დღე: მაისი 14, 2024

საქართველოს სახალხო დამცველი კიდევ ერთხელ მოუწოდებს საქართველოს პარლამენტს გამჭვირვალობის მიზნის მიღწევა განხორციელდეს წარმოდგენილ კანონპროექტში ან მოქმედ კანონმდებლობაში ცვლილებების შეტანის გზით და უარი თქვას „უცხოური გავლენის გამჭვირვალობის შესახებ“ საქართველოს კანონის ასეთი ფორმით მიღებაზე, – ნათქვამია ომბუდსმენის აპარატის მიერ გავრცელებულ განცხადებაში რუსულ კანონთან დაკავშირებით. იხილეთ განცხადება: ,,საქართველოს სახალხო დამცველი ეხმიანება დღეს საქართველოს პარლამენტის მიერ „უცხოური გავლენის გამჭვირვალობის შესახებ“ საქართველოს კანონის მესამე მოსმენით მიღების პროცესს და კიდევ ერთხელ განმარტავს, რომ თუკი მიზანი არის საქართველოსთვის განკუთვნილი საგარეო დახმარების ნაკადების გამჭვირვალობისა და მიმღები ორგანიზაციების ანგარიშვალდებულების გაზრდა, აღნიშნული მიზნის მიღწევა შესაძლებელია განხორციელდეს წარმოდგენილ კანონპროექტში ან მოქმედ…

პარლამენტთან შეკრებილმა აქციის მონაწილეებმა რუსთაველის გამზირი გადაკეტეს. სამართალდამცავებს მათთვის წინააღმდეგობა არ გაუწევიათ. პარლამენტის მარჯვენა შესასვლელთან გზა კვლავ საპოლიციო ძალას აქვს გადაკეტილი. შეგახსენებთ, რომ ,,ქართული ოცნების“ უმრავლესობა „უცხოური გავლენის გამჭვირვალობის შესახებ“ კანონპროექტის მესამე მოსმენით განხილვას და კენჭისყრით დამტკიცებას სწორედ დღევანდელ პლენარულ სხდომაზე გეგმავს. მესამე მოსმენა მხოლოდ ტექნიკურ-რედაქციული შინაარსის განხილვას ითვალისწინებს. ამით კანონპროექტის საპარლამენტო განხილვის პროცესი დასრულდება და პროექტი ხელმოსაწერად პრეზიდენტს გადაეცემა. ცნობილია, რომ სალომე ზურაბიშვილი ვეტოს დადებას გეგმავს.

ბათუმში საჯარო და კერძო სკოლის მოსწავლეებს ნაწილი გაიფიცა. გაფიცულთა შორის N1, N2, N3, N4 საჯარო და კერძო სკოლა ,,ევრო-2000″-ის მოსწავლეები არიან. ისინი სტუდენტების ინიციატივას უერთდებიან და რუსულ კანონს ამ ფორმით აპროტესტებენ. სკოლის მოსწალვეები ამ წუთებში ბათუმის ქუჩებში მსვლელობას მართავენ. ,,დღეს ჩვენ, ბათუმი მოსწავლეები შევიკრიბეთ აქ, ბოლო დროს ქვეყანაში განვითარებული მოვლენების, მშვიდობიანი დემონსტრანტების დარბევის, არასრულწლოვანებთან განხორციელებული მუქარის ზარებისა და ქვეყნის შეცვლილი საგარეო კურსის გასაპროტესტებლად. ამ პროტესტის გამოსახატად გადავწყვიტეთ არ დავესწროთ და გავაცდინოთ სასწავლო პროცესი. სტერეოტიპები, რომლებიც არასრულწლოვანებზე დადის ჩვენს ქვეყანაში, რომ თითქოს არ უნდა ვერეოდეთ და უფროსი ბიძიები მიხედავენ პოლიტიკურ საქმეებს,…

სხვადასხვა უნივერსიტეტების სტუდენტები ამ წუთებში მსვლელობას აწყობენ და პარლამენტთან მიმდინარე რუსული კანონის აქციას შეუერთდებიან. თავდაპირველად ისინი თბილისის სახელმწიფო უნივერსიტეტის შენობასთან იყვნენ შეკრებილები. ,,დღეს ჩვენ შევიკრიბეთ იმისთვის, რომ დავიცვათ ჩვენი ეროვნული ინტერესები. დღეს ჩვენ შევიკრიბეთ იმისთვის, რომ “ქართულ ოცნებას” ვუთხრათ გაიწვიონ ეს კანონი. იმიტომ, რომ ეს ყველაფერი ეწინააღმდეგება ჩვენს ეროვნულ ინტერესებს , მაშასადამე ჩვენს კონსტიტუციასაც”, – ამბობს ერთ-ერთი სტუდენტი. შეგახსენებთ, რომ დღეს, საღამოს 19:00 საათზე, სტუდენტებმა დააანონსეს სტუდენტური მარშიც.

