ჩრდილოეთ კორეაში მშობლებს მოუწოდებენ, თავიანთ შვილებს „ბომბი”, „იარაღი”, „სატელიტი” და სხვა „პატრიოტული” სახელები დაარქვან.
უცხოური მედიის ცნობით, აქამდე ფხენიანი ნებას რთავდა მშობლებს შვილებისთვის ისეთი სახელები შეერჩიათ, რომლებიც, სამხრეთ კორეაში გავრცელებული სახელების მსგავსად, რბილ ხმოვანზე ბოლოვდება.
თუმცა, ხელისუფლების ახალი მოთხოვნის მიხედვით, მოქალაქეებმა უნდა შეიცვალონ და შვილებსაც შეუცვალონ „რბილი” სახელები და უფრო იდეოლოგიური და მილიტარისტული სახელები დაარქვან.
