დღე: სექტემბერი 9, 2024

თურქეთის პრეზიდენტი რეჯეფ თაიფ ერდოღანი მუსლიმური ქვეყნების ლიდერებს ღაზაში მიმდინარე ომის შესახებ სამიტის გამართვისკენ მოუწოდებს.  ამის შესახებ ინფორმაციას „როიტერი“ ავრცელებს. გამოცემის ცნობით, თურქეთის პრეზიდენტმა ისლამური თანამშრომლობის ორგანიზაციას მოუწოდა, მოიწვიოს საგანგებო სამიტი ღაზაში მიმდინარე ომისა და „ისრაელის მიერ იერუსალიმზე განხორციელებული თავდასხმების განსახილველად“. „წარმოუდგენელია, რომ ისლამური თანამშრომლობის ორგანიზაცია, რომლის მოვალეობაა იერუსალიმის საკითხზე ზრუნვა, გულგრილი დარჩეს ამ თავდასხმების მიმართ. აუცილებელია, რომ ორგანიზაცია შეიკრიბოს, რაც შეიძლება მალე”,- განაცხადა ერდოღანმა. მისივე თქმით, თურქეთი მიმართავს ჰააგის სასამართლოს, თურქეთისა და აშშ-ის ორმაგი მოქალაქეობის მქონე აიზენურ ეზგი ეიგის მკვლელობის გამო, რომელიც გასულ კვირას დასავლეთ სანაპიროზე, ებრაული დასახლებების წინააღმდეგ გამართულ საპროტესტო…

“გაერო მზადაა, მხარი დაუჭიროს ცეცხლის შეწყვეტის თაობაზე ნებისმიერ შეთანხმებას”- ამის შესახებ გაერო-ს გენერალურმა მდივანმა, ანტონიუ გუტერეშმა „ასოშიეითიდ პრესთან“ ინტერვიუში განაცხადა. გუტერეშმა განაცხადა, რომ ნაკლებად სავარაუდოა, ისრაელი გაერო-ს ამ როლს დათანხმდეს. „რა თქმა უნდა, მზად ვიქნებით გავაკეთოთ ყველაფერი, რასაც საერთაშორისო საზოგადოება მოგვთხოვს, თუმცა საკითხავია, მიიღებენ თუ არა ამას მხარეები, მიიღებს თუ არა ამას ისრაელი“-  აღნიშნა გუტერეშმა. ამასთან, გუტერეშმა ხაზი გაუსვა ცეცხლის შეწყვეტის გადაუდებელ აუცილებლობას. „ტანჯვის დონე, რომელსაც ჩვენ ღაზაში ვხედავთ, უპრეცედენტოა ჩემი გაერო-ს გენერალური მდივნის თანამდებობაზე ყოფნის პერიოდში. არასდროს მინახავს სიკვდილისა და ნგრევის ასეთი დონე, როგორსაც ბოლო თვეების განმავლობაში ღაზაში ვხედავთ“-…

გერმანია სახმელეთო საზღვრებზე საპასპორტო კონტროლს დროებით აღადგენს. როგორც გერმანიის შინაგან საქმეთა მინისტრმა, ნენსი ფეიზერმა განაცხადა, გერმანიამ აღნიშნულის შესახებ ევროკავშირს აცნობა. მისი თქმით, საფრანგეთთან, ლუქსემბურგთან, ნიდერლანდებთან, ბელგიასა და დანიასთან სასაზღვრო კონტროლი 16 სექტემბრიდან დაიწყება და თავდაპირველად ექვს თვეს გაგრძელდება. ამ გადაწყვეტილების მიზანია არალეგალურ მიგრაციასთან, ასევე ისლამისტური ტერორისტული ჯგუფებისა და საერთაშორისო კრიმინალური ორგანიზაციებისგან მომდინარე საფრთხეებთან გამკლავება.

რუმინეთში, უკრაინის საზღვართან რუსული უპილოტო საფრენი აპარატის ფრაგმენტები აღმოაჩინეს. ინფორმაციას რუმინეთის ეროვნული თავდაცვის სამინისტრო ავრცელებს. ფრაგმენტები ახლა „კანონის შესაბამისი პროცედურების თანახმად“ ექსპერტიზას გადასცეს. რუმინეთის თავდაცვის სამინისტროში აცხადებენ, რომ ნამსხვრევები დასახლებული პუნქტების გარეთ აღმოაჩინეს და ინფრასტრუქტურა არ დაზიანებულა. გასულ ღამეს რუმინეთის საჰაერო სივრცეში, სულ მცირე, ორი რუსული „შაჰედი“ შეიჭრა. რუმინეთის საგარეო საქმეთა სამინისტრომ საერთაშორისო სამართლის პატივისცემის მოწოდება გასცა, კერძოდ, რუმინეთის საჰაერო სივრცის ხელშეუხებლობა.  

შვედეთის მთავრობა უკრაინას 400 მილიონ ევროზე მეტი ღირებულების დახმარების ახალი პაკეტს გადასცემს.როგორც გავრცელებულ ინფორმაციაშია ნათქვამი, ეს რიგით მე-17 დახმარების პაკეტია. შვედეთის მთავრობა ხაზგასმით აღნიშნავს, რომ მხარდაჭერის პაკეტით შვედეთი გადადის უკრაინის სამხედრო მხარდაჭერის ახალ ფაზაში. მხარდაჭერის პაკეტი მოიცავს სახმელეთო საბრძოლო სამხედრო აღჭურვილობას, Robot System 70 -ის საზენიტო-სარაკეტო სისტემებს. პაკეტში ასევე შედის საბრძოლო თვითმფრინავებისთვის სათადარიგო ნაწილები, აღჭურვილობა ჯავშანტექნიკისთვის და საბრძოლო მანქანებისთვის. გარდა ამისა, პაკეტი მოიცავს ყუმბარმტყორცნებს, მცირე კალიბრის საბრძოლო მასალას და საბრძოლო კატერებს.    

ევროკავშირი გმობს რუსეთის მიერ ოკუპირებულ ყირიმსა და სევასტოპოლში ჩატარებულ ადგილობრივ არჩევნებს. ამის შესახებ ევროკავშირის საგარეო პოლიტიკური უწყების წარმომადგენლის, პიტერ სტანოს მიერ გავრცელებულ განცხადებაშია აღნიშნული. „ევროკავშირი არ აღიარებს ყირიმში ჩატარებულ ე.წ. არჩევნებს და მათ შედეგებს. ისინი ბათილად ითვლება და ვერ ექნება სამართლებრივი შედეგები. რუსეთის ხელმძღვანელობა და ამ უკანონო ქმედებების ორგანიზებაზე პასუხისმგებელი პირები პასუხს აგებენ. რუსეთის შეჭრიდან და ყირიმის უკანონო ანექსიის მცდელობიდან ათ წელზე მეტი ხნის შემდეგ, ევროკავშირი ხაზს უსვამს თავის პოზიციას, ყირიმი არის უკრაინა“, – წერს სტანო. როგორც პიტერ სტანო განმარტავს, ომის დასასრულებლად ერთი გზა არსებობს, რომ რუსეთმა გაიყვანოს ძალები უკრაინის…

,,გაფართოების პოლიტიკა ევროკავშირის უმთავრესი პრიორიტეტი გახდა. ევროპაში გეოპოლიტიკური და უსაფრთხოების სიტუაციიდან გამომდინარე გაფართოება გარდაუვალია”, – განაცხადა სამეზობლო პოლიტიკისა და გაფართოების საკითხებში ევროკომისარმა ოლივერ ვარჰეიმ. მისი თქმით, გაფართოების გარეშე მშვიდობა, კეთილდღეობა და უსაფრთხოება უზრუნველყოფილი არ იქნება. „აღარ არის დებატები იმის შესახებ, შედგება თუ არა გაფართოება, საკითხი და კითხვა ასე დგას – როდის მოხდება გაფართოება. მე ვფიქრობ, რომ რაც უფრო სწრაფად მოხდება, მით უფრო სწრაფად განვახორციელებთ გეოპოლიტიკურ ინვესტიციას და მოვახდენთ ჩვენს კონტინენტზე მშვიდობის, უსაფრთხოებისა და კეთილდღეობის კონსოლიდაციას. ჩვენ მივიღეთ ისტორიული გადაწყვეტილებები და მე ვამაყობ მიმდინარე კომისიის მუშაობით გაფართოების მიმართულებით, ვინაიდან მართლაც შთამბეჭდავია.…

ლიეტუვის საგარეო საქმეთა მინისტრის, გაბრიელიუს ლანდსბერგისის თქმით, რუსული დრონები ნატო-ს ტერიტორიაზე წევრი ქვეყნების უმოქმედობის გამო ჩამოვარდა. მან გაიმეორა, რომ ლიეტუვა მხარს უჭერს მოკავშირთა ძლიერ პასუხს რუსეთის აგრესიის წინააღმდეგ. ,,3 წლის წინ წარმოუდგენელი ინციდენტები ახლა განიხილება, როგორც რუტინა. არაფერი არ უნდა დაეშვას უკრაინის, ლატვიის ან სადმე ნატო-ს ტერიტორიაზე, მაგრამ ეს არის ახალი რეალობა, რომელიც ჩვენმა უმოქმედობამ წარმოშვა. ლიეტუვა, რა თქმა უნდა, მხარს დაუჭერს მოკავშირეთა ძლიერ პასუხს”, – წერს ლანდსბერგისი. 7-8 სექტემბრის ღამეს უკრაინაზე რუსეთის თავდასხმის შემდეგ, რუმინეთმა განაცხადა, რომ დრონმა დაარღვია მისი საჰაერო სივრცე, ლატვიამ ასევე განაცხადა, რომ ქვეყნის აღმოსავლეთში ჩამოვარდნილი…

საოკუპაციო ძალებმა ხარკოვის ოლქი დაბომბეს, დაიღუპა 2 ადამიანი, დაჭრილია 13. იერიშები იყო სუმის ოლქშიც. დაიჭრა 2 ადამიანი. ადგილობრივი მედიის ცნობით, რუსულმა ძალებმა დონეცკის ოლქის კიდევ სოფელი, სოფელი ვოდიანე აიღეს და რამდენიმე საბრძოლო მიმართულებებზე წინ წაიწიეს. ,,იტალიაში ,,დიდი შვიდეულის” ფორუმის ფარგლებში ამერიკის კონგრესის დელეგაციას შევხვდი. ვსაუბრობდით უკრაინის გამარჯვების გეგმაზე და ამ გეგმის განხორციელების დეტალებზე. ყველა ნაბიჯს სრულად წარვუდგენთ აშშ-ის პრეზიდენტ ბაიდენს და ორივე საპრეზიდენტო კანდიდატს, ტრამპსა და ჰარისს. ჩვენი მთავარი ამოცანა უკრაინის და უკრაინელების პოზიციები მაქსიმალურად გავამყაროთ. ჩვენი ქალაქები და სოფლები რუსული ტერორისგან დავიცვათ. ფრონტის წინა ხაზზე ჩვენს სამხედროებს ეფექტური ქმედებისთვის…