დღე: აგვისტო 17, 2021

„ჩვენ, ყველანი, მთავრობის წევრები, ოჯახებით, ყველანი აცრილები ვართ და ამით ვიჩენთ და ვაძლევთ მაგალითს სხვებს“ – ამის შესახებ პრემიერმინისტრმა ირაკლი ღარიბაშვილმა ქობულეთში მერობის კანდიდატის წარდგენისას განაცხადა. პრემიერმა აცრის მნიშვნელობაზე კიდევ ერთხელ ისაუბრა და მოსახლეობას კოვიდ-19-ის საწინააღმდეგოდ ვაქცინაციისკენ მოუწოდა. მისი თქმით, ქვეყანაში უპრეცენდენტოდ მაღალი ეკონომიკური ზრდა ფიქსირდება, რასაც შენარჩუნება სჭირდება, ეს კი ვაქცინაციის გარეშე შეუძლებელია. „ერთადერთი ეფექტიანი გამოსავალი არის სწორედ ვაქცინაცია. მე დავღალე ჩვენი მოსახლეობა, მაგრამ აუცილებელია, რომ ავუხსნათ მოქალაქეებს, ჩვენს ხალხს ამის საჭიროება და აუცილებლობა, იმიტომ, რომ ვაქცინაცია, რომელიც არის გამოგონებული, შექმნილი, მეცნიერების მიერ, საუკეთესო მეცნიერების მიერ მსოფლიოში, არის ის ერთადერთი გამოსავალი,…

საქართველოს რკინიგზის ადმინისტრაციამ დასაქმებულებისთვის სპეციალური ბრძანება (პროტოკოლი) გამოსცა: ბრძანების მიხედვით, დასაქმებულმა, რომელსაც არ ჩაუტარებია Covid-19 საწინააღმდეგო აცრა, უნდა უზრუნველყოს ყოველი კვირის ორშაბათს, გამოცხადებამდე არაუგვიანეს 48 საათის პერიოდში ჩატარებული Covid-19 ანტიგენის სწრაფი ტესტის პასუხის უშუალო ხელმძღვანელისთვის წარდგენა; ბრძანების სხვა პუნქტებია ასეთია: დასაქმებულს, რომელსაც არ აქვს ჩატარებული Covid-19_ის საწინააღმდეგო ვაქცინა (ერთი ან ორი დოზა) და ისარგებლებს შვებულებით, შვებულების დასხრულების შემდეგ, უშუალო ხელმძღვანელთან უნდა წარადგინოს PCR ტესტის პასუხი (არაუგვიანეს გამოცხადებამდე 72 საათის განმავლობაში); დასაქმებულს, რომელიც აიცრება Covid-19_ის საწინააღმდეგო ვაქცინით, ეძლევა უფლება ვაქცინაციის ჩატარებიდან 48 საათი (პირველი და მეორე დღე), არ გამოცხადდეს სამუშაოზე. გაცდენილი…

იუსტიციის სახლმა კოვიდბარათების გაცემა დაიწყო – იუსტიციის სახლებსა და საზოგადოებრივ ცენტრებში დღეიდან კოვიდბარათები უფასოდ გაიცემა. რატი ბრეგაძე და ეკატერინე ტიკარაძე დოკუმენტის გაცემის პროცესს ერთობლივად აკვირდებოდნენ. ამასთანავე, მინისტრებმა თბილისის იუსტიციის სახლში ახლადდანერგილი სერვისით თავადაც ისარგებლეს და კოვიდბარათები აიღეს. დოკუმენტის მიღება საქართველოს მასშტაბით უკლებლივ ყველა ფილიალშია შესაძლებელი. მასზე, პირისთვის ჩატარებული სრული ან ნაწილობრივი ვაქცინაციისა და ბოლო PCR კვლევის შესახებ ინფორმაცია, ასევე, აცრის უნიკალური QR კოდი და პირადი მონაცემებია დატანილი და იუსტიციის სახლის შტამპითაა დამოწმებული. ამ დრომდე კოვიდბარათი მხოლოდ ვაქცინაციის განმახორციელებელ სამედიცინო დაწესებულებებში გაიცემოდა. კოვიდბარათზე განცხადების წარდგენა უფასოა. დოკუმენტი პირადობის დამადასტურებელი მოწმობის საფუძველზე განცხადების წარდგენისთანავე გაიცემა; მომსახურების მიღება კი, ვიზიტის წინასწარი დაჯავშნის გარეშეა შესაძლებელი. იმ შემთხვევაში,…

