“სამართლიანი კრიტიკა შესაბამისად შეფასდება, უსაფუძვლო კრიტიკას გაეცემა დასაბუთებული პასუხი“ – პრემიერ-მინისტრი

„სამართლიანი კრიტიკა იქნება შესაბამისად შეფასებული, ყველა უსაფუძვლო კრიტიკაზე გაეცემა დასაბუთებული, ობიექტური პასუხი. ეს იქნება ჩვენი ყოველდღიური შრომა. არავის ეგონოს, რომ ჩვენ სადმე ჩავალთ, ერთხელ პასუხს გავცემთ და ამით დავივიწყებთ, არა -ჩვენ ვიშრომებთ ყოველ დღე ამისთვის“ – აღნიშნული განცხადება საქართველოს პრემიერ-მინისტრმა გიორგი გახარიამ ჟურნალისტებს განუცხადა.
 
როგორც მთავრობის მეთაურმა აღნიშნა, საქართველოს ჰყავს ძალიან ბევრი მეგობარი, როგორც ამერიკის შეერთებულ შტატებში, ასევე ევროპაში და ეს ის ხალხია, რომლებიც გარდა იმისა, რომ აკრიტიკებენ საქართველოს მთავრობას, ამასთან ერთად აღნიშნავენ პროგრესს დემოკრატიზაციის თვალსაზრისით.
 
„რა თქმა უნდა ჩვენ ყველას კარგად გვესმის რამდენიმე ფაქტორი – პირველი, რომ ჩვენ, ჩვენი მეგობრებისგან კრიტიკას აღვიქვამთ ნორმალურად, მაგრამ რა თქმა უნდა ჩვენც გვაქვს ჩვენი უფლება ჩვენი პოზიცია დავასაბუთოთ. სხვათა შორის, დღეს, ამას აქაც ვაკეთებთ და ამას გავაკეთებთ. საქართველოს, რაც მთავარია, ჰყავს ძალიან ბევრი მეგობარი, როგორც ამერიკის შეერთებულ შტატებში, ასევე ევროპაშიც და ეს ის ხალხია, რომლებიც გარდა იმისა, რომ გვაკრიტიკებენ, ამასთან ერთად აღნიშნავენ პროგრესს ბოლო წლების განმავლობაში დემოკრატიზაციის თვალსაზრისით“ – განაცხადა პრემიერ-მინისტრმა.


მისივე შეფასებით, პოლიტიკური ძალები ყველა მეთოდს იყენებენ შიდა პოლიტიკური პროცესებში ჩასართავად. 

„ისიც უნდა აღვნიშნოთ, რომ სამწუხაროდ ხშირად ხდება, რომ პოლიტიკური ძალები ყველა ინსტრუმენტს იყენებენ თუნდაც ქვეყნის საგარეო მიმართულების და კომპონენტის ჩართვას შიდა პოლიტიკურ პროცესებში, სამწუხაროდ საარჩევნო პროცესებში. ეს არის ის, რაც ახლა ხდება, სამწუხაროდ ეს არის რაღაც გამწვავებულ ფაზაში, თუმცა კიდევ ერთხელ ვიმეორებ, ყველა სამართლიანი კრიტიკა იქნება შესაბამისად შეფასებული, ყველა უსაფუძვლო კრიტიკაზე გაეცემა დასაბუთებული, ობიექტური პასუხი. ეს იქნება ჩვენი ყოველდღიური შრომა. არავის არ ეგონოს, რომ ჩვენ სადმე ჩავალთ, ერთხელ პასუხს გავცემთ და ამით დავივიწყებთ, არა ჩვენ ვიშრომებთ ყოველ დღე ამისთვის“, – განაცხადა გიორგი გახარიამ.

მსგავსი თემები