კატეგორია: სიახლე

ბალტიის ქვეყნები, ლიეტუვა, ლატვია და ესტონეთი კონტინენტური ევროპის ელექტროგადამცემ ქსელს შეუერთდნენ. ამის შესახებ ევროკომისიის პრეზიდენტი, ურსულა ფონ დერ ლაიენი სოციალურ ქსელში წერს. „დღეს ჩვენ ბალტიის ქვეყნებს კონტინენტური ევროპის ელექტროგადამცემ ქსელთან ვაკავშირებთ, ვწყვეტთ რუსეთთან დარჩენილ ბოლო კავშირებს. გათავისუფლება მუქარისა და შანტაჟისაგან. ეს ისტორიული დღეა“ – აცხადებს ევროკომისიის ხელმძღვანელი. ლიეტუვამ, ესტონეთმა და ლატვიამ თავიანთი ელექტროსისტემები რუსეთის ელექტროქსელიდან გუშინ გამოთიშეს.  

მეტი...

გაეროში რუსეთის მუდმივმა წარმომადგენელი ვასილი ნებენზი აცხადებს, რომ კრემლი  უკრაინასთან დაკავშირებით შეერთებულ შტატებთან კონტაქტებისთვის მუდამ ღიაა. მისი თქმით, აღნიშნულთან დაკავშირებით მოსკოვი ვაშინგტონისგან შესაბამის ნიშანს ელოდება. “ჩვენ ღია ვართ კონტაქტებისთვის, მაგრამ თანაბარუფლებიანობის საფუძველზე და რუსეთის ინტერესების სავალდებულო გათვალისწინებით. ველოდებით შესაბამის სიგნალებს ამერიკული მხარისგან. პრეზიდენტმა ვლადიმერ პუტინმა არაერთხელ ისაუბრა ამის შესახებ და შესთავაზა მშვიდად საუბარი ყველა იმ მიმართულებაზე, რომელიც აშშ-სა და რუსეთის ინტერესს წარმოადგენს, დღევანდელი რეალობიდან გამომდინარე” – აღნიშნა ნებენზიამ.

მეტი...

ისრაელის პრემიერ-მინისტრი ამბობს, რომ დონალდ ტრამპის გეგმა ღაზიდან პალესტინელების გადასახლების შესახებ არის პირველი ახალი იდეა ბოლო წლებში.  ნეთანიაჰუს თქმით, ცეცხლის შეწყვეტის შეთანხმების ფარგლებში ისრაელს მომდევნო კვირას ცოცხალი მძევლების 75% ეყოლება დაბრუნებული. „ჩვენ გვაქვს სამი მიზანი ომში: პირველი – გავანადგუროთ „ჰამასის“ სამხედრო და სამმართველო პუნქტები; მეორე – დავიბრუნოთ ყველა მძევალი და მესამე – დავრწმუნდეთ, რომ ღაზა აღარასდროს შეუქმნის საფრთხეს ისრაელს“- თქვა ნეთანიაჰუმ. ამერიკის პრეზიდენტზე საუბრისას კი ნეთანიაჰუ ამბობს, რომ ტრამპი არის ყველაზე კარგი მეგობარი, ვინც ისრაელს თეთრ სახლში ოდესმე ჰყოლია.

მეტი...

რუსეთის პრეზიდენტის პრესსპიკერი, დიმიტრი პესკოვი აცხადებს, რომ ვერც დაადასტურებს და ვერც უარყოფს ინფორმაციას რუსეთისა და ამერიკის პრეზიდენტების, ვლადიმერ პუტინისა და დონალდ ტრამპის სატელეფონო საუბრის შესახებ. „მაშინ, როცა ვაშინგტონის ადმინისტრაცია ავითარებს თავის მუშაობას, მრავალი განსხვავებული კომუნიკაცია ჩნდება და ეს კომუნიკაციები ხორციელდება სხვადასხვა არხებით. რა თქმა უნდა, ამ კომუნიკაციების სიმრავლის ფონზე, მე პირადად შეიძლება რაღაც არ ვიცოდე, რაღაცის საქმის კურსში არ ვიყო. ამიტომ, ამ შემთხვევაში, ვერც დავადასტურებ და ვერც უარვყოფ“ – განაცხადა პესკოვმა. შეგახსენებთ, აშშ-ის პრეზიდენტმა, დონალდ ტრამპმა New York Post-თან ინტერვიუში განაცხადა, რომ რუსეთის პრეზიდენტს, ვლადიმერ პუტინს ტელეფონით ესაუბრა და უკრაინაში მიმდინარე…

მეტი...

