კატეგორია: სლაიდერი

თბილისის სახელმწიფო უნივერსიტეტის სტუდენტები რექტორს მოუწოდებენ ირაკლი კობახიძეს ლექციების უფლება ჩამოერთვას. ახალგაზრდებმა უმაღლეს სასწავლებელთან აქცია გამართეს. ახალგაზრდებმა მშვიდობიანი პროტესტის გამოხატვა შენობის შიგნითაც სცადეს, თუმცა უნივერსიტეტის თანამშრომლებმა მათ ამის საშუალება არ მისცეს. შეგახსენებთ,რომ დღეს 18 საათზე უცვლელი მოთხოვნით ახალგაზრდების მარშუ იგეგმება სხვადასხვა ადგილიდან. 10- მდე სხვადასხვა უნივერსიტეტის სტუდენტები წერეთელზე და სამედიცინო უნივერსიტეტთან შეიკრიბებიან და მსვლელობას გამართავენ. ,,ბოლო ზარი აქციაზე” ამ სახელწოდებით კი, მე-12-ე კლასელები განათლების სამინისტროსთან მივლენ, შემდეგ კი, მსვლელობით პარლამენტის შენობასთან გადაინაცვლებენ.

მეტი...

გამჭვირვალობის შესახებ კანონის საწინააღმდეგო აქციების მონაწილე, მსახიობი ნატალია ყიფშიძე ამბობს, რომ სხვა აქტივისტების მსგავსად, მასაც გზის უკანონოდ გადაკეტვას ედავებიან. ,,ჩემი სასამართლო პროცესი გადაიდო 28-ში, 11 საათზე. იმიტომ, რომ არც ვიცოდით რომელ დღეზე იყო ეს ამბავი, რა მტკიცებულება ჰქონდათ. მივედით სასამართლოში და გვითხრეს, რომ 24 აპრილს გადავკეტე გზა, რომელიც მახსოვს მკაფიოდ, ყველა ფოტო მაქვს, ყველას აქვს თავისი დრო, ამათ არ ვიცი რა მტკიცებულება აქვთ, დისკი უნდა გადასცენ ჩემს ადვოკატს, ერთად უნდა განვიხილოთ და ჩემი ფოტოებით ავაწყოთ ყველაფერი. წერია დროები, რა დროს სად ვიყავი, რამდენ ადამიანთან ვიყავი იმ ფოტოებშიც ჩანს და ვიდეოებშიც…

მეტი...

სპეცრაზმელების მიერ ნაცემმა დავით ქაცარავამ ინგოროყვას სახელობის კლინიკა დატოვა. ანტისაოკუპაციო მოძრაობის ხელმძღვანელი სამხარაულის სახელობის ექსპერტიზის ბიუროში წავა ექსპერტიზისთვის, ხოლო შემდეგ ექიმების დანიშნულ მკურნალობას გააგრძელებს. ,,მძიმე ფორმით არის ტვინის შერყევა და საკმაოდ მიჭირს გადაადგილება, რაიმე სახის აქტივობა და უნდა დავემორჩილო დანიშნულ მკურნალობს. გარკვეული პერიოდი წოლითი რეჟიმი მექნება. აქედან პირდაპირ მივდივართ ექსპერტიზაზე სამხარაულის ბიუროში, შემდეგ სახლში და მაქსიმალურად გავაკეთებ ყველაფერს იმისთვის, რომ მალე დავუბრუნდე საოკუპაციო ხაზს და პროტესტს ქუჩაში. კისერზე კვალი ჩანს, როგორ მახრჩობდნენ ე.წ. სპეცრაზმელები, ისინი არიან ჯალათები, იყო ჩემი გაგუდვის მცდელობა ბოლო ცემის დროს, როდესაც ყველაზე ბრუტალურად გამისწორდნენ ეს ჯალათები.…

მეტი...

ზუგდიდი-მესტიის დამაკავშირებელ გზაზე, სოფელ ეცერის ტერიტორიაზე, მანქანა გზის სავალი ნაწილიდან  მდინარეში გადავარდა. გავრცელებული ინფორმაციით, დაღუპულია ორი ადამიანი. დაღუპულები ეცერიდან, ძმები არიან. სამძებრო-სამაშველო სამუშაოების შედეგად ორივე ცხედარი იპოვეს და სახლში გადაასვენეს. შინაგან საქმეთა სამინისტროს ინფორმაციით, მომხდარზე გამოძიება სსკ-ის 276-მუხლის მე-8 ნაწილით მიმდინარეობს.

მეტი...

როცა ექიმები სახლიდან გასვლის უფლებას მომცემენ, დავუბრუნდები საოკუპაციო ხაზს და პროტესტს, – ამბობს გამჭვირვალოსბის შესახებ კანონის წინააღმდეგ გამართულ აქციაზე სპეცრაზმელების მიერ ნაცემი დავით ქაცარავა, რომელიც კლინიკას დღეს დატოვებს. ,,რეაბილიტაციის პროცესი მიმდინარეობს, თუმცა პრობლემები ბუნებრივია დარჩენილია, ძლიერი ტვინის შერყევაა და წოლითი რეჟიმი მაქვს გამოწერილი, ეს ჩაქცევებიც, დახრჩობის მცდელობის შედეგი სახეზეა, ესეც ჩაცხრომის გზაზეა. პირველი რასაც გავაკეთებ მას შემდეგ, რაც ექიმები მომცემენ უფლებას სახლიდან გასვლის, ბუნებრივია, დავუბრუნდები ოკუპაციის ხაზს და დავუბრუნდები პროტესტს ყველა იმ ლოკაციაზე, სადაც ის მიმდინარეობს. ბრძოლა უნდა ვაწარმოოთ სრულ გამარჯვებამდე, ეს ტერორისტული რუსული რეჟიმი უნდა დასრულდეს”, – ამბობს ქაცარავა.

მეტი...

თბილისის საქალაქო სასამართლოსთან, სადაც გამჭვირვალობის შესახებ კანონის მოწინააღმდეგეების პროცესი მიმდინარეობს, სამოქალაქო აქტივისტები და პოლიტიკოსები იკრიბებიან. განცხადება გააკეთეს “გირჩი – მეტი თავისუფლებისა” და “დროას” ლიდერებმა. ელენე ხოშტარიას თქმით, ერთიანი, ძლიერი და უწყვეტი აქციებისგან შეშინებული ხელისუფლება დაშინების სხვადასხვა მეთოდს იყენებს. თუმცა, მისი თქმით, დაისჯება ყველა სამართალდამცავი თუ პოლიტიკოსი, რომელიც ამ რეპრესიებშია ჩართული. ,,მინდა გირჩი-დროას სახელით გავაკეთო განცხადება. პირველი, ეს მეტყველებს იმაზე, რომ ხელისუფლებას ეშინია ჩვენი, როცა ჩვენ ვართ ერთად. ამიტომ, ეს პირიქით მეტყველებს ხელისუფლების სისუსტეზე. მეორე, არცერთი ჩვენი მოქალაქე არ დარჩება მარტო. არავინ ამ ბრძოლაში სისტემასთან არ იქნება მარტო და ჩვენ, ყველანი…

მეტი...

21-23 მაისს საქართველოში მოსალოდნელი ამინდის შესახებ გარემოს ეროვნული სააგენტო ინფორმაციას ავრცელებს: 21 მაისიდან დასავლეთ საქართველოს დაბლობში მოსალოდნელია ჰაერის ტემპერატურის მომატება +26, +31, ხოლო აღმოსავლეთ საქართველოს ბარში  +22, +27 გრადუსამდე. მაღალი ტემპერატურის ფონზე ცალკეულ რაიონში შესაძლოა ხანმოკლე წვიმა ელჭექით აღინიშნოს. ქ. თბილისში შესაძლოა მცირე ხანმოკლე წვიმა აღინიშნოს. ჰაერის ტემპერატურა დღისით +23, +25 გრადუსი დაფიქსირდება. სანაპირო რაიონებში (ბათუმი, ქობულეთი, ანაკლია, ფოთი): უნალექო ამინდია მოსალოდნელი, ჰაერის ტემპერატურა დღისით +25, +27 გრადუსი იქნება. დასავლეთ საქართველოს დაბლობ რაიონებში (ზესტაფონი, ქუთაისი, სამტრედია, ზუგდიდი, მარტვილი, ოზურგეთი): 21 მაისს უმეტესად უნალექო ამინდია მოსალოდნელი, ხოლო 22-23 მაისს ზოგან იწვიმებს.…

მეტი...

კვირის ბოლომდე ელექტრონულ პლატფორმაზე გამოტანილი იქნება 3 000 ბილეთი გასაყიდად, ერთი გზის ფასი 195 ევრო იქნება, – ამის შესახებ საქართველოს პრემიერ-მინისტრმა ირაკლი კობახიძემ მთავრობის სხდომაზე განაცხადა. მისივე თქმით, დაახლოებით 2 000 გულშემატკივრისთვის პირდაპირი ფრენები უზრუნველყოფილი იქნება თბილისის საერთაშორისო აეროპორტიდან, ხოლო დაახლოებით 1 000 გულშემატკივრისთვის – ქუთაისის საერთაშორისო აეროპორტიდან. „როგორც მოგეხსენებათ, ჩვენ ვსაუბრობდით ავიაბილეთების სუბსიდირებაზე, რომლებიც უკავშირდება გერმანიაში ევროპის ჩემპიონატზე დასასწრებად განკუთვნილ ფრენებს. 18, 22 და 26 ივნისს გაიმართება საქართველოს ნაკრების მატჩები შესაბამის ქვეჯგუფში და ძალიან მნიშვნელოვანია, რაც შეიძლება მეტი ქართველი გულშემატკივარი დაესწროს ამ მატჩებს. ამისათვის კი მნიშვნელოვანია მგზავრობის გამარტივება და…

მეტი...

სენაკში მომხდარი მკვლელობის საქმეზე დაკავებულ 21 წლის ახალგაზრდას დღეს ბრალი ოფიციალურად უნდა წაუყენონ, რის შემდეგაც მისთვის აღკვეთის ღონისძიების საკითხს სასამართლო გადაწყვეტს. მას განზრახ მკვლელობაში ადანაშაულებენ. გამოძიების ცნობით, დაპირისპირება ახალგაზრდებს შორის წარსულში არსებული კონფლიქტის გამო დაიწყო, რომელიც 25 წლის მამაკაცის მკვლელობით დასრულდა. ცივი იარაღით დაჭრილია კიდევ რამდენიმე პირი. შინაგან საქმეთა სამინისტროს ინფორმაციით, გრძელდება ძიება დანაშაულში ბრალდებული სხვა პირების დადგენა-დაკავების მიზნით.

მეტი...

სამეგრელოში სისხლიანი გარჩევა 25 წლის თორნიკე გოგიას მკვლელობით დასრულდა. სენაკში, გორის ქუჩაზე გოგიებს საკუთარ სახლში თავს დანით შეიარაღებული პირები დაესხნენ. ინციდენტის დროს, კიდევ 3 ადამიანი დაიჭრა, მათ შორის ერთ-ერთი მოკლულის ძმაა. არსებული ინფორმაციით, კონფლიქტის დროს, დაზიანებები მიიღო ერთ-ერთმა თავდამსხმელმაც. მოკლული ახალგაზრდა, ექსპერტიზის შემდეგ, სახლში გადაასვენეს. დაჭრილები კი ქუთაისის კლინიკაში არიან გადაყვანილი. გარდაცვლილ ახალგაზრდას ემოციურად ემშვიდობებიან: ,,ჩემო სიცოცხლე ბიჭო, ჩემო თბილო, ჩემო იმედიანო ისედაც სულ მენატრებოდი, ეხლა სად გეძებო. როგორ მიყვარხარ თოკო, როგორ მიყვარხარ!!! როგორ გავუძლო ამ ტკივილს ჩემო გამორჩეულო, ჩემო ანგელოზო”.

მეტი...

თბილისში, 20 მაისს, 18:00 საათზე, განათლების სამინისტროდან პარლამენტის მიმართულებით მე-12 კლასელების მარში გაიმართება. ,,ერთად აღვნიშნოთ ბოლო ზარი აქციაზე თეთრი პერანგებით, წამოვიღოთ ფერად-ფერადი მარკერები და ბუშტები, ვეპატიჟებით, რა თქმა უნდა, სკოლის მოსწავლეებს, მასწავლებლებს, მშობლებს და ნებისმიერ მსურველს”, – წერენ აქციის ორგანიზატორები.

მეტი...

დღეს, 09:00 საათიდან, პირველკლასელთა საყოველთაო რეგისტრაცია დაიწყო. პროცესი 13 ივნისის ჩათვლით გაგრძელდება. რეგისტრაცია განხორციელდება განათლების მართვის საინფორმაციო სისტემის ოფიციალურ ვებგვერდზე – registration.emis.ge. ბავშვის სისტემაში რეგისტრაციას უზრუნველყოფს მშობელი ან კანონიერი წარმომადგენელი. ,,ელექტრონულად რეგისტრირებული მოსწავლის ჩასარიცხად აუცილებელი დოკუმენტაციის წარდგენა სკოლებში 14 ივნისიდან 25 ივნისის ჩათვლით განხორციელდება. დადგენილ ვადებში დოკუმენტაციის წარუდგენლობის შემთხვევაში, რეგისტრაცია ავტომატურად გაუქმდება. პირველ კლასში ჩასარიცხი დოკუმენტები: მოსწავლის კანონიერი წარმომადგენლის განცხადება, რომელიც უნდა შეიცავდეს კანონიერი წარმომადგენლის საცხოვრებელი ადგილისა და ტელეფონის ნომრის თაობაზე ინფორმაციას და უნდა აკმაყოფილებდეს საქართველოს ზოგადი ადმინისტრაციული კოდექსის 78-ე მუხლით დადგენილ სხვა მოთხოვნებს, კანონიერი წარმომადგენლის პირადობის დამადასტურებელი მოწმობის ასლი…

მეტი...

ნაძალადევის რაიონში, ზესტაფონის ქუჩაზე მომხდარი შემთხვევისას დაჭრილი ერთ-ერთი ადამიანის ჯანმრთელობის მდგომარეობა ამ დროისთვის სტაბილურია და მის სიცოცხლეს საფრთხე არ ემუქრება. კიდევ ორი დაჭრილის მდგომარეობა, უცნობია. სამივე მათგანს ჭრილობები ცივი იარაღით აქვს მიყენებული. ცნობისთვის, გუშინ, 19 მაისს, თბილისში, ნაძალადევის რაიონში, 3 ადამიანი დაჭრეს. შემთხვევას წინ კონფლიქტი უძღოდა. თუმცა, რა გახდა დაპირისპირების მიზეზი ან ვინ იყვნენ თავდამსხმელები უცნობია. ,,როგორც ვიცი, იყვნენ დაჭრილები. ყვირილის ხმა იყო, ხალხი გამოვიდა, როცა მოვიდა პოლიცია და სასწრაფო”, – ამბობს ერთ-ერთი მოქალაქე. მომხდარზე გამოძიება სისხლის სამართლის კოდექსის 120-ე, ჯანმრთელობის განზრახ მსუბუქი დაზიანების მუხლით მიმდინარეობს. სამართალდამცავებს ჯერჯერობით არავინ დაუკავებიათ.

მეტი...

სტუდენტური პროტესტის კვირეულის ფარგლებში, პირველი მსვლელობა დღეს, 20 მაისს, 18:00 საათზე გაიმართება. ცნობილია შეკრების ადგილი, რომელიც აქამდე მოხსენიებული იყო როგორც ,,პრივატ დრაივის 7″. სტუდენტები სამედიცინო უნივერსიტეტის ეზოსა და წერეთლის მეტრო-სადგურზე (9 3/4) შეიკრიბებიან. ,,ფინალური ლოკაცია ცნობილი გახდება მსვლელობისას, თუმცა მინიშნებად გიტოვებთ შვიდს (7). Piertotum Locomotor! საქართველო საფრთხეშია, სტუდენტებო, აღვასრულოთ ჩვენი ვალი ჩვენი ქვეყნის წინაშე”, – წერია ორგანიზატორთა მიერ გამოქვეყნებულ ანონსში. მსვლელობების ორგანიზატორები არიან: თსუ-ს სტუდენტები, სტუდენტები ევროპული მომავლისთვის, კავკასიის უნივერსიტეტის სტუდენტური მოძრაობა, ჯიპას სტუდენტური მოძრაობა, BTU აქტივობები და აქტივისტი მედიკოსები დაშავებული აქტივისტებისთვის. სტუდენტური პროტესტის კვირეული 20-დან 26 მაისის ჩათვლითაა გამოცხადებული.…

მეტი...