დღე: მაისი 29, 2024

„ბიძინა ივანიშვილმა თავშივე ძალიან დიდი მომაკვდინებელი შეცდომა დაუშვა, მის შედეგებს ის უკვე იმკის“- განაცხადა ნიკა მელიამ. პარტია „ახალის“ ერთ-ერთი ლიდერის განმარტებით, ივანიშვილმა არ გაითვალისწინა, რომ საქართველოში სხვანაირი ხალხი ცხოვრობს. “ჩემი აზრით, ძალიან დიდი შეცდომა დაუშვა ბიძინა ივანიშვილმა და ძალიან მალე გაფორმდება ეს როგორც შეცდომა. ბიძინა ივანიშვილმა არ გაითვალისწინა, რომ ამ ქვეყანაში სხვანაირი ხალხი ცხოვრობს.  ამ სოციუმში, როცა კონკრეტულად იცი 84 ადამიანის სახელი და გვარი, შეუძლებელია ამან არ შეგიქმნას განგრძობადი დისკომფორტი” – აცხადებს ნიკა მელია.

20 ივნისის საქმესთან დაკავშირებით, პირველი ინსტანციის სასამართლომ “ერთიანი ნაციონალური მოძრაობის” გენერალური მდივნის მოადგილის, ირაკლი ფავლენიშვილის მიმართ ძალის გადამეტება დაადგინა. ამის შესახებ ინფორმაციას, „ნაციონალური მოძრაობა“ ავრცელებს. ამავე ცნობით, შსს-ს 500 ლარის მორალური ზიანის ანაზღაურება დააკისრა. ირაკლი ფავლენიშვილის განცხადებით, სასამართლომ ამ გადაწყვეტილებით აღიარა, რომ მის მიმართ ადგილი ჰქონდა ძალის გადამეტებას. “ფაქტობრივად, პირველი ინსტანციის სასამართლომ დაადგინა, რომ შსს-მ გადაამეტა ძალას ჩემთან მიმართებაში. ნაწილობრივ დააკმაყოფილა ჩემი სარჩელი, მაგრამ მთავარი რაც არის, არის ის რომ აღიარა – ადგილი ჰქონდა ძალის გადამეტებას. იმის გამო, რომ პირველი დაზიანების შემდეგ არ დავტოვე აქცია და გადავწყვიტე ბოლომდე დამეცვა ჩემი…

გერმანიის ელჩის პიტერ ფიშერის განცახდებით, საქართველო არის ევროკავშირის კანდიდატი ქვეყანა. მისივე განმარტებით, შემდეგი ნაბიჯი გაწევრიანების მოლაპარაკებების გახსნა უნდა ყოფილიყო, თუმცა საქართველოს მთავრობამ მიიღო კანონი, რომელიც არ შეესაბამება ევროკავშირის სტანდარტებს. “საქართველო არის [ევროკავშირის] კანდიდატი ქვეყანა. ეს იყო უზარმაზარი ისტორიული ნაბიჯი, როგორც ევროკავშირისთვის, ისე საქართველოსთვის. შემდეგი ნაბიჯი უნდა ყოფილიყო გაწევრიანების მოლაპარაკებების გახსნა, ყველა ქვეყანა მზადაა მოლაპარაკებები დაიწყოს, თუმცა საქართველოს მთავრობამ მიიღო კანონი, რომელიც არ შეესაბამება ევროკავშირის სტანდარტებს. სანამ ეს კანონი იქნება ძალაში, ჩვენ არ გავხსნით მოლაპარაკებებს საქართველოსთან”- აცხადებს გერმანიის ელჩი.

“საერთაშორისო გამჭვირვალობა საქართველოს” დირექტორის ეკა გიგაურის განცხადებით, არასამთავრობო სექტორი არ დაემორჩილება ე.წ „რუსულ კანონს“. მისივე განმარტებით, არჩევნები იქნება, რეფერენდუმი რუსეთსა და ევროპას შორის. “ამ 149 დღის განმავლობაში ჩვენ უნდა შევიდეთ ყველანაირ წინააღმდეგობაში. იცით თქვენ, რომ არასამთავრობო სექტორი არ დაექვემდებარება და არ შეასრულებს რუსული კანონის მოთხოვნებს. ეს არჩევნები იქნება რეფერენდუმი და არჩევანი ევროპასა და რუსეთს შორის. ამიტომ ჩვენ უნდა გვახსოვდეს, რომ ამ არჩევნებამდე უნდა მივიდეთ ყველანი, ვისაც ჩვენი ქვეყნისთვის უნდა ევროპა”- ამბობს გიგაური.  

ბელარუსმა ოპოზიციონერმა სვეტლანა ტიხანოვსკაიამ საქართველოს მოქალაქეებს მოუწოდა ქვეყნის ევროპული მომავლისთვის ბრძოლა არ შეწყვიტონ. როგორც მან, „ამერიკის ხმის“ ქართულ რედაქციასთან ინტერვიუში აღნიშნა, ის და ბელარუსი ხალხი ქართველების გვერდით არიან. „რა თქმა უნდა, საქართველოც და ბელარუსიც იმსახურებს, რომ იყვნენ დამოუკიდებელი, ევროპელი ერები. ჩვენი ერების მომავალი ევროპაშია და არა – რუსეთთან. ძალიან დიდი ხნის განმავლობაში ჩვენი ქვეყნები, ორი ერი – ბელარუსი და ქართველი ხალხი – ცხოვრობდა იმპერიის ჩრდილში, რუსეთის იმპერიის ჩრდილში და ეს საკმარისია. ორივე ერი იმსახურებს დამოუკიდებლობას, თავისუფლებას, ევროპულ მომავალს“ – აცხადებს ტიხანოვსკაია. ბელარუსი ოპოზიციონერი განმარტავს, რომ „უცხოური გავლენის გამჭვირვალობის შესახებ“ კანონპროექი…

“საფრანგეთი, ისევე როგორც ევროკავშირი, წუხს საქართველოს პარლამენტის გადაწყვეტილების გამო, 28 მაისს მიეღო კანონი „უცხოური გავლენის გამჭვირვალობის შესახებ“, მიუხედავად მისი შეუთავსებლობისა იმ ღირებულებებთან და პრინციპებთან, რომლებსაც ეფუძნება ევროკავშირი, რომლის კანდიდატიც არის საქართველო”- ნათქვამია საფრანგეთის საგარეო საქმეთა სამინისტროს განცხადებაში. როგორც განცხადებაშია აღნიშნული, საფრანგეთი გააგრძელებს, საქართველოს ევროპული გზის და სუვერენიტეტის მხარდაჭერას. “საქართველოს ხელისუფლების პასუხისმგებლობაა, მათი მუშაობისა და უსაფრთხოებისთვის ხელსაყრელი გარემოს შენარჩუნება და გაძლიერება. ევროპელ პარტნიორებთან ერთად, საფრანგეთი გააგრძელებს საქართველოს დემოკრატიის, ევროპული გზისა და სუვერენიტეტის მხარდაჭერას, რომელთა მიმართაც ქართველმა ხალხმა თავისი ღრმა ერთგულება აჩვენა“ – ნათქვამია განცხადებაში.  

პატიმრობაში მყოფის საქართველოს მესამე პრეზიდენტი ანაკლიის ნავსადგულის ჩინური კონსორციუმისთვის ჩაბარების ფაქტს ეხმიანება და აცხადებს, რომ ეს  საქართველოსთვის უმსხვილესი გეოპოლიტიკური მარცხია. „ამასობაში, ვაზიანის ამერიკული სამხედრო ტრენერების ცენტრთან ერთად, ჩინელებისთვის ანაკლიის (ლაზიკის) გადაცემას აპირებენ. ეს საქართველოსთვის უმსხვილესი გეოპოლიტიკური მარცხი და ჩვენი დასავლეთისგან დისტანცირებისკენ გადადგმული გიგანტური ნაბიჯია. ჩინელები და რუსები დღეს ერთი და იგივეა და სტრატეგიულ აქტივებში მათი შემოყვანა სასიკვდილო მარცხის მატარებელია“, – ვკითხულობთ სააკაშვილის განცხადებაში.  

პარლამენტმა საპროკურორო საბჭოს წევრად რატი  იონათამიშვილი აირჩია. მას მხარი 83-მა დეპუტატმა დაუჭირა. რატი იონათამიშვილი საპროკურორო საბჭოში საპარლამენტო უმრავლესობის კვოტით არის წარდგენილი.  საპროკურორო საბჭოში  იორთამიშვილმა მიხეილ სარჯველაძე შეცვალა, რომელიც ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის მინისტრად დაინიშნა.    

ეკონომიკის მინისტრის განცადებით, ანაკლიის პროექტი გარდამტეხი იქნება. ლევან დავითაშვილმა სწორედ დღეს გაასაჯაროვა ინფორმაცია, რომ ანაკლიის ნავსადგურს ჩინური კონსორციუმი ააშენებს. „იცით, რომ საკმაოდ მაღალი ფასები გვქონდა და აქედან გამომდინარე, ტვირთმფლობელების მხრიდან იყო ბევრი უკმაყოფილება, შესაბამისად, ვფიქრობთ, ანაკლიის „პორტის“ პროექტი იქნება გარდამტეხი იმისთვის, რომ სრულფასოვან კონკურენტულ გარემოს შევქმნით მისი განხორციელებით. ეს არის ჩვენი ამოცანა”, – აღნიშნა დავითაშვილმა. მისივე შეფასებით,  როდესაც გვაქვს სრულფასოვანი საპორტო ინფრასტრუქტურა და პორტები, მაშინ გვაქვს სრულყოფილი კონკურენტუნარიანი გარემო და კონკურენცია. მინისტრმა ფოთის ნავსადგურის გაფართოებაზეც ისაუბრა. „რამდენიმე წლის წინ იყო ძალიან მნიშვნელოვანი მოდერნიზაცია, როცა ახალი საპორტო ერთეული გაჩნდა ფოთში, იქ…

პარლამენტმა მესამე მოსმენით განიხილა და მხარი დაუჭირა ევროკავშირის რეკომენდაციების ცხრა პუნქტიდან გამომდინარე სამ საკანონმდებლო პაკეტს. უმაღლესმა საკანონმდებლო  ორგანომ  „სპეციალური საგამოძიებო სამსახურის შესახებ“ საქართველოს კანონში ცვლილების შეტანის თაობაზე“ კანონპროექტი 80   ხმით,  „კორუფციის წინააღმდეგ ბრძოლის შესახებ“ საქართველოს კანონში ცვლილების შეტანის თაობაზე“ კანონპროექტი – 81   ხმით, ხოლო „საერთო სასამართლოების შესახებ“ საქართველოს ორგანულ კანონში ცვლილების შეტანის თაობაზე“  კანონპროექტი  –  79 ხმით მიიღო. კანონპროექტები პლენარულ სხდომაზე იურიდიულ საკითხთა კომიტეტის თავმჯდომარემ ანრი ოხანაშვილმა წარადგინა და აღნიშნა, რომ ძირითადად რედაქციული ხასიათის ცვლილებებია წარმოდგენილი. „სამივე საკანონმდებლო პაკეტი ევროკავშირის რეკომენდაციის 9-პუნქტიან გეგმას უკავშირდება. „სპეციალური საგამოძიებო სამსახურის შესახებ“ კანონში ცვლილების შეტანით, ჩვენ სპეციალური საგამოძიებო სამსახურის საქმიანობას საკანონმდებლო დონეზე…

„ბატონო გიორგი, გამეცით პასუხი, რას ნიშნავს „შავი ფული“ და როგორ უნდა „გათეთრდეს“ საქართველოში? როგორ შეიძლება მოხვდეს ქვეყანაში სანქცირებული აქტივები და კომპანიები? გაეცით საზოგადოებას პასუხი. სირცხვილია უკვე, მეხუთედ დგახართ ტრიბუნასთან და ერთი და იგივე „იმიტომს“ გაიძახით. როდემდე შეიძლება ამ დესტრუქციაში და ამდენ ტყუილში ამყოფოთ საზოგადოება?“, – ამ კითხვით მიმართა ფრაქცია „ქართული ოცნების“ თავმჯდომარის მოადგილე ირაკლი კირცხალიამ პრეზიდენტის საპარლამენტო მდივანს, გიორგი მსხილაძეს პლენარულ სხდომაზე, სადაც „საგადასახადო კოდექსში ცვლილების შეტანის შესახებ“ კანონზე საქართველოს პრეზიდენტის მოტივირებულ შენიშვნებს განიხილავენ. ირაკლი კირცხალია სხდომაზე ოპოზიციონერი დეპუტატების, მათ შორის რომან გოცირიძის განცხადებებს გამოეხმაურა და აღნიშნა, რომ ისინი ცდილობენ…

„ქართული ოცნების“ აღმასრულებელი მდივანი და საპარლამენტო უმრავლესობის ლიდერი მამუკა მდინარაძე სოციალურ ქსელში ფაშიზმის მორიგ გამოვლინებაზე წერს, რომლის თქმითაც, გუშინდელი დღისთვის შურისძიების მიზნით “ტვ პირველმა“ მის მოხუც მშობლებს მიაკითხა. როგორც მამუკა მდინარაძე წერს, „ტვ პირველის“ კითხვა ეხებოდა იმას, თუ რით ააშენეს სოფლის სახლი და “რუსულ” კანონს თუ ეთანხმებიან. „როგორ აგონიაში არიან. ფაშიზმის მორიგი გამოხატულება: როგორც ჩანს გუშინდელი დღისთვის შურისძიება გადაწყვიტეს და ღვანკითში მიადგა “ტვ1” ჩემს მოხუც მშობლებს. (ღმერთს მადლობა, რომ ჩემი შშმ სტატუსის, თუმცა ჯან-ღონით სავსე ძმა სახლში არ იყო…) ეკითხებიან, სოფლის სახლი რითი ააშენეთ და “რუსულ” კანონს თუ ეთანხმებითო. დედაჩემი…

,,პრეზიდენტი დიდი ხანია არ ახმოვანებს არც ჩვენს კონსტიტუციას, არც ჩვენი ხალხის ნება-სურვილს, ის ვიწრო ჯგუფის, უსამშობლოებისა და გლობალური ომის პარტიის დაკვეთებს ასრულებს”, – ამის შესახებ რეგიონული პოლიტიკისა და თვითმმართველობის კომიტეტის თავმჯდომარის პირველმა მოადგილემ, საპარლამენტო უმრავლესობის წევრმა ირაკლი ზარქუამ განაცხადა. „ყველა არჩევნებს არქმევენ რეფერენდუმს და ამ რეფერენდუმზე ყოველთვის აგებს. ხალხი ყოველთვის ირჩევს იმ ძალას, რომელიც არის მშვიდობის გარანტი, რომელიც არის ქართული ეკლესიის მხარეს, მართლმადიდებლობის მხარეს, რომელიც არის ქვეყანაში ადამიანის უფლებების დაცვის მხარეს“, – აღნიშნა ირაკლი ზარქუამ. შეგახსენებთ, რომ პრეზიდენტმა მოქალაქეებს რეფერენდუმის ჩასატარებლად ხელმოწერების შეგროვება შესთავაზა.

,,ჩვენი დასავლელი პარტნიორები, რომლებიც თვე-ნახევრის განმავლობაში “ქართულ ოცნებას” მოუწოდებდნენ, რომ არ მიეღოთ კანონი, რომელიც საქართველოს დემოკრატიას და ევროპულ და ევროატლანტიკურ მომავალს დაასრულებდა, დღეს ქმედებაზე გადადიან“, – ამის შესახებ ოპოზიციონერმა დეპუტატმა, თეონა აქუბარდიამ განაცხადა. როგორც მან აღნიშნა, ეს ქმედება აუცილებლად იქნება გამოხატული აშშ-ის მიერ სანქციებით, რასაც “ქართული ოცნება” პირადად იგრძნობს. მისი თქმით, ეს აისახება საქართველოს ბიუჯეტზეც. ,,ჩვენი დასავლელი პარტნიორები, რომლებიც თვე-ნახევრის განმავლობაში „ქართულ ოცნებას” მოუწოდებდნენ, რომ არ მიეღოთ კანონი, რომელიც საქართველოს დემოკრატიას და ევროპულ და ევროატლანტიკურ მომავალს დაასრულებდა, დღეს ქმედებაზე გადადიან. ეს ქმედება აუცილებლად იქნება გამოხატული აშშ-ის მიერ სანქციებით, რომლის კანონი…

,,რეფერენდუმის ჩატარება არ უნდა მოითხოვო იმ კითხვით, რომელზეც პასუხი კონსტიტუციაში გვიწერია”, – ამის შესახებ საქართველოს პარლამენტის ვიცე-სპიკერმა, არჩილ თალაკვაძემ განაცხადა. „სალომე ზურაბიშვილის ინიციატივა რეფერენდუმთან დაკავშირებით ნიშნავს შემდეგს, ის საერთაშორისო საზოგადოებას ეუბნება, რომ მე უნდა გადავამოწმოო ქართველი ხალხი ევროპის მომხრეა და ევროპისკენ მიდის თუ რუსეთის მომხრეა და რუსეთისკენ მიდის. ეს შეკითხვა, რაც დაისვა თავისთავად შეურაცხმყოფელია საზოგადოებისთვის. საქართველოს ხელისუფლებამ და ხალხმა უკვე ჩავწერეთ კონსტიტუციაში, რომ ჩვენი ქვეყნის არჩევანი არის ევროპული და ევროატლანტიკური. ძალიან საინტერესო იქნება დღის ბოლომდე ოპოზიციური პარტიების პასუხი და რეაქცია ამ ინიციატივაზე. თუ ისინი რეფერენდუმის ჩატარების ინიციატივას ემხრობიან, პირდაპირ უნდა…

შალვა პაპუაშვილის თქმით, გამჭვირვალობის შესახებ კანონი პრეზიდენტს გუშინვე გადაეგზავნა, თუმცა იმის გამო, რომ დიდი ალბათობით სალომე ზურაბიშვილი მას ხელს არ მოაწერს, პაპუაშვილის თქმით, დოკუმენტზე მისი ხელმოწერა იქნება. ,,კანონი გუშინვე გადაიგზავნა პრეზიდენტის ადმინისტრაციაში. ველით ახლა ხელმოწერას, დიდი ალბათობით, გასაგებია, რომ ხელს არ მოაწერს და მე მოვაწერ ამ კანონს ხელს”, – თქვა პაპუაშვილმა. ცნობისთვის, კონსტიტუციით, თუ პრეზიდენტი გადაცემიდან 5 დღის ვადაში კანონს ხელს არ აწერს, ვადის ამოწურვიდან 5 დღის ვადაში ხელს აწერს და აქვეყნებს პარლამენტის თავმჯდომარე.

პარტია „ხალხის ძალის“ წევრმა დაჩი ბერაიამ, საგადასახადო კოდექსში ცვლილებებთან დაკავშირებით, პრეზიდენტის ვეტოს განხილვაზე, ზურაბიშვილის საპარლამენტო მდივანს მიმართა. მას აქვს იმედი და მოლოდინი, რომ კითხვებს პასუხები გაეცემა. დაჩი ბერაიას თქმით, პასუხგაუცემელი კითხვების შემთხვევაში, გაუგებარია მსხილაძის პარლამენტში მისვლის მიზეზი. ბერაიამ რომან გოცირიძესაც მიმართა. „პირველ რიგში, მინდა რომან გოცირიძეს მივმართო. ბატონო რომან, როდესაც საზოგადოება მეტსახელად „კუპონას” დაგარქმევთ, უმჯობესია ლარის კურსზე საერთოდ არ ილაპარაკოთ. რაც შეეხება შეკითხვას, ბატონო გიორგი, ჩემმა კოლეგებმა ჩემთვის საინტერესო შეკითხვები უკვე დასვეს და დიდი სიამოვნებით დაველოდები თქვენს პასუხს. მაქვს იმედი და მოლოდინი, რომ დღეს უფრო კარგად ნამეცადინები მობრძანდით, ვიდრე გუშინ…

პარლამენტის თავმჯდომარე ოპოზიციონერ დეპუტატის გამოსვლაზე გაღიზიანდა, როდესაც მან ბიძინა ივანიშვილი ახსენა და „ოფშორების კანონი  მას დაუკავშირა. „ვაიმე ქალბატონო თეონა, ამდენი საზიზღრობების ერთად თქმა როგორ შეგიძლიათ მიკვირს. ქალბატონი სალომე სამადაშვილის სული ტრიალებს ოპოზიციის მხარეს და განსაკუთრებით ქალ დეპუტატებს ერჩის და ბოღმებად აქცევს. ეგ ბოღმა დაგახრჩობთ თქვენ. სირცხვილი ამ დონეზე რომ ხართ დაშვებული. ეს არის წინასაარჩევნო რიტუალური ცეკვა სიაში შასაყვანად“ – ასე უპასუხა შალვა პაპუაშვილმა დეპუტატ თეონა აქუბარდიას.

,,ვაიმე ქალბატონო თეონა, ამდენი საზიზღრობების ერთად თქმა როგორ შეგიძლიათ მიკვირს”, – ასე მიმართა პარლამენტის თავმჯდომარე შალვა პაპუაშვილმა ოპოზიციონერ დეპუტატს, თეონა აქუბარდიას, რომელიც ,,ოფშორების” კანონზე საუბრობდა. ამან კი პარლამენტის თავმჯდომარე გააღიზიანა. ,,ვაიმე ქალბატონო თეონა, ამდენი საზიზღრობების ერთად თქმა როგორ შეგიძლიათ მიკვირს. წესით უნდა გასკდეთ მაგ დროს ბოღმისგან. ქალბატონი სამადაშვილის სული ტრიალებს ოპოზიციის მხარეს, განსაკუთრებით ქალ დეპტატებს ერჩის და ბოღმებად აქცევს. ეგ ბოღმა დაგახრჩობთ. ამ დონემდე რომ ხართ დაშვებული ეგ არის სირცხვილი. გასაგებია, რომ წინასაარჩევნო ცეკვა გაქვთ, რომ იქნებ სიაში ჩაგსვან, მაგრამ საარჩევნო სიის გამო ასეთ მდაბიო საქციელზე არ უნდა წახვიდეთ”, –…

,,ეს არასერიოზულია, სპეკულაციაა. ისინი აცდენილები არიან არამხოლოდ ხალხის ნებას, არამედ რეალობას და ყოველ ჯერზე მიიღებენ ამ სურათს, რაც მიიღეს გუშინ, კვლავ ექნებათ ფრუსტრაცია, იმედგაცრუება, რადგან არ მოქმედებენ ხალხის ინტერესებიდან გამომდინარე”, – ასე გამოეხმაურა პარლამენტის თავმჯდომარე შალვა პაპუაშვილი რეფერენდუმთან დაკავშირებით პრეზიდენტის განცხადებას. „ის ხელოვნური გეგმები, რასაც დასახავენ ხოლმე, რასაც მათი უცხოელი მფარველები ჩასჩურჩულებენ, აღმოჩნდება ხოლმე, რომ აბსოლუტურად არის აცდენილი ქართველი ხალხის ნებას და რეალობას. ისინი არ დადიან ხალხში, არ ელაპარაკებიან ადამიანებს და არ აინტერესებთ მათი სიხარული და ტკივილი. ისინი რთავენ ტელევიზორს, უყურებენ სხვა ქვეყნებიდან იმ განცხადებებს, რაც სხვა ქვეყნებიდან მოდის და…