თვე: აგვისტო 2021

მთავრობა ვაქცინირებულების წახალისებას იწყებს – დაავადებათა კონტროლის ეროვნული ცენტრის ხელმძღვანელის, ამირან გამყრელიძის ინფორმაციით, სექტემბერში იმუნიზაციის პროცესის სტიმულირების მიზნით, აცრილებისთვის პერმანენტულად ლატარია ჩატარდება და ვაქცინირებულებს შესაძლებლობა ექნებათ ფულადი ჯილდო მოიგონ.  როგორც ამირან გამყრელიძემ მედიავებინარზე საუბრისას განაცხადა, ფინანსთა სამინისტრო უკვე მუშაობს ვაქცინირებულების ბაზების შედგენაზე. სექტემბრის დასაწყისი კი, უწყება კოვიდსაწინააღმდეგი ინექციით აცრილი მოსახლეობის წამახალისებელი ლატარიის შესახებ საზოგადოებას დამატებით ინფორმაციას მიაწვდის.

საქართველოს ჯანდაცვის მინისტრის ეკატერინე ტიკარაძის განცხადებით, სამგზავრო ავტობუსებში მოწყობილ ვაქცინაციის სივრცეში მოქალაქე მიიღებს უსაფრთხო მომსახურებას. მისივე თქმით, საჭიროების შემთხვევაში, მოქალაქეს ადგილზევე გაეწევა სამედიცინო დახმარება. „დღეს დავიწყეთ ახალი პროექტი, რომელიც ავტობუსებში ვაქცინაციის ცენტრების განთავსებას გულისხმობს. ესეც საერთაშორისო პრაქტიკაა. ევროპაში მრავალი დაბრენდილი ავტობუსია, სადაც მოქალაქეები იღებენ მომსახურებას და კუთვნილ ვაქცინას. ჩვენ გადავწყვიტეთ, რომ თბილისში პირველ ეტაპზე დაგვეწყო სამი ავტობუსით. ვარკეთილში, გლდანში და სადგურის ტერიტორიაზე განვათავსებთ სამ ავტობუსს. ჯამში დაგეგმილია ათი ავტობუსის განთავსება, ისინი იქნებიან დაბრენდილი ავტობუსები, სადაც მოქალაქე მიიღებს ყველა საჭირო, უსაფრთხო მომსახურებას ვაქცინაციასთან დაკავშირებით, რასაც ის მიიღებდა კლინიკაში თუ პოლიკლინიკის წერტილში.…

დაავადებათა კონტროლის ეროვნული ცენტრის ხელმძღვანელი ამირან გამყრელიძე ახალგაზრდებს მოუწოდებს, ღამის კლუბებში სიარულისგან თავი შეიკავონ. გამყრელიძის განცხადებით, ზომების გამკაცრების მიუხედავად, შეკრებების წესი მაინც ირღვევა და აღნიშნა, რომ ქვეყანაში დღეს ბევრი მაკონტროლებელია პოლიციის, შრომის ინსპექციისა და ზედამხედველობის სამსახურების სახით. „ძალიან ბევრი მაკონტროლებელია დღეს. პოლიცია, შრომის ინსპექცია, ზედამხედველობის სამსახურები. ეს სერიოზულად გამკაცრდა, მაგრამ გეთანხმებით, რომ მაინც ირღვევა და ამიტომ, კიდევ ერთხელ, ერთმანეთს უნდა მოვუწოდოთ, მოდით, ცოტა ხანი, ახალგაზრდები ხართ, არა?! თავი შევიკავოთ ღამის კლუბებში სიარულისგან, ხომ შეიძლება?! როცა დამთავრდება ყველაფერი, მეც დამპატიჟეთ და წამოვალ თქვენთან ერთად“, – განაცხადა ამირან გამყრელიძემ.

ჯანდაცვის მინისტრის ეკატერინე ტიკარაძის განცხადებით, ბოლო დღეების განმავლობაში კორონავირუსის გავრცელების მიმართულებით სტაბილიზაციაა, თუმცა ლეტალობის მაჩვენებლის კლება ჯერჯერობით მოსალოდნელი არ არის. მისი თქმით, კლინიკური ჯგუფები მაქსიმალურად გაძიერებულია და ზუსტდება მკურნალობის ხარისხის ის სტანდარტი, რაც პროტოკოლშია გაწერილი. “ვირუსის გავრცელების კუთხით ბოლო დღეებში ფიქსირდება სტაბილიზაცია. თუმცა ეს არ ნიშნავს, რომ ლეტალობის კლების მოლოდინი შეიძლება გვქონდეს, ვინაიდან, ეს არის ის შემთხვევები, რომელიც ჯამურადაა დამდგარი. ამ ეტაპისთვის მაქსიმალურად გვყავს კლინიკური ჯგუფი გაძლიერებული. თენგიზ ცერცვაძე, ინეზა სულამანიძე და მარინა ეზუგბაია მუდმივ რეჟიმში იმყოფებიან კლინიკებში, სპეციალური გრაფიკი აქვთ გაწერილი, რის შედეგადაც კვლავ აზუსტებენ მკურნალობის ხარისხის იმ სტანდარტებს,…

