტრზე, ამოუცნობი ასაფეთქებელი მოწყობილობა აფეთქდა, რის შედეგადაც სატვირთო მატარებლის ლოკომოტივი რელსებიდან გადავიდა. მსხვერპლი არ არის”, – წერს გუბერნატორი.
რუსეთის რკინიგზა აცხადებს, რომ ელმავალი და შვიდი ვაგონი რელსებიდან გადავიდა.
რკინიგზის ამ მონაკვეთზე მოძრაობა შეჩერებულია. შემთხვევის ადგილზე ამ დროისთვის სასწრაფო დახმარების ბრიგადებია მობილიზებული.