უკრაინის პრეზიდენტი ვოლოდიმირ ზელენსკი აცხადებს, რომ რუსეთი თავის არმიას 100 ათასი სამხედროთი ზრდის.  მისი თქმით, ვლადიმერ პუტინი საერთოდ არ ემზადება მოლაპარაკებებისა და მშვიდობისთვის, არამედ ომის გასაგრძელებლად ემზადება. „ჩვენ ვაფასებთ, რომ ნატო-ს სამხდრო კომიტეტის ახალი ხელმძღვანელის პირველი ვიზიტი სწორედ ჩვენს სახელმწიფოში შედგა უკრაინელების მხარდასაჭერად. ჩვენ განვიხილეთ „რამშტაინისთვის“ მზადება და ჩვენი საერთო თავდაცვის საჭიროებები. ახლა ჩვენ ვიცით, ჩვენი დაზვერვა გვაცნობებს, რომ რუსები ქმნიან ახალ დივიზიებს, ავითარებენ ახალ სამხედრო წარმოებას. აშკარაა, რომ ჩრდილოეთ კორეასთანაც მათი თანამშრომლობა კიდევ უფრო გაფართოვდება. სამწუხაროდ, მოსკოვი ომის თანამედროვე ტექნოლოგიებს ავრცელებს იმ რეგიონშიც, კერძოდ, დრონების ტექნოლოგიებს. ეს მარტივ რამეს…

მეტი...

აშშ-ის პრეზიდენტმა, დონალდ ტრამპმა ყოფილ სახელმწიფო მდივანს, ენტონი ბლინკენს და ეროვნული უსაფრთხოების საკითხებში ყოფილ მრჩეველს, ჯეიკ სალივანს საიდუმლო ინფორმაციაზე წვდომა გაუუქმა. ამის ტრამპმა გაუუქმა საიდუმლო მასალებზე წვდომა ბაიდენის ადმინისტრაციის გენერალური პროკურორის მოადგილეს, ლიზა მონაკოს, რომელიც 6 იანვრის კაპიტოლიუმის შტურმის საქმეზე მუშაობდა, ასევე ნიუ-იორკის გენერალურ პროკურორს, ლეტიცია ჯეიმსს და მანჰეტენის საოლქო პროკურორს, ალვინ ბრეგს, რომლებიც ტრამპის წინააღმდეგ გამოძიებებს ხელმძღვანელობდნენ. მანამდე, დონალდ ტრამპმა განაცხადა, რომ საიდუმლო ინფორმაციაზე წვდომა გაუუქმა ყოფილ პრეზიდენტს, ჯო ბაიდენს და მისთვის ყოველდღიური სადაზვერვო ბრიფინგები შეწყვიტა.

მეტი...

აშშ-ის პრეზიდენტის, დონალდ ტრამპის განცხადებით, სურს უსაფრთხოების გარანტიების სანაცვლოდ უკრაინაში იშვიათ მინერალებსა და გაზთან წვდომაზე პრეზიდენტ ვოლოდიმირ ზელენსკისთან 500 მილიონი აშშ დოლარის ღირებულების გარიგება დადოს. მისი თქმით, ასეთი შეთანხმება მისაღები იქნება უკრაინის შესახებ ნებისმიერი პოტენციური სამშვიდობო ინიციატივის ფარგლებში. ცნობისთვის, ამავე ინტერვიუში ტრამპმა განაცხადა, რომ რუსეთის პრეზიდენტთან, ვლადიმერ პუტინთან სატელეფონო საუბრისას უკრაინაში მიმდინარე ომის საკითხი განიხილეს.

მეტი...

აშშ-ის პრეზიდენტი, დონალდ ტრამპი რუსეთის პრეზიდენტს, ვლადიმერ პუტინს უკრაინის ომის შესახებ ტელეფონით ესაუბრა. ამის შესახებ ტრამპმა განაცხადა. მისი თქმით, პუტინი დაინტერესებულია ბრძოლის ველზე არსებული ვითარებით და სურს, ადამიანები აღარ იღუპებოდნენ. „ყველა ის დაღუპული ადამიანი. ახალგაზრდა, ლამაზი ადამიანები. ისინი შენს შვილებს ჰგვანან, ორი მილიონი – და უმიზეზოდ“- აღნიშნა ტრამპმა. მან კიდევ ერთხელ გაიმეორა, რომ უკრაინასა და რუსეთს შორის ომის არასდროს მოხდებოდა, 2022 წელს პრეზიდენტი რომ თავად ყოფილიყო.

მეტი...

