“სოხუმი, თბილისის მზაობაზე პირდაპირი დიალოგის საკითხზე, გაკვირვებულია” – დე-ფაქტო საგარეო უწყების განცხადება

“აფხაზეთის საგარეო საქმეთა სამინისტრო, აფხაზურ მხარესთან პირდაპირი დიალოგის საჭიროებაზე ოფიციალური თბილისის რეაქციას ყურადღებით აკვირდება,” – ნათქვამია განცხადებაში, რომელსაც დე-ფაქტო აფხაზეთის ე.წ. საგარეო უწყება  ავრცელებს.

განცხადებაში ნათქვამია, რომ აფხაზური მხარე პირდაპირი დიალოგის დასაწყებად საქართველოს ხელისუფლების მოულოდნელი მზადყოფნის თაობასთან დაკავშირებით, გაკვირვებას ვერ მალავს.

“ამასთან დაკავშირებით, ჩვენ არ შეგვიძლია არ გამოვხატოთ გაკვირვება, რაც  აფხაზური მხარესთან პირდაპირი დიალოგის დასაწყებად საქართველოს ხელისუფლების მოულოდნელი მზადყოფნის ინფორმაციამ გამოიწვია. თავის მხრივ, ჩვენ მხარს ვუჭერთ მოლაპარაკებების ორმხრივი ფორმატის განახლების შესაძლებლობას, რაც მოიცავს აფხაზეთის რესპუბლიკის იზოლაციის პრობლემების, რეგიონალური უსაფრთხოების, გარემოსა და სხვა საკითხების განხილვას.

ამავე დროს, ჩვენ განსაკუთრებით აღვნიშნავთ, რომ ჩვენი სახელმწიფოს პოლიტიკური სტატუსის თემა, რომელიც ემყარება აფხაზეთის ხალხის სურვილს და გათვალისწინებულია აფხაზეთის რესპუბლიკის კონსტიტუციით, არ წარმოადგენს რაიმე მოლაპარაკებას.

შეგახსენებთ, რომ აფხაზეთის რესპუბლიკა 1994 წლიდან 2008 წლამდე, ხელმძღვანელობდა მოლაპარაკების პროცესს საქართველოსთან, რომელიც გაეროს ეგიდით ჩატარდა, რუსეთისა და რამდენიმე სხვა ქვეყნის შუამავლობით. ამ მოლაპარაკების ფორმატში, აფხაზეთი მოქმედებდა, როგორც კონფლიქტის მხარე, რამაც დადებითი გავლენა მოახდინა გარკვეული პოლიტიკური და დიპლომატიური შედეგების მიღწევაში.

ამის შემდეგ, 2008 წელს სამხრეთ ოსეთში შეიარაღებული კონფლიქტის შედეგად და რუსეთის ფედერაციის მიერ აფხაზეთისა და სამხრეთ ოსეთის დამოუკიდებლობის დამოუკიდებლობის აღიარების შედეგად, გაიხსნა ჟენევის საერთაშორისო დისკუსიები კავკასიაში უსაფრთხოებისა და სტაბილურობის შესახებ, რომლებიც ყველაზე მნიშვნელოვანი საერთაშორისო ფორუმია რეგიონში სიტუაციის პროგნოზირების უზრუნველსაყოფად. აგრეთვე, აფხაზეთისა და სამხრეთ ოსეთის პოლიტიკური დიალოგის შენარჩუნება საქართველოსთან.

ამ ფორმატში მონაწილეობას იღებენ აფხაზეთის, საქართველოს, სამხრეთ ოსეთის, რუსეთის, შეერთებული შტატების წარმომადგენლები ევროკავშირის, გაეროს და ეუთოს თანათავმჯდომარეობის ქვეშ. დიალოგი ჟენევის დისკუსიების ფარგლებში სასარგებლოდ მიგვაჩნია და მხარს ვუჭერთ მის გაგრძელებას.

ყოველივე ზემოთქმულის გათვალისწინებით, საჭიროდ ჩავთვლით აღვნიშნოთ, რომ ორ სახელმწიფოს შორის ურთიერთობების ნორმალიზების პროცესი და სოხუმსა და თბილისს შორის დიალოგის სხვა ფორმების შესაძლო განხილვა, შესაძლებელი გახდება მხოლოდ დოკუმენტის ხელმოწერის შემდეგ, რაც იურიდიულად ავალდებულებს მხარეებს, რომ არ გამოიყენონ სამხედრო ძალა ერთმანეთის წინააღმდეგ,” – აღნიშნულია დე-ფაქტო აფხაზეთის ე.წ. საგარეო უწყების მიერ გავრცელებულ განცხადებაში.

მსგავსი თემები