დღეიდან მოქალაქეები სასურველი კოვიდსაწინააღმდეგო ვაქცინით მათთვის მოსახერხებელ ლოკაციაზე აიცრებიან. ჯანდაცვის სამინისტროსა და თბილისის მერიის ახალი პროექტის მიხედვით, სამგზავრო ავტობუსებში ვაქცინაციის სივრცე მოეწყობა და რესპუბლიკური საავადმყოფოს ამცრელი ბრიგადები, ვაქცინაციას დადგენილი წესის მიხედვით უზრუნველყოფენ. მოქალაქეები სერვისს წინასწარი რეგისტრაციის გარეშე მიიღებენ.   იმუნიზაცია “სინოვაკის”, “სინოფარმისა” და “ფაიზერის” ვაქცინით იქნება შესაძლებელი. მუნიციპალურ ტრანსპორტშივე იქნება მოწყობილი შემდგომი დაკვირვების სივრცეც.   ვარკეთილი, გლდანი და სადგურის მოედანი – თავდაპირველად, იმუნიზაციის პროცესი სწორედ ამ უბნებიდან დაიწყება. ეს ის ლოკაციებია, სადაც მასობრივი ვაქცინაციის სივრცეები ამ დრომდე არ იყო მობილიზებული.  მობილური იმუნიზაციის პროექტის განხორციელებას სამედიცინო ჰოლდინგი და რესპუბლიკური საავადმყოფო უზრუნველყოფს.

27 აგვისტოს მონაცემებით, საქართველოში ჯამში 1 095 069​ აცრა ჩატარდა, – ამის შესახებ ინფორმაციას დაავადებათა კონტროლის ეროვნული ცენტრი ავრცელებს. ამასთან, ოფიციალური მონაცემებით, 26 აგვისტოს აიცრა 26 418 პირი. ამასთან, ერთი დოზით აცრილია 749 754 ადამიანი, ხოლო სრულად ვაქცინირებულია 345 315. რაც შეეხება ვირუსით ინფიცირების ახალ შემთხვევებს,საქართველოში კორონავირუსის 4 031 ახალი შემთხვევა გამოვლინდა, გამოჯანმრთელდა 4 585 პაციენტი. გარდაიცვალა 73 ინფიცირებული.

გუშინ ივ. ბოკერიას სახელობის საუნივერსიტეტო ჰოსპიტალში გარდაცვლილი 19 წლის ქალი, ნორა თევზაძეა. ორსული კორონავირუსით იყო ინფიცირებული. „რატო დატოვე შენი პატარები ნორი, ჩვენ ასე ნაადრევად რატო გამოგვაკლდი, მეორე შვილი არც კი გინახავს… მეიმედებოდა რომ ნახავდი“ – წერს სოციალური ქსელის ერთ-ერთი მომხმარებელი. შეგახსენებთ, თბილისში, ივ. ბოკერიას სახელობის საუნივერსიტეტო ჰოსპიტალში, 19 წლის ორსული მშობიარობის შემდეგ გარდაიცვალა. ახალგაზრდა ქალი კორონავირუსით იყო ინფიცირებული. “კურიერის” ინფორმაციით, ახალშობილის მდგომარეობა დამაკმაყოფილებელია და მის სიცოცხლეს საფრთხე არ ემუქრება. “კურიერი” თემაზე მუშაობას აგრძელებს და დამატებით დეტალებს მოგვიანებით მოგაწვდით. შემთხვევა ივ. ბოკერიას სახელობის საუნივერსიტეტო ჰოსპიტალში წუხელ მოხდა. საქართველოში კოვიდით ინფიცირებული ორსული ქალის გარდაცვალების…

საქართველოში ბოლო 24 საათში კორონავირუსით 73 პაციენტი გარდაიცვალა. ამის შესახებ ინფორმაცია დაავადებათა კონტროლის ეროვნული ცენტრის გვერდზე გამოქვეყნდა. დღეს ქვეყანაში კორონავირუსის 4 031 ახალი შემთხვევა გამოვლინდა, გამოჯანმრთელდა 4 585 პაციენტი. გუშინ, 26 აგვისტოს საქართველოში კორონავირუსით 4 128 ადამიანი დაინფიცირდა, 5 611 გამოჯანმრთელდა, 79 პაციენტი კი გარდაიცვალა.

