დღე: სექტემბერი 20, 2024

ინდოეთმა უკრაინისთვის საბრძოლო მასალების მიწოდების შესახებ ინფორმაცია უარყო.  ამის შესახებ „ბიბისი“ წერს. ქვეყნის საგარეო საქმეთა სამინისტრომ ეს ინფორმაცია „სპეკულაციად“ და „შეცდომაში შემყვანის მცდელობად“ შეაფასა. უწყების განცხადებაში ხაზგასმულია, რომ ინდოეთი უნაკლოდ იცავს საერთაშორისო ვალდებულებებ იარაღის გაუვრცელებლობის შესახებ და აქვს ექსპორტის საკუთარი მკაცრად გაწერილი წესები.

ნატო-ს გენერალური მდივანი იენს სტოლტენბერგი ევროკავშირს აფრთხილებს, არ დაუშვან ნატო-ს თავდაცვის ძალისხმევის დუბლირება და კონკურენცია არ გაუწიონ სამხედრო ალიანსს. სტოლტენბერგმა განაცხადა, რომ ევროკავშირის ამბიციები, შექმნას ცალკეული სამეთაურო სტრუქტურები და სწრაფი რეაგირების ძალები, სამხედრო ალიანსიდან რესურსების გადატანის რისკს ქმნის. „მივესალმები ევროკავშირის თავდაცვით ძალისხმევას ვიდრე ისინი განხორციელდება ისე, რომ თავიდან აიცილოს დუბლირება და კონკურენცია. ევროკავშირმა არ უნდა შექმნას ალტერნატიული თავდაცვის სტრუქტურები, მაგალითად ინტერვენციის ძალები“ – ამბობს ალიანსის გენერა

„სომხეთმა დაიწყო პოლიტიკური დიალოგის შემცირება რუსეთის ფედერაციასთან”- ამის შესახებ რუსეთის საგარეო საქმეთა სამინისტროს წარმომადგენელმა, მარია ზახაროვამ განაცხადა. ზახაროვა ამბობს, რომ ეს შეიძლება, ცუდად დასრულდეს. „ეს ყველაფერი სიმართლეს არ შეესაბამება, რადგან ჩვენ არაერთხელ გვისაუბრია დეტალურად „კოლექტიური უსაფრთხოების ხელშეკრულების ორგანიზაციის“ და რუსეთის ძალისხმევაზე, გავაზიარეთ ჩვენი შეფასებები სომხეთის ხელისუფლების მიერ მიღებული გადაწყვეტილებების შესახებ. მიგვაჩნია, რომ ერევნიდან პერიოდულად გაჟღერებული პრეტენზიები აბსურდულია და არ შეესაბამება ფაქტებს. ისინი მუდმივად საუბრობენ „კოლექტიური უსაფრთხოების ხელშეკრულების ორგანიზაციაში“ მონაწილეობის გაყინვაზე, მაგრამ ამის საპირისპიროდ, სწრაფად დაიწყეს დასავლეთთან დაახლოება. ამაში არის გარკვეული მანიპულირება. ეკონომიკური მაჩვენებლები ერთ რამეს აჩვენებს: არის ხალხის, კომპანიების და…

აშშ-ის პრეზიდენტობის კანდიდატმა, კამალა ჰარისმა განაცხდა, რომ ვინმე მის სახლში შეპარვას თუ ეცდება, ტყვიას მიიღებს. ამ სიტყვების შემდეგ ვიცე-პრეზიდენტმა აღნიშნა, რომ ეს არ უნდა ეთქვა. „ალბათ ეს არ უნდა მეთქვა, მაგრამ ჩემი გუნდი ამას მოგვიანებით მიხედავს“, – აღნიშნა ჰარისმა. ჰარისმა  საპრეზიდენტო დებატების დროს ხაზი გაუსვა, რომ იარაღის მფლობელი იყო.

რუსეთის სამხედრო ძალებმა ოდესაზე სარაკეტო შეტევა მიიტანეს – დაშავებულია 4 ადამიანი. ინფორმაციას ოდესის გუბერნატორი ტელეგრამ არხზე ავრცელებს. შეტევის შედეგად ქალაქის ინფრასტრუქტურა, პორტი და ატიგუას დროშის ქვეშ მცურავი სამოქალაქო გემი დაზიანდა.

