„ვაგნერის“ დამფუძნებელს, ევგენი პრიგოჟინს სამხედრო ამბოხის მცდელობისას ჩამორთმეული ფული და პირადი ნივთები, მათ შორის იარაღი დაუბრუნეს.
რუსული სააგენტო „ფონტანკას” ინფორმაციით, პრიგოჟინი 4 ივლისს თავად მივიდა სანკტ-პეტერბურგის ფედერალური უსაფრთხოების სამმართველოში და შოიგუს ნაჩუქარი ცეცხლსასროლი იარაღი ჩაიბარა.
მათივე ცნობით, 2 ივლისს პრიგოჟინს 10 მილიარდი რუბლი დაუბრუნეს.
როგორც სააგენტო იუწყება, ოფიციალური პროცედურა დიდხანს არ გაგრძელებულა და პრიგოჟინმა ქვეყანა დატოვა.