დიღმის შემდეგ საველე ჰოსპიტალი სამგორში, ტექნიკური გადამზადების ცენტრში მოეწყო. თავდაცვის ძალები კორონავირუსის წინააღმდეგ ბრძოლაში აქტიურად ერთვებიან. სამხედრო მოსამსახურეების დახმარებით, ორ ადგილას უკვე განლაგდა საველე ჰოსპიტლები. თავდაცვის სამინისტრომ ჯანდაცვის უწყებას ასეულობით საწოლი გადასცა და მზადყოფნა გამოთქვა საჭიროების შემთხვევაში, “დელტას” ბაზაზე ყოველთვიურად დამატებით ათასამდე საწოლი დაამზადოს. “შეიქმნა ორ ლოკაციაზე – დიღომსა და სამგორში საველე ჰოსპიტლები, რამაც მოგვცა საშუალება დამატებითი საწოლფონდი შეგვექმნა და საჭიროების შემთხვევაში, აღნიშნული ლოკაციები გამოყენებული იქნება კოვიდინფიცირებული პაციენტებისათვის. ისინი უშუალოდ სამხედრო ექიმების ზედამხედველობის ქვეშ იქნებიან,”- აცხადებს სამხედრო ექიმი ნანა კინწურაშვილი.  ამ ეტაპზე, დიღმის საველე ჰოსპიტალში 120 საწოლია მობილიზებული, თუმცა, როგორც ჯანდაცვის სამინისტროში…

დაავადებათა კონტროლის ეროვნული ცენტრის ხელმძღვანელი ამირან გამყრელიძე კვლავ ყურადღებას ამახვილებს ინტენსიურ აცრებზე და აღნიშნავს, რომ ქვეყანაში ვაქცინების მარაგი საკმარისია, ასევე ეტაპობრივად ხდება დამატებაც. გამყრელიძის თქმით, პანდემიასთან ბრძოლის მთავარი ხაზი დღეს სწორედ ვაქცინაციაზე გადის. „ახლა ყველაზე მთავარი, ხაზს ვუსვამ, ყველაზე მთავარი არის ინტენსიური აცრები. აი, მაგალითად ახლა რომ ვიოცნებოთ ასე ვთქვათ და ყველამ ერთად შევძლოთ, რომ ორი კვირის განმავლობაში დღეში ავცრათ 100 000 ადამიანი, ნახავთ, რომ ერთი კვირის შემდეგ სერიოზულ გარდატეხას შევიტანთ ეპიდემიის განვითარებაში, რომ გავაკეთოთ ეს, ნუ 100 000. კიბატონო, ეს ოცნებაა, მაგრამ თუ ჩვენ ყოველდღიურად 30 000-ზე ავედით…მუდმივად შემოდის…

დაავადებათა კონტროლის ეროვნული ცენტრის დირექტორის, ამირან გამყრელიძის განცხადებით, 15 სექტემბერს სწავლის განახლების რეკომენდაციას დაავადებათა კონტროლის ეროვნული ცენტრი გასცემს იმ შემთხვევაში, თუ კორონავირუსის გავრცელების დადებითობის მაჩვენებელი ოთხ პროცენტზე დაბლა იქნება. როგორც გამყრელიძემ საკოორდინაციო საბჭოს სხდომის დასრულების შემდეგ განაცხადა, იმ შემთხვევაში თუ კორონავირუსის გავრცელების მაჩვენებელი სწავლის დაწყების დროისთვის კვლავ მაღალი იქნება, სავარაუდოდ, სასწავლო პროცესი ვერ განახლდება. ამასთან, გამყრელიძე იმედოვნებს, რომ ის შეზღუდვები, რომელიც ქვეყანაში ახლა მოქმედებს და ასევე ვაქცინაცია, შედეგს გამოიღებს და ვირუსის გავრცელების მაჩვენებელი შემცირდება. „თუ ამ ტიპის ეპიდსიტუაცია იქნება 15 სექტემბრისთვის, როცა სწავლა უნდა დაიწყოს, დაავადებათა კონტროლის ცენტრი ვერ გასცემს რეკომენდაციას სწავლის…

