საქართველოს პრეზიდენტი პატრულ-ინსპექტორის მხრიდან შშმ პირის ცემის ფაქტთან დაკავშირებით განცხადებას ავრცელებს და ამბობს, რომ დამნაშავეები უმკაცრესად უნდა დაისაჯონ.
“უმნიშვნელოვანესია საზოგადოებაში არსებობდეს ნდობა ისეთი სახელმწიფო ინსტიტუტის მიმართ როგორიცაა პოლიცია, რომელსაც საზოგადოების უსაფრთხოებისა და ადამიანის უფლებების დაცვის პასუხისმგებლობა აკისრია. დასაფასებელია პოლიციის თავდაუზოგავი სამსახური ქვეყნისა და ხალხის მიმართ, რასაც სამწუხაროდ აზიანებს ზოგიერთი პოლიციელის მიერ ჩადენილი ინდივიდუალური ქმედებები. უმკაცრესად უნდა დაისაჯონ დამნაშავეები, არ შეიძლება კონკრეტული პირების სახის განზოგადება და მიუღებელია მსგავსი კონკრეტული შემთხვევების გამო ჩრდილი მიადგეს სახელმწიფო ინსტიტუტს”, – აცხადებს პრეზიდენტი.
შეგახსენებთ, რომ ორივე დაკავებულ პატრულს ბრალი უკვე წაუყენეს.
