დღე: ივნისი 4, 2024

„აშშ-სა და საქართველოს ძლიერი კავშირი ბოლო პერიოდში თავდასხმის საგანი გახდა მმართველი „ქართული ოცნების” მხრიდან, რომელიც მილიარდერი ბიძინა ივანიშვილის მიერ იმართება“ – ამის შესახებ აშშ-ის კონგრესში საქართველოს შესახებ მოსმენაზე ჰელსინკის კომისიის თავმჯდომარემ, კონგრესმენმა ჯო უილსონმა განაცხადა. ჯო უილსონი ამბობს, რომ „ქართულმა ოცნებამ” ღიად უარყო ქართველი ხალხის დიდი ხნის განმავლობაში არსებული დემოკრატიული და ევროატლანტიკური არჩევანი. „ეს მოსმენა ქართველი ერისთვის კრიტიკულ მომენტში ხდება. 1991 წელს თავისი დამოუკიდებლობის ხელახლა მოპოვების შემდეგ, შეერთებულ შტატებსა და საქართველოს შორის ახლო, განუყოფელი ურთიერთობები ჩამოყალიბდა, რომლებიც დემოკრატიული პრინციპებისა და ძლიერი ევროატლანტიკური სივრცის საერთო ხედვას ეფუძნებოდა. სამწუხაროდ, ეს ძლიერი კავშირი ბოლო პერიოდში…

ჰელსინკის კომისიაში ამ წუთებში საქართველოსთან დაკავშირებით მსჯელობენ. მოსმენაში მონაწილეობას იღებენ აშშ-ის ყოფილი ელჩი საქართველოში უილიამ კორტნი, საქართველოს ყოფილი ელჩი ევროკავშირში ნატალია საბანაძე და ფონდ “ღია საზოგადოების” ევროინტეგრაციის პროგრამის მენეჯერი ვანო ჩხიკვაძე. ისინი დეტალური მოხსენებით წარდგებიან კონგრესმენების წინაშე საქართველოში არსებულ ვითარებასთან დაკავშირებით და ისაუბრებენ “უცხოური გავლენის გამჭვირვალობის შესახებ” კანონის მოსალოდნელ შედეგებზე. “მეგობრობის აქტის” ინიციატორი აშშ-ის საკანონმდებლო ორგანოს ქვედა პალატის წევრი – რესპუბლიკელი კონგრესმენი ჯო უილსონია.  

ესტონეთში წარადგინეს განცხადების პროექტი საპარლამენტო განხილვისთვის, რომელიც გმობს საქართველოს მთავრობისა და მმართველი პარტიის ანტიდემოკრატიულ ნაბიჯებს. ინფორმაცია ესტონეთის პარლამენტის ვებგვერდზე ვრცელდება. როგორც გავრცელებულ პრესრელიზშია აღნიშნული, ესტონეთის პარლამენტის (რიიგიკოგუ) საგარეო ურთიერთობათა კომიტეტის წევრები აცხადებენ, ფართო პროტესტის, ევროკავშირისა და საქართველოს მოკავშირეების მოწოდებებისა და საქართველოს პრეზიდენტის მიერ ვეტოს მიუხედავად, 28 მაისს საქართველოს პარლამენტმა მმართველი პარტიის, „ქართული ოცნების“ ხმებით, მიიღო კანონი „უცხოური გავლენის გამჭვირვალობის შესახებ“, რომელიც შთაგონებულია რუსეთის ფედერაციის ე.წ. „უცხოური აგენტების“ კანონით, რომელსაც პუტინის რეჟიმი იყენებს სამოქალაქო საზოგადოების, პრესისა და პოლიტიკური ოპოზიციის რეპრესირებისთვის. ისინი გმობენ საქართველოს მთავრობისა და საპარლამენტო უმრავლესობის ქმედებებს „უცხოური გავლენის გამჭვირვალობის…