თავისუფლების მოედანზე სპეცრაზმი და ორი წყლის ჭავლის მანქანაა მობილიზებული. საავტომობილო მოძრაობა ამ დროისთვის ჩაკეტილი არაა. სპეცრაზმი მობილიზებულია პარლამენტის ეზოშიც. ასევე, სამართალდამცავებმა ჩაკეტეს ჩიტაძის ქუჩა, სადაც პარლამენტის გვერდითა შესასვლელია. პოლიციამ მშვიდობიან მომიტინგეებს დაატოვებინა პარლამენტის უკანა ტერიტორია და სკვერიც. შეგახსენებთ, რომ დღეს ,,ოცნებამ” პლენარულ სხომდაზე საბოლოო, მესამე მოსმენით უნდა განიხილოს რუსული კანონი. აქცია სწორედ ამ კანონის გასაპროტესტებლად იმართება.

პარლამენტის შენობის უკან ამ წუთებში საპოლიციო ძალების მობილიზებაა. სამართალდამცავებმა რუსული კანონის გასაპროტესტებლად მისულ მშვიდობიან მომიტინგეებს საკანონმდებლო ორგანოს უკანა შესასვლელის მიმდებარე ტერიტორია და სკვერი დაატოვებინეს. ,,იმენად უცებ მოხდა ჩვენი გამოყვანა, რამდენიმე ქალბატონს ხელითაც შეეხნენ, არ ვიცი უკვე, გუშინ დილიათაც, აღარ აქვთ ამათთვის მნიშვნელობა ქალია, კაცია, ბავშვია, ფიზიკურად უსწორდებიან ყველას უკლებლივ”, – ამბობს აქციის ერთ-ერთი მონაწილე.

სხვადასხვა უნივერსიტეტის სტუდენტები რუსული კანონის წინააღმდეგ, 14 მაისს, 19:00 საათზე რუსთაველის მეტროდან პარლამენტისკენ მარშს აანონსებენ. ,,ისევ გრძელდება სტუდენტების მდინარე და არ გაჩერდება იქამდე სანამ არ გაედინება რუსული კანონი ქვეყნიდან! 14 მაისს სხვადასხვა სახელმწიფო და კერძო უნივერსიტეტების სტუდენტები ვიკრიბებით კვლავ რუსთაველის მეტროსთან და გაერთიანებული მსვლელობით გადავინაცვლებთ პარლამენტთან! მოთხოვნები კვლავ უცვლელია. არა რუსულ კანონს! არა რუსულ ოცნებას! არა რუსულ რეჟიმს ! არა ყველაფერს რაც რუსულია! კი ევროპას ! ევროპულ მომავალს!”, – წერია განცხადებაში.

იაკობ გოგებაშვილის სახელობის თელავის სახელმწიფო უნივერსიტეტის სტუდენტები რუსული კანონის წინააღმდეგ პროტესტს უერთდებიან და სოლიდარობას უცხადებენ სხვადასხვა ქალაქებში ანტირუსული პროტესტის მონაწილეებს. ,,შექმნილი პოლიტიკური ვითარებიდან გამომდინარე, თელავის სახელმწიფო უნივერსიტეტის სტუდენტები ვაპროტესტებთ რუსული კანონის მიღებას პარლამენტის მიერ, სოლიდარობას ვუცხადებთ თბილისსა და სხვა ქალაქებში მყოფ დემონსტრანტებს და ვგმობთ პოლიციის მხრიდან ძალადობას, უფლებამოსილების გადამეტებას, სამართალდამცავების მიერ ქალების, ახალგაზრდებისა და მოხუცების მიმართ ფიზიკურ და სიტყვიერ შეურაცხყოფას, მოვითხოვთ უსამართლოდ, უკანონოდ დაკავებული მშვიდობიანი მომიტინგეების ციხიდან განთავისუფლებას. ჩვენი შეკრება დაორგანიზებულია მხოლოდ და მხოლოდ სტუდენტების მიერ, სტუდენტური თვითმმართველობის და უნივერსიტეტის ადმინისტრაციის მხარდაჭერის გარეშე, სამწუხაროდ. არა რუსულ კანონს, არა რუსეთს, გაუმარჯოს…

