დღე: თებერვალი 13, 2022

უკრაინის პრეზიდენტის ვლადიმირ ზელენსკის ოფისი განმარტავს, რომ ისინი მუშაობენ ავიაგადამზიდავებთან, რომლებსაც შეექმნათ პრობლემები სადაზღვევო კომპანიებთან, რათა მხარი დაუჭირონ და დაეხმარონ ავიაკომპანიებს. კირილ ტიმოშენკოს თქმით, ხელისუფლებას უკრაინის საჰაერო სივრცის დახურვის შესახებ გადაწყვეტილება არ მიუღია და შესაბამისი რეკომენდაცია არც ევროპის საავიაციო სააგენტოს გაუცია. მანამდე, 12 თებერვალს უკრაინულმა ავიაკომპანიამ “სქაი აფ” ვერ შეძლო პორტუგალიიდან რეისის დასმა კიევში, რაც “მომატებული რისკების” გამო სადაზღვეო კომპანიებთან დაკავშირებული პრობლემებით ახსნეს. ამავე კომპანიამ 14-16 თებრვლის ბილეთების გაყიდვა შეაჩერა. უკრაინაში ფრენები ასევე შეაჩერა ნიდერლანდურმა KLM-მ. როგორც უკრაინის პრეზიდენტის ოფისში აცხადებენ სხვა ავიაკომპანიები ფრენებს ჩვეულ რეჟიმში ასრულებენ.

მსოფლიოს მასშტაბით უკვე ძალიან ბევრი ქვეყანა მოუწოდებს უკრაინაში მყოფ საკუთარი ქვეყნის მოქალაქეებს, რომ დატოვონ ქვეყანა ან დაფიქრდნენ, სჭირდებათ თუ არა ქვეყანაში დარჩენა. ამის შესახებ ინფორმაციას უცხოური მედია ავრცლეებს. ქვეყნის დატოვებისკენ მოქალაქეებს მოუწოდებენ: აშშ, გაერთიანებული სამეფო, გერმანია, ავსტრალია, ირლანდია, იტალია, შვედეთი, იორდანია, ნიდერლანდები, ქუვეითი, ერაყი. არაბთა გაერთიანებული საამიროები, თურქეთი, სლოვაკეთი, პოლონეთი საკუთარ მოქალაქეებს აფრთხილებს, რომ მოერიდონ უკრაინაში მოგზაურობას.

ლიეტუვის პრეზიდენტმა გიტანას ნაუსედამ სატელეფონო საუბრის დროს განაცხადა, რომ ევროკავშირმა უკრაინას უფრო ნათელი ევროპული პერსპექტივა უნდა შესთავაზოს. ამ საუბარში ევროპული საბჭოს თავმჯდომარე შარლ მიშელი და ბულგარეთის, ლატვიის, ლიეტუვის, პოლონეთის, ჩეხეთისა და შვედეთის პრეზიდენტები მონაწილეობდნენ. “უსაფრთხოების სფეროში არსებულ მუქარებზე სათანადო პასუხი უკრაინისთვის უფრო ნათელი ევროპული პერსპექტივის, ევროკავშირთან პარტნიორის გაფართოების შეთავაზება იქნებოდა. ზეწოლა, რომელსაც ახლა უკრაინა განიცდის, წარმოადგენს გამოწვევას მთელი დასავლეთისთვის. მხოლოდ ერთობლივი ძალისხმევით შევძლებთ მშვიდობის უზრუნველყოფას”, – განაცხადა ლიეტუვის პრეზიდენტმა.  

პეტრო პოროშენკოს პარტია „ევროპული სოლიდარობის“ ფრაქციიდან ალექსეი გონჩარენკომ განაცხადა, რომ უკრაინაში ავიამიმოსვლა სავარაუდოდ, ორშაბათს, 14 თებერვლიდან შეჩერდება. მისი თქმით, უკრაინის ტერიტორიაზე თვითმფრინავების მოძრაობა შეჩერდება კიევის დროით 16:00 საათიდან. ერთ-ერთმა უმსხვილესმა ბრიტანულმა სადაზღვევო კომპანიამ გაგზავნა შეტყობინება, რომ ხვალიდან უკრაინის საჰაერო სივრცეში მყოფი სამოქალაქო თვითმფრინავების დაზღვევა შეწყდება. “იჯარით მყოფი თვითმფრინავების მფლობელები უკვე უკრძალავენ თავიანთ თვითმფრინავებს უკრაინის საჰაერო სივრცეში ფრენას. ამ დროისთვის ამ მომენტისთვის, KLM-მა გააუქმა მისი ფრენები, Sky Up ფუნშალი- კიშინოვის რეისს უკვე ასრულებს, დღეს ველით აკრძალვებს Air France-სგან”, – აღნიშნა ალექსეი გონჩარენკომ. მან მოუწოდა უკრაინელებს, რომლებიც საზღვარგარეთ იმყოფებიან და სამშობლოში დაბრუნებას…

ვიქტორ ორბანმა, უნგრეთის პრემიერ-მინისტრმა ევროკავშირს მიმართა, რომ უნგრეთის მიმართ მოთმინება გამოიჩინოს, წინააღმდეგ შემთხვევაში, ვერ შეძლებენ გზის ერთი მიმართულებით გაგრძელებას. აღსანიშნავია, რომ უახლოეს დღეებში ევროკავშირის სასამართლომ უნგრეთისა და პოლონეთის მიერ წარდგენილი სარჩელის საფუძველზე, ევროკავშირის კანონის უზენაესობის ახალ მექანიზმთან დაკავშირებით გადაწყვეტილება უნდა მიიღოს. აღნიშნული მექანიზმი 2021 წლიდან მოქმედებს. აღნიშნული მექანიზმი ევროკომისიას უფლებამოსილებას ანიჭებს, შეამციროს ერთობლივი ბიუჯეტიდან ფინანსური სახსრების გამოყოფა იმ ქვეყნებისთვის, რომლებშიც ევროკავშირის კანონის უზენაესობის დარღვევის გამო, თანხის არამიზნობრივი გამოყენების საშიშროება არსებობს. პოლონეთმა ამ მექანიზმთან დაკავშირებით ლუქსემბურგში სარჩელი 2021 წლის 11 შეიტანა. ვარშავაში აცხადებენ, რომ ასეთი გადაწყვეტილებები ევროკავშირის სახელმწიფოების უფლებამოსილებაში ჩარევაა.

უკრაინის პრემიერ-მინისტრი დენის შმიგალი მიიჩნევს, რომ დეზინფორმაცია, პანიკასთან ერთად, ყველაზე საშიში ელემენტია უკრაინის წინააღმდეგ რუსეთის ჰიბრიდული ომისთვის. “ომი, რომელსაც ჩვენ წინააღმდეგ აწარმოებენ, ეს მხოლოდ ჯარისკაცები და იარაღი არ არის. ევროპაში გაზის კრიზისი, გრივნას კურსის რყევა, სამთავრობო რესურსებზე კიბერთავდასხმა, ინფრასტრუქტურის მასობრივი ფსევდო დანაღმვა, დაფინანსებული მიტინგები – ეს ყველაფერი ჰიბრიდული ომის ელემენტებია. ტანკებზე და ავტომატებზე უკეთესად, სწორედ, პანიკა ანადგურებს სახელმწიფოს”, – განაცხადა პრემიერ-მინისტრმა. მისი თქმით, უკრაინის არმია და პოზიცია საერთაშორისო არენაზე ძლიერია ისევე, როგორც ძლიერია უკრაინის ეკონომიკა.

ადგილობრივი მედიის ცნობით, ისრაელის ხელისუფლება უკრაინიდან საკუთარი მოქალაქეების ევაკუაციას იწყებს. ისრაელის პრემიერ – მინისტრი ნაფთალი ბენეტი ახლა ცდილობს, ისრაელის მოქალაქეთა უკრაინიდან ევაკუაცია რაც შეიძლება სწრაფად დაასრულოს, ვიდრე იქ საბრძოლო მოქმედებები დაიწყება. ისრაელი მკაცრად აფრთხილებს საკუთარ მოქალაქეებს, დაუყოვნებლივ დატოვონ უკრაინა. უკრაინაში დაახლოებით 15 000 ისრაელის მოქალაქე იმყოფება. ამ ადამიანებისთვის საევაკუაციო ფრენები უკვე ინიშნება.

ამერიკის არმიის ყოფილმა მთავარსარდალმა ევროპაში, გენერალ-ლეიტენანტმა ბენ ჰოჯესმა “ამერიკის ხმის” ქართულ რედაქციასთან, უკრაინაში განვითარებულ მოვლენებზე ისაუბრა და განაცხადა, რომ პენტაგონი, ბიზნესები, მედია, ყველა უკრაინას და შავ ზღვას აკვირდება, ამიტომაც, საქართველოსთვის ეს შესაძლებლობა უნდა იყოს, რომ საკუთარი თავისკენაც მიიზიდოს ყურადღება. “ვფიქრობ, საქართველომ ეს უნდა გამოიყენოს, როგორც შესაძლებლობა. კონგრესის თითოეულ წევრს ახლა შეუძლია შავი ზღვის აუზის ყველა ქვეყნის ჩამოთვლა სწორედ იმის გამო, რომ რეგიონს ამდენ ყურადღებას უთმობენ. მას შეუძლია დახამრება გაწიოს როგორც დაზვერვითი ინფორმაციის გაზიარების კუთხით, ისე ეკონომიკური კუთხითაც. ეს არაჩვეულებრივი დროა იმისთვის, რომ ამერიკელ ჯარისკაცებთან ერთად არაგეგმური წვრთნები ჩატარდეს. მე ასევე…

კრემლის საგარეო პოლიტიკის მრჩეველის თქმით, მოსკოვს დასავლეთის პასუხზე უსაფრთხოების წინადადებებთან დაკავშირებით რეაგირება მალე ექნება. იური უშაკოვის განცხადებით, აშშ-ისა და რუსეთის პრეზიდენტები შეთანხმდნენ, რომ მოსკოვი აშშ-ის მოსაზრებებს ყურადღებით შეისწავლის. “პრეზიდენტები შეთანხმდნენ, რომ მოსკოვი ყურადღებით შეისწავლის მოსაზრებებს, რომლებიც ბაიდენმა გამოთქვა და, თუ ეს შესაძლებელია, გაითვალისწინებს მათ აშშ-სა და ნატოს პოზიციებზე დოკუმენტებზე რეაგირებაზე მუშაობისას. ჩვენ მალე ვაცნობებთ ჩვენს პარტნიორებს და საზოგადოებას ჩვენს რეაქციას”, – აღნიშნა იური უშაკოვმა.  

CNN-ის ინფომარციით, კანადის პრემიერ-მინისტრი ჯასტინ ტრუდო უკრაინის პრეზიდენტ ვლადიმირ ზელენსკის აღმოსავლეთ ევროპაში უსაფრთხოების საკითხებზე ესაუბრა. ასევე კანადამ საელჩო კიევიდან ლვოვში დროებით გადაიტანა. ტრუდოს განცხადებით, ნებისმიერ შემდგომ სამხედრო შეჭრას უკრაინაში, სერიოზული შედეგები მოჰყვება, მათ შორის კოორდინირებული სანქციები. “კრაინის უსაფრთხოება ასევე არის ევროპის და ყველა დემოკრატიული სახელმწიფოს უსაფრთხოება, რომელიც ცდილობს დაიცვას საერთაშორისო სამართლის ფუნდამენტური პრინციპები და სახელმწიფო სუვერენიტეტი. ჩვენ განვაახლებთ მუშაობას კიევში საელჩოში, როგორც კი უკრაინაში უსაფრთხოების ვითარება მოგვცემს საშუალებას. კანადა სრული ძალებით უჭერს მხარს უკრაინის თავდაცვის გაძლიერებას”, – აღნიშნა განცხადებაში ჯასინ ტრუდომ.

რუსულმა და ბელარუსულმა წყაროებმა თურქეთის საგარეო საქმეთა მინისტრი დაარწმუნეს, რომ  უკრაინაში შეჭრა არ იგეგმება. თურქეთის საგარეო საქმეთა მინისტრის თქმით, რუსეთის შეჭრის მცდელობა არასწორი იქნება. “აშშ ამბობს, რომ შეიძლება მალე დაიწყოს ფართომასშტაბიანი ომი. რუსულმა და ბელარუსულმა წყაროებმა, რომლებთანაც ჩვენ ვესაუბრეთ, უარყვეს ეს. ჩვენ უნდა გავამახვილოთ ყურადღება დაძაბულობის განმუხტვაზე. დასავლური მედიის თქმით, რუსეთი შესაძლოა ნებისმიერ წამს შეიჭრეს უკრაინაში”, – განაცხადა მევლუთ ჩავუშოღლუმ.