“არ გამოვრიცხავთ, რომ რუსეთის საზღვრებთან დაძაბულობის კიდევ ერთი კერის შექმნის იმედით, მიზანი იყოს ხელისუფლების ცვლილება “მაიდნის” სცენარის განხორციელების მცდელობით“- განაცხადა რუსეთის საგარეო საქმეთა მინისტრის მოადგილემ, მიხაილ გალუზინმა TASS-თან ინტერვიუში, საქართველოზე საუბრისას. გალუზინი ამბობს, რომ ევროპა ცდილობს საქართველოში ოქტომბერში დაგეგმილი საპარლამენტო არჩევნების კონტექსტში სიტუაციის ესკალაცია მოახდინოს. „ჩვენ ვხედავთ დასავლელების მცდელობებს, რომ საქართველოში ოქტომბერში დაგეგმილი საპარლამენტო არჩევნების კონტექსტში სიტუაციის ესკალაცია მოახდინონ. არ გამოვრიცხავთ, რომ რუსეთის საზღვრებთან დაძაბულობის კიდევ ერთი კერის შექმნის იმედით, მიზანი იყოს ხელისუფლების ცვლილება “მაიდნის” სცენარის განხორციელების მცდელობით“ – განაცხადა მიხაილ გალუზინმა. გალუზინმა აღნიშნა, რომ აშშ და ევროკავშირის ქვეყნები ბევრ სუვერენულ…

“კრიტიკულად განწყობილ სამოქალაქო საზოგადოებაზე „უცხოური აგენტების“ შესახებ კანონით თავდასხმის შემდეგ საქართველოს მთავრობა მიზანში სექსუალურ უმცირესობებს იღებს”-  წერს სოციალურ ქსელში გერმანიის საგარეო ურთიერთობათა კომიტეტის თავმჯდომარე მიხაელ როთი. როგორც როთი ამბობს, საქართველოს მმართველმა პარტიამ უნდა შეაჩეროს ინიციატივები, რომლებიც ქვეყნის მომავლის განადგურებისკენაა მიმართული. „კრიტიკულად განწყობილ სამოქალაქო საზოგადოებაზე „უცხოური აგენტების“ შესახებ კანონით თავდასხმის შემდეგ საქართველოს მთავრობა მიზანში სექსუალურ უმცირესობებს იღებს. ლგბტი-ს წინააღმდეგ რუსულ სტილში რეპრესიები საქართველოს ევროპული ამბიციებისთვის კიდევ ერთი საგანგაშო ნიშანია. მმართველმა პარტიამ უნდა შეაჩეროს ინიციატივები, რომლებიც საქართველოს მომავლის განადგურებისკენაა მიმართული“ – წერს როთი.    

ე.წ ოფშორების კანონი ძალაში შევიდა. გამჭვირვალობის შესახებ კანონის მსგავსად ხელი მასაც პარლამენტის თავმჯდომარემ, შალვა პაპუაშვილმა მოაწერა. ,,ქართლი ოცნების” პარლამენტმა პრეზიდენტის ვეტო აღნიშნულ კანონპროექტზე 29 მაისს დაძლია. საგადასახადო კოდექსში ცვლილებები ,,ქართულმა ოცნებამ” დააინიცირა და დაჩქარებული წესით განიხილა. ცვლილების თანახმად, შეღავათიანი დაბეგვრის მქონე ქვეყანაში (ოფშორი) რეგისტრირებული საწარმოს აქტივების საქართველოს საწარმოსთვის გადაცემის შემთხვევაში მთელი რიგი საგადასახადო შეღავათები წესდება: 1.აქტივების გადაცემის ოპერაციის ფარგლებში, ოფშორში რეგისტრირებული უცხოური საწარმოს და მისი მფლობელი ფიზიკური პირის მიერ მიღებული შემოსავალი გათავისუფლებულია მოგების და საშემოსავლო გადასახადისგან; 2.აქტივის ან საქონლის საქართველოში შემოტანა გათავისუფლებულია იმპორტის გადასახდელისგან; 3.საქართველოს საწარმო, რომელიც ოფშორიდან აქტივებს მიიღებს,…

ენმ-ის თავმჯდომარე პარტიის ოფისზე თავდასხმის ღამეს გადაღებულ ვიდეოსათვალთვალო კამერების ჩანაწერს ავრცელებს და წერს, რომ თავდამსხმელებმა ტერიტორია 10-ობით ავტომობილით დატოვეს და ისინი საპატრულო პოლიციის ეკიპაჟმა გააცილა: ,,ენმ-ის ოფისზე თავდამსხმელები 10-ობით ავტომობილით ტოვებს ტერიტორიას, თავდასხმიდან 2 წთ-ში, “იდეალის” საპარკინგე სივრციდან. ვიდეოში გარკვევით ჩანს საპატრულო პოლიციის ეკიპაჟი, რომელიც აცილებს “ბანდიტების” ავტომობილებს და მხოლოდ ამის შემდეგ იძვრება ენმ-ის ცენტრალური ოფისისკენ, საიდანაც მიიღეს შეტყობინება ბანდფორმირების თავდასხმის შესახებ. მე-4 დღეა და 100-მდე ადამიანიდან არცერთი არ დაუკავებიათ … თავად მოაცილა და თავად გააცილა გომელაურის უწყებამ და შესაბამისად გასაგებია, რომ არაფერს გამოიძიებენ”, – წერს ხაბეიშვილი. შეგახსენებთ, რომ ენმ-ის…