საქართველოში კორონავირუსის 4 031 ახალი შემთხვევა გამოვლინდა. ამის შესახებ ინფორმაცია დაავადებათა კონტროლის ეროვნული ცენტრის გვერდზე გამოქვეყნდა. ქვეყანაში ბოლო 24 საათში 4 585 ადამიანი გამოჯანმრთელდა. ბოლო დღე-ღამეში კორონავირუსით გარდაიცვალა 73 პაციენტი. გუშინ, 26 აგვისტოს საქართველოში კორონავირუსის 4 128 შემთხვევა გამოვლინდა, 5 611 პაციენტი გამოჯანმრთელდა, 79 კი გარდაიცვალა.

თბილისში, ივ. ბოკერიას სახელობის საუნივერსიტეტო ჰოსპიტალში, 19 წლის ორსული მშობიარობის შემდეგ გარდაიცვალა. ახალგაზრდა ქალი კორონავირუსით იყო ინფიცირებული. ახალშობილის მდგომარეობა დამაკმაყოფილებელია და მის სიცოცხლეს საფრთხე არ ემუქრება. შემთხვევა ივ. ბოკერიას სახელობის საუნივერსიტეტო ჰოსპიტალში წუხელ მოხდა. საქართველოში კოვიდით ინფიცირებული ორსული ქალის გარდაცვალების მე-11 შემთხვევა დაფიქსირდა.

შინაგან საქმეთა სამინისტროს სამეგრელო-ზემო სვანეთისა და იმერეთის, რაჭა-ლეჩხუმისა და ქვემო სვანეთის პოლიციის დეპარტამენტების თანამშრომლებმა, ჩატარებული ოპერატიულ-სამძებრო და საგამოძიებო ღონისძიებების შედეგად, სხვადასხვა დროს, მესტიის, სამტრედიისა და წყალტუბოს მუნიციპალიტეტებში სამი პირი დააკავეს. შსს-ს ინფორმაციით, 1989 წელს დაბადებული ნ. დ., 1975 წელს დაბადებულ, წარსულში ნასამართლევ ვ.კ.-სა და 1991 წელს დაბადებულ თ.ჩ.-ს ბრალი ცეცხლსასროლი იარაღის და საბრძოლო მასალის მართლსაწინააღმდეგო შეძენა-შენახვასა და ტარებაში ედებათ. დანაშაულები 3-დან 6 წლამდე ვადით თავისუფლების აღკვეთას ითვალისწინებს. მათივე ინფორმაციით, ნივთმტკიცებად ამოღებულია „ნაგანის“ სისტემის ცეცხლსასროლი რევოლვერი, კალაშნიკოვის სისტემის 1 ავტომატური ცეცხლსასროლი იარაღი, „მაკაროვის“ სისტემის ცეცხლსასროლი იარაღი, ორი მჭიდი და 10 საბრძოლო…

„ორსულებო, აიცერით სასწრაფოდ და ასე დაიცავით თავიც და პატარაც“,- ამერიკაში მოღვაწე ექიმი, ნანა გეგჭკორი მიმართვას ავრცელებს. „ორსულებო, აიცერით სასწრაფოდ და ასე დაიცავით თავიც და პატარაც. აცრის კომპoნენტები არ გადის პლაცენტის ბარიერს და ვერ მიაღწევს ნაყოფამდე. თქვენს მიერ გამომუშავებული ანტისხეულები კი გადიან პლაცენტის ბარიერს და უმრავლეს შემთხვევაში ბავშვი უკვე კოვიდსაწინააღმდეგო იმუნიტეტით დაიბადება. Pfizer-ზე ჩატარებულმა კვლევებმა ნათლად აჩვენა რომ ორსულების აცრა უსაფრთხოა ნებისმიერ ტრიმესტრში. აცრა დაგიცავთ კოვიდის რთული ფორმებისგან და სიკვდილისგან. ვაქცინაციით უკვე მუცლაყოფნის ასაკიდან იზრუნებთ თქვენს პატარაზე. მეძუძურო დედებო, აიცერით სასწრაფოდ, გთხოვთ. უსაფრთხოა ვაქცინაცია თქვენთვისაც და პატარასთვისაც. აცრის კომპონენტები დედის რძეში…