2.5 მლნ აცრა თუ ჩატარდება, ამას თუ გავაკეთებთ და მილიონ 250 ათასი ადამიანი აიცრება, სერიოზულად გავტეხავთ ეპიდემიას წელში, – განაცხადა დაავადებათა კონტროლის ეროვნული ცენტრის ხელმძღვანელმა, ამირან გამყრელიძემ საკოორდინაციო საბჭოს შემდეგ გამართულ ბრიფინგზე. გამყრელიძემ აღნიშნა, რომ ეპიდემიის დამთავრების გზა გადის აცრებზე. „აცრის გარეშე ჩვენ ამ პანდემიას ვერ დავასრულებთ, როგორმე უნდა მოვახერხოთ. ჩემი პროგნოზით, აგვისტოს ბოლოს ჩვენ სადღაც 650 000 აცრას გადავაბიჯებთ და სექტემბერში ეს უნდა ავიდეს აუცილებლად 800 000-მდე. შემდგომ, ოქტომბერში კიდევ ერთი ამდენი, რომ ამ სამი თვის განმავლობაში, როგორც მოგახსენეთ, სულ მცირე სადღაც 2.5 მლნ აცრა ჩატარდეს. თუ ამას გავაკეთებთ,…

დაავადებათა კონტროლის ეროვნული ცენტრის ხელმძღვანელის ამირან გამყრელიძის განცხადებით, დღეიდან პირბადის ტარება გარე სივრცეშიც სავალდებულო ხდება. ამასთან, გამყრელიძის თქმით, განსაკუთრებით გამკაცრდება მონიტორინგი რესტორნებსა და სამასპინძლო დაწესებულებებში, რომელიც მათ შორის შეეხება მუშაობის დასრულების დროს. „დღეიდან იქნება სავალდებულო პირბადის ტარება უკვე გარე სივრცეში ყველგან, გარდა იმისა, თუ ვარჯიშობთ, დარბიხართ კუს ტბაზე ან ლისის ტბაზე, რა თქმა უნდა, იქ არავინ მოგთხოვთ პირბადის ტარებას, თუ მარტო ბრძანდებით, მაგრამ დანარჩენ ადგილებში ყველგან ღია სივრცეში პირბადე იქნება მანდატორული, ისევე როგორც დახურულ სივრცეებში. განსაკუთრებით გამკაცრდება მონიტორინგი რესტორნებსა და სამასპინძლო დაწესებულებებში როგორც მუშაობის დასრულების მიმართულებით, ისე შიდა სივრცეებში. აქაც…

საწოლფონდთან მიმართებაში მდგომარეობა არის საკმაოდ რთული, – ამის შესახებ საქართველოს ჯანდაცვის მინისტრმა, ეკატერინე ტიკარაძემ საკოორდინაციო საბჭოს სხდომის დასრულების შემდეგ განაცხადა. როგორც ეკატერინე ტიკარაძემ აღნიშნა, საწოლფონდი სრულად გაჯერებულია პაციენტებით. „თქვენ იცით, რომ ჩენ გამოვიყენებთ არაერთ მეთოდს, რის საშუალებითაც ვახდენთ პაციენტების აქტიურ მართვას ჰოსპიტალურ სექტორში. მნიშვნელოვანია, აღინიშნოს, რომ დღემდე არც ერთ პაციენტი ჰოსპიტალში განთავსების გარეშე არ დარჩენილა, ვგულისხმობ იმ პაციენტებს, რომლებსაც კლინიკურად ესაჭიროებათ სტაციონარში მკურნალობა. დღეს გვაქვს 52 ათასზე მეტი აქტიური შემთხვევა და ძირითადი ნაწილი იმართება ოჯახის ექიმების მხრიდან ბინაზე, 3 500-მდე ადამიანი არის სასტუმრო სექტორში, ხოლო დანარჩენი გადიან მკურნალობს ჰოსპიტლებში. ჰოსპიტლებში პაციენტების მდგომარეობა საყურადღებოა,…

საკოორდინაციო საბჭოს დასრულების შემდეგ ჯანდაცვის მინისტრი ეკატერინე ტიკარაძე ორჯერადად და ერთჯერადად აცრილი ადამიანების კლინიკაში გადაყვანის პროცენტულ მაჩევნებელზე საუბრობს და მოსახლეობას კვლავ  ვაქცინაციისკენ მოუწოდებს.  “ჩვენ გავაკეთეთ მოკვლევა და გვაქვს საფუძველი დავადგინოთ, აცრა როგორ მოქმედებს. ერთი დოზით ვაქცინირებული პირებიდან, განურჩევლად ვაქცინისა, კლინიკაში მოხვედრილია 2,85% და ორჯერადაც ვაქცინირებულებიდან – 2, 13 %. კლინიკაში დღესდღეობით 95% გადის მკურნალობას ისეთი ადამიანი, ვინც არაა აცრილი.  ეს კიდევ ერთხელ ხაზს უსვამს რამდენად მნიშვნელოვანია ვაქცინაცია და მე მოვუწოდებ მოსახლეობას ვაქცინაციისკენ და ინტენსიურად გამოიყენონ პირბადეები,”-აღნიშნა ეკატერინე ტიკარაძემ.

