თვე: ნოემბერი 2019

“20 ივნისის ამბოხის მსგავსი რაღაც იგეგმებოდა და საკადრისი პასუხი გაეცა”, – ამის შესახებ პარტია „ქართული ოცნების“ თავმჯდომარემ, ბიძინა ივანიშვილმა განაცხადა. როგორც ბიძინა ივანიშვილმა აღნიშნა, 20 ივნისს სამწუხაროდ დაზიანდნენ მოქალაქეები, მაგრამ ამ დღეს მოხდა სახელმწიფო ინტიტუტის დაცვა. „20 ივნისის შემდეგ გაგრძელდა სამთვიანი აქციები და ნელ-ნელა გაიშიფრა რა უნდათ და რისთვის არიან ესენი ქუჩაში, რას ითხოვენ, რას იცავენ. გამოიკვეთა, რომ მათ პროპორციული არჩევნები არ უნდოდათ, სხვა რამ უნდათ და მარტივი ასახსნელია, რა უნდათ. როგორც ჰქონდათ ბელადისადმი მიმართება, ერთი ერთზე მოგვაწერენ ჩვენ. ჩვენს გუნდში დემოკრატიაა. მე ბუნებით დემოკრატი ვარ, ოჯახი იქნება, თუ გარეთ იქნება, და გუნდშიც სწორედ ეს დამოკიდებულება…

“ქართველმა სამრთალდამცველებმა თავი უნდა შეიკავონ გადამეტებული ძალის გამოყენებისგან პროტესტის მონაწილეების წინააღმდეგ”, – ამის შესახებ საერთაშორისო ორგანიზაციის Amnesty International განცხადებაშია აღნიშნული. ორგანიზაცია წერს, რომ  ძალა მხოლოდ იმ შეთხვევაში უნდა გამოიყენონ,  თუ არაძალადობრივი ზომები ეფექტიანი არ იქნება, სამართალდაცველები კი უნდა შეეცადონ, აქციის მონაწილეთა დაშავება და სხეულის დაზიანება მინიმუმამდე დაიყვანონ. Amnesty International აღნიშნავს, რომ ძალა მხოლოდ იმ პირების წინააღმდეგ უნდა იყოს გამოყენებული, რომლებიც ძალადობრივ ქმედებებში არიან ჩართული.  განცხადების მიხედვით, 18 და 26 ნოემბერს სპეცრაზმმა პროტესტის მონაწილეების წინააღმდეგ, რომლებსაც პარლამენტის შესასვლელები ჰქონდათ ბლოკირებული,  წყლის ჭავლი ცივ ამინდში გამოიყენა – 26 ნოემბერს ოთხი მონაწილე დაშავდა, ერთმა კი…

ხვალ, დილის 08:30-დან ოპოზიცია პარლამენტის შენობის პიკეტირებას გეგმავს.  გადაწყვეტილება “ახალი საქართველოს” ოფისში გამართულ შეხვედრაზე მიიღეს, რომელსაც ოპოზიციური პარტიების და სამოქალაქო მოძრაობის ლიდერების ნაწილი დაესწრო. მათ შორის “ევროპული საქართველო”, “ნაციონალური მოძრაობა”, “გირჩი” და “ლელო”. შეხვედრას ესწრებოდნენ საზოგადოებრივი მოძრაობების – “შეცვალე”, “სირცხვილია” და “გაბედე” წარმომადგენლები.  აქციის მონაწილეები, პიკეტირების მიზნით, არა მხოლოდ პარლამენტთან, არამედ მიმდებარე ქუჩებზეც დილიდანვე დაიწყებენ შეკრებას და მსვლელობით საკანონმდებლო ორგანოსკენ დაიძვრებიან.

მივმართავ ოპოზიციური პოლიტიკური პარტიების ხელმძღვანელებს, აიღონ პასუხისმგებლობა „მედიაცენტრ მთავარში“ მათი „ახალგაზრდული ფრთის“ წარმომადგენლების შეჭრასთან დაკავშირებით და დაგმონ მომხდარი ფაქტი – ძალადობა დამოუკიდებელ მედიაზე; მივმართავ უფლებადამცველ არასამთავობო ორგანიზაციებს, გააკეთონ მომხდარი ფაქტის შეფასება და დაიცვან დამოუკიდებელი მედიის უფლებები, სიტყვის თავისუფლება, გამოხატვის თავისუფლება და პროფესიული საქმიანობა, რაც კონსტიტუციით გარანტირებულია; მივმართავ დიპლომატიურ კორპუსს, მოახდინონ ფაქტის შეფასება და დაიცვან დამოუკიდებელი მედია. რაც შეეხება მომხდარ ფაქტს, დღეს (27.11.2019) უკვე მეორედ, საინფორმაციო საშუალება „მედიაცენტრ მთავარში“ოპოზიციური პოლიტიკური პარტიების „ახალგაზრდული ფრთის“ წარმომადგენლები შემოიჭრნენ. მათ „მედიაცენტრ მთავარს“ არ მისცეს მუშაობის საშუალება, ასევე, სტუმარს, საპარლამენტო უმრავლესობის წარმომადგენელს, რომელიც „მედიაცენტრ მთავარში“ პრესკონფერენციას…