გერმანელი დიპლომატი მაიკლ როთი აცხადებს, რომ ამ ეტაპისთვის, საქართველოსთვის ევროკავშირის კარი დახურულია. როგორც გერმანიის ბუნდესტაგის საგარეო ურთიერთობათა კომიტეტის თავმჯდომარე  გერმანულ გამოცემა Bild-თან აცხადებს, ეს ის საქართველო არ არის, რომლის სიყვარულიც მან ისწავლა. „ანტი-LGBT კანონი, სექსუალური უმცირესობების მიმართ მთავრობის  დათესილი სიძულვილი, მრავალფეროვნებისა და გახსნილობის საქართველოს ამაყი ისტორიისგან წყვეტას წარმოადგენს. ეს ის საქართველო არ არის, რომლის სიყვარულიც ვისწავლე. მთავრობა ევროკავშირში გაწევრიანების ყველა შანსს ანიავებს. ის ძალიან შორს წავიდა რუსეთსა და ევროკავშირს შორის თავისი ბალანსირების პოლიტიკაში. ამ საფუძველზე გაწევრიანების შესახებ მოლაპარაკებები შეუძლებელია“ – განმარტავს როთი.

უკრაინის პრეზიდენტის, ვოლოდიმირ ზელენსკის განცხადებით, უკრაინის შეიარაღებულმა ძალებმა შეამცირეს რუსეთის ჯარების პოტენციალი. როგორც მან აღნიშნა, მათ მოახერხეს 40 ათასი რუსი სამხედროს კურსკის მიმართულებით გადაყვანა. „ჩვენ უკვე მოვახერხეთ 40 ათასი რუსი სამხედროს გადაყვანა კურსკის მიმართულებით. ჩვენი აქტიური ქმედებები გრძელდება. ეს ყველაფერი მნიშვნელოვანი რამაა, რაც გავლენას ახდენს ომის საერთო მდგომარეობაზე. უკრაინის თავდაცვის ძალებმა მოახერხეს დონეცკის რეგიონში ოკუპანტის თავდასხმის პოტენციალის შემცირება“, – განაცხადა უკრაინის პრეზიდენტმა. ასევე, ზელენსკის თქმით, ბრძოლის ველზე ვითარება უკიდურესად მძიმე რჩება. განსაკუთრებით რთული ვითარებაა კურახოვესა და პოკროვსკოეს მიმართულებით.

,,უკრაინის „გამარჯვების გეგმა“ მოკავშირეების სწრაფ გადაწყვეტილებებზეა დამოკიდებული”, – ამის შესახებ უკრაინის პრეზიდენტმა, ვოლოდიმირ ზელენსკიმ ევროკომისიის პრეზიდენტთან, ურსულა ფონ დერ ლაიენთან ერთად გამართულ პრესკონფერენციაზე განაცხადა. როგორც ზელენსკიმ აღნიშნა, აღნიშნულ გეგმას მომავალ კვირაში აშშ-ს პრეზიდენტ ჯო ბაიდენთან პირისპირ შეხვედრისას განიხილავს. ,,გამარჯვების გეგმის“ შესახებ გადაწყვეტილებები კონკრეტულად ბაიდენზეა დამოკიდებული. სხვა მოკავშირეებზეც, მაგრამ არის გარკვეული პუნქტები, რომლებიც აშშ-ის კეთილ ნებასა და მხარდაჭერაზეა დამოკიდებული. მთელი გეგმა დამოკიდებულია ჩვენი პარტნიორების სწრაფ გადაწყვეტილებებზე, რომლებიც უნდა მიიღონ ოქტომბრიდან დეკემბრამდე. ეს პროცესები არ უნდა გადაიდოს“, – განაცხადა ზელენსკიმ. ასევე, ურსულა ფონ დერ ლაიენთან ერთობლივ პრესკონფერენციაზე ზელენსკიმ აღნიშნა, რომ უკრაინა გეგმავს…

,,ურსულა ფონ დერ ლაიენს ევროკავშირის პოლიტიკაზე შეუზღუდავი კონტროლი ექნება”, – წერს Politico. გამოცემის ცნობით, მას შემდეგ, რაც ევროკომისია პრეზიდენტმა 26 ევროკომისრით დააკომპლექტა, ცხადი გახდა, რომ მან ხელში ჩაიგდო ძალაუფლება და ბრიუსელს რეალურად სათავეში სწორედ ფონ დერ ლაიენი უდგას. Politico წერს, რომ ევროკომისიის პრეზიდენტმა ამ პოსტზე ჯერ კიდევ პირველი ვადით ყოფნისას შეიქმნა რეპუტაცია, რომ ერთპიროვნულ გადაწყვეტილებებს იღებს და ევროკავშირის სხვა ლიდერებს გადაწყვეტილებების მიღების პროცესში მონაწილეობის შესაძლებლობას არ აძლევს, რის გამოც მეტსახელად „დედოფალი ურსულა“ შეარქვეს.