ღია სივრცეში პირბადის ტარება კვლავ სავალდებულო ხდება. ამის შესახებ გადაწყვეტილება საკოორდინაციო საბჭომ დღევანდელ სხდომაზე მიიღო. ერთი კვირის წინ საბჭომ მიიღო გადაწყვეტილება, რომლის თანახმადაც, პირბადის ტარება სავალდებულო გახდა ღია სივრცეში, სადაც ხუთზე მეტი ადამიანი იკრიბება.

Stopcov.ge-ზე გამოქვეყნებული ინფორმაციის თანახმად, დღევანდელი მონაცემებით, ჩატარდა 47 872 ტესტი, გამოვლინდა ინფიცირების 6 208 ახალი შემთხვევა, გამოჯანმრთელდა 3 539 პირი, დადებითობის დღიური მაჩვენებელი არის 12.97%. ინფორმაციას მთავრობის ადმინისტრაციის პრესსამსახური ავრცელებს. „Stopcov.ge-ზე გამოქვეყნებული ინფორმაციის თანახმად, ინტენსიური ტესტირების ფარგლებში, ბოლო 24 საათში ქვეყნის მასშტაბით ჩატარდა 47 872 კვლევა ტესტით, მათ შორის 33 873 კვლევა ანტიგენის ტესტით და 13 999 PCR ტესტით. ჩატარებული ტესტირების შედეგად, ბოლო 24 საათში გამოვლინდა ვირუსით ინფიცირების 6 208 ახალი დადასტურებული შემთხვევა. ქვეყანაში კოვიდ-19-ის პანდემიის გავრცელებიდან დღემდე გამოვლენილი დადასტურებული შემთხვევების საერთო რაოდენობა შეადგენს  490 462-ს. რაც შეეხება დადებითობის მაჩვენებელს, 16 აგვისტოს მდგომარეობით,…

კორონავირუსის გამოვლენის დადებითობის მაჩვენებელი ბოლო შვიდი დღის განმავლობაში 11,14 პროცენტს შეადგენს. ამის შესახებ მონაცემები მთავრობის სპეციალურ ვებგვერდ stopcov.ge-ზე გამოქვეყნდა. დადებითობის დღევანდელი მაჩვენებელი არის 12,97 პროცენტი, ხოლო ბოლო 14 დღის – 10,63 პროცენტი. დღეს „კოვიდ-19“ 6 208 პირს დაუდასტურდა, 3 539 პაციენტი გამოჯანმრთელდა, 47 კი გარდაიცვალა.

საქართველოში ბოლო 24 საათში კორონავირუსით 47 პაციენტი გარდაიცვალა. ამის შესახებ ინფორმაცია დაავადებათა კონტროლის ეროვნული ცენტრის გვერდზე გამოქვეყნდა. დღეს ქვეყანაში კორონავირუსის 6 208 ახალი შემთხვევა გამოვლინდა, 3 539 პაციენტი კი გამოჯანმრთელდა. გუშინ, 16 აგვისტოს საქართველოში კორონავირუსის 2 676 შემთხვევა გამოვლინდა, 4 119 პაციენტი გამოჯანმრთელდა, 30 კი გარდაიცვალა.

საქართველოში კორონავირუსის 6 208 ახალი შემთხვევა გამოვლინდა. ამის შესახებ ინფორმაციას დაავადებათა კონტროლის ეროვნული ცენტრი ავრცელებს. ქვეყანაში ბოლო 24 საათში 3 539 ადამიანი გამოჯანმრთელდა. ბოლო დღე-ღამეში კორონავირუსით გარდაიცვალა 47 პაციენტი. ამასთან, 16 აგვისტოს მდგომარეობით, საქართველოში კორონავირუსის 2 676 ახალი შემთხვევა გამოვლინდა, გამოჯანმრთელდა 4 119 პაციენტი, გარდაიცვალა 30 ადამიანი.