პრემიერი წინა ხელისუფლებას ,,აგენტურად” მოიხსენიებს, საერთაშორისო პარტნიორებს კი ,,დირექტივების” გაცემაში ადანაშაულებს. ირაკლი კოაბხიძე ამტკიცებს, რომ ენმ დირექტივებს სწორედ უცხოური სახელმწიფოებისგან იღებდნენ. მისივე თქმით, ამგვარ დირექტივებს “ქრთული ცნება” არ შეეგუება და მხოლოდ ეროვნული ინტერესით იმოქმედებს. „მნიშვნელოვანია, რომ ურთიერთობები ეფუძნებოდეს ღირებულებებს და ამ ურთიერთობებს ჰქონდეს პარტნიორული ხასიათი და არ იყოს ისეთი დამოკიდებულება, რომ თითქოს რომელიმე სხვა სახელმწიფო შეიძლება იყოს ქართულ სახელმწიფოზე ზემდგომი. ამაზე გვაქვს ჩვენ საუბარი. როდესაც საქართველოში ხელისუფლებაში იყო აგენტურა, ისინი კი არ უსმენდნენ პარტნიორებს, ისინი დირექტივებს იღებდნენ უცხოური სახელმწიფოებისგან. საქართველოს ხელისუფლება არავისგან არ მიიღებს დირექტივებს და იმოქმედებს მხოლოდ და მხოლოდ…

თბილისის მერი კახა კალაძე საქართველოს პრეზიდენტ სალომე ზურაბიშვილის მიერ ანაკლიის პორტის მშენებლობის პროექტთან დაკავშირებით გაკეთებულ განცხადებას პასუხობს. როგორც დედაქალაქის მერმა აღნიშნა, ანაკლიის პორტის პროექტში ჩართვის სურვილი ევროპულ და ამერიკულ კომპანიებს არ გამოუთქვამთ. „სამარცხვინოა მისი განცხადება. ზოგადად, მისი ქმედებებია სამარცხვინო ბოლო თვეების, ბოლო წლების განმავლობაში. მე თუ მკითხავთ, ეს ადამიანი საერთოდ გონზე არ არის, რა პროექტზეა საუბარი და რამდენად მნიშვნელოვანია ჩინური კომპანიის არსებობა. ეს ყველაფერი ხომ გამჭვირვალე იყო? თუ სურვილი ჰქონდათ ევროპულ და ამერიკულ კომპანიებს, მიეღოთ მონაწილეობა და მათ განეხორციელებინათ ეს პროექტი. ვინ უშლიდათ? ვინ შეზღუდა? გადაედგათ ეს ნაბიჯი და გაეკეთებინათ“,…

თბილისის მერმა კახა კალაძემ მედიასთან შესაბამისი კითხვის საპასუხოდ განაცხადა, რომ სალომე ზურაბიშვილის „ქარტიას“ პოლიტიკურ სპექტრში არანაირი ცვლილების გამოწვევა არ შეუძლია. მისივე განმარტებით, მსგავსი გაერთიანებები, რომლებიც ქვეყნის საწინააღმდეგოდ მოქმედებენ, მარცხისთვის არიან განწირულები. „ქარტიის შემქნით არაფერი შეიცვლება. ვიცით, კონკრეტული პოლიტიკური პარტიები რას წარმოადგენენ. ერთი დიდი რადიკალური დაჯგუფებაა, რომელთა მთავარი მიზანია ბრძოლა ქვეყნის, ხალხის და ეროვნული ინტერესების წინააღმდეგ. ასეთი მოძრაობები და პოლიტიკოსები მარცხისთვის არიან განწირულები. ძალიან კარგია მათი ერთად შეყრა, ისინი რეალურად ერთ ხაზს წარმოადგენენ, ერთი პატრონი ჰყავთ, ეს გადაწყვეტილებაც ამის დასტურია“, – განაცხადა კახა კალაძემ.