უნგრეთის პრემიერ-მინისტრმა, ვიქტორ ორბანმა განაცხადა, რომ “ტრამპის ტორნადომ” მსოფლიო სულ რაღაც რამდენიმე კვირაში შეცვალა. „ტრამპის ტორნადომ მსოფლიო სულ რაღაც რამდენიმე კვირაში შეცვალა, ერა დასრულდა. გუშინ ჩვენ მათთვის ერეტიკოსები ვიყავით, დღეს კი მეინსტრიმი ვართ“- განაცხადა ვიქტორ ორბანმა. ორბანის თქმით, „ბრიუსელის გამო ევროპა მოიცვეს არალეგალმა იმიგრანტებმა“.

მეტი...

რუს ჯარისკაცებს ფრონტის ხაზზე საბრძოლო მასალების გადასატანად ვირები გაუგზავნეს. რუსეთის სახელმწიფო სათათბიროში ეს მეორე მსოფლიო ომში გამოცდილებითა და საბრძოლო მასალებით უზრუნველყოფის პრობლემებით გაამართლეს. “ამაში ცუდი არაფერია“ – თქვა რუსეთის სახელმწიფო დუმის წარმომადგენელმა. ტელეგრამ-არხზე ვრცელდება ინფორმაცია, ფრონტის ხაზზე ვირების გაგზავნის რამდენიმე შემთხვევის შესახებ. Forbes-ის თანახმად, რუსი სამხედრო მოსამსახურეები ფრონტზე, სავარაუდოდ, ჯავშანტექნიკის ნაკლებობის გამო ცხენებსაც იყენებენ.

მეტი...

გერმანიის კანცლერი ოლაფ შოლცი აცხადებს, რომ ევროკავშირის წინააღმდეგ ტარიფების მუქარის ფონზე კონფრონტაციის ნაცვლად, დონალდ ტრამპთან თანამშრომლობის იმედი აქვს. „ჩვენი ხელი გაწვდილია, რადგან ტარიფები არავისთვის არის სასარგებლო. აშშ მაინც თუ მიმართავს ასეთ ნაბიჯებს, ევროკომისიას შეუძლია, რამდენიმე საათში მოახდინოს რეაგირება“- განაცხადა შოლცმა. ოლაფ შოცლმა აღნიშნა, რომ გერმანია თავისი მაღალეფექტური საექსპორტო სექტორით სარგებელს იღებს ამისგან და ეს მომავალშიც უნდა გაგრძელდეს.

მეტი...

ისრაელსა და „ჰამასს“ შორის მიღწეული ცეცხლის შეწყვეტის შეთანხმების ფარგლებში, ისრაელმა დამატებით 183 პალესტინელი პატიმარი გაათავისუფლა. გათავისუფლებულებს შორის 70-ზე მეტს უვადო ან გრძელვადიან სასჯელს იხდიდა, ხოლო 111 პატიმარი ისრაელის მიერ ომის პერიოდში დაკავებული მოქალაქეა. როგორც „ბიბისი“ წერს, შვიდი ყოფილი პატიმარი საავადმყოფოში გადაიყვანეს, რადგან მათი ჯანმრთელობის მდგომარეობა იყო კრიტიკული. ცეცხლის შეწყვეტის დაწყებიდან, 19 იანვრის შემდეგ, სულ 21 მძევალი და 566 პატიმარია გათავისუფლებული.  

მეტი...

უკრაინაში სამშვიდობოების გაგზავნის შესახებ დებატები ნაადრევია. ამის შესახებ გერმანიის კანცლერმა, ოლაფ შოლცმა განაცხადა. „მსგავსი დებატები უადგილო და ნაადრევია. ეს იმის დაშვებაა, რომ უკრაინა რუსეთისგან თავისი ტერიტორიის ნაწილს ვერ დაიბრუნებს“ – განაცხადა ოლაფ შოლცმა. მისი თქმით, უკრაინელების მონაწილეობის გარეშე არაფერი უნდა გადაწყდეს.

მეტი...

აშშ-ის პრეზიდენტმა, დონალდ ტრამპმა განაცხადა, რომ ჩრდილოეთ კორეასთან ურთიერთობა ექნება. ამის შესახებ მან, იაპონიის პრემიერ-მინისტრთან, შიგერუ იშიბასთან ერთად გამართულ პრესკონფერენციაზე ისაუბრა. „ჩვენ ჩრდილოეთ კორეასთან ურთიერთობა გვექნება, კიმ ჩენ ინთან. ჩვენ ერთმანეთს კარგად ვუგებთ“- განაცხადა დონალდ ტრამპმა. მისი თქმით, „ეს იდეა იაპონიას მოსწონს, რადგან მათ კარგი ურთიერთობა არ აქვთ“.

მეტი...