,,გვერდში დგომასა და მაქსიმალურ მხარდაჭერას ვუცხადებთ სტუდენტებს, რომლებმაც თბილ აუდიტორიებში ჯდომას, წვიმიან ქუჩებში ჩვენი ქვეყნის სადარაჯოზე დგომა არჩიეს,” – განაცხადეს გორის სახელმწიფო უნივერსიტეტის სტუდენტების ნაწილმა და სტუდენტურ გაფიცვას შეუერთდნენ. ,,მოგესალმებით! პირველ რიგში, გვინდა აღვნიშნოთ, რომ გვერდში დგომასა და მაქსიმალურ მხარდაჭერას ვუცხადებთ სტუდენტებს, რომლებმაც თბილ აუდიტორიებში ჯდომას, წვიმიან ქუჩებში ჩვენი ქვეყნის სადარაჯოზე დგომა არჩიეს. ჩვენ, გორის სახელმწიფო უნივერსიტეტის სტუდენტების ნაწილი, კარგად ვიაზრებთ ქვეყანაში მიმდინარე პროცესების მნიშვნელობას და იმას, რომ საქართველოს ისტორიული არჩევანი არის ევროპის დიდი ოჯახის წევრობა, ამიტომ არ ვემხრობით არაფერს,რაც ხელს შეგვიშლის ევროკავშირისკენ მიმავალ გზაზე. ჩვენ, გორის სახელმწიფო უნივერსიტეტის სტუდენტების…

აშშ-ის ყოფილი ელჩი საქართველოში და სახელმწიფო მდივნის მოადგილის მოვალეობის შემსრულებელი პოლიტიკურ საკითხებში, ჯონ ბასი, საქართველოში განვითარებულ მოვლენებს X-ზე ეხმაურება: ,,საქართველოს მთავრობა გადადის ევროატლანტიკური გზიდან, რომელიც ქართველ სურს. მოვუწოდებ ,,ქართულ ოცნებას,” იმუშავოს დიდი ხნის პარტნიორებთან, მხარი დაუჭიროს ხალხის მისწრაფებებს. მოვუწოდებ ხელისუფლებას, გამოიძიოს ყველა შემთხვევა მშვიდობიანი მომიტინგეების მიმართ ძალადობისა და შევიწროების. აშშ ყოველთვის იქნება ქართველი ხალხის გვერდით”, – წერს ჯონ ბასი.

დღეს, 14 მაისს 14:00 საათზე თბილისში კულტურის მარში გაიმართება. მსვლელობა მწერალთა სახლიდან, ივანე მაჩაბლის #13-დან დაიწყება. ,,მწერლები, მთარგმნელები, გამომცემლები, ხელოვანები, მხატვრები, კინოს, თეატრსა და მუზეუმებში მომუშავე ადამიანები, კულტურის სფეროს ყველა წარმომადგენელი ვერთიანდებით, რომ მარშით გავიაროთ თბილისის ქუჩებში რუსული კანონის წინააღმდეგ. თუ გაღელვებს „რუსული კანონი“ და სხვა კანონები, რომლებიც შეზღუდავს სიტყვისა და გამოხატვის თავისუფლებას, გადააქცევს ქვეყანას ‘ოფშორული ფულის’ თავშესაფარად და დაუხშობს საქართველოს ევროპაში გაერთიანების გზას – შემოგვიერთდი! ვიწყებთ 14 მაისს, 14:00-ზე მწერალთა სახლთან. მარში ღიაა ყველა მოქალაქისათვის. ჩაიცვი კომფორტულად, ბევრს ვივლით ქალაქში. არა რუსულ კანონს”, – წერენ აქციის ორგანიზატორები.

არა რუსულ კანონს! – 14 მაისს, 10:00 საათიდან პარლამენტთან აქცია განახლდება. ამის შესახებ ინფორმაცია სოციალურ ქსელებში ვრცელდება. ,,ვიკრიბებით დილის 10 საათიდან. პარლამენტის სხდომა დაიწყება 12:00-ზე”, – წერია განცხადებაში. შეგახსენებთ, რომ ,,ქართული ოცნება” რუსულ კანონს მესამე მოსმენით დღეს, 14 მაისს განიხილავს. პლენარული სხდომა 12:00 საათზეა ჩანიშნული.