„ბუნებაში არ არსებობს მიზეზი, რომ საქართველოს ხელისუფლების წარმომადგენლები დასანქცირდნენ – თუ იცით რამე მიზეზი, მითხარით და მივიღებ, შეიძლება ბოდიშიც მოვიხადო“, – ამის შესახებ „ქართული ოცნების“ გენერალურმა მდივანმა, თბილისის მერმა კახა კალაძემ განაცხადა. მისი შეფასებით, სანქციებზე საუბარი არასერიოზულია. „როდესაც სხვა ქვეყნის წარმომადგენელს ასანქცირებ, ამას საბაბი უნდა ჰქონდეს. არანაირი საფუძველი არ არსებობს, რომ ხელისუფლების წარმომადგენლები დასანქცირდნენ. ამის არანაირი არგუმენტი არ არსებობს. არასერიოზულია სანქციებზე საუბარი. მზად ვართ, ურთიერთობები გავაღრმაოთ. იყოს მეგობრობა, სტრატეგიული პარტნიორობა გაღრმავდეს. იყოს ჯანსაღი ურთიერთობები, ჩვენი გზა არის ევროპა და ევროპული მომავალი. თუ რაიმე წარმატება გვაქვს მიღწეული ამ გზაზე, ჩვენი ხელისუფლების…

,,ჩვენი ქვეყანა იქნება სტაბილური და შევინარჩუნებთ მშვიდობას – ძალიან ბევრ არაკეთილმოსურნეს აქვს ინტერესი, რომ ამ ქვეყანაში დაირღვეს ჯერ სიმშვიდე და მერე მშვიდობა, თუმცა ამის საშუალებას ჩვენ ბუნებრივია, არავის მივცემთ”, – ამის შესახებ საქართველოს პრემიერ-მინისტრმა ირაკლი კობახიძემ ჟურნალისტებს განუცხადა. პრემიერის თქმით, ყველამ დაინახა, რომ ქვეყნის ძლიერებას ვერავინ შეარყევს და საქართველოში რევოლუციის მოწყობა არის შეუძლებელი. „ქვეყნის სტაბილურობას არ აქვს არავითარი თვისებრივი გამოწვევა. ჩვენი ქვეყანა იქნება სტაბილური და შევინარჩუნებთ მშვიდობას. ძალიან ბევრ არაკეთილმოსურნეს აქვს ინტერესი, რომ ამ ქვეყანაში დაირღვეს ჯერ სიმშვიდე და მერე მშვიდობა, თუმცა ამის საშუალებას ჩვენ ბუნებრივია, არავის მივცემთ. რაც შეეხება…

,,ერთიანი ნაციონალური მოძრაობის” თავმჯდომარემ ენმ-ს ოფისში მისულ ელჩებთან ,,ქართული ოცნების” ძალადობრივ ქმედებებზე და დაშინების მცდელობებზე ისაუბრა. ოპოზიციონერმა ლიდერმა ხაზი გასუვა, რომ ივანიშვილის ხელისუფლება სამართლიანი და ობიექტური არჩევნების ჩატარებას არ გეგმავს და ამიტომ ახლა თავდასხმებზეა გადასული. იხილეთ განცხადება: „სამი დღე გავიდა, რაც 100-მდე ბანდიტი თავს დაესხა „ნაციონალური მოძრაობის“ ოფისს და ერთი ადამიანიც არ არის დაკავებული. გაგიკვირდებათ და 100 ადამიანიდან ერთის იდენტიფიცირებაც ვერ მოადინეს. ჩ ვენ ჩვენს პარტნიორებს  ვუზიარებთ ინფორმაციას, რომელიც უკავშირდება თავდასხმებს არამარტო „ნაციონალურ მოძრაობაზე“, არამედ სხვადასხვა პოლიტიკურ პარტიებზე, სამოქალაქო აქტივისტებზე, ადამიანებზე, მათ შორის იმ მუქარის შემცველ ზარებზე, რის შემდეგაც ჩვენი…

,,ჩემს ანგარიშში ძირითადი აქცენტი გაკეთდება 8 თებერვლიდან ივნისის ბოლომდე არსებულ პერიოდზე, ასევე სამომავლო გეგმებზე”, – ამის შესახებ საქართველოს პრემიერ-მინისტრმა ირაკლი კობახიძემ ჟურნალისტებს პარლამენტში პრემიერის ანგარიშის წარდგენის შესახებ დასმული კითხვის საპასუხოდ განუცხადა. პრემიერის თქმით, საშემოდგომოდ იქნება წარდგენილი ოთხწლიანი გეგმა იმასთან დაკავშირებით, თუ როგორ ესახება მმართველ გუნდს ქვეყნის განვითარება. „ამ ანგარიშში არის ასახული გასული წლის ღონისძიებები, რაც განხორციელდა საქართველოს მთავრობის მიერ. განსაკუთრებული აქცენტი გაკეთდება ბოლო რამდენიმე თვეზე. 8 თებერვლამდე მე წარვადგინე ანგარიში მთავრობის საქმიანობის შესახებ და ძირითადი აქცენტი გაკეთდება 8 თებერვლიდან ივნისის ბოლომდე არსებულ პერიოდზე, ასევე სამომავლო გეგმებზე. გარდა ამისა, ჩვენ საშემოდგომოდ…

