დღე: მაისი 21, 2024

შინაგან საქმეთა სამინისტროს ინფორმაციით, გამოავლინეს ტრანსნაციონალური ორგანიზებული დანაშაული, ამოიღეს – ბანანით დატვირთულ საზღვაო კონტეინერში ფარულად მოთავსებული 52 კილოგრამამდე ნარკოტიკული საშუალება “კოკაინი”, რომელიც ეკვადორიდან ევროპაში ტრანზიტული გზით, საქართველოს გავლით გადაჰქონდათ. უწყების თქმით, აღნიშნულ სისხლის სამართლის საქმეზე გრძელდება საგამოძიებო მოქმედებები ნარკოტრანზიტში ჩართული ორგანიზებული დანაშაულებრივი ჯგუფის წევრების გამოვლენისა და მათი დაკავების მიზნით. გარდა ამისა, შსს ამბობს, რომ მსხვილი ინტერნეტ ნარკოსარეალიზაციო მაღაზია “გაანეიტრალეს” – დაკავებულია 77 პირი, მათ შორის 23 ნარკორეალიზატორია. “ასევე ოპერატიული და საგამოძიებო მოქმედებების შედეგად, სამართალდამცველების მიერ აღმოჩენილი და განეიტრალებული იქნა ერთ-ერთი მსხვილი ინტერნეტ ნარკოსარეალიზაციო მაღაზია, რომელიც ე.წ. შავი ბაზრის 50 პროცენტზე…

მარნეულში, მუნიციპალიტეტის ადმინისტრაციული ერთეულის შენობას ცეცხლი გაუჩნდა. სახანძრო-სამაშველო ჯგუფმა ცეცხლის ლოკალიზება შეძლო. პირველადი ინფორმაციით, ხანძრის შედეგად არავინ დაშავებულა. ადგილობრივების თქმით, ცეცხლის მიზეზი დენის მოკლე ჩართვა გახდა. ცეცხლი თავდაპირველად სარდაფში გაჩნდა და შემდეგ პირველ სართულზე გავრცელდა, თუმცა მეხანძრეებმა მისი ლოკალიზება მალევე შეძლეს.

სტუდენტების პროტესტი გრძელდება. დღეს, 21 მაისს, 18:00 საათზე ახალგაზრდები რუსთაველის მეტროსთან შეიკრიბებიან. სტუდენტური პროტესტის კვირეული პირველ დღეს, 20 მაისს, აქციის მონაწილეები წერეთლის მეტროსთან ან სამედიცინო უნივერსიტეტის ეზოში შეიკრიბნენ, საიდანაც მსვლელობით სააკაძის მოედანზე მივიდნენ, ბოლოს კი პარლამენტთან “ოცნების” წევრებს წინდა დაუტოვეს: ,,ქართულ ოცნებას წინდა დავუტოვეთ. ცნობისთვის, ჰარი პოტერში ელფისთვის ტანსაცმლის ჩუქება მონობისგან გათავისუფლებას ნიშნავს. სწორედ წინდის ჩუქებით გაათავისუფლა პოტერმა დობი მონობისაგან. მოვუწოდებთ ქართულ ოცნებას, შეწყვიტოს მონობა!”, – ნათქვამია განცხადებაში. გარდა ამ აქციისა, დღეს ,,დაფიონმა” პარლამენტის წინ შეკრება დააანონსა. აქციის მონაწილეები იქ 15:00 საათიდან მივლენ, შემდეგ კი მსვლელობას გამართავენ. დღეს 10:00 საათიდან…

