დღე: მაისი 19, 2024

მოქალაქეები რუსთაველის გამზირზე მსვლელობით მივიდნენ. ისინი აცხადებენ, რომ პროტესტი იქნება უწყვეტი, მანამ სანამ პარლამენტი ე.წ „რუსულ კანონს“ არ გაიწვევს. „ჩვენ ვაპროტესტებთ რუსლ კანონს და აქციების მიზანია გამოიწვიონ უკან ეს კანონი. არ მიიღონ საერთოდ“- აცხადებს აქციის ერთ-ერთი მონაწილე. მანამდე სტუდენტებმა ცოცხალი ჯაჭვი შეკრეს ევროპის მოედანზე, მშვიდობის ხიდზე კი, ევროკავშირისა და საქათველოს დროშები გადმოფინეს.

„მოვუწოდებ საქართველოს პარლამენტს, არ დაძლიოს ვეტო და გაიწვიოს ეს კანონი“- ამის შესახებ განცხადებას დიდი ბრიტანეთის ევროპის საკითხებში მინისტრი, ნუსრატ განი ავრცელებს. მისი თქმით, გაერთიანებული სამეფო მხარს უჭერს პრეზიდენტ სალომე ზურაბიშვილის გადაწყვეტილებას. „გაერთიანებული სამეფო მხარს უჭერს საქართველოს პრეზიდენტ ზურაბიშვილის გადაწყვეტილებას, ვეტო დაადოს უცხოური გავლენის შესახებ კანონს. ეს კანონი ეწინააღმდეგება საქართველოს მოსახლეობის ევროატლანტიკურ მისწრაფებებს. მოვუწოდებ საქართველოს პარლამენტს, არ დაძლიოს ვეტო და გაიწვიოს ეს კანონი”, – წერს მინისტრი „ტვიტერზე“.

კონსტიტუციონალისტი ვახტანგ ხმალაძე ე.წ „რუსულ კანონზე“ საქართველოს პრეზიდენტის ვეტოს აფასებს. მისი თქმით, კანონპროექტის შინაარსი რომელიც სალომე ზურაბიშვილმა წარადგინა ორიგინალური და სამართლებრივად სრულიად გამართულია.  „კანონპროექტის შინაარსი, რომელიც პრეზიდენტმა წარადგინა, არის ფრიად ორიგინალური, მსგავსი მე ჯერ არ შემხვედრია, მაგრამ სამართლებრივად აბსოლუტურად გამართული. პრეზიდენტი არ შეეხო კანონის არცერთ ნორმას გარდა კანონის ამოქმედების ნაწილისა. რაც წერია მიღებულ კაონში, ის დატოვა უცვლელად და დაამატა ერთი პუნქტი: ეს კანონი გაუქმდეს ამოქმედების მომდევნო დღიდან“- განაცხადა მან. ხმალაძე ამბობს, რომ თუ ვინმეს პრეტენზია ექნება ვეტოს მიმართ ეს ქინება თითიდან გამოწოვილი. ”პრეზიდენტმა აირჩია 1 დღიანი მოქმედება კანონის ანუ რეალურად,…

რუსეთის ფედერაციის საბჭოს საერთაშორისო ურთიერთობების კომიტეტის ხელმძღვანელი, გრიგორი კარასინი საქართველოს პრეზიდენტს „თავისებურ ქალს უწოდებს“ და  „უცხოური გავლენის გამჭვირვალობის შესახებ“ კანონპროექტზე ვეტოს დადებას ეხმაურება. კარასინის თქმით, ზურაბიშვილი ცდილობს ქვეყანაში არასტაბილურობის შემოტანას. „თავისებური ქალი ზურაბიშვილი, როგორც ჩანს, თავდაუზოგავად ცდილობს არასტაბილურობას საკუთარ ქვეყანაში. პარლამენტის აბსოლუტური უმრავლესობის მიერ მიღებული კანონი უცხოური აგენტების შესახებ მასში უცნაურად დაჟინებულ უარყოფას იწვევს. აქ ჩნდება კითხვა: ვის ინტერესებს იცავს ქალბატონი პრეზიდენტი? სცენარი ზოგადად ნათელია, მაგრამ მნიშვნელოვანია პოლიტიკოსმა არ დაკარგოს ზომიერების გრძნობა!“, – წერს კარასინი „ტელეგრამ“ არხზე.  

„ჩვენ, გერმანია და საფრანგეთი, ღრმად შეშფოთებულები ვართ საქართველოში შექმნილი სიტუაციით, – ამის შესახებ საფრნგეთის პრეზიდენტ ემანუელ მაკრონისა და გერმანიის კანცლერ ოლაფ შოლცის ერთობლივ განცხადებაშია აღნიშნული. ორი ქვეყნის ლიდერი აცხადებს, რომ ისინი საქართველოს ევროპული გზის მტკიცე მხარდამჭერები არიან და აქტიურად დაუჭირეს მხარი ევროპული საბჭოს გადაწყვეტილებას კანდიდატის სტატუსის მინიჭების შესახებ 2023 წლის დეკემბერში. „ღრმა მწუხარებით ვაკვირდებით საქართველოს მთავრობისა და მმართველი პარტიის გადაწყვეტილებას გადაუხვიონ ამ გზიდან ჩვენი საერთო ევროპული ღირებულებებისა და ქართველი ხალხის მისწრაფებების წინააღმდეგ მოქმედებით, ე.წ. „უცხოური გავლენის გამჭვირვალობის შესახებ“კანონის მიღებით“, – აღნიშნულია ერთობლივ განცხადებაში, რომელსაც ემანუელ მაკრონი სოციალურ ქსელში აქვეყნებს. საფრანგეთისა და…

პერსონალურ მონაცემთა დაცვის სამსახურის ინფორმაციით, უცნობი ნომრებიდან ზარების განხორციელებასთან დაკავშირებით, სამსახურმა 70-მდე შეტყობინება მიიღო, მათგან 10-მდე განცხადება, რომელიც შინაარსით შეიცავდა შესაძლო დანაშაულის ნიშნებს, რეაგირებისათვის სამართალდამცავ ორგანოს გადაეგზავნა. ამავე ცნობით,   სამსახურმა უკვე მიმართა მობილური კავშირგაბმულობის ოპერატორებს, კონკრეტული სატელეფონო ნომრების კუთვნილებისა და მათი მეშვეობით განხორციელებული კომუნიკაციის შესახებ ინფორმაციის გამოთხოვის მიზნით. „სამსახურის მიერ ხორციელდება კანონით გათვალისწინებული ღონისძიებები განცხადებებსა და შეტყობინებებში მითითებულ, მის კომპეტენციას მიკუთვნებულ ფაქტებთან დაკავშირებით, მათ შორის, საჭიროების გათვალისწინებით, საკითხის დაზუსტების მიზნებისთვის, შესაბამის პირებთან განხორციელდა უკუკავშირი და ინფორმაციის მოძიება/დაზუსტება“- ნათქვამია განცახდებაში. რაც შეეხება, „უცხოური გავლენის გამჭვირვალობის შესახებ“ საქართველოს კანონის პროექტს, სამსახურში განმარტავენ, რომ…

თბილისში ე.წ „რუსული კანონის“ საწინააღმდეგო ორი აქცია გაიმართება. შეკრების ერთი ლოკაცია ევროპის მოედანი იქნება. აქ სხვადასხვა უნივერსიტეტის სტუდენტები შეიკრიბებიან და ცოცხალ ჯაჭვს გააკეთებენ. შეკრება 16:00 საათზე არის დაგეგმილი. კიდევ ერთი აქცია ვაჟა-ფაშაველას გამზირზე 17:00 საათზეა დაანონსებული. მომიტინგეების მიზანი ვაჟა ფშაველას, ყაზბეგის გამზირის, პეკინის გამზირისა და ჟვანიას (გაგარინის) მოედნის პარალიზებაა.  

აშშ-ს  ეროვნული უშიშროების საბჭოს სპიკერი ედრიენ უოტსონი “უცხოური გავლენის გამჭვირვალობის შესახებ”  კანონპროექტზე ვეტოს დადებას გამოეხმაურა. უიტსონი საქართველოს ხლისუფლებას მოუწოდებს, პრეზიდენტის მსგავსი გამბეოდაობა გამოჩინონ და  ვეტო არ დაძლიონ. „მიხარია, რომ პრეზიდენტი ზურაბიშვილი იცავს საქართველოს ევროატლანტიკურ მომავალს უცხოელი აგენტების კანონზე ვეტოს დადების გზით. ჩვენ მოვუწოდებთ პარლამენტის წევრებს გამოიჩინონ იგივე გამბედაობა და არ გააუქმონ მისი ვეტო”-  წერს უოტსონი.    

„ძალიან გვიანი არ არის ევროპის რუსეთის ნაცვლად ასარჩევად, – ამის შესახებ გერმანიის პარლამენტის (ბუნდესტაგის) საგარეო საქმეთა კომიტეტის თავმჯდომარე, მაიკლ როთი „ტვიტერის“ პირად გვერდზე წერს. როთის თქმით პრეზიდენტის მიერ “უცხოური გავლენის გამჭვირვალობის შესახებ” კანონპროექტზე ვეტოს დადება არის შანსი და მთავრობას მოუწოდებს ისარგებლონ ამით. „პრეზიდენტმა სალომე ზურაბიშვილმა უცხოური აგენტების კანონს“ ვეტო დაადო. შანსით ისარგებლეთ, ძვირფასო საქართველოს მთავრობა. ძალიან გვიანი არ არის ევროპის რუსეთის ნაცვლად ასარჩევად“, – წერს როთი.

პარლამენტის საფინანსო-საბიუჯეტო კომიტეტი, 20 მაისის სხდომაზე, ე.წ. ოფშორების კანონპროექტზე პრეზიდენტის ვეტოს განიხილავს.­ სალომე ზურაბიშვილმა პარლამენტს მოტივირებული შენიშვნებით “საგადასახადო კოდექსში” ცვლილებების პროექტი დაუბრუნა და პარლამენტს ოფშორებთან დაკავშირებული ნორმების ამოღებას სთავაზობს.   პრეზიდენტი სრულად იზიარებს “საგადასახო კოდექსში” განხორციელებული ცვლილებების იმ ნაწილს, რომელიც ფიზიკური პირების საგადასახადო დავალიანებებისგან და მასზე დარიცხული საურავებისგან გათავისუფლებას ითვალისწინებს.