პრემერის თქმით, სანქციებზე საუბარი შტატების მხრიდან არასერიოზულია. მისივე შეფასებით, სანქციებზე საუბარი კონტრპროდუქტიულია სწორედ იმ სუბიექტებისთვის, რომლებიც ამაზე საუბრობენ. „სანქციებზე საუბარი ჩვენთვის არასერიოზულია თუ ვინმე საუბრობს, ეს არის კონტრპროდუქტიული სწორედ იმ სუბიექტებისთვის, რომლებიც ამაზე საუბრობენ. ვინც არ უნდა გააკეთოს შესაბამისი განცხადება იქნება არასერიოზული და კონტრპროდუქტიული. რაც შეეხება ელექტრონულ ფოსტას, ეს ჩვეულებრივი ტყუილია და მეორე, როდესაც თემა არასერიოზულია, ასეთ თემას ვერ ჩავუღრმავდებით. როდესაც ყოველგვარი მტკიცებულების  გარეშე 4 მოსამართლეს დაუწესეს სანქციები, ამან დააზიანა ამერიკის იმიჯი საქარტველოში. მტკიცებულებები მოვითხოვეთ და მათ ვერანაირი მტკიცებულებები ვერ წარმოადგინეს და ეს აზიანებს აშშ-ს ინსტიტუტების იმიჯს“, – განაცხადა კობახიძემ.

,,გავრცელდა დეზინფორმაცია და ამის საფუძველი, სამწუხაროდ, შექმნა გერმანიის ელჩმა, რომელმაც ისე გაავრცელა გერმანიის კანცლერის განცხადება, რომ შექმნა აღქმა საქართველოზე საუბრის თაობაზე და შემდეგ ეს აიტაცეს კონკრეტულმა მედიასაშუალებებმა, გაავრცელეს შესაბამისი დეზინფორმაცია. ეს ძალიან სამწუხაროა”, – ამის შესახებ პრემიერმა ჟურნალისტის კითხვის პასუხად განაცხადა. მისივე თქმით, განსაკუთრებით სამწუხარო და შემაშფოთებელია ამ ყველაფერში გერმანიის ელჩის როლი. „ეს ყველაფერი, რა თქმა უნდა, უნდა გახდეს გერმანიის სახელმწიფოს ყურადღების საგანი. პირველ რიგში, გერმანია არის ჩვენი მეგობარი და პარტნიორი სახელმწიფო და ვერც ერთი ელჩი ვერ მოახერხებს ამ ტრადიციულ მეგობრობასა და პარტნიორობაში რაიმე ხინჯის შეტანას, რასაც ცდილობს მოქმედი ელჩი.…

,,სალომე ზურაბიშვილმა ნათელაშვილის ფანჩატურის რეინკარნაცია შემოგვთავაზა და რა თქმა უნდა, უკვე ჩავარდნილი პროექტის გაცოცხლება განწირულია წარუმატებლობისთვის”, – ამის შესახებ საქართველოს პრემიერ-მინისტრმა, ირაკლი კობახიძემ ჟურნალისტებს განუცხადა. როგორც მთავრობის მეთაურმა აღნიშნა, რეალურად სალომე ზურაბიშვილმა შექმნა უცხოელი აგენტების პარტიული რეესტრი. „ზოგადად, როცა რაიმე პროექტი ჩავარდება, იმის თავიდან დაწყება არ არის ხოლმე მომგებიანი. გახსოვთ ეს პროექტი არსებობდა ადრეც, ამას უწოდებდნენ ნათელაშვილს ფანჩატურს და ამის რეინკარნაცია შემოგვთავაზა სალომე ზურაბიშვილმა. რა თქმა უნდა, უკვე ჩავარდნილი პროექტის გაცოცხლება არის განწირული წარუმატებლობისთვის – ზუსტად იგივე სახეები, იგივე ადამიანები, აბსოლუტურად არაევროპული სახეები, ამას ვიტყვი პირველ რიგში, წარმატების პერსპექტივა ამ…