,,თუ სიტუაცია გაუარესდა, ჩვენ შეგვიძლია ჩვენი ბერკეტებიდან რამდენიმე გამოვიყენოთ. არც ერთი შედეგი გამორიცხული არ არის, მათ შორის არც უვიზო რეჟიმის დროებითი შეჩერება”, – ამის შესახებ საქართველოში ევროკავშირის ელჩმა პაველ ჰერჩინსკიმ ჟურნალისტებს  „სამართლიანი არჩევნების“ ოფისში საქართველო ევროკავშირის ურთიერთობაზე საუბრისას განუცხადა. „ევროკავშირმა უამღლეს დონეზე, პრეზიდენტებისა და პრემიერ-მინისტრების დონეზე გამოხატა შეშფოთება საქართველოში მოვლენების განვითარების ტრაექტორიასთან დაკავშირებით. ჩვენ შეშფოთებული ვართ, რომ რეფორმების შესრულების ნაცვლად, რომლებიც საქართველოს ევროკავშირთან დაახლოებს, სამწუხაროდ, ბოლო თვეებში მოხდა რამდენიმე მოვლენა, რომელიც ზრდის მანძილს საქართველოსა და ევროკავშირს შორის. ჩვენ ეს ევროკავშირის შიგნით განვიხილეთ, ჩვენმა წევრებმა განიხილეს და ჩვენ ხმამაღლა და მკაფიოდ…

,,მთელი პატივისცემით, ბრიუსელის დახმარებას რომ ველოდოთ, ყელამდე წყალში ვიქნებოდით”, – ამის შესახებ უნგრეთის პრემიერ-მინისტრმა, ვიქტორ ორბანმა განაცხადა. მას კითხვა დაუსვეს ევროკომისიის პრეზიდენტის, ურსულა ფონ დერ ლაიენის განცხადებაზე, რომ ევროკავშირი წყალდიდობით დაზარალებული ცენტრალური ევროპის რეგიონებს დაეხმარება. „ქვეყანაში რთული ვითარება თუ შეიქმნება, არსებობს მექანიზმი, რომელიც შეიძლება, ცალმხრივი შეტყობინების გზით გააქტიურდეს. ჩვენ ეს გავაკეთეთ, რაც ნიშნავს, რომ ბრიუსელმა დაიწყო შემოწმება, საჭიროა თუ არა რაიმე სახის დახმარების გაწევა. როდესაც ბრიუსელის ეს რთული პროცედურები დასრულდება და ჩვენ არ ვიქნებით დასჯილი იმით, რომ არ მივიღებთ დამსახურებულ დახმარებას, რადგან ბრიუსელში ეს ყველაფერი კითხვის ნიშნის ქვეშაა, მაშინ მივიღებთ…

საფრანგეთის პრეზიდენტმა, ემანუელ მაკრონმა განაცხადა, რომ ლიბანი ვერ იცხოვრებს გარდაუვალი ომის შიშით და აღნიშნა, რომ კონფლიქტი თავიდან უნდა იქნას აცილებული. ამის შესახებ მან ლიბანელი ხალხისადმი მიძღვნილ ვიდეომიმართვაში ისაუბრა. „დღეს მქონდა შესაძლებლობა, მესაუბრა ლიბანელ ლიდერებთან, ასევე კრიზისში მთავარ მოთამაშეებთან – ისრაელიდან ირანამდე. მათ ვუთხარი, რომ ლიბანი დაცული უნდა იყოს და ომი თავიდან უნდა იქნას აცილებული. ეს თქვენი პოლიტიკური ლიდერების პასუხისმგებლობაცაა, რომ ამ მიმართულებით იმოქმედონ. არავის აქვს ესკალაციის ინტერესი. ლიბანის მთლიანობა, უსაფრთხოება და სუვერენიტეტი დაცული უნდა იყოს“, – განაცხადა ემანუელ მაკრონმა. საფრანგეთის პრეზიდენტმა მიმართვის დასასრულს ლიბანის პოლიტიკურ ძალებს მოუწოდა, დანიშნონ პრეზიდენტი ქვეყნის…