დღე: მაისი 14, 2024

„ეს არის დუბლიკატი, ასლი იმ კანონისა, რომელიც პუტინმა 2012 წელს მიიღო და კანონი იმისთვის იქნა გამოყენებული, რომ სამოქალაქო საზოგადოების სრული რეპრესირება მომხდარიყო, – ამის შესახებ საქართველოს პრეზიდენტმა  CNN-თან საუბარში განაცხადა. სალომე ზურაბიშვილის თქმით, საბჭოური პროპაგანდული სვლები საქართველოში კარგად იციან და ის არ მუშაობს. „ეს აქვს მთავარ მიზნად (აღნიშნულ კანონს). და, რაც უფრო საგანგაშოა ისეთ ქვეყანაში, როგორიც საქართველოა, რომელმაც არასდროს არ იცოდა ეს, არის ის, რომ ამ კანონისა და ამ რიტორიკის მეშვეობით ოფიციალური პირები ჩვენს წლების მანძილზე პარტნიორებს „უცხოურ ძალებს“ ეძახიან, რომლებსაც ქვეყნის დანგრევა სურთ. ისინი მათ, ჩვენს პარტნიორებს, „აგენტებს“ ეძახიან, რომლებსაც „აქ…

კატეგორიულად მიუღებელია ასეთი ტიპის ინციდენტები და კიდევ ერთხელ ყველას მოვუწოდებ მოთმინებისკენ, – ამის შესახებ საქართველოს პრემიერ-მინისტრმა ირაკლი კობახიძემ მთავრობის ადმინისტრაციაში გამართულ ბრიფინგზე დავით ქაცარავას ცემასთან დაკავშირებით დასმული კითხვის საპასუხოდ განაცხადა. ჟურნალისტის კითხვას, ხომ არ იყო რუსეთის დაკვეთა დავით ქაცარავას ცემა, ვინაიდან ის რუსეთს აღიზიანებს, პრემიერმა უპასუხა, რომ არ ფიქრობს, რომ ქაცარავა რუსეთში ვინმეს აღიზიანებს. „არ მგონია, რომ რუსეთს საერთოდ აღიზიანებდეს დავით ქაცარავა. თუ ვინმე აწყობდა პროვოკაციებს, რომელიც ეწინააღმდეგებოდა ჩვენს ინტერესებს, ე.წ საზღვართან, გამყოფ ხაზთან, ეს იყო სწორედ დავით ქაცარავა. ძალიან მალე მას შემდეგ, რაც რუსეთმა განახორციელა ჩვენი ტერიტორიების ოკუპაცია, დავით…

სამართალდამცავებმა გმირთა მოედანზე აქციის რამდენიმე მონაწილე დააკავეს, რასაც დემონსტრანტების მხრიდან ხმაური და შეძახილები მოჰყვა. არსებული ინფორმაციით, ისინი მაშინ დააკავეს, როდესაც გზის გადაკეტვას ცდილობდნენ. “ყელში ნუმიჭერთ, ნუ მახრჩობთ, ეპილეფსია მაქვს” – ყვიროდა ერთ-ერთი ახალგაზრდა, რომელიც პოლიციელებმა წრეში მოაქციეს და ძირს დააგდეს. რაც შეეხება, სამართალდამცავებს, ისინი ამბობენ მათი მოწოდების მიუხედავად შეკრებილებმა გზა არ გაათავისუფლეს, რასაც დაკვებები მოჰყვა. „მოუწოდა პოლიციამ გაეთავისუფლებინათ გმირთა მოედნის ტერიტორია, ვინც არ დაემორჩილა დააკავეს ყველა“- თქვა ერთ-ერთმა სამართალდამცავმა. მანამდე შს სამინისტრომ გაავრცელა ინფორმაცია, რომ პარლამენტთან დღის განმავლობაში 13 პირი დააკავა.

აშშ-ს სახელმწიფო დეპარტამენტის მაღალჩინოსანმა ჯეიმს ო’ბრაიანმა საქართველოს პრეზიდენტთან სალომე ზურაბიშვილთან, პრემიერ-მინისტრ ირაკლი კობახიძესა და ოპოზიციური პარტიების წარმომადგენლებთან შეხვედრები დაასრულა. როგორც ო’ბრაიანი აცხადებს, როდესაც საქართველოში ჩამოვიდა დამაბნეველი იყო  „უცხოური გამჭვირვალობის შესახებ“ კანონპროექტის გარშემო  საუბრები. მისი თქმით, პროცესი არ შეესაბამება ევროკავშირის მოთხოვნებს. „როცა ჩამოვედი, საუბარი ეხებოდა ორ მიმართულებას. ერთი მიმართულება ეხება „უცხოური გავლენის კანონს“. ამბობენ, რომ ზოგიერთი დასავლელი დამფინანსებელი არ არის ისეთი გამჭვირვალე, როგორიც უნდა იყოს. რაც შეეხება, ჩვენს მოსაზრებას, ასეთ საკითხებში საქართველო უნდა იყოს შესაბამისობაში ევროკავშირთან. თუმცა, არც პროცესი და არც კანონი არ არის შესაბამისობაში ევროკავშირის სტანდარტებთან.  იმედი გვაქვს, ვიხილავთ ამ…

