პარლამენტში, სადაც კომიტეტების გაერთიანებული სხდომაზე მინისტრობის კანდიდატებს უსმენენს, ხმაური იყო. “კანონი და სამართლის” დეპუტატს, თამარ ჩარკვიანს კომიტეტის სხდომა დაატოვებინეს.
ჯანდაცვის კომიტეტის თავმჯდომარე ზაზა ლომინაძემ მას შენიშვნა არაერთგიზ მისცა. ერთ-ერთი მიზეზი კი ის გახდა, რომ ჩარკვიანმა დეპუტატ მიხეილ სარჯველაძეს სიტყვა შეაწყვეტინა.
“უკვე მესამედ მოგეცით შენიშვნა, ქალბატონო თამარ. გთხოვთ, დატოვოთ დარბაზი. მგონი, ეს გინდოდათ თქვენც და დატოვეთ დარბაზი! “, – მიმართა ლომინაძემ ჩარკვიანს.
ჩარკვიანმა სხდომა დატოვა, თუმცა, მანამდე კი ლომინაძეს ასე მიმართა: „ისედაც, წულუკიანის მოსასმენად ხომ არ დავრჩებოდი?!”