ვოლოდიმის ზელენსკის განცხადებით, უკრაინულმა მხარემ მიიღო უტყუარი ინფორმაცია, რუსეთის მხრიდან უკრაინაზე დაგეგმილ მორიგ იერიშზე.
„ტერორისტები ახალ თავდასხმას ამზადებენ. ჩვენ ეს დანამდვილებით ვიცით. სანამ მათ აქვთ რაკეტები, სამწუხაროდ, არ გაჩერდებიან“ – აცხადებს პრეზიდენტი ზელენსკი.
მისი განცხადებით, რთულ კვირას ელოდებიან.
„ჩვენი უნარი, დავეხმაროთ ერთმანეთს და ვიზრუნოთ ყველაზე დაუცველებზე, მოხუცებზე, ბავშვებიან ოჯახებზე, მათზე, ვინც ომში დაკარგა სახლები და ნათესავები – ჩვენი ურთიერთდახმარება ტერორისგან დაცვისა და ჩვენი სიძლიერის ერთ-ერთი ელემენტია. მომავალი კვირა შეიძლება ისეთივე რთული იყოს, როგორიც გასული. ჩვენი თავდაცვის ძალები ემზადებიან. მთელი სახელმწიფო ემზადება. ჩვენ ვამუშავებთ ყველა სცენარს, მათ შორის ჩვენს პარტნიორებთან ერთად”, – აცხადებს ზელენსკი ვიდეომიმართვაში.
პრეზიდენტი საკუთარ მოქალაქეებს სთხოვს, ყურადღება მიაქციონ საჰაერო განგაშის სიგნალს.