რუსთაველის გამზირზე აქციის მონაწილეები იმყოფებიან. აქციის მონაწილეებმა ევროკავშირის დროშა გადმოფინეს. შეკრებას სხვადასხვა უნივერსიტეტის სტუდენტები მსვლელობით უერთდებიან. ისინი ამბობენ, რომ ბრძოლა არ დამთავრებულა და ყველაფერი წინ არის. ისინი მოუწოდებენ ყველას გამოსვლისკენ-“ყველანი პარლამენტთან“ სამართალდამცველები, რომელთაც პარლამენტის მიმდებარე ტერიტორია სრულად ჰქონდათ დაკავებული ტერიტორია დატოვეს.

„ანტისაოკუპაციო მოძრაობის” წევრი დავით ქაცარავა სასტიკად არის ნაცემი. ის სპეცრაზმელებმა პარლამენტის მიმდებარე ტერიტორიაზე დაიჭირეს. ვიდეოკადრებიც გავრცელდა, სადაც ჩანს, რომ ქაცარავა სპეცრაზმელებიდან რამდენიმე მეტრის დაშორებით დგას და მიმართავს, რომ მოსახლეობა არ დაარბიონ. გავრცელებულ კადრებში არსაც ფიქსირდება, რომ ის უხეშობს, ძალადობს ან წინააღმდეგობას უწევს სამართალდამცველებს, თუმცა, ის მაინც სასტიკად სცემეს. დავით ქაცარავას სახის ძვლები აქვთ ჩამტვრეული და ოპერაციას უკეთებენ. „ინგოროყვაში მიჰყავთ, დალეწილი ვარო!“- ვრცელდება დავით ქაცარავას ფოტო

სპეცდანიშნულების რაზმებმა რუსთაველის გამზირი, პარლამენტის მიმდებარე ტერიტორია აქციის მონაწილეებისგან გაწმინდეს და ტერიტორია სრულად დაიკავეს. თუ რომელიმე აქციის მონაწილეს მარტო შენიშნავენ, ჯგუფურად მიცვივდებიან და აკავებენ, რუსთაველის გამზირზე ურთილესი ვითარებაა. დაკავებულია ათეულობით აქციის მონაწილე.

პარლამეტის შენობიდან ნიღბიანი ფორმიანები გამოცვივდნენ და აქციის მონაწილეების დაკავება დაიწყეს. ჯგუფურად გამოცვივდნენ, რამდენიმე ადამიანი დაიჭირეს და შენობაში შეათრიეს. ვითარება უკიდურესად მძიმეა. პარლამენტის ,თელ პერიმეტრს სპეცდანიშნულების რაზმები, ნიღბიანი ადამიანები აკონტროლებენ.

ევროპისა და ევრაზიის საკითხებში ამერიკის შეერთებული შტატების სახელმწიფო მდივნის თანაშემწეს, ჯიმ ო’ბრაიენს ოპოზიციის ლიდერები და არასამთავრობო სექტორის წარმომადგენლები ხვდებიან. შეხვედრის წინ გაკეთებულ კომენტარებში პოლიტიკური პარტიების წარმომადგენლები აცხადებენ, რომ მნიშვნელოვანია საერთაშორისო პარტნიორების მხრიდან კონკრეტული ნაბიჯების გადადგა ქვეყანაში შექმნილი ვითარების ფონზე, ოლიგარქ ივანიშვილისა და მისი დეპუტატებისთვის. ,,მტრებს ექცევიან მტრულად, ბიძინა ივანიშვილი არის დემოკრატიული სამყაროს მტერი პირდაპირი მნიშვნელობით და ჩვენი ქვეყნის მოღალატე, ამიტომ ჩემთვის მნიშვნელოვანია ის გამოვიდეს კომფორტ ზონიდან, მას უნდა ეტკინოს, ეტკინოს საერთაშორისო დამოკიდებულებები და ეს დამოკიდებულებები არ უნდა შემოიფარგლოს პოლიტიკური განცხადებებით. მისი კომფორტ ზონა პოლიტიკური განცხადებებით ვერ დაირღვევა . ეს არის…

ხმაურისა და საზოგადოების მასშტაბური პროტესტის ფონზე, ,,ქართულმა ოცნებამ” “უცხოური გავლენის გამჭვირვალობის კანონი” მესამე მოსმენითაც მიიღო. 84 მომხრე, 30 წინააღმდეგი. პლენარულ სხდომაზე კენჭისყრა ცოტა ხნის წინ დასრულდა. ფრაქცია „ქართული ოცნების“ მიერ უკვე მეორედ ინიციირებული კანონპროექტი „გამჭვირვალობის უზრუნველყოფის მიზნით“, უცხოური ძალის ინტერესების გამტარებელ ორგანიზაციად ისეთი არასამეწარმეო (არაკომერციული) იურიდიული პირებისა და მედიასაშუალებების რეგისტრაციას ითვალისწინებს, რომელთა შემოსავლის გარკვეული მოცულობა – 20%-ზე მეტი – უცხოეთიდან არის მიღებული. პროექტის მიხედვით, ყველა, ვინც „უცხოური ძალის ინტერესების გამტარებელ ორგანიზაციად“ მოიაზრება, საჯარო რეესტრში სავალდებულო წესით ამავე სახელწოდების ბაზაში უნდა დარეგისტრირდეს. რეგისტრაციის დროს აუცილებელი იქნება მიღებული შემოსავლების ასახვა. ამავდროულად, ორგანიზაციებს…

საქართველოს პრემიერ-მინისტრი, ირაკლი კობახიძე ევროპისა და ევრაზიის საკითხებში ამერიკის შეერთებული შტატების სახელმწიფო მდივნის თანაშემწეს, ჯიმ ო’ბრაიენს შეხვდა. შეხვედრის შესახებ ინფორმაციას მთავრობის ადმინისტრაცია ავრცელებს: ,,გაიმართა ხანგრძლივი შეხვედრა, სადაც შედგა გულწრფელი საუბარი ქართულ-ამერიკული ურთიერთობების ყველა საკითხზე, მათ შორის საქართველოში გასული რამდენიმე წლის განმავლობაში განვითარებულ პროცესებზე. მთავრობის მეთაურმა და აშშ-ის სახელმწიფო მდივნის თანაშემწემ ამ პროცესებთან დაკავშირებით ერთმანეთს თავიანთი წუხილები გაუზიარეს. ირაკლი კობახიძემ ჯიმ ო’ბრაიენს „უცხოური გავლენის გამჭვირვალობის შესახებ“ კანონის მიღების საჭიროებაც განუმარტა და კიდევ ერთხელ გამოთქვა მმართველი გუნდის მზაობა, ვეტოს პროცედურის ფარგლებში საერთაშორისო პარტნიორების ყველა სამართლებრივი შენიშვნა ყურადღებით განიხილოს. პრემიერ-მინისტრმა აღნიშნა, რომ საქართველოს…

უმრავლესობის დეპუტატ ირაკლი კირცხალიას გვარ-სახელი დღეს პირველად გავიგეთ, ისიც მაშ შემდეგ, რაც მან ქალ დეპუტატებს „ბოზები“ ეძახა. მისი სახელი და გვარი თავად დეპუტატებმაც კი არ იცოდნენ, რადგანაც პარლამეტში სიტყვით არასდროს უსარგებლია და არც არასდროს უაქტიურია. მას განათლება მიღებული გაქვს უცხოეთში. დამთავრებული აქვს: ბალტიის საერთაშორისო აკადემია; მერიმაუნტი კალიფორნიის უნივერსიტეტი; ამერიკის ჰუმანიტარული ინსტიტუტი.

პარლამენტის თავმჯდომარე შალვა პაპუაშვილმა პარტია ,,კანონისა და სამართალის” წევრი, თაკო ჩარკვიანი, პლენარული სხდომიდან გააძევა. სიტყვით გამოსვლისას ჩარკვიანმა უმრავლესობის წევრებს მიმართავდა: ,,მიიღეთ გონივრული გადაწყვეტილება, გაიწვიეთ ეს კანონი, სამარცხვინო, მოღალატეობრივი”. ამის შემდეგ, ჩარკვიანს პაპუაშვილმა ჯერ მიკროფონი გაუთიშა და შენიშვნა მისცა “სიძულვილის ენის” გამოყენებაზე. ცოტა ხანში კი დარბაზი დაატოვებინა. პლენარული სხდომა, სადაც ცოტა ხანში რუსული კანონის მესამე მოსმენით განხილვა უნდა დაიწყოს, დაძაბულ ვითარებაში მიმდინარეობს და პერიოდულად ფიზიკური დაპირისპირებაც ხდება.

საკანონმდებო ორგანოში დღეს ე.წ. ძალადობის დღე იყო. პარლამენტის სხდომაზე პოზიცია და ოპოზიცია ერთმანეთს ფიზიკურად და სიტყვიერად დაუპირისპირდა.  ვინც ოპონენტთან ახლოს მისვლა შესძლო წიხლებითა და მუშტებით გაუსწორდნენ, ვინც მანდატურმა გააკავა, ძალადობა მაინც მოახერხა და ოპონენტს თავში ფურცლების დასნა, პლანშეტი თუ წყლის ბოთლი უთავაზა. დაპირისპირებაში ქალი და კაცი დეპუტატები თანაბრად ჩაერთვნენ.