დღე: სექტემბერი 28, 2024

“ამ უსამშობლო ხალხმა ერთხელ და სამუდამოდ პასუხი უნდა აგოს წლების განმავლობაში ჩადენილ უმძიმეს დანაშაულებზე: საკუთარი მოქალაქეების წამებასა და მკვლელობაზე, ბიზნესის რეკეტზე, ქვეყანაში გამეფებულ კორუფციაზე. ქართულმა საზოგადოებამ უნდა მოიკვეთოს ეს პოლიტიკური სარკომა საკუთარი სხეულიდან, თუ გვინდა, რომ მოჯადოებულ, ჩაკეტილ წრეზე აღარ გავაგრძელოთ სიარული” – ამის შესახებ „ქართული ოცნების“ საპატიო თავმჯდომარემ, „ქართული ოცნების“ საარჩევნო კამპანიის რეგიონულ ღონისძიებაზე თელავში სიტყვით გამოსვლისას განაცხადა. ბიძინა ივანიშვილი ამბობს, რომ მნიშვნელოვანია, რომ 26 ოქტომბრის საპარლამენტო არჩევნებზე „ქართულმა ოცნებამ“, საკონსტიტუციო უმრავლესობა მოიპოვოს და დღის წესრიგში დააყენოს „ნაციონალური მოძრაობის“ არაკონსტიტუციურად გამოცხადების, ამავდროულად კი უმკაცრესად გასამართლების საკითხი“.   “სამი ღვთაებრივი საუნჯე დაგვრჩა…

“ლიბანელ ხალხს მივმართავ, ჩვენ თქვენთან ომი არ გვაქვს, ცვლილებების დროა” – ამის შესახებ განცხადება ისრაელის თავდაცვის მინისტრმა, იოავ გალანტმა ისრაელის საჰაერო იერიშის შედეგად „ჰეზბოლას“ ლიდერის, ჰასან ნასრალას ლიკვიდაციის დადასტურების შემდეგ გააკეთა. „ჩვენს მტრებს: ჩვენ ძლიერები ვართ. ჩვენს პარტნიორებს ვეტყვი: ჩვენი ომი, თქვენი ომია და ლიბანელ ხალხს მივმართავ: ჩვენ თქვენთან ომი არ გვაქვს. ცვლილებების დროა“ – განაცხადა იოავ გალანტმა. მან აღნიშნა, რომ ჰასან ნასრალა ათასობით ისრაელის მოქალაქისა და ჯარისკაცის, ასევე, უცხო ქვეყნების მოქალაქეების სიკვდილზე იყო პასუხისმგებელი.

ისრაელის საჰაერო ძალებმა ლიბანში „ჰეზბოლას“ 140 ობიექტს დაარტყეს. ისრაელის მოიერიშე თვითმფრინავების სამიზნე ბეირუთში მდებარე „ჰეზბოლას“ იარაღის საწყობები და ინფრასტრუქტურა იყო. ქვეყნის თავდაცვის ძალების ცნობით, მოიერიშე თვითმფრინავებმა ათობით სარაკეტო გამშვებს დაარტყეს, რომლებიც ისრაელისკენ იყო მიმართული. შეგახსენებთ, გუშინ, ისრაელმა ბეირუთში „ჰეზბოლას“ მთავარი შტაბი დაბომბა, რის შედეგადაც, ისრაელის თავდაცვის ძალების განცხადებით, „ჰეზბოლას“ ლიდერის, ჰასან ნასრალას ლიკვიდაცია განხორციელდა. ჰასან ნასრალას სიკვდილი „ჰეზბოლამაც“ დაადასტურა.  

„ჰეზბოლა“ ჰასან ნასრალას სიკვდილს ადასტურებს. დაჯგუფება აცხადებს, რომ ჰასან ნასრალა გუშინ, ბეირუთში ისრაელის საჰაერო იერიშის შედეგად დაიღუპა. „ჰესბოლა“პირობას დებს, რომ ისრაელის წინააღმდეგ ბრძოლასა და ლიბანის დაცვას გააგრძელებს. ცნობისთვის, მანამდე, ჰასან ნასრალას ლიკვიდაციის შესახებ ინფორმაცია ისრაელის თავდაცვის ძალებმა გაავრცელა.  

ისრაელის მედიის ინფორმაციით, “ჰეზბოლას” ლიდერის, ჰასან ნასრალას ლიკვიდაციის შემდეგ ირანის სულიერი ლიდერი, აიათოლა ალი ხამენეი უსაფრთხო ადგილას გადაიყვანეს. გავრცელებული ცნობებით, ხამენეის ირანის ტერიტორია არ დაუტოვებია და იმ ადგილას, სადაც გადაიყვანეს უსაფრთხოების ზომები მაქსიმალურადაა გამკაცრებული. გასულ ღამეს ისრაელმა „ჰეზბოლას“ ცენტრალურ შტაბბინაზე იერიში მიიტანა. იერიშის შედეგად ლიკვიდირებულია „ჰეზბოლას“ ლიდერი ჰასან ნასრალა.  

„ყველას მივწვდებით, ვინც ისრაელის სახელმწიფოს მოქალაქეებს დაემუქრება“ – ამის შესახებ ისრაელის თავდაცვის ძალების გენშტაბის უფროსმა, ჰერცი ჰალევიმ განაცხადა. „ჩვენს არსენალში არსებული ინსტრუმენტები ამით არ მთავრდება. გზავნილი მარტივია: ყველას, ვინც ისრაელის სახელმწიფოს მოქალაქეებს დაემუქრება, ჩვენ ვიცით, როგორ მივწვდეთ მათ“ – განაცხადა ჰერცი ჰალევიმ. ისრაელის თავდაცვის ძალების განცხადებით, გუშინ, ბეირუთში „ჰეზბოლას“ მთავარი შტაბის დაბომბვის შედეგად დაჯგუფების ლიდერის, ჰასან ნასრალას ლიკვიდაცია განხორციელდა.

ამერიკის შეერთებული შტატების სახელმწიფო მდივანი ენტონი ბლინკენი აცხადებს, რომ ლიბანში ისრაელის მიზანი ლეგიტიმურია. ბლინკენი ამბობს, რომ ისრაელი საკმარისად უსაფრთხო გარემოს ქმნის იმისთვის, რომ ხალხმა სახლში დაბრუნება შეძლოს. „ისრაელს აქვს უფლება, თავი დაიცვას ტერორიზმისგან“-  განაცხადა ბლინკენმა და აღნიშნა, რომ დიდი მნიშვნელობა აქვს, როგორ აკეთებ ამას. ბლინკენი მიიჩნევს, რომ შექმნილი მდგომარეობიდან გამოსავალი მხოლოდ დიპლომატიაა. „არავის შეუძლია ნეთანიაჰუს შეჩერება“- ჯოზეფ ბორელი

„არავის შეუძლია ნეთანიაჰუს შეჩერება“ – განაცხადა  საგარეო და უსაფრთხოების საკითხებში ევროკომისარმა, ჯოზეფ ბორელმა. ეს განცხადება მან, ისრაელის მიერ ლიბანზე განხორციელებული იერიშის შემდეგ გააკეთა. „ჩვენ ვცდილობთ ცეცხლის შეწყვეტას დიპლომატიური გზით მივაღწიოთ, მაგრამ როგორც ჩანს, არავის შეუძლია ნეთანიაჰუს შეჩერება, არც ღაზაში და არც დასავლეთ სანაპიროზე“ – განაცხადა ბორელმა. ბორელი ამბობს, რომ  ისრაელი არ მოისვენებს, ვიდრე „ჰეზბოლა“ არ განადგურდება. „და თუ განადგურების ინტერპრეტაცია იგივეა, რაც „ჰამასის“ შემთხვევაში, მაშინ ჩვენ წინ დიდი ომი გვაქვს”, – ამბობს ევროკომისარი. ლიბანზე თავდასხმის შედეგად „ჰეზბოლას“ სარაკეტო დანაყოფის მეთაური მოკლეს

ისრაელის თავდაცვის ძალებში აცხადებენ, რომ ლიბანზე თავდასხმის შედეგად, გუშინ „ჰეზბოლას“ სარაკეტო დანაყოფის მეთაური მოჰამედ ალი ისმაილი და მისი მოადგილე ჰუსეინ აჰმად ისმაილი მოკლეს. მათივე ცნობით,  მოჰამედ ალი ისმაილი ისრაელზე განხორციელებული არაერთი თავდასხმის უკან იდგა. როგორც ისრაელის თავდაცვის ძალებში აღნიშნეს, გუშინდელი იერიშის სამიზნე „ჰეზბოლას“ ლიდერი ჰასან ნასრალა იყო.

რუსებმა სუმის ოლქში საავადმყოფოს ორჯერ დაარტყეს, დაიღუპა 6 ადამიანი. ინფორმაციას უკრაინის შინაგან საქმეთა მინისტრი, იგორ კლიმენკო ავრცელებს. იგორ კლიმენკოს ცნობით, რუსული ძალების მიერ სამედიცინო დაწესებულებაზე განხორციელებული პირველი დარტყმისას ერთი ადამიანი დაიღუპა და საავადმყოფოს რამდენიმე სართული ჩაინგრა, რის შემდეგაც პაციენტებისა და პერსონალის ევაკუაცია დაიწყო. შემთხვევის ადგილზე მაშველები და პოლიციელები მივიდნენ. ევაკუაციის დროს კი რუსულმა ძალებმა კიდევ ერთი დარტყმა განახორციელეს. ამ დროისთვის ინფორმაცია 6 დაღუპულის შესახებ ვრცელდება, მათ შორის ერთი პოლიციელია.