ფინანსთა სამინისტროს საგამოძიებო სამსახურის ცნობით, ყალბი ოფიციალური დოკუმენტების დამზადება-გასაღების ფაქტზე ერთი პირი დააკავეს. დაკავებული საზღვარგარეთ საცხოვრებლად გამგზავრებით დაინტერესებულ პირებს უმზადებდა ყალბ დოკუმენტებს, რომელთა გამოყენებითაც მათ შეეძლოთ შედარებით მარტივად მიეღოთ თავშესაფარი. საგამოძიებოს ცნობით, დაკავებულმა ერთ-ერთ ასეთ პირს 500 აშშ დოლარისა და 550 ლარის საფასურად დაუმზადა სამართალდამცავი ორგანოს მიერ გაცემული ყალბი წერილი, ასევე, ერთ-ერთი ორგანიზაციის მიერ გაცემული ყალბი ცნობა, გააყალბა ფორმა #100. ,,გამოძიებით დადგინდა, რომ ბრალდებული, უკანონო მატერიალური სარგებლის მიღების მიზნით, საზღვარგარეთ საცხოვრებლად გამგზავრებით დაინტერესებულ პირებს უმზადებდა ყალბ დოკუმენტებს, რომელთა გამოყენებითაც პირს შეეძლო შედარებით მარტივად მიეღო თავშესაფარი, როგორც პოლიტიკურ და ძალადობის მსხვერპლს.…

ახალგაზრდული მოძრაობა ,,დაფიონი”, 21 მაისს, 15:00 საათზე, პარლამენტთან აქცია-მსვლელობას აანონსებს. ,,ძვირფასო ქართველებო, ვაგრძელებთ ჩვენს უწყვეტ აქციებს! 21 მაისს ვიკრიბებით პარლამენტის წინ 15:00 საათიდან, შემდეგ კი გვექნება ხმაურიანი, ენერგიული, მტკიცე და პატრიოტული მსვლელობა, კანონის სრული დაცვით! ყველას უნდა მოვუწოდოთ გაფიცვისა და ერთიანობისკენ! უნდა ვიბრძოლოთ უწყვეტად მანამ, სანამ არ გავიმარჯვებთ,” – წერია განცხადებაში.

გამჭვირვალობის შესახებ კანონის წინააღმდეგ აქცია გაიმართა პორტუგალიის დედაქალაქ ლისაბონშიც. აქციაზე შეკრებილები ,,ქართულ ოცნებას” მოუწოდებენ, გაიწვიოს კანონი და მოუსმინოს საკუთარ ხალხს. შეგახსენებთ, რომ საპროტესტო აქციები როგორც საქართველოში, ისე საზღვრებს გარეთ ყოველდღიურად იმართება.

ჯიბიდან ამოღებული საფულე გაშალეს, დაინახეს ფული, ეგრევე ჯიბეში იტაკა ერთ-ერთმა შავრაზმელმა, ყურში ჩამესმა ჯალათის შეძახილი, მოკალი ამის დედას შე**ცი!, – წერს “ანტისაოკუპაციო მოძრაობის” ლიდერი, დავით ქაცარავა, რომელიც გამჭვირვალობის შესახებ კანონის წინააღმდეგ გამართულ აქციაზე სპეცრაზმელებმა სცემეს. ,,რას დაეთრევი ამ საოკუპაციო ხაზზე, შენი დდშც, შემაგინა ე.წ. სპეცრაზმელმა. დარტყმა,გინება,მუშტების და წიხლების წვიმა მოყვა ამ სიტყვებს. სვავებივით მომესივნენ შავ სპეცფორმებში გამოწყობილი ჯალათები. მოეწონათ ჩემი სამხედრო ჩანთა და ამაგლიჯეს ეგრევე. ჯიბიდან ამოღებული საფულე გაშალეს, დაინახეს ფული და ეგრევე ჯიბეში იტაკა ერთ-ერთმა შავრაზმელმა. ტელეფონი კიდევ ვიღაცის ჯიბეში აღმოჩნდა წამებში. კარაბინზე ჩამოკიდებულ ხელთათმანს და მანქანის გასაღებს ვერაფერი…

ძლიერმა წვიმამ დედაქალაქის სხვადასხვა რაიონში პრობლემები გამოიწვია. დაიტბორა ქუჩები, რის გამოც მანქანების გადაადგილება გარკვეული პერიოდით გართულდა. განსაკუთრებით რთული ვითარება იყო გლდანის რაიონში. წვიმის შედეგად ახმეტელის მეტროსთან დაიტბორა მიწისქვეშა გადასასვლელი და იქ განთავსებული სავაჭრო ობიექტები. ადგილზე მობილიზებული იყო სამაშველო სამსახური, ასევე იმყოფებოდნენ გამგეობის წარმომადგენლები.