2021 წლის 27 აგვისტოდან იზღუდება Sinopharm-ის ვაქცინის პირველი დოზით ადმინისტრირება (როგორც წინასწარი ჯავშნით, ასევე ცოცხალი რიგით) ვაქცინის დამატებითი პარტიის მიღებამდე – განცხადებას დაავადებათა კონტროლის ეროვნული ცენტრი ავრცელებს. მათივე ინფორმაციით, დროებით შეჩერება არ ეხება იმ პირებს, ვინც პირველი დოზით აცრის ჯავშანი გააკეთა ა.წ. 27 აგვისტომდე ნებისმიერი მომდევნო თარიღისთვის. “შეუფერხებლად გრძელდება მოქალაქეების აცრა Sinopharm-ის ვაქცინის მეორე დოზით.პირველი დოზით აცრის მსურველებმა დაჯავშნეთ და აიცერით პფაიზერის, ასტრაზენეკასა და სინოვაკის ვაქცინებით” – აღნიშნულია ინფორმაციაში.

ქუთაისში, კლინიკა “ბომონდში” საკეისრო კვეთის შემდეგ 24 წლის გოგო გარდაიცვალა. კლინიკის კოვიდგანყოფილების მენეჯერის, მამია ყიფიანის ინფორმაციით, პაციენტი მძიმე მდგომარეობაში 20 აგვისტოს ბათუმიდან შეიყვანეს. გადაუდებელი მდგომარეობის გამო, 36 კვირის ორსულს საკეისრო კვეთა ჩაუტარდა, რის შემდეგაც რეანიმაციაში მოათავსეს. პაციენტი ოთხ დღეში გარდაიცვალა. კლინიკაში განმარტავენ, რომ პაციენტის მდგომარეობა კრიტიკული იყო, მას ფილტვების 70% ჰქონდა დაზიანებული. ექიმის ინფორმაციით, პაციენტს კორონავირუსის საწინააღმდეგო აცრა არ ჰქონდა გაკეთებული. რაც შეეხება ახალშობილს, მისი მდგომარეობა დამაკმაყოფილებელია. ახალშობილი კორონავირუსით ინფიცირებული არ არის. 

საქართველოს ჯანდაცვის მინისტრის მოადგილის თამარ გაბუნიას განცხადებით, არჩევნების ჩატარებასთან დაკავშირებით, ჯანდაცვის სამინისტრომ ჯერ კიდევ შარშან გამოსცა დეტალური რეკომენდაციები, რომლებიც ითვალისწინებს წესებს, როგორ უნდა ჩატარდეს შეხვედრა, ვის, რა პერიოდულობით უნდა ჩაუტარდეს ტესტირება, ვინ ექვემდებარება ვაქცინაციას და ეს პროცესი აქტიურია. „სხვა დანარჩენი დამოკიდებულია იმაზე, როგორ მოხდება საარჩევნო პროცესში ამ რეკომენდაციების დაცვა. რა თქმა უნდა, მობილობის მატება, ზოგადად, არჩევნების პროცესში აღინიშნება და გასულ წელსაც ჩვენ გვქონდა იმის გამოცდილება, რომ თავად არჩევნების დღეს კი არა, ამასთან დაკავშირებული სხვა არაბუნებრივი მობილობა, ქუჩის აქციები, სხვა, ეს ყველაფეერი უფრო საზიანო აღმოჩნდა ეპიდემიური მიმდინარეობისას. ამდენად, ჩვენ დღეს გვაქვს…

საქართველოში არსებული მძიმე ეპიდვითარების ფონზე, ალერგოლოგ-იმუნოლოგი ბიძინა კულუმბეგოვი მოსახლეობას კვლავ აცრისკენ მოუწოდებს. კუმბეგოვის შეფასებით, “აუცრელობა და ნიღბის არ ტარება ომში დეზერტირობის ტოლფასია”. “79 არავაქცინირებული გარდაცვლილი. გთხოვთ, ატარეთ სამედიცინო ნიღაბი, სოციალური ურთიერთობები მაქსიმალურად შეამცირეთ და რაც შეიძლება სწრაფად, შენ და შენი ახლობლები ასაცრელად წადით! მეტი გზა უბრალოდ არაა, ომში ვართ და გენერლები არსად ჩანან,”- წერს სოციალურ ქსელში ბიძინა კულუმბეგოვი. შეგახსნებთ, ბოლო 24 საათში კორონავირუსით გარდაცვალების 79 ახალი შემთხვევა დაფიქსირდა. 1-26 აგვისტოს კი ვირუსს 1208 კოვიდინფიცირებული ემსხვერპლა. პანდემიის გავრცელებიდან დღემდე ვირუსით ჯამში 7 028 ადამიანი გარდაიცვალა.