დღე: ივნისი 4, 2022

გაეროს გენერალური მდივანი ოკუპანტ რუსეთს ისევ მიმართავს და დაუყოვნებლივ ომის შეწყვეტიესკენ მოუწოდებს.  ანტონიო გუტერეშის განცხადებით, დაუყოვნებლივ უნდა განახლდეს მოლაპარაკების პროცესი. „ვიმეორებ ჩემს მოწოდებას, დაუყოვნებლივ შეწყდეს ძალადობა, განხორციელდეს საბრძოლო ტერიტორიებში ჩარჩენილი მშვიდობიანი მოსახლეობის უსაფრთხო ევაკუაცია, მოხდეს მშვიდობიანი მოსახლეობის დაცვა და ადამიანის უფლებების პატივისცემა საერთაშორისო ნორმების შესაბამისად“, – აცხადებს გაერო-ს გენერალური მდივანი. გუტერეშის შეფასებით, აუცილებელია დიპლომატიური ძალისხმევა ამ სისასტიკის შესაჩერებლად. „ომი იწვევს სამგანზომილებიან გლობალურ კრიზისს – საკვების, ენერგორესურსებისა და ფინანსების. რაც მალე დაიწყებენ მხარეები  დიპლომატიურ ძალისხმევას ამ ომის დასასრულებლად, მით უკეთესი იქნება უკრაინის, რუსეთისა და მსოფლიოსთვის“, – აცხადებს გაერო-ს გენერალური მდივანი.  

“ის ელოდა, რომ შეჭრა რამდენიმე დღეში დასრულდებოდა, მაგრამ მნიშვნელოვნად ვერ შეაფასა მამაცი უკრაინელების გადაწყვეტილება, რომლებიც თავიანთ ქვეყანას მამაცად იცავდნენ“ – აცხადებს დიდი ბრიტანეთის საგარეო საქმეთა მინისტრი ლიზ ტრასი. მისივე შეფასებით, რუსეთმა ბევრი რამ ვერ გათვალა. „პუტინის შეჭრამ სიკვდილი და ნგრევა მოიტანა, თანაც, ისეთი მასშტაბით, რომელიც ევროპაში მეორე მსოფლიო ომის შემდეგ არ ყოფილა. ამ ომს აქვს უზარმაზარი შედეგები მშვიდობის, კეთილდღეობისა და სასურსათო უსაფრთხოებისთვის. ეს ჩვენთვის მნიშვნელოვანია. დღეს არის ის მომენტი, რომ ათასობით უდანაშაულო მოქალაქეს, რომლებიც მოკლულია შეჭრის შემდეგ, პატივი მივაგოთ და კიდევ ერთხელ დავუდასტუროთ ჩვენი ურყევი მხარდაჭერა, უკრაინის გმირული თავდაცვის მიმართ,…

უკრაინაში, რუსების ბლოკადაში მოქცეული ხორბლის გამო მსოფლიოს სერიოზული პრობლემები ემუქრება. მიუხედავად არაერთი მოწოდებისა, რომ რუსეთს ბლოკადა მოეხსნა, პირიქით, პრობლემა ღრმავდება. როგორც უკრაინის საგარეო საქმეთა მინისტრი, დმიტრო კულება აცხადებს, ოდესის ნავსადგურში უკრაინული მარცვლეულის ექსპორტის დაბრკოლება ის არის,  რომ რუსეთს შეუძლია, ეს დერეფანი  თავდასხმისთვის გამოიყენოს. „უკრაინა მზადაა, შექმნას აუცილებელი პირობები ოდესის ნავსადგურიდან ექსპორტის აღსადგენად. საკითხავია, როგორ უზრუნველვყოთ, რომ რუსეთმა არ გამოიყენოს ეს სავაჭრო გზა ოდესაზე თავდასხმისთვის. ჯერჯერობით რუსეთისგან არანაირი გარანტია არ არსებობს“, – აცხადებს  კულება. შეგახსენებთ, რომ აღნიშნულ თემაზე განცხადება ვლადიმერ პუტინმაც გააკეთა და აღნიშნა, რომ ხორბლის გატანას რუსეთი